انا ذبحتكم بأسألتي والله عارفه ومثقله عليكم بس اتحملوا اختكم
انا بشرتي على بيضه وابغي اخذ بودرة ماك(ستيديو فكس) ابغي رقم بودره حلوه لاتكون غامقه ولا فاتحه وايد
ومشكووورين
انا ذبحتكم بأسألتي والله عارفه ومثقله عليكم بس اتحملوا اختكم
انا بشرتي على بيضه وابغي اخذ بودرة ماك(ستيديو فكس) ابغي رقم بودره حلوه لاتكون غامقه ولا فاتحه وايد
ومشكووورين
فديتج احسن طريقه تروحين تجربين البودره بنفسج في المحل
قولي للخبيره وهي بتختار لج انسب الدرجات ..
جربيها على بشرتج مب يدج
خصوصاً ان ماك عندهم غرفة مكياج مسكره ،، يعني تقدرين تجربين براحتج
عدل كلام أختي Marshmallows
بس ترى عن تجربه طوويله ويا بودرات MAC
أغلبهم يعطون reflction انج أسمر من لونج بدرجه!!
مادري ليش أحسهم كذااا :gum:
اي صح ،، اذا بغيت بودره بنفس لوني يعطوني درجه اغمق من لوني :sad:المشاركة الأصلية كتبت بواسطة عنود الغيد
قولي لهم يعطونج افتح بدرجه او درجتين
لا مب سالفة يعطووني!!المشاركة الأصلية كتبت بواسطة Marshmallows
حتى لو آخذ نفس لوني بالضبط!!
بعد احس انها امسمرتني!!
وأمي اتهاوشني!! :confused:
قبل سنتين!!!
الفلبينيه اللي عندهم اللي شعرها قصير!! مب ديبي الثانيه!!
كان تقول لي ان الستديو فكس
تستخدم بالماي!!
وآنا تعجبت منهااا!!
لأني احطها بدون ماي!!
ويوم سألت الماكير اللبناني اللي عندهم!! مب الصيف اللي طاف اللي قبله!!
قال لي أصلن مافيه عندنا ولا برودكت يستخدم بالماي!!
شسالفه!! :qaq:
لالالا امبله حبيبتي بودرة ماك ممكن تستخدم مع الماي
انا رفيجتي تستخدم البودرة كأساس وعجيب تره
هلا الغاليه..
افضل انج تروحين محل من محلات ماك و تجربين البودره على ويهج لان كل شخص يختلف ذوقه
عن الثاني
و بنفس الوقت كل شخص و لون بشرته في ناس تحب تفتح و في ناس تحب تاخذ نفس لون بشرتها
بالضبط فالافضل لج انج ما تعتمدين على راي الغير و تروحين تجربين بنفسج عسب ما تتندمين
على الي شريتيه لو ما ناسبج لا سمح الله..
و لج حرية الاختيار حبوبه ..
هلا حبوبه مثل ماقالو البنات
الاحسن انج تروحين بتفسج وتجربين اللون الاحلى والانسب
لج ولبشرتج
وانا انصحج انج تطلبين افتح بدرجتيين من لون البشره
وانشالله افدتج
مثل ماقالولج البنات جربي عندهم اظمن
وانا انصحج بـ ان سي 25 حلوو ع البشره البيضااا
================
عنود الغيد
مثل ماقلتي ماك ماعندهم اي منتج تستخدمينه بالماي
هذا على كلام زينه اللي تشتغل في مااك
وقلت لها انا استخدم البودره بالماي لاني احسها تثبت اكثر
فعطتني مثبت للبودره مثل الاساس السائل قلتلي حطيه وحطي فوقه البودره بدون ماي
بس ماحبيته بالماي احسن وان شاء الله مب ضار
مشكووووووووووووووورات ي اغلى خوات (كوكو شانيل ونجمة الليل وحب القلوب وصمت الأصايل وعنود الغيدوwmarchmallows
على الافاده وردكم علي ويجعله في ميزان حسناتكم وبصراحه انتو ماتقصروووون ابد
هلا حبوبه انا عن نفسي ما اقتنعت ببودره ماك
بس مره سمعت اللي تبيع تقول حق وحده اذا تبين وزعيها مع الماي
بس قالت ما انصح بهالشي بس اذا تبين اوكي
كيف ما انصح و اذا تبيين اوكي
تناقض هههههههههههههه