روابط قد تهمك :
فساتين العروس | تسريحات | تنظيم الاعراس | زخرفة | عالم حواء


النتائج 1 إلى 13 من 13

الموضوع: تكفون ساعدوني يا التاجرات

  1. #1
    عروس متألقة
    تاريخ التسجيل
    27/11/2006
    الدولة
    الدوحه
    المشاركات
    249

    تكفون ساعدوني يا التاجرات

    :confused: انا حابه اشتغل net work لاني فاضيه عمل وحابه استفيد لاني محتاجه ومن خاطري ابي اشتغل ولا عندي خبره ابيكن تعلمني التجاره من الطأطأ لسلام عليكم
    واللي تبيني اكون مندوبه او اكون معاها شراكه انا مستعده لاني توني جديده بالتجاره
    تكفون ياشاطرين لاحد يردني

  2. #2
    مشرفة سابقة
    تاريخ التسجيل
    01/03/2005
    الدولة
    قلوبهم وطني عسى ربي يحفظهم
    المشاركات
    7,255
    الله يا زين الشرقي احس اني انا الي اتكلم لان فعلا ودي اصير من تاجرات المنتدى بس مو الحين.

    صج التجااااااااارة حلوة الله يوفقك يارب .

  3. #3
    عروس مبدعة الصورة الرمزية maha_al_reem
    تاريخ التسجيل
    15/05/2003
    الدولة
    الإمارات - أبوظبي
    المشاركات
    829
    الله يوفقكم ان شاء الله

  4. #4
    عروس نشيطة
    تاريخ التسجيل
    17/01/2006
    الدولة
    قطــــــــــــــــــــــــر
    المشاركات
    117
    حلووووو ليش لا التجاره حلو ومب عيب والا حرام حتى لو ماكنتي محتاجه زياده الخير خيرين راح اعطيج ارقام حريم يبوعون بالجمله او يعطونج بضاعه وانتي اتمشينهم وتاخذين نسبه من الربح احسن شوفي اختي انا لي واااااايد بالتجاره ونصيحه مني ابتدي بالصفر ودرجه درجه واهم شي الصبر وان شاء الله يوفقج وانشوفج تاجررررررره قد الدنيا ههههههههههههههههه وربج كريم ويرزق من يشاء بغير حساااب وراح اطرش لج الارقام على الخاص

  5. #5
    عروس متألقة
    تاريخ التسجيل
    27/11/2006
    الدولة
    الدوحه
    المشاركات
    249
    :clap: يعطيكن العافيه كل اللي ردوا علي وما قصرتوا فيكن الخير
    :shy: يالله يام الهنوف عطيني التفاصيل عالخاص لاني مشتطه
    والسموحه

  6. #6
    تاجرة
    تاريخ التسجيل
    15/11/2005
    الدولة
    قطر 55699012+ الامارات0508170222
    المشاركات
    4,472
    هلا اختي ..

    الله يوفقج ويحقق لج اللي في بالج ..

    بداية لازم يكون عندج صبر .. وطولة باااال ..

    لان التجارة مو كلها ربح ووناسة ..

    لا فيها غثا وفيها زباين .. انواع واشكال .. لازم تعرفين تتعاملين مع الكل ..

    واهم شي .. تعطين زبونتج احساس باهميتها واهمية طلبها عندج ..

    مثلا باعطيج ..

    تدرج لمهنة التجارة من تجربتي ..

    مهم جدا باي تجارة عشان تنجح .. يا انك تجيبين ..شي مو موجود بالسوق حولكم ..
    او يكون الشي موجود بس انتي تجيبينه وتبيعينه ارخص من السوق ..

    بكذا تكسبين زباين ..

    ممكن بالبداية بنقول ..
    ابدأي بيعي شي معين ...للبنات .. اعرضيه عدل .. بالصورة مرتبة لان انا عانيت 6 اشهر ما اعرف انزل صور ..

    فما القى تفاعل .. كبير .. بس بعد بنيت اسمي ..

    لازم بالبداية تتفانين .. ووتتعبين .. وانتي تروحين للزبون ..
    تعرضين بضاعتج .. حتى يجربونها ..

    بعد ما تكسبين ثقة نقول وحدة او ثنتين او ثلاث ..

    بيحكمون على تجربتهم معاج ..
    وما يقصرون يا بتلقين موضوع شكر .. والا بتلقين موضوع .. هولليلة .. عن اللي بعتيه لها ..

    فتحري الامانة ..ولا تاخذين منهم فلوس الا لمن تضمنين الشي وصل ..


    المهم بعدها .. كتبو البنات عنج انج طيوبة ومرنة .. وكذا ..

    ابدئي وسعي نشاطج بشي جديد .. اعرضيه منه حبة وحد واذا لقيتي اقبال ..

    خذي كمية .. واذا مالقيتي اقبال ..
    ما خسرتي شي ..


    ثالث شي .. صيري مندوبة لبنات قطر .. في شي معين لتااجرة معينة ..

    كيف بس شغلتج انج تجمعين الفلوس من البنات .. وتطرشينهم للتاجرة مرة وحدة ..

    او انج تاخذين بضاعة بالجملة من تاجرة معروفة .. واذا جاتها طلبات من قطر تحولهم عليج ..

    انا افضل هالشي ..تالثاني اخذ جملة .. وابيع بالسعر الي يعجبني ...

    احسن من اني التزم بالسعر اللي تحدده التاجرة ولي نسبة معينة ..

    المهم ..

    ممكن انتي بعد تروينهم منتجاتج .. يوم ياخذون منج ..الغرض تبع التاجرة ..

    امممممم

    تعبت .. هههههههههههه


    بعددددددددددددد

    افكر بعدددددد

    لو تلقين لج مكان .. او محل مضمون ..يعرض لج لان البنات ما يحبون يروحون بيوت ..

    وبتتعبين ..مع مواعيد البنات ..
    فتتفقين مع المحل .. انج .. تحطين الاغراض وله نسبة او قيمة اجار بسيطة ..

    انا كنت ادور بقيمة اجار 500 والقى لي .. طاولة بمحل ما لقيت ..

    المهم ..

    انتي وشطارتج ..


    ايوة تذكرت بعد .. بخصوص الطلبات الخارجية .. اسالي عن الشحن كم يكلف .. ؟؟

    عشان تعرفين ..

    فلو طلبت منج زبونة اي شي .؟ ممكن .. انا مثلا تساهلت مع اول طلبياتي خارج البلاد ..

    عشان .. اكسب ثقتها .. وارسلت لها الغرض .. ووصلها وبعدها ارسلت الفلوس

    بس ما قصرت كتبت عن كل شي .. وكسبت شهرة .. لابأس بها ..
    وبالمرة حطيت لها عينات من الاشيا اللي عندي .. وعجبوها ومدحتهم ..

    بالنهاية ..

    صرت ابحث كل مرة عن اي شي متميز ..
    لبنات بلادي ..

    واوفره لهم .. بسعر رخيص مع فايدة معقولة ..

    وبسسسسسسسسس ..

  7. #7
    مشرفة سابقة
    تاريخ التسجيل
    01/03/2005
    الدولة
    قلوبهم وطني عسى ربي يحفظهم
    المشاركات
    7,255
    مشتاااااااقة لقطر انا زايرة لهذا الموظوع وياريت تسمحلي صاحبة الموظوع اني اشكرج على هالمعلومات الرائعه والنصايح الخالصه ربي يوفقك ياااااااااااااارب .

  8. #8
    مشرفة سابقة الصورة الرمزية بنت الغالي
    تاريخ التسجيل
    14/09/2005
    الدولة
    قطر
    المشاركات
    9,082
    الله يوفقج يالزيــن شرقي ....

    وتسلمين يامشتاقه لقطــر عالنصايح الي تدل على اخلاقج العاليه ......ربي يحفظج

  9. #9
    عروس متألقة
    تاريخ التسجيل
    27/11/2006
    الدولة
    الدوحه
    المشاركات
    249
    :clap: والله حبايبي وما قصرتوا كل اللي ردوا علي ومشتاقه لقطر ما قصرتي كفيتي ووفيتي ويعطيكن الف عافيه والله انكن فرحتني بردودكن علي وبالنصائحوالله يرزقكن من اوسع ابوابه فالتجاره والسموحه

  10. #10
    تاجرة
    تاريخ التسجيل
    15/11/2005
    الدولة
    قطر 55699012+ الامارات0508170222
    المشاركات
    4,472
    ولا يهمكم خواتي


    ما فيه احلى انج تساعدين غيرج ..

    يعني لاتخافين من المنافسة ولا شي ..

    كلها ارزاق من ربالعالمين ..

    والله ييسر لكم الخير في ككل .. شي ..

    انا كتبت كل اللي عندي .. هنيه ..

    واتمنى كلكم تستفيدون ..

    اختي رووز6 200 .. تستاهلون حبايبي .. ما عندي اغلى من ممتدى عروووووس وعرايسنا

    بنت الغالي .. وردج يدل على ذوقج واخلاقج يالغلا

    الزين شرقي .. موفقة عزيزتي .. وتمعني بكل كلمة كتبتها ..
    وتعلمي ترفقين صور .. خطوة خطوة ياتضبط ياتخيب ..

    لين توصلين لها ..

    وجربي كل

    شي وبالنهاية التجارة ربح وخسارة ..
    وعرض وطلب ..

    ايه تذكرت .. شي مهم بعد ..

    ااذا لقيتي رد استهزا ء او ما عجبج .. بموضوعج ..

    ردي رد دبلوماسي ..

    مثلا بس شكرعلى المرور

    عشان ما تشتتين .. جهدج اللي المفروض تحطينه بشغلج ..

    في مهاترات .. <<< متعوب عليها هالكلمة ههههه

    تضيع وقتج ..وتضيع الهدف من موضوعج ..


    تحياتي
    باروح انام ..الحين وااذا تذكرت شي

    باقول لكم بعد

  11. #11
    عروس متألقة
    تاريخ التسجيل
    27/11/2006
    الدولة
    الدوحه
    المشاركات
    249
    مشكورين على الردود وما قصرتي مشتاقه لقطر على النصائح انا بعد بروح انام سهرانه

  12. #12
    عروس جديدة
    تاريخ التسجيل
    09/01/2014
    الدولة
    المدينه
    المشاركات
    31

    رد: تكفون ساعدوني يا التاجرات

    ㆁ•⌒السَلام ٌ علَيكم ⌒•ㆁ

    اخباركم
    بنات الي حابه تشترك معي كمندوبه او مساعده معي تتواصل ع الكيك

    ولكم جزيل الشكر
    كيك mndoobaاو اعطيها رقمي خاص

  13. #13
    عروس جديدة
    تاريخ التسجيل
    15/01/2014
    الدولة
    مكه
    المشاركات
    1

    رد: تكفون ساعدوني يا التاجرات

    سلاااام ياحلوات

    انا ابغى اسير تاجره كبيره
    وابغى اعرف كيف اجيب بضاعه من لندن انا مره احب اشيائهم وحابه اتاجر فيها


    تكفوون ماتخيبو ظني وتساعدوني ياقمرااات

المواضيع المتشابهه

  1. ساعدوني ياهل الرياض تكفون تكفون
    بواسطة ظل الورود في المنتدى ركن التوظيف و الوظائف و المشاريع الصغيرة
    مشاركات: 7
    آخر مشاركة: 21/06/2010, 06:24 PM
  2. تكفون تكفون ساعدوني بموت من المغص
    بواسطة امجادجده في المنتدى إستفسارات النساء و الحمل و الولادة
    مشاركات: 5
    آخر مشاركة: 02/04/2010, 09:58 PM