مرحبا بنات..
اعرف اني طولت ما كتبت فهالمنتدى الرائع.. ( واعرف انه ما حد افتقدني..;) لأني عضو جديد نسبيا...) المهم انا كنت فالحج وعلشان جيه طولت عليكم..
بس راجعه وعندي لكم شئ جنان..انا بقولكم شو صار معايه (مو فالحج ويا بشرتي)
انا كانت بشرتي صافيه وبيضا وينضرب فيها المثل.. بس بقدرة قادر انملت حبوب واثار حبوب واشياء فضيعه.. حد قاللي انها عين وحد قال انها حب شباب..المهم ان ويهي تشوه بالمره..
انا ما سكتت طبعا ..جربت اول شئ الأشياء الطبيعيه ..كل الوصفات خليتها على ويهين وما فيه فايده... بعدين رحت عند خبيرة تجميل وعطتني كريمات واستخدمتها فتره طويله نسبيا 3 الى 4 شهور..وبعد ما فيه فايده.. خذت مقشر للبشره (ناسيه اسمه الحين) بس كان فيه تحسن بعد استخدامه بس عيبه اني ما اقدر استخدمه الا بالليل قبل النوم يعني ما يصلح اطلع فيه بالشمس..
بعدين قررت اجرب اي شئ... ورحت اريج عند ماركة LANCOME لأني سمعت انها ماركه طبيه قلت بشوف شو بتعطيني..عطتني شئ بصراحه روعه.. غسول وتونك وسيرم وكريم الليل والنهار وواقي للشمس من مجموعة BLANC EXPERT XW ..
بس انا ما خذيت كريم الليل والنهار لأني عندي (والحين ندمانه اني ما خذتهم وان شاء الله باخذهم)..
جربتهم اسبوعين تقريبا وبعدين رحت الحج وطول فترة الحج ما استخدمت الا صابونه لايف بوي وكريم مرطب من نفس الماركه.. بس لما رجعت كلهم لاحظوا الفرق.. ويلسوا يقولوي شو سويتي في ويهج..صار ابيض وصافي ما اكذب عليكم الحبوب واثار الحبوب اختفوا بنسبة 70-80% و صارت فيه لمعه في ويهي.. انا فكرتها من الإيمان ;) ..بس الظاهر ان تأثير استخدام الكريمات ظهر بعد فتره.. والحين انا رجعت استخدمها..
هاي تجربتي وارجوا انكم تستفيدون..
وبحاول ادخل صور الأشياء اللي استخدمتها اتمنى انها تضبط..
التونك
[img]http://www2.lancome.com/img/_db/packshots/b_11010s.jpg
[/img]
والسيرم او مصحح العيوب
والغسول
وعلي فكره انا استخدم الغسول بعد صابونه لايف بوي..
رد مع اقتباس
المملكة
