نزول دم في الشهر الثالث ...!!

[SHREEFA]

انا حامل اكملت الشهر الثالث
واخذ حبوب تثبيت دافستون
واخذ حبوب بيبي اسبرين
لتعمل سيوله بالدم
واخذ فوليك اسيد

قبل فتره نزل علي دم وراجعت الطبيبة وهذا كان في بداية حملي
مره وحده وما صارت معاي مره ثانيه

واول يوم العيد
بعد مارجعت من زيارة الاهل انصدمت بالدم نزل علي
مع اني ماكنت تعبانه ولا شي يعني ماسويت شي
وثاني يوم نزل شويه
وراجعت الطبيبية المختصه وعملت لي سونار وطمنتني على البيبي الحمدلله وان الدم خارجي
قالت سببها الارهاق ومعي كحة فقالت احتمال انه ضغط والله العظيم ايام العيد كلها ماشفت الطلعة من البيت ولا شفت الناس كله منسدحه على ظهري ومر علي يومين الحمدلله اوكي

وامس نزل علي دم مره ثانيه وانا منسدحه في فراشي والله خايفه يعني يكون في بدايته احمر وبالنهاية يكون بني ويوقف :sad:

شنو تفسيركم ...؟ شنو اسوي .....؟؟؟

وانا الى اليوم مريضة انفلونزا معاي وكحة وزكام حاد اخذت قطره من الطبيب فقط :sad:


وناطره ردودكم ...؟ والله خايفه

الله يتمم الحمل ويرزقني الذرية الصالحة قولوا امين



دمتم سالمين
اختكم شريفة

[قصايد دبي]

حبيبتي ...

ما تشوفين شر الغاليه ..

و سلامتج ألف سلامه ..

بس انتي سيري عند دكتورة تشخصلج حالتج بالتفصيل ..

عشان ما تحاتين و توسوسين ...

و خلج مرتاحه و لا تجهدين عمرج او تشيلين شي ثجيل او تسوين اي حركه مفاجئة تظر بصحتج ..


ما من شر ان شاء الله ..

و الله يتمم حملج على خير .. و يشفيج ان شاء الله ..

[توتى وشيكو]

العزيزة شريفه سلامتك الف سلامة مش عايزاكى تقلقى
الحل انك تروحى لدكتور تانى يأكدلك نفس كلام الدكتور الاول ويطمنك على البيبى وان شاء الله خير بس حاولى تريحى نفسك
وانا كان بينزل عليا دم زيك والدكتور طمنى ان امورى تمام + ان بيجيلى من وقت للتانى تقلصات عامله زى طلق الولاده بس قالى من الارهاق والتوتر فحاولى تريحى نفسك وان شاء الله هتكونى انتى والجنين زى الفل وطمنينا عنك

[ريم81]

ما تشوفين شر يا شريفه الله يتمم حملك على خير يا رب

انتي ريحي و اهم شي المتابعه عند الطبيبيه

[مجنونة قطر]

حبيبتي راجعي الدكتوره مره ثانيه
خليه يزيد لج الحبوب او يصرف لج اببر تثبيت
واعرفي منه سبب الدم من شنو ؟

[عروس الدوحه]

راااجعي دكتورة مرة ثاانيه خل تزيد لج جرعات حبوب او تعطيج ابر تثبيت وارتااحي لاتحركين كلش لمدة اسبوعين

[ام افنان414]

الله يشفيك ويثبت حملك ان شاء الله بس اوصيج بالراحة التامة وعدم الحركة لان انا صار لي في الشهر الثالث نزل مني دم بدا خفيف ولكن زادت علي الالام وبعدين سقطت ادعو الله ان يثبت حملك وروحي عند دكتورة ثانية تطمنك على الجنين ان شاء الله وسلامتج

[عيون بوظبي]

اول شي احب ابارك لج ..

وتقومين بالسلامه ان شالله ويثبت لج حملج ..

عزيزتي لا تهملين الموضوع ..

انا ما ابا اخوفج .. بس اختي صار لها جي ..

كانت حامل بتوأم ولا عرفوا هالشي في المستشفى .. ولما نزل لها الدم قالوا لها خارجي ..

وبس مع الايام زاد وخافت وراحت عياده خاصه قالت لها الدكتورة انتي حامل بتوأم ..

وردت للمستشفى ولما تأكدوا انها حامل بتوأم وعادوا الفحوصات لقوا انها بتسقط حملها ..

بس الحمدلله انه كان كل جنين في كيس بروحه .. ونزل جنين واحد وتم الثاني ..

الله يطمنج ان شالله وانتي خلج على تواصل ويا الدكتورة واكشفي على طول ..

[**ام عبادي القمر**]

عزيزتي شريفة كانك تتكلمي عني
انا زيك في النصف من الشهر الثالث بدا ينزل علي بني لكن مابين فترات يعني ممكن اشوفة اليوم لكن بعد يومين مافي شي.
رحت الى عيادة خاصة وطمنتي على الجنين وقالت لي يمكن مجهدة نفسج ووصفت لي تحاميل مع ابرة كل اسبوع ومااكذب عليكي انه ماخف خف علي لكن تعبت من كثر ماينزل واانا الحين في الرابع والى الحين ينزل علي واليوم رحت المستشفى والحمد الله كلشي اوكي بس الدكتورة تقول يمكن المشيمة نازلة او متحركة هذا شي عادي في بداية الاشهر لكن بروحها المشيمة ترتفع والحمد الله طمنتي.
فلا تحاتين حبيبتي سوري كتبت لج قصة حياتي بس بغيت افيدج .د
بس انتي ريحي روحج على الاخر ولا تسوين شي كانك في المستشفى نايمة ونشاء الله راح يخف عليج.
والله يرزقني ويرزقج ويرزق كل محروم يارب
تحياتي
بنت النواعم

[SHREEFA]

مشكورين خواتي ماقصرتوا
والله انا حاليا عندي دوام
يعني برايكم اخذ مرضية على الاقل اسبوع واقعد في البيت ...؟
وان شاء الله راح اراجع دكتوري القديم اللي ولدني في ولدي استشاري واشوفه شنو يقول لي
انا قالت لي بعطيج ابر تثبيت بس انا اخاف من الابر اخااااااااااااااااااااااا ااااااااف:sad: :sad: :sad:
الله يتمم علي بالخير ومشكورين مره ثانيه ماقصرتوا


دمتم سالمين
اختكم شريفة

[smsm78]

سلامات يا أخت شريفة وما تشوفين شر
انصحج دام جذه حالتج خذي حبوب تثبيت او ابر
انا كنت آآآآآآآآآآآآآآخذ لمدة 5 شهور في ولدي اللاول والحمد لله ولدته وكل شئ صار خير

بشرينا وطمنينا عليج يالغالية

[اميره نفسي]

اختي شريفه انا في حملي السابق صارلي مثلك وبداء تقريباًينزل الدم خفيف في الشهر الرابع وكل يوم يزيد الى ان وصلت السادس وجاني طلق وولدة وتوفي الجنين بعد يومين عسى ربي يعوظن وبعد شهرين حملت مره ثانيه ونزل معي ورحت لحرمه عندنا تعالج واعطتني علاج وقالت لو انك اخذتي من علاجي في حملك الي راح كان ماصارلك شي لكن هلمره لازم تكلينه اذا الطفل سليم راح ياقف الدم واذا هو فيه شي راح يطيح واكلته وسبحان الله توقف الدم على طول وانا هلحين في السابع عسى ربي يعوظن انا ونتي وكل وحده تمر بحالتي

[راجية رحمة ربها]

السلام عليكم ماتشوفين شراختى انابعدمثلك جانى الدم من الشهرالثانى والحين فى بدايه الثالث ولين الحين ماوقف مره دم خفيف ومره احمرواعطتنى الدكتوره ابروحبوب مثبته ولين الحين عساالله يثبتلى ويثبتلك ويرزقناانشااللهويرزق كل محروم امييييييييييييييين

[راجية رحمة ربها]

ممكن سؤال اختىاميره نفسى انتى وين فى السعوديه وين الاقى الحرمه اللى قلتى عنهاارجوان تردى على بسرعه لانى تعبانه نفسيا لان هذاثانى حمل لى حملى الاول سقط فى الشهرالاول والله يجزاك الف خير

[ابتسامة طفل]

حبوبه حاولي تبتعدين عن ريلج فتره


اوكيك

موفقه