روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 1 من 2 12 الأخيرةالأخيرة
النتائج 1 إلى 15 من 18

الموضوع: حبيباتي مشرفات القسم والعرايس ... بنت عذاري ..روح البحرين .. .. والجميع !!

  1. #1
    عروس نشيطة
    تاريخ التسجيل
    27/07/2006
    الدولة
    UAE
    المشاركات
    158

    حبيباتي مشرفات القسم والعرايس ... بنت عذاري ..روح البحرين .. .. والجميع !!

    السلام عليكم ورحمة الله وبركاته




    كيفكن صبايا ؟؟؟؟ إن شاء الله منااااااااااححح :gum:



    بصراحة أنا ما ادري كيف أدخل بالموضوع .... :sad:

    بعد ما كنت أنصح كل اللي حوالي بالعناية بالبشرة وبرامج العناة واللاستمرار

    وبعد ما كان الكل يسألني

    شو أستخدم

    وكيف بشرتي صافية وحلوة

    الحين صرت أطلب النصيحة

    باختصار

    من فترة ليست بوجيزة

    اتبعت برنامج للعناية ببشرتي الدهنية بعد ما عانيت منها


    وزانت بشرتي


    بشكل ملحوظ للجميع خواتي أمي أهلي صاحباتي والكل .... لاحظ والكل يسأل

    بس

    من فترة اتكاسلت

    وردت بشرتي لشحوبها :sad: ... وحبوبها ...:sad: سمارها :sad: .....


    والبارحة قالت لي وحدة ... بشرتك ما مثل أول شو صار لج |؟؟؟؟؟


    بصراحة عورت قلبي :sad:


    الحمدلله ع كل حال



    المهم أنا اليوم عزمت .... وقررت ...


    أبدأ صفحة يديدة .... بالعناية والاهتمام والاستمرار ثم الاستمرار ثم الاستمرار بإذن الواحد الأحد


    طيب واحنا شي يخصنافيج ؟؟؟؟:angry: سوي اللي بسويه



    لا لا لا .............................. :qaq:


    أنا أبي نصايحكم حبيباتي ... واتمنى تستفيدون من تجربتي ومن برنامجي للعناية اللي ودرته



    المهم



    أنا عندي بعض المشاكل وأبي أتحداها وبشوف أنا وإلا هي


    أولاً ) بشرتي .... طبيعتها دهنية .... شاحبةوفيها هالات وبقع بسيطة والمشكلة الأكبر ماشي خدود

    حكمت عليها بما يلي ::::

    1) شرب الماء بما لا يقل عن 8 أكواب يومياً منها 2 على الريق لأن هذا الشي وايد بين على بشرتي في أيام المجد خخخخخخخخ

    2) استعمل غسول طبي لبشرتي مرتين فقط في اليوم والشطف بمحلول الملح أو الزعتر أو محلول البيكربونات

    3) قناع الخميرة بالزبادي مرتين أسبوعياً

    4) قناع النعناعلبنت عذاري مرتين أسبوعياً لبشرة خالية من الحبوب

    5) استعمال بخاخ ماء الورد باستمرار

    6) ترطيب البشرة برطب خفيف من لويس ويدمر لتجنب جفاف البشرة

    7) برد أشتري منتجات ليراك الطبية القناع المقشر + كريم البقع لأن وايد فادنبي بس الكسل والهيازة وبصراحة أنا محتارة


    أشتري هذي المنتجات ولا منتجات جيرلان

    8) المداومة على كمادات الشاي والنعناع لعنوني الحلوين




    ثانياُ) كرشتي صغيرة لكن مبينة وأنا ما أحب الكرشة أحسها شي يعيب البنت


    حكمت عليها بمايلي ::::::

    1) تمارين بنت عذاري لجسم متناسق + تمارين الكرشة

    2) رش الجسم يومياً بماي الورد +خل التاح

    3) الامتناع عن شرب الماي خلال الوجبات وهذا الشي كنت أسويه ووووايد استفدت منه

    4) شفط البطن كلما تذكرت

    5) تمرين المشي بالكتاب




    ثالثاُ ) صدري صغير ... والله قهر بنت أخوي اللي بصف غعدادي صدرها أكبر من صدري



    حكمت عليه ((( اللي هو صدري خخخخخخخخخخ))) بمايلي ::::

    1) جهاز المساج الكهربائي اشتريته من فترة من يبرا وما استخدمته إلا اسبوع وودرته االيوم رجعت له وبستمر بإذن الله

    2) طريقة بنت عذاري للتكبير استمريت عليها شهر وكسلت لأنزيت الزيتون طلع لي حبوب كثير بصدري بس خلاص برجع للطريقة مع غسل الصدر بعد كل استخدام بالجل

    3) تمرين نط الحبل + تمرين التصفيق للخلف

    4)الاستغناء عن لبس السنيان بالبيت :sad: الله يعين



    رابعاً ) سواد الجوزة الفاحم _ سواد الركب والأكواع


    بعدني ما أصدرت الحكم عليهم لأني ما عندي
    طريقة مضمونة

    خامساً ) ويهي مليان وبر بشكل رهيب


    وما أحب أحف لأن بشرتي تتحسس



    سادساً ) شعري من قهري منه قصيته لرقبتي لأن نموه بطئئئئئئئ جداً




    فياليت تعطوني الحلول المجربة الله يرضى عليكم



    في انتظار تجاوبكم وتجاربكم

    ونصايكم


    تعليقاتكم





    المحبة للجميع :::أنا (w) (w)

  2. #2
    عروس نشيطة
    تاريخ التسجيل
    10/10/2006
    الدولة
    دار ابو متعب \,.
    المشاركات
    111
    .

    :

    الله يعينك حبيبتي ويقويك
    ان شالله المشرفات و البنات يبي يفيدونك ياعسـل .,,

    /

    انا حبيت اقولك عن تجربتي لما استخدمت طريقة بنت عذاري لتكبير الصدر .,,
    الله يجزاها الجنه ان شالله .,,
    طبعاً لي ثلاث اسابيع تقريباً وللحين ماشيه عليها
    بس النتايج لا الله الا الله من جد شي جنـــــــااان .,
    مع اني احياناً اتكيسل عنها خخخ بس ارد واتحمس من جديد ..
    لأن النتايج للأن من جد تحمس اني اكمل عليها لثلاث شهور قداااااام

    بس البرد يجيب النووم والله خخخخ بس ان شالله الله يقويني واتغلب عليه .. خخخخخخخ


    /

    حبيت افيدك باللي اعرفه ياعســــل .,
    والبنات مو مقصرين معاكِ ان شالله .,


    لكـِ الـود .,

    :

    .

  3. #3
    عروس نشيطة الصورة الرمزية اسراب الامل
    تاريخ التسجيل
    09/04/2006
    الدولة
    الكويت
    المشاركات
    126
    مشكوررررررررررررررررره يالغاليه

  4. #4
    عروس جديدة
    تاريخ التسجيل
    11/11/2006
    الدولة
    الرياض
    المشاركات
    13
    الله يقويك ويعطيك العافيه

  5. #5
    عروس نشيطة الصورة الرمزية _بطه_
    تاريخ التسجيل
    13/08/2006
    الدولة
    البحرين نور العين
    المشاركات
    173
    هلالالالالالالا حبيبتي الفسفورية
    لالالالالالا تتكاسلين في العنااااايه تره بعضج :angry:
    هههههههههههههههههه
    بس الأحكام الي صدرتيها على نفسج تسوي شغل تره! المهم انا بخربج عن الأمور الي نفعتني فقط

    شوفي حبيبتي بما ان انا بشرتي مختلطه بقولج شنو نفع معاي للحبوب الي مره وحده مدري من وين نطت لي، طبعا هذي السالفه من فتره صارت لي مو احين
    الي سويته اني قمت استخدم غسول نيتروجينا للحبوب بس الكريمي لان الثاني كان وايد زين بس جففني شوي لانه للبشره الدهنيه، وبعدين اغسل بس منطقة الجبين (لان هني يطلع لي حبوب بس) بصابونة أكني ايد ACNE AID وبعدين احط ديلاسين تي سولوشن DALACIN T SOLUTION على منطقة الحبوب، وبنت عذاري أشارت لهل منتج بس الي هي كاتبه عنه هو الوشن، وانا أستعمل السلوشن (شفاف سائل) بس اثنينهم اييبون نفس المفعول، وانا هل شي الدكتور واصفه لي من 4 سنوات وانا استخدمه، تحطينه مره باليوم تبلين قطنه منه وتحطينها على المنطقة الي فيها حبوب ساعه او نص ساعه لين ما تنشف القطنه وبعدين تشيلينها وبعدين باقي المرات الي باليوم يحطينه عادي على الحبوب بدون ما تلصقين قطنه عليه، وهو محلول موضعي ممكن استخدامه 3 مرات او اكثر في اليوم
    وطبعا اسوي سكرب مرتين بالاسبوع، سكرب المشمش من ST.IVES او من نيتروجينا وبعدماسك نيتروجينا حلو حق الحبوب
    واسوي ماسك روح البحرين الي بالسدر مره بالاسبووع رووووووعه شهادتي فيه مجرووووووحه والله يوفقج ياروح البحرين وين ماتروحين على هل خلطه الحلوه والي هي عباره عن

    ملعقة كبيره سدر
    ملعقة كبيره روب (زبادي)
    ملعقة صغيره عسل
    ملعقة صغيره ماء ورد
    تخلطينهم وتحطينهم 20 دقيقه على كامل الوجه والرقبه وبعد ماتشيلينه حطي ماي ورد باااارد على الوجه والرقبه

    وطبعا فوائد السدر غنية عن التعريف، كفاية انه مذكور بالقرآن والرسول عليه الصلاة والسلام وصى فيه، والسدر يباع مطحون تحصلونه عند العطار
    آخر شي بالنسبة للوجه، قللي الدهون والسكريات والنشويات وكثري ماااااااااااااي وشوفي النتيجه الحلوه
    انا الحمدالله هل طرق ماشية معاي لكن ايام الدوره والامتحانات والتوتر تطلع لي حبوب لكن مع هل طرق تروح بس يبيلها وقت ويعتمد على نوع كل بشرة

    صح وقبل ما انسه عن الهالات، خلطي كمية متساوية من زيت جنين القمح+زيت اللوز الحلو ودهني فيه المنطقة كل يوم لما تنامين وغسليها في الصبح لما تقومين.. انا استخدم هل طريقة ولاحظت تغير بسيط جدا لاني توني استعملها، امممم يمكن صار لي أقل من شهر وناوية أستمر عليها بإذن الله

    وعن سواد الجوزة الفاحم هههههههههههه مسكينه هل جوزه فاحم مره وحده ظلمتيها، المهم في خلطة حللللللوه هني من وحده من عرايس المنتدى الحلوين وهي عباره عن كميات متساوية من (جليسوليد+جلسرين+فازلين+فكس ) تخلطينهم مع بعض وتحفظينهم في علبة عندج وتدهنين فيهم ريولج الله يعزج كل لليله ، يشيل السواد مع الاستمرار وهم ينعم وطري المنطقة وممكن استعمالها للركب والأكواع بس أمانه انا ما استعملتها إلا حق ربولي الله يعزج لاني ناويه استخدم جليسوليد+جلسرين+ليمون حق المناطق الداكنه


    اممممممممممم.. شنو بقه بعد؟
    اي صح الشعر..
    مافهمت مشكلة شعرج:qaq:
    بس بقولج على خلطه دوم أسويها لحل جميع مشاكل الشعر
    وهي عباره عن كميات متساوية من (سدر مطحون+روب (زبادي)+ اي زيت تفضلينه)
    انا استخدمه مره وحده بس في الاسبوع لمدة 4 ساعات وممكن تحطين اي نوع زيت معاه (إذا تبين يطول حطي زيت الجرجير زين حق التطويل) انا دايمن أنوع وعلى فكره هذي الخلطه أعطتني إياها مشرفتنا الغاليه ام سعيده يزاها الله ألف خير، واخلطيه واحطيه على شعرج.. والنتايج بتظهر على حسب نوع شعرج، يعني انا صار لي سنين استخدم خلطات وزيوت للشعر فشعري متعود على هل شغلات وظهرت معاي النتيجه بعد شهر او أكثر، انتي صبري واستمري عليه وتوكلي على الله
    انا اغسل شعري مرتين بالاسبوع، مره بعد الخلطه والمره الثانيه بدون الخلطه ولكـــــــن اغسل شعري بسدر من بدال الشامبو (في اليوم الي ما أحط الخلطه) وطريقة انج تاخذين كمية من السدر على حسب طول شعرج وتزيدين عليه ماي وتخلطينه وتغسلين فيه شعرج عادي مثل الشامبو، وهذي الطريقة متبعة من الأجداد، وأمانه كانت عندي قشره وراحت الحمدالله وكان شعري يدهن وبعد راحت هل مشكله غير ان التساقط قل وبدأ ينبت شعر صغير..
    وإذا لاحظتي ان السدر نشف شعرج زيدي البلسم على الشعر عموما والأطراف خاصة

    وبـــــــــــــــــــــــ ــــــــــس

    آآخ تعبت وانا أكتب :sad:
    انشاءالله بس تستفيدين وسامحيني على القصور
    واي سؤااااااااال انا في الخدمة

    ولاتنسوني من صالح دعواتكم

  6. #6
    عروس مبدعة الصورة الرمزية centrino
    تاريخ التسجيل
    12/06/2005
    الدولة
    السعودية
    المشاركات
    605
    إلى الأمام يافسفورية
    طريقة عرضج أنيقة ولطيفة
    وأنا ودي بحل لـ (رابعا) و (خامسا)

  7. #7
    مشرفة سابقة الصورة الرمزية دلوعة القصيم
    تاريخ التسجيل
    21/08/2006
    الدولة
    جـــدة
    المشاركات
    1,283
    [grade="FF1493 FF1493 FF1493 FF1493"]

    اااااااه يا فسفورية حطيتي يدك على الجرح


    انا كنت اهتم ببشرتي مره .. الحين احس اني بديت اهملها
    بس زين انك حطيتي موضوعك هاذا عشان ارجع واتحمس من جديد

    خلاص كلنا نعزم انه نرجع نهتم فيه وما نتكسل ابداً




    تحياتي[/grade]

  8. #8
    عروس رائعة الصورة الرمزية OoOo.kuwaiteyah.oOoO
    تاريخ التسجيل
    28/07/2005
    الدولة
    احلى كويت
    المشاركات
    1,114
    انا مضطره اطلع الحين بس ماقدرت ما احط حل.....

    بالنسبه للوبر... حاولي تشقرينه.. بالاكسجين من ويلا...

    والشعر.... خلطة زيت عافي+اربع قرون فلفل حار مقطعه قطع صغيره تستخدمينها بعد ما تخلينها عشر ايام عشان تختلط عدل المكونات

    وايضا خلطه سدر+قشر رمان+عشبة ياس مطحونه+ حبة البركه.. مره كل اسبوع

    وحافظي على تدليك فروة الراس

    والله يوفقج انشالله

  9. #9
    عروس مشرقة الصورة الرمزية بوران
    تاريخ التسجيل
    17/04/2004
    الدولة
    جدة
    المشاركات
    382
    أهلين

    الله يعينك ويقويك وتحققي إلي تبغيه

    بالنسبة للسواد حول العين أنا بدأت حاليا باستخدام زيت جنين القمح والنتيجة مو مبينة بس إن شاء الله تبان مع الاستمرار

    بالنسبة للسواد بدأت خلطة وهي عبارة عن كمية متساوية من الجلسرين وجل جونسون بالبابونج واللوشن اللي متعودة تستخدميه واستخدميها بعد الاستحمام على جسم رطب أنا استخدمها للركب والأكواع وسواد الجوزة الفاحم ولسه في البداية بس صراحة ترطب وتعطي لمعة حلوة


    أما شعرك إذا قصدك انو يطول ماعليك الا بزيت جوز الهند اللي لونه أخضر وغطاه أحمر

    وإن شاء الله يفيدك

  10. #10
    عروس نشيطة
    تاريخ التسجيل
    27/07/2006
    الدولة
    UAE
    المشاركات
    158
    اقتباس المشاركة الأصلية كتبت بواسطة العنـا
    .

    :

    الله يعينك حبيبتي ويقويك
    ان شالله المشرفات و البنات يبي يفيدونك ياعسـل .,,

    /

    انا حبيت اقولك عن تجربتي لما استخدمت طريقة بنت عذاري لتكبير الصدر .,,
    الله يجزاها الجنه ان شالله .,,
    طبعاً لي ثلاث اسابيع تقريباً وللحين ماشيه عليها
    بس النتايج لا الله الا الله من جد شي جنـــــــااان .,
    مع اني احياناً اتكيسل عنها خخخ بس ارد واتحمس من جديد ..
    لأن النتايج للأن من جد تحمس اني اكمل عليها لثلاث شهور قداااااام

    بس البرد يجيب النووم والله خخخخ بس ان شالله الله يقويني واتغلب عليه .. خخخخخخخ


    /

    حبيت افيدك باللي اعرفه ياعســــل .,
    والبنات مو مقصرين معاكِ ان شالله .,


    لكـِ الـود .,

    :

    .



    هلا وغلا بالعنا


    حياتي والله

    مشكورة على النصيحة والتشجيع

    وأنا ناوية أرد لطريقة بنت عذاري

    بإذن الله


    أسعدتينا بمرورك

  11. #11
    عروس نشيطة
    تاريخ التسجيل
    27/07/2006
    الدولة
    UAE
    المشاركات
    158
    اقتباس المشاركة الأصلية كتبت بواسطة اسراب الامل
    مشكوررررررررررررررررره يالغاليه

    الله يسلمك

  12. #12
    عروس نشيطة
    تاريخ التسجيل
    27/07/2006
    الدولة
    UAE
    المشاركات
    158
    اقتباس المشاركة الأصلية كتبت بواسطة _بطه_
    هلالالالالالالا حبيبتي الفسفورية
    لالالالالالا تتكاسلين في العنااااايه تره بعضج :angry:
    هههههههههههههههههه
    بس الأحكام الي صدرتيها على نفسج تسوي شغل تره! المهم انا بخربج عن الأمور الي نفعتني فقط

    شوفي حبيبتي بما ان انا بشرتي مختلطه بقولج شنو نفع معاي للحبوب الي مره وحده مدري من وين نطت لي، طبعا هذي السالفه من فتره صارت لي مو احين
    الي سويته اني قمت استخدم غسول نيتروجينا للحبوب بس الكريمي لان الثاني كان وايد زين بس جففني شوي لانه للبشره الدهنيه، وبعدين اغسل بس منطقة الجبين (لان هني يطلع لي حبوب بس) بصابونة أكني ايد ACNE AID وبعدين احط ديلاسين تي سولوشن DALACIN T SOLUTION على منطقة الحبوب، وبنت عذاري أشارت لهل منتج بس الي هي كاتبه عنه هو الوشن، وانا أستعمل السلوشن (شفاف سائل) بس اثنينهم اييبون نفس المفعول، وانا هل شي الدكتور واصفه لي من 4 سنوات وانا استخدمه، تحطينه مره باليوم تبلين قطنه منه وتحطينها على المنطقة الي فيها حبوب ساعه او نص ساعه لين ما تنشف القطنه وبعدين تشيلينها وبعدين باقي المرات الي باليوم يحطينه عادي على الحبوب بدون ما تلصقين قطنه عليه، وهو محلول موضعي ممكن استخدامه 3 مرات او اكثر في اليوم
    وطبعا اسوي سكرب مرتين بالاسبوع، سكرب المشمش من ST.IVES او من نيتروجينا وبعدماسك نيتروجينا حلو حق الحبوب
    واسوي ماسك روح البحرين الي بالسدر مره بالاسبووع رووووووعه شهادتي فيه مجرووووووحه والله يوفقج ياروح البحرين وين ماتروحين على هل خلطه الحلوه والي هي عباره عن

    ملعقة كبيره سدر
    ملعقة كبيره روب (زبادي)
    ملعقة صغيره عسل
    ملعقة صغيره ماء ورد
    تخلطينهم وتحطينهم 20 دقيقه على كامل الوجه والرقبه وبعد ماتشيلينه حطي ماي ورد باااارد على الوجه والرقبه

    وطبعا فوائد السدر غنية عن التعريف، كفاية انه مذكور بالقرآن والرسول عليه الصلاة والسلام وصى فيه، والسدر يباع مطحون تحصلونه عند العطار
    آخر شي بالنسبة للوجه، قللي الدهون والسكريات والنشويات وكثري ماااااااااااااي وشوفي النتيجه الحلوه
    انا الحمدالله هل طرق ماشية معاي لكن ايام الدوره والامتحانات والتوتر تطلع لي حبوب لكن مع هل طرق تروح بس يبيلها وقت ويعتمد على نوع كل بشرة

    صح وقبل ما انسه عن الهالات، خلطي كمية متساوية من زيت جنين القمح+زيت اللوز الحلو ودهني فيه المنطقة كل يوم لما تنامين وغسليها في الصبح لما تقومين.. انا استخدم هل طريقة ولاحظت تغير بسيط جدا لاني توني استعملها، امممم يمكن صار لي أقل من شهر وناوية أستمر عليها بإذن الله

    وعن سواد الجوزة الفاحم هههههههههههه مسكينه هل جوزه فاحم مره وحده ظلمتيها، المهم في خلطة حللللللوه هني من وحده من عرايس المنتدى الحلوين وهي عباره عن كميات متساوية من (جليسوليد+جلسرين+فازلين+فكس ) تخلطينهم مع بعض وتحفظينهم في علبة عندج وتدهنين فيهم ريولج الله يعزج كل لليله ، يشيل السواد مع الاستمرار وهم ينعم وطري المنطقة وممكن استعمالها للركب والأكواع بس أمانه انا ما استعملتها إلا حق ربولي الله يعزج لاني ناويه استخدم جليسوليد+جلسرين+ليمون حق المناطق الداكنه


    اممممممممممم.. شنو بقه بعد؟
    اي صح الشعر..
    مافهمت مشكلة شعرج:qaq:
    بس بقولج على خلطه دوم أسويها لحل جميع مشاكل الشعر
    وهي عباره عن كميات متساوية من (سدر مطحون+روب (زبادي)+ اي زيت تفضلينه)
    انا استخدمه مره وحده بس في الاسبوع لمدة 4 ساعات وممكن تحطين اي نوع زيت معاه (إذا تبين يطول حطي زيت الجرجير زين حق التطويل) انا دايمن أنوع وعلى فكره هذي الخلطه أعطتني إياها مشرفتنا الغاليه ام سعيده يزاها الله ألف خير، واخلطيه واحطيه على شعرج.. والنتايج بتظهر على حسب نوع شعرج، يعني انا صار لي سنين استخدم خلطات وزيوت للشعر فشعري متعود على هل شغلات وظهرت معاي النتيجه بعد شهر او أكثر، انتي صبري واستمري عليه وتوكلي على الله
    انا اغسل شعري مرتين بالاسبوع، مره بعد الخلطه والمره الثانيه بدون الخلطه ولكـــــــن اغسل شعري بسدر من بدال الشامبو (في اليوم الي ما أحط الخلطه) وطريقة انج تاخذين كمية من السدر على حسب طول شعرج وتزيدين عليه ماي وتخلطينه وتغسلين فيه شعرج عادي مثل الشامبو، وهذي الطريقة متبعة من الأجداد، وأمانه كانت عندي قشره وراحت الحمدالله وكان شعري يدهن وبعد راحت هل مشكله غير ان التساقط قل وبدأ ينبت شعر صغير..
    وإذا لاحظتي ان السدر نشف شعرج زيدي البلسم على الشعر عموما والأطراف خاصة

    وبـــــــــــــــــــــــ ــــــــــس

    آآخ تعبت وانا أكتب :sad:
    انشاءالله بس تستفيدين وسامحيني على القصور
    واي سؤااااااااال انا في الخدمة

    ولاتنسوني من صالح دعواتكم



    فديتج والله



    بصراحة أخجلتيني بكرمك ....كتبتي كل هذا عشاني ؟؟؟


    الله يرضى عليج الغالية



    مشكورة على عرض تجاربك


    وأنا نويت إن شاء الله أستخدم السدر بدل لغسول بين فترة والثانية


    وقناع السدر عاجبني من زمان بس ودرته


    زيت جنين القمح ... كنت أستخدمة من زمان ...وخلص ومارحت أشتري لي غيره

    وبصراحة نتيجته كانت راعة


    ريلي والجوزة

    أنا أسوي كريم (جليسوليد +جلسرين + عسل + حمض الفواكه + فازلين ) وأخلطهم وأعبيهم


    في علب صغيلرة بالثلاجوة

    وأستخدمه باستمرار لريلي وإيدي
    بس النتايج بطيئة جداً

    يعني النعومة روووعة بس الجوزة .... أحس مو راضية تفتح



    الدلاسين تي سوليشن

    عندي بس الهيازة والكسل :angry:


    الله المستعان






    .
    .
    .
    والله بصراحة ماقصرتي

    ومرورك على عيني وراسي


    الله يفتحها عليج وين ما وجهتي

  13. #13
    عروس متألقة
    تاريخ التسجيل
    27/11/2006
    الدولة
    الدوحه
    المشاركات
    249
    :sad: انا كسلانه لاني الحين انام عند امي وان ابي اسوي شي خلطه او زيت تزاعج علي تقول شو هالريحه الخايسه يعني امي ما تشجعني اسوي او اهتم لو شفتيني ااااااح :angry: مقهوره من نفسي بس ادا رديت لبيتنا بشتغل على نفسي ايه والله لا شغل ولا مشغله واسفه لاني ما حمستج بالعكس وشكرا

  14. #14
    عروس برونزية الصورة الرمزية نور الدوحه
    تاريخ التسجيل
    10/01/2003
    الدولة
    قطر الحب
    المشاركات
    1,642
    ويييييي

    والله انا نفسج
    بس انا مشكلتي تكيسلت لما قرب عرسي
    مابقى شي واهملت نفسي وطلعت لي حبوب

    ربج كريم

    بخصوص الوبر انا نفسج
    وبر ناعم بس اسود
    انا دوم اشقره

    بس افكر اشيله لانه يملللللللل

    انتظر الاجابه على هالنقطة لاني محتاجتها


    بخصوص الجوزة المسكينة
    قبل لا تنامين سوي لها سكراب .. تقدرين تستخدمين سكراب ماركة شول
    او سكراب فريمانز بالعنب حلووو

    وبعد ماتفركينها وتشطفينها بالماي

    رطبي ريولج بجليسوليد الاحمر وسوي لها مساج
    والبسي دلاغ وناااااامي

    اذا استمريتي على الطريقة بتلاحظين فرق شاسع
    وريولج بتصير انعم

    انا مرات احط مع الجليسوليد كريم zincast اللي نصحت فيه بنت عذاري في احد مواضيعها

    اتمنى اني افدتج ولو بالقليل

  15. #15
    عروس نشيطة الصورة الرمزية _بطه_
    تاريخ التسجيل
    13/08/2006
    الدولة
    البحرين نور العين
    المشاركات
    173
    فديتج فسفورية على هل كلمات الحلوه مثلج يا عسل
    اخيرا أحد عبرني في الردود لاني حسيت اني كتبت على الفاضي وصادني إحباط بصراحه قلت ولا بكتب شي بعد ههههههههههههههههههههه
    احنه كلنا نساعد بعض ومثل ما انا أستفدت ابي ارجع افيد غيري
    انشاءالله تحصلين الحلول الي تبينها وتتهنين بأحلى بشره وبالتوفيييييييييق حبيبتي

صفحة 1 من 2 12 الأخيرةالأخيرة

المواضيع المتشابهه

  1. مشرفات القسم بلييييييييييييييييز( جفاف وحرقان حوا العين) رد بنت عذاري
    بواسطة سمو الاميـره في المنتدى استفسارات العناية بالبشرة والجسم
    مشاركات: 7
    آخر مشاركة: 03/08/2010, 02:07 AM
  2. كلف البشر عقدتني ,, بنت عذاري وروح البحرين والعرايس كلهم بليز ساعدوني
    بواسطة جوري 2008 في المنتدى استفسارات العناية بالبشرة والجسم
    مشاركات: 1
    آخر مشاركة: 26/06/2008, 07:57 AM
  3. الى بنت عذاري وروح البحرين والجميع
    بواسطة حكاية غرام في المنتدى استفسارات العناية بالبشرة والجسم
    مشاركات: 5
    آخر مشاركة: 06/06/2007, 03:25 PM
  4. استفسار ضروري:: الرجاء الدخول .. بنت عذاري- أم عدول- روح البحرين وكل مشرفات القسم
    بواسطة كراملة في المنتدى ركن العناية بالبشرة والجسم
    مشاركات: 5
    آخر مشاركة: 13/12/2006, 02:12 PM