روابط قد تهمك :
فساتين العروس | تسريحات | تنظيم الاعراس | زخرفة | عالم حواء


النتائج 1 إلى 2 من 2

الموضوع: شاهد على العصر (مايقوله النساء بعد كل زواج)

  1. #1
    عروس نشيطة
    تاريخ التسجيل
    13/02/2002
    الدولة
    usa
    المشاركات
    117

    شاهد على العصر (مايقوله النساء بعد كل زواج)

    البارحه ذهبت لأحضر العائله من زواج احد الأقاربانا : اركبوا السياره وكل وحده تنتبه لا تصك باب السياره على عبايتها
    وبمجرد ما انقفل باب السياره بدأ الأستديو التحليلي اسمعوا ما قاله وما يقوله النساء بعد كل زواج
    الأولى : ايش فيك تأخرتي؟
    الثانيه : ساعه قاعده ادور على عباتي انتي ما شفتي الحريم يتضاربون عند العبايات العبايات تلخبطت
    الثالثه : يا ليتنا ما رحنا زواجهم
    انا : ليش؟
    الثالثه : زحمه والبزران يتضاربون بقشر البرتقال ويلعبون بالمويه
    الأولى : ما شفتي ذيك اللي كبت القهوه على الحرمه اللي كانت نايمه؟
    الثالثه : لا والله ما شفتها انا ما شفت ولا شي في الزواجطول الوقت قاعده ادور على جزمة بنتي مها
    الثانيه : ايش رايكم في الفستان اللي لابسته هدى؟
    الأولى : مو حلو محنقط عليها والسحاب باين
    الأولى: انا اعجبني مكياج أمل تقول ان زوجة خالها جابته لها هدية من باريس
    الثالثه : هههههه من باريس تضحك عليك يا هبلا تلقينه من محلات ابو عشره
    وقفه
    ***************
    الغريب والعجيب انهم واثناء حديثهم في السياره يقولون لبعضهم خلاص يا بنات
    بس ترى ما يجوز نتكلم على الناس
    الثانيه : صح والله كلامك يا اختي ما يجوزنتكلم عليهم بس شفتي الحرمه اللي كانت قاعده جنبي على العشاء وتقطع لي لحم؟
    الأولى : ايوه شفتها هههههههه متوصيه فيك شكلها بتخطبك لولدها
    الثانيه : وجع في شكلها هي وولدها قاعده تقطع لي من اللحم الكبار اللي ما ينوكل
    وهي طايحه في اللحم الزين
    العشاءانا : ايش رايكم في العشاء
    الثالثه : دسم وكله شحم
    الأولى : باردالثانيه :اللحم كبار
    الثانيه : وفيه حريم ما تعشوا قاعدين على الكراسي اللي في الكوشه شايفين نفسهم الأولى : حتى ام العروسه ما تعشت مسكينه طول الوقت قاعده تبكي
    الثالثه : هههههههههه تبكي من الفرحه يا هبلا ما شفتي صدرها منتفخ من الفلوس
    بس خلاص ما يجوز صح والله ما يجوز بس شفتي وشفتي وشفتي
    واخيرا وصلنا المنزل
    أنا : شوفو لي حبتين باندول اكسترا
    **********************************

  2. #2
    عروس ماسية الصورة الرمزية اديب
    تاريخ التسجيل
    10/02/2002
    الدولة
    كل أرض يذكر فيها اسم الله
    المشاركات
    4,794
    اختي اروى


    الحمد لله انه شهد شاهد من اهلها

    على ان هذه هي مجالس النساء



    لكن تدرين اقول مو مشكله وذنبكم على جنبكم


    بس لا تسبون في الرجال الضعفاء اللي مالهم ذنب



    اديب

المواضيع المتشابهه

  1. @@ماذا تفضلين زواج من الاقارب(الاهل) ام زواج من خارج العايله؟؟؟@@
    بواسطة العنب في المنتدى الشؤون الأسرية و الإجتماعية و أخبار الأعضاء و مناسباتهم
    مشاركات: 125
    آخر مشاركة: 24/09/2012, 03:14 AM
  2. الاكتئاب مرض النساء أم آفة العصر؟
    بواسطة سلطان الظهران في المنتدى الصحة و الطب
    مشاركات: 2
    آخر مشاركة: 18/06/2003, 12:15 AM
  3. مايقوله قلبى
    بواسطة visitor في المنتدى الواحة الأدبية
    مشاركات: 9
    آخر مشاركة: 15/05/2003, 07:59 PM
  4. زواج العصر
    بواسطة سمر في المنتدى مجلس بنات عروس الثقافي
    مشاركات: 5
    آخر مشاركة: 07/12/2002, 05:38 PM