علشان رغبة الكثير من بنات عروس انهم طلبو مني اعرض طريقتي في تنظيف بشرتي في البيت، حطيت الموضوع مستقل، مع اني كنت منزله موضوع شامل للعناية بالبشرة، فباذن الله بشرح لكم الطريقة بالتفصيل ..
طبعا انبه البنات ان هذي الطريقة خاصة فيني يمكن ما تعجب طريقتي بعض البنات:gum: ، وبشرتي جداااااااااااا جافة فالاشياء اللي استعملها في منها للبشرة الدهنية والعادية
المرحــــــــــــلة الاولى:اول شئ استخدمه انا انظف ويهي بالاسكينول لأنه واااااااااايد يعجبني ويشيل الوسخ بطريقة تاااااااااامة يعني يشيله بالمرة( اشيله بقطنه طبعا):
بعد ما انظف بالاسكينول، انظف بالتونيك الحليب من لوريال وايد يعجبني ،وينظف بطريقة حلوة :
او ممكن انظف ويهي باي تونيك بالحليب من ايييي ماركة ثانية، انا حاليا استعمل لوريال وجونسون قطع القطن الرقيقة اللي تشيل مكياج العينين:
[grade="00008B FF6347 008000 4B0082"]الخطوة الثانية والمهمة واااااااااااااااايد هي البخار:
البخار، عندي نوعين من اجهزة البخار ، انا يعجبني اكثر واستعمله وايد اللي موجود بجهاز بخار الشعر، لأن هذا يخليني استرخي على كرسي بورقبة وانام بطريقة تريحيني،والبخار يوزع بطريقة متساوية وحلوة :clap: الجهاز الثاني يعذبني شوي ويخلي رقبتي تعورني لأني اكون منزله راسي لتحت لمد طويلة وهذا شئ متعب، [/grade]
الصورة هذي توضح الحدييييدة اللي ظاهرة من راس البخار اهي اللي تطلع البخاي وانا اتحكم في اتجاه البخار
وهذي صورة الجهاز الثاني شكل الكرتونة، وصورة الجهاز من الداخل
تم مسح الصورة بواسطة مشرفة الركن
اثناء البخار: احط قطنتين من ماي الورد، او كيسين شاي استغل الوقت__> على عيوني طبعا، ، المهم ما اخلي البخار يجي على عيني،اقدر احط المقشر اللي استعمله لبشرتي، انا احب مقشر نيتروجينا وايد يعجبني حتى ريحته وايد حلوة،ادلك بطريقة خفيفة ، واتركه على ويهي، (هذا شئ على حسب الرغبة)، لأنه باكثر من صالون سوو لي هالمفشر مع البخار بوقت واحد( مدة البخار نص سااااااااااااعة
الخطوة الثالثة:واااااااااااااااايد مهمة، بها المرحلة هي تسكير المسام الي اتفتحت عن طريق البخار ولازم تتسكر، بالنسبة لي لأنه بشرتي جافة بطريقة خيالية اسوي اكثر من كريم سائل، الماركة اللي استخدمها حاليا في تنظيف بشرتي، هي كلينك اكيد كلكم تعرفونها روووعة بامانة ومخلية بشرتي حلللللللللوة..وهذي صور الكريمات لالي استعملها
طبعا لرداءة الصورة حطيت لكم الكريمات من الموقع الاصلي
اتعرفون اقعد اسوي مساج لويهي بالكريم هذا لييييييييييييييييييين ما تشربه بشرتي والله وتصير جافة واااااااااااااايد،واقعد احط كل شوي ارطب البشرة لين تصير شوي رطبة.
بعدين احط الخطوة الاكثر اهمية في عملية التنظيف وهي تسكير المسام بالسائل القابض للمسامات من نيتروجينا او من جيفنشي واثنينتهم وايد رووووووووعة، بعد ما اخلص عملية المساج لويهي بالكريم احط بالقطنة القابض للمسام ، واممر القطنة على كامل ويهي..وانتظر لين يجف
عقب عاد آخر خطوة وهي الماسك الخاص بالبشرةالجافة:
من ا حب الماسكات اللي احطها، ماسك نيتروجينا وايد روعة، وماسك البودي شوب الاروع، وماسك البحر المليت
بعدين اغسل ويهي واشوفه نااااااااااااااعم وصار ابيض ومورد
حبايبي بنات عروس ابي اخبركم بعض النصايح لتنظيف البشرة من خبرتي:اول شئ لازم تنظقي ويهج بالتونيك الحليب علشان تجهزيها للتنظيف العميق
ثانيا: بالنسبة للبخار: مو وايد تستعملينه علشان ما يفتح المسام ، يعني مرة كل شهر بيكون تماااااااااام او كل 3 اسابيع
ثالثا: لازم لازم لازم بعد البخار اكيد المسامات تتفتح، اذا ما سكرتيها بشرتج راااااح تخترب،:gum: اختاري لج التونيك القابض للمسام والخاص لنوع بشرتج علشان يسكرها وانتي مطمئنة وبعدها حطي الماسك الخاص فيج
رابعا بالنسبة للبشرة الجافة وايد مثلي: بعد ما تحطين البخار اختاري لج كريمات لاحظو قلت كريمات نافعة وخاصة للبشرة الجافة،اانا بالصالون والله يحطو لي 3 انواع ، تقولي اللي تسوي لي تنظيف البشرة: بشرتج وايد جافة وكل ما احط كريم تشربها بطريقة فظيعة فلازم اقعد ارطبها لين ما احس انها شبعت من الكريم المغذي لها، والله من قالت لي هالكلام وانا مو مقصرة بالتدليك لبشتري ومحافظة عليها
خامسا واخيرا: لازم يكون عندج كريم الليل والنهار وكريم تحت العيون الخاص بالسواد، انا بديت من يومين استعمل كريمات كلنك ورائعة فعلا وانشاء الله تصير بشرتي روعة وحلوة على ها التنظيف المستمر.
طبعا انا وايد تعبت على موضوعي فاتمنى اللي تنقل الموضوع تذكر صاحبته والحقوق محفوظة
واتمنى اشوف مشاركتكم وتعليقاتكم على الموضوع
المشاركة الأصلية كتبت بواسطة مدمنة سيرلاك
