روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 1 من 3 123 الأخيرةالأخيرة
النتائج 1 إلى 15 من 34

الموضوع: موضووع مفيد للي تبغى تمتن واللي تبغى تضعف .... تمارين رياضية بالصور

  1. #1
    عروس مبدعة
    تاريخ التسجيل
    09/12/2004
    الدولة
    مغتربة في امريكا
    المشاركات
    663

    موضووع مفيد للي تبغى تمتن واللي تبغى تضعف .... تمارين رياضية بالصور

    السلام عليكم ورحمة الله وبركاته ‏
    كيف حالكم يابنوتاات عرووس؟؟
    اليوم جبت ليكم موضوع مفيد للكل:clap: ‏
    للنحيفه وللمتينه ‏
    هالموضوع عندي في الكمبيوتر صار له فتره اخذته من موقع اجنبي بس بكتبه بالعربي و الصور نفس الشي بس ظللتها ‏
    بس كنت مشغوله و ماعندي وقت انزله:sad:
    ولا طبقته ولاشي
    بس الحين بعد مامليت من الانتقادات على جسمي اني نحيفه ولازم امتن
    وبعد ما جربت فاتح الشهيه وكل شي ولا فادني :angry:

    ولاني جربت الرياضه قبل سنه وفادتني بس لازم اخلص الرياضه وارجع اكل اشيا مليانه سعرات حراريه ‏
    والحمدالله استفدت عليها
    صار جسمي مشدود و فيه عضلات وشكله حلووووو :shy: والاحلى اني متنت:clap:
    وهذا اللي شجعني ارجع للرياضه مره ثانيه

    بس بنات اللي تبغى تضعف بعد ماتسوي الرياضه تنتظر فتره بدون ماتاكل اشيا تمتن
    وبالعكس للبنات اللي تبغى تمتن تخلص الرياضه و تاكل اللي تقدر عليه وطبعا لازم طول اليوم اكل مستمر يعني مو بس وقت الرياضه
    اجسامنا تحرق بسرعه ولازم نعوضها :gum:

    واصلو عليها 3 اسابيع وبتشوفون الفرق
    النشاط و انكم ماتتعبون بسرعه ‏
    ومافيه خمول :cool2:

    خلاص كأني طولتها وهي قصيره ‏
    خخخخخخخخخخ

    اول شي وقبل ماتبدأون ‏
    لازم كل وحده تتأكد انها تقدر تسوي رياضه مافيها اصابه والا شي ‏
    ولازم بعد ‏warm up ‎‏ لمدة 5- 10 دقايق علشان يتجهز الجسم والعضلات ويصير فيه مرونه ‏
    حاولو تمشون في البيت والا في نفس المكان من المشي العادي وتزيدون في السرعه ‏
    ولو عندكم جهاز مشي اوكي ‏
    كل تمرين سووه في البدايه من 10 – 16 مره تكرار و اذا احتجتون لراحه وقفو التمرين شوي
    مافيه مشكله

    وبالنسبه لتمارين الاثقال ‏
    يفضل البدء بوزن خفيف والا بدون وزن لحد مايتعود الجسم على التمرين وبعدين نزيد الوزن
    بعد مانختم هالتمارين ولانها للمبتدئين بنزل التمارين للمستوى الوسط ‏
    وهالتمارين سووها يوم وترك
    يعني يوم ايه ويوم لا ‏

    يالله نبدأ اول تمرين طبعا بعد ال ‏warm up ‎



    ‏1 / ‏Floor Squat
    اول شي نوقف على الارض والاقدام متباعده عن بعض بمسافه اعرض من الاكتاف وننحني بحيث تكون الايد على كرسي ‏والا كوره والا شي مرتفع نفس الصوره ‏




    ‏ نثني الركبه و يكون الوزن مركز على كعب القدم وننزل بالحوض للمستوى اللي يكون متوازي مع الارض مثل الصوره ‏وتكون المعده للداخل ونقدر نشوف اصابع القدم



    ونكرر التمرين





    ‏2/ ‏Wall push up
    نوقف مقابل للجدار بس ببعد خطوتين او ثلاث خطوات و نمد الايد على الجدار وبتكون متوازيه مع الارض



    ونميل على الجدار كأن ندفعه




    ونكرر التمرين ‏


    ‏3/ ‏assisted Lunge
    هالتمرين نحتاج كرسي والا شي نستند عليه
    مثل الصوره ‏



    نحافظ على الجسم مستقيم وننزل للأسفل وطبعا لازم ننتبه ان الركبه للقدم الاماميه ماتعلى على اصابع القدم شوفو الصوره ‏وبتفهمون قصدي



    وعلشان نرجع للوضعيه الاولى ندفع بالقدم ونوقف انتبهو ماتعتمدون على الكرسي ‏
    بعد مانعيد التمرين ونكرره نبدل القدم ونسوي نفس الشي للقدم الثانيه ‏



    ‏4/ ‏Rear Delt with Good Mornings


    نوقف مستقيم ونفتح الايادي نفس الصوره ويكون مستوي الايد نفس مستوي الكتف



    و ننحني للأمام 90 درجه بدون ماتتقوس الركبه




    وللرجوع للوضع الأول نرجع بس نحافظ على الجسم مستقيم
    ونكرر التمرين



    ‏5/‏ball Deadlifts

    نوقف امام الكوره و الركبه تكون مستقيمه ننحني لنمسك بالكوره نفس الصوره



    ونرجع نعتدل واحنا حاملين الكوره




    ونكرر التمرين بس لازم ننتبه ان نكون ثابتين في نفس المكان
    ‏ يعني مانقوس الركبه وكل شي في الجسم في مكانه مايتحرك




  2. #2
    عروس مبدعة
    تاريخ التسجيل
    09/12/2004
    الدولة
    مغتربة في امريكا
    المشاركات
    663
    ‏6/ ‏Bicep Curl with Lateral Raise

    نوقف والأرجل متاعده عن بعض بمسافة صغيره تقريبا بعرض الحوض ونكون حاملين ثقل خفيف في البداية لو كان بدون ‏‏ثقل عادي وبعدين نزيد الثقل شوي شوي بعد مانتعود على التمرين في البداية يكون الثقل قريب من الاكتاف نفس الصوره



    نرجع الثقل للأسفل ونلف الثقل لحد ماالثقل يكون متقابل ‏



    بعدها نفتح الايد ونرفعها لحد ماتكون الايد في مستوى الكتف نفس الصوره ‏



    ننزل الايد ونرجع نكرر التمرين



    ‏7/ ‏tricep press

    نجلس على كرسي والا الكوره على حسب المتوفر ‏
    ونحمل ثقل واحد ونمسكه بالايدين ‏
    نفس الصوره ‏



    ونرجع بالثقل للخلف ببطء وننتبه ان ماتنزل الايد اكثر من 90 درجه
    بكون تقريبا في مستوى الاذن ‏



    ونرجع للوضع الاول ببطء ونكرر التمرين



    ‏8/ ‏crunches

    هذا التمرين واضح من الصور ومايحتاج شرح ‏



    ونرتفع للأمام ‏



    ونعد للثلاثه ونرجع ببطء للوضع الاول ونكرر التمرين
    في بداية الايام بكون هالتمرين صعب بس مع التكرار بصير سهل ويشد عضلات البطن ‏

    واخر تمرين
    ‏ ‏
    ‏9/ ‏oblique Crossover Crunches


    ننام على الظهر و نحط الرجل اليمين على ركبة الرجل اليسار نفس الصوره ‏



    وبعدها نرفع الكتف اليسار وننحنى ونحاول نوصله لركبة الرجل اليمين نفس الصوره
    ‏ ‏



    في البدايه بكون صعب و لو ماوصل الكتف للركبه عادي بس مع الايام بيوصل
    ونكرر التمرين قبل مانبدل الجهه ‏




    وخلصنا التمارين :clap: ‏
    انشالله بعد فتره 3 اسابيع او 4 تصير هالتمارين سهله على الكل:cool2: ‏
    ‏علشان أنزل المستوى الثاني المتوسط

    وطبعا اللي بتقل الموضوع تنقله عادي بس الامانه مطلوبه و لاتنسى تنسب الموضوع لصاحبته الاصليه و تذكر اسم ‏المنتدى(r) ‏

    ولاتنسوني من دعائكم ‏

    ادعو لي ان الله يفرجها علي و اتوفق في دراستي :yes: ‏
    واذا بتدعون لي بالزوج الصالح مافيه مشكله لاني عزابيه :shy: خخخخ

  3. #3
    عروس مشرقة الصورة الرمزية RAGAWI
    تاريخ التسجيل
    24/07/2004
    الدولة
    oman
    المشاركات
    452
    السلام عليكم ورحمة الله وبركاته



    ما شاء الله وتبارك الله ع مجهودك الطيب أختي sweeta girl شاطره

    برافووووووووووو:clap: :clap: :clap: أبدعتي موضوع مميز مفيد


    هذا المطلوب في منتدى الصحه الرياضة الرياضة الرياضة أتمنى أن المواضيع الرياضية يكون لها النصيب الاكبر في هالقسم


    [glint]((الله يرزقك بزوج صالح قرة عينك يحب الله ورسوله ))[/glint]



    بالنسبة لي موضوعك جذااااااااااااب بلا عذاااااااااااب :shy:



    RAGAWI

  4. #4
    عروس متألقة الصورة الرمزية أحلى المعاني
    تاريخ التسجيل
    26/10/2006
    الدولة
    عمــــ قطـر ــــري
    المشاركات
    273

    ,,

    تسلمين حبوبه يعطيج العافية

    وربي يوفقك بإمتحاناتج ويرزقج الزوج الصالح ..آآآمين ..

    حاسه من الحين بنشاط ^^

    بس ان شاء الله اخلص امتحاناتي وابتدي بالتمرينات

    ,,

  5. #5
    عروس مبدعة الصورة الرمزية *$قوت القلوب$*
    تاريخ التسجيل
    19/06/2004
    الدولة
    ღحبيبتـــ قطر ــــيღ
    المشاركات
    858
    تسلمين حبوبه يعطيج العافية

  6. #6
    عروس متألقة الصورة الرمزية حلـ الرشاقه ـم
    تاريخ التسجيل
    02/11/2006
    الدولة
    ف قلب احبابي ي!!!!!!!!!!
    المشاركات
    267
    [frame="2 80"]تسلمي اختي على التمارين وفعلا تمارين ممتازه :clap: :clap: :clap:
    جزاك الله خير[/frame]

  7. #7
    عروس جديدة الصورة الرمزية جنةالرحمن
    تاريخ التسجيل
    15/11/2006
    الدولة
    الامارات
    المشاركات
    46
    تسلمين يالطيبة
    اليوم اول يوم من اجازة الربيع وكنت مقررة إني العب رياضة بعد ما انقطعت عنها صارلي سنة
    بس كنت محتارة بنوعية الرياضة لأني جسمي متناسق وأبى أحافظ عليه وأعاني من ترهل بالفخذين من غير سمنة بالمنطقة وصغر الصدر وكنت أبى رياضة للشد وتشكيل عضل لكن خايفة تصير عضلات تشوه منظري
    [glow=FFCC66]اختي اسمحيلي عالإطالة وياريت تنصحيني هل هذي الرياضة مناسبة لحالتي وشو لازم العب غيرها عشان الشد[/glow]

  8. #8
    عروس مبدعة
    تاريخ التسجيل
    09/12/2004
    الدولة
    مغتربة في امريكا
    المشاركات
    663
    مشكوووووووووورين خواتي على المرور والرد
    والحمدالله عجبكم الموضوع

  9. #9
    عروس جديدة الصورة الرمزية جنةالرحمن
    تاريخ التسجيل
    15/11/2006
    الدولة
    الامارات
    المشاركات
    46
    تسلمين يالطيبة
    اليوم اول يوم من اجازة الربيع وكنت مقررة إني العب رياضة بعد ما انقطعت عنها صارلي سنة
    بس كنت محتارة بنوعية الرياضة لأني جسمي متناسق وأبى أحافظ عليه وأعاني من ترهل بالفخذين من غير سمنة بالمنطقة وصغر الصدر وكنت أبى رياضة للشد وتشكيل عضل لكن خايفة تصير عضلات تشوه منظري
    [glow=FFCC66]اختي اسمحيلي عالإطالة وياريت تنصحيني هل هذي الرياضة مناسبة لحالتي وشو لازم العب غيرها عشان الشد[/glow]:shy:

  10. #10
    عروس مبدعة
    تاريخ التسجيل
    09/12/2004
    الدولة
    مغتربة في امريكا
    المشاركات
    663
    اختي جنةالرحمن
    انا ماعندي خلفيه كبيره في الرياضه
    بس من تجربتي
    احس ان الرياضة مفيدة للجميع المتين والضعيف وحتى اللي جسمه متناسق
    لان الرياضة تخلي الجسم متناسق بس مو دهون لا عضلات
    وهالشي اكيد مفيد للجسم ان يكون عضلات بدل الدهون
    لان الدهون تسبب مشاكل صحية
    ولو تلاحضون اهلنا الكبار اجسامهم اقوى منا
    لانهم كانو يمارسون الرياضة بس بطريقه غير مباشره
    كانو يشتغلون في المزراع
    ويمشون دايما ماكان عندهم لا السيارات ولاشي
    والمشي لوحده رياضه
    وبالنسبه لتكبير الصدر فيه موضوع للمشرفة المتميزه بنت عذاري فيه طريقه لتكبير الصدر
    وببحث وبدور تمارين رياضية لشد الصدر يمكن القى

  11. #11
    عروس مبدعة
    تاريخ التسجيل
    09/12/2004
    الدولة
    مغتربة في امريكا
    المشاركات
    663
    هذا موضوع المشرفه بنت عذاري
    تكبير وشد الصدر و المؤخره بطريقة بنت عذاري

    http://www.3roos.com/forums/showthre...E3%C4%CE%D1%E5

  12. #12
    عروس مبدعة
    تاريخ التسجيل
    09/12/2004
    الدولة
    مغتربة في امريكا
    المشاركات
    663
    وهذا الموضوع للأخت salema
    فيه تمارين لشد الصدر

    http://www.3roos.com/forums/showthread.php?t=88069

  13. #13
    مشرفة سابقة الصورة الرمزية دلوعة القصيم
    تاريخ التسجيل
    21/08/2006
    الدولة
    جـــدة
    المشاركات
    1,283
    [grade="FF1493 FF1493 FF1493 FF1493"]..::..

    ‘‘ حبيبتي يعني ان شاء الله لو استمريت على هالتمارين راح امتن ولا بس ينشد جسمي ؟؟ ‘‘

    ‘‘ مشكورة يا عسل .. يعطيكي الف عافيه ‘‘

    ..::..

    تحيـــاتي[/grade]

  14. #14
    عروس مبدعة
    تاريخ التسجيل
    09/12/2004
    الدولة
    مغتربة في امريكا
    المشاركات
    663
    دلوعة القصيم

    اذا استمريتي على التمارين اول شي بينشد الجسم
    وبس ينشد الجسم تنمو العضلات
    بس لازم نزيد السعرات الحراريه في الاكل
    علشان نمتن مانضعف
    والعكس للمتين ويبغى يضعف
    يقلل السعرات الحراريه بس طبعا مايقللها كلها
    لا لازم يكون لكل جسم سعرات محدده على حسب الطول
    هالشي قرأته اليوم في كتاب وانشالله بنزل ملخص للكتاب في موضوع لوحده هالايام الجايه

  15. #15
    عروس مبدعة
    تاريخ التسجيل
    09/12/2004
    الدولة
    مغتربة في امريكا
    المشاركات
    663
    بنااااااات وينكم وين التشجيع
    170 زيارده وكم رد بس

صفحة 1 من 3 123 الأخيرةالأخيرة

المواضيع المتشابهه

  1. اللي تبغى تنحف تدخل والله تضعف حتى لوحالة مستعصيه اسبوع اواسبوعين تصيرين رشيقه
    بواسطة وهج الشوق 2008 في المنتدى التغذية السليمة و الرياضة
    مشاركات: 186
    آخر مشاركة: 11/04/2013, 07:01 AM
  2. تمارين رياضية بالصور سهلة ورائعة
    بواسطة الفاروق في المنتدى التغذية السليمة و الرياضة
    مشاركات: 126
    آخر مشاركة: 20/02/2009, 04:11 PM
  3. للي تبغى تنحف او تمتن او تثبت وزنها طريقة صحية ادخلوا وشوفوا
    بواسطة قطوة تخربش في المنتدى التغذية السليمة و الرياضة
    مشاركات: 8
    آخر مشاركة: 24/12/2006, 06:39 PM