اريد حل لمشكلتي

[يارا*]

السلام عليكم ورحمة الله وبركاته
مشكلتي إني أحب زوجي كثير ورمنسية لابعد الحدود
كل مااقول اني لازم ابعد وما اتعلق فيه الاقي نفسي اتولعت بحبه
تقولولي طيب وين المشكلة مادام انه زوجك
المشكلة في طباعه او بالاحرى افعاله
صور خليعة وافلام اشاهدها في جهازه رقم انه مخليه برقم سري عشان مااشوفه وسواليفه على الماسينجر صرت اشك فيه
ثانيا التدخين كنت دايم انصحه انه يتركه عشان الاولاد تدرو ايش صار في يوم قلتله نفسي ادخن >>>>>امزح
راح اعطاني سيجاره كل يوم الان في اليل يقولي تعالي دخني معايا
انا ماابغى اتمادا انا ابقى حل سريع

[(sara)]

:qaq: :qaq: :qaq: :qaq: :qaq:



يعني تشوفين صور في جوال زوجك وساكته؟؟

انا عن نفسي مسسسسسسسسسستحيل اكلمه حرام يشوف هالصور

مو عن غيره لا والله

ما اغار عليه عادي عندي

حتى ابغى ازوجه بس هو مو راضي:sad: :sad:

مادري ليش يمكن تكاليف الزواج صعبه خخخخخخخخخ>>>>>>اتوقع

شكلنا طلعنا برى الموضوع

بس يعني صراحه لو شفت صور في جواله احس خلاص

مالي قيمه عنده يعني ارجع بيت اهلي احسن ولو ان بيت اهلي بعيد عني:sad:

لا وسوالف ماسنجر بعد خووووووش والله

انا ماعندي حل ان شاء الله البنات يفيدوك

بس قهر والله كذا خاصه انك تحبينه:sad:

ان شاء الله يا رب يتسخر لك زوجك قولي آآآآآآآآمين

[رنين2009]

بلا حب بلا بطيخ الله يعينك كرامتك وينها ؟؟؟؟؟؟؟؟؟؟
صارحيه عن الصور واستجوبيه

[رنين2009]

بلا حب بلا بطيخ :sad: الله يعينك كرامتك وينها ؟؟؟؟؟؟؟؟؟؟
صارحيه عن الصور واستجوبيه المحقق كونان :angry:

[(sara)]

^^^^^^^^^^^^^^^^^^^

معاها بلا حب بلا بطيخ :angry:

شدي الهمه واحنا معااااااااك:clap:

صارحيييييييه قولي له اي شي في خااطرك

[روح الوفا]

بنصح المضوع ينقل لكرن قضايا وحلول ساعتها البنات راح يفدونك اكتر
المهم حبيبتي
صارحيه فلا احسن من المصارحة
والكلام بالراحة معه مع نيتة اصلاحه ونصحه
وكلميه انه هالشئ حرام وخصوصا انه عندكم اولاد فلازم يتقي ربنا ويكون المثل والقدوة لااطفاله
حاسة بمعناتك خصوصا انه تمادا ويطلب منك تشاركيه
انصحبه بالتي هيا احسن
وادا لم ينفع وان كنت مكانك تاكدي حبيبتي بعد استوفاء كل النصح والجهد مني ان ابتعد عنه لانه خطر عليك يوعلى اطفالك
واسال الله العظيم ان يصلح لك زوجك ويهديه

[يارا*]

شكرا اخواتي على تفاعلكم مع المشكلتي
وهو انسان جدا طيب وحنون وكل الناس تحبه ومحد يتوقع انه كذا
و جربت نصحه وما فاد
يقولي ادعيلي وانا دايم ادعي الله انه يهديه ويبعده عن كل سوء

[بنت_الدوسري]

عزيزتي يارا


فعلا هذي مشكله جدا صعبه عليج وخصوصا انه زوجج

جوفي عزيزتي هذي المشكله اصلها قديم اي من ايام تنشئته ومراهقته وهذا الشي ترسخ فيه يعني صعب يزول بسهوله وعلى شان جذي هذي المشكله صعبه


عزيزتي زوجك مشكلته مشكله سلوكيه يعني سلوكه لاتقبلها قيمك ولا قيم المجتمع والحل هو تعدل سلوك زوجك وطبعا اذا انتي تحبينه وتموتين عليه راح يكون لج دور كبير في هذا الحل

قبل ما ابدا في نقاش الحل معاج ابي اخبرج عزيزتي ان الزوجه الذكيه هي التي تستطيع التعامل مع اي مشكله حتى لو كانت صعبه وتحتاج لوقت ولكن الزوجه الغير مباليه هي اللي راح تنسحب وترفض التحدي

يعني عزيزتي لازم تحسسين روحج انج داشه حرب مع هذي المشكله ويا انتي تغلبينها او هي راح تغلبج

الحل عزيزتي مثل مقلت لج ان المشكله صعبه لانها ترسبات من الماضي ويبيلها وقت وصبر وجهد

اتمنى انج تتبعين الخطوات التاليه:-

1- حددي كل الامور السلبيه اللي يقوم بها زوجك يعني صور خليعه, تدخين ...........الخ
2- حددي درجة اهميتها بالنسبه لج يعني رتبيهم على حسب اهميتهم يعني المشكله رقم واح وثنين او ثلاث
3-وبعدين عزيزتي حاولي تلاحظين سلوك زوجك يعني متى يقعد على النت لمشاهده هذي الامور ا(اوقات قيام زوجك بالامور السلبيه)
4- حاولي تربطين اوقات معينه بكل مشكله يعني في الليل يشاهد الصور الخليعه وجذي
5-اذا قدرتي انج تكتشفين سلوك معين يقوم به في السابق من خلال حديثك مع اهله (يعني ربط فترة قيام زوجك بامور سلبيه في السابق في فترة مراهقه اوغيرها)
6- تالي يا عزيزتي يجب عليج انج تمسكين مشكله مشكله لان التداخل لحل جميع المشاكل يازم الامور وطبعا تبتدين بالمشكله رقم واحد عندج وتركزين عليها بكل الطرق
7-من خلال ملاحظتج لاوقات قيام زوجك بالامور السلبيه حاولي بذكاء واكررها بذكاء انج تشغلين وقته في هذا الوقت باي طريقه وباي امر ولكن ابتعدي عن الكذب او التنكيد
8-حاولي انج تتجملين وتغيرين من استايلج على شان زوجك يحس بالتغيير فيج ويكتشف مواطن جمال فيج يمكن مالاحظها وعلى شان جذيه يلجا للصور الخليعه
9-حاولي في اوقات تكونون انتوا منسجمين وبكل رقه وحنان ودلع وانوثه انج تتكلمين عن الامور اللي يقوم فيها وتجسين نبضه يعني هل له نيه انه يبتعد او لا
10- حاولي انج تبعدينه عن البيت باي طريقه يعني انكم تقومون بعمل رحله للبحر او اي مكان بعيدا عن الوسائل الالكترونيه
11- حاولي يا اختي انج تذكرين جدامه قصص واقعيه عن ناس تابوا او ناس ماتوا على هالفعل او ناس خسروا زوجاتهم بهذا السبب
12-اهم نقطه انج تشغلين جميع اوقاته بشي مفيد وحسسيه بانوثتج بكل الطرق
13- والاهم عزيزتي انج تصبرين وتصبرين وتصبرين الى ان تحسين ان هناك تاثير وان المشاكل باتت تقل شي فشيء
14- حل اضافي استغلال بعض الاقوات مثل اداء فريضة الحج او العمرة

عزيزتي مشكلت زوجك صعبه لكن اذا تحبينه صبري يا عزيزتي وادعي الله في صلاتج ان يصلح حاله وتوكلي على الله لان الله ابتلاكي فاصبري لان الله يوفى اجور الصابرين بغير حساب

واسال الله لك الصبر على مشكلتك ويوفقك ويصلج زوجك

سلامي لك

[عذاري...]

اعتقد ان بنت الدوسري وفت وكفت

الله يساعدج اختي

بس بلا عصبية لان ممكن ساعتها يخلي اللوم عليج

[مُنايــا]

والله بنت الدوسرى قالت كلام زى العسل ربنا يبارك فيها
اعملى بيه دا كلام كويس اوى اوى
ربنا يهديه ليكى
بس لازم تعملى كل ما فى وسعك علشان تغيرية مدامك تحبية

[مدري وش اسمي]

شوفي حبيبتي صحيح هالشي حرام ويقهر لكن انا مو مع البنات يوم قالوا لك اتركيه 000

مهما كان هذا زوجك يالغاليه ومالك غنى عنه00 وخاصة انك تحبينه مستحيل تستغنين عنه
انتي تقولين نصحتيه
ولا طاعك

طيب ادعي له

حطي في سيارت في المسجل شريط عن الصور الخليعه وعقابها
حطي نشرات

خليه وين مايروح يلاقي شي ينصحه من دون ماتكلمينه

يعني حطي جنبه وهو جالس نشره اجلسي اقريها وحطيها جنبه وقومي كانك رايحه لشغل عندك وراجعه 000 يمكن يقراها ويهداه الله 00والنشرات هذي تلقينها في كل المساجد

[مجنونة زماني]

شوفي اختي كل شي اب جهه و انه يدعيج للحرام و التدخين هذا شي ثاني و في جهه ثانيه ..

اختي هذا ما فيه غيره و لا نخوة مع احترامي لج ..

بس تخيلي انتي عندج بنت .. و بنتج كبرت و تزوجت و باجر ريلها يقولها تعالي نتعاطى مع بعض ترضين ؟؟؟

اهلج لو يدرون انج ادخنين شو بيقولون ؟؟؟


اختي ببساطه هذا ما يخاف ربه و انا اجزم انه ما يصلي اصلن ...
لان الصلاة تنهى عن الفحشاء و المنكر

تبينه و تبين تستمرين معه .. هذه حياتج بس لا تخلينه هو يقرر مصيرج انتي .

لا تعتقدين ان عندج الطرق السحريه اللي راح تخليه الملتزم اللي يخاف ربه ..

فكري اول شي اب نفسج .. لا تنقادين وراه و را رذايله و شهواته و معاصيه و تشاركينه و تصيرين من عصاه الله ..

فكري ثاني شي بعيالج اللي لازم تربينهم تربيه صحيحه و دورين لهم قدوة حسنه يمشون و يكبرون و هم يتبعونها ..

بعدين فكري فيه .. و ادعيله في كل صلاة و حاولي و اطرقي كل الابواب و الوسائل لانه يتغير ...

حبج له ما يعني تدمير نفسج و اسرة كامله .. رجاء جاء اتقي الله في نفسج و عيالج ..

و اعلمي ان الله يراقبج و يحاسبج على تصرفاتج في نفسج انتي بالاول .. مب الناس..

فأتقي الله في نفسج .. و هو له رب يأدبه ...

الله يهديه ..

[wispy girl]

بنت الدورسري كفت وفت ولا مزيد على كلامها

[بحرينية أصل]

النقاش والتفاهم للوصول لحل لهذي المشكله .. لاتتركينه بالعكس اوقفي معاه وساعديه ان الله

يهديه وادعيله وحاولي دايما تشغلين سور قرآنية في بيتكم خصوصا سورة البقرة خليها شغاله

بصوت عالي وحاولي معاه بكل الطرق لا تيأسين ..دامج تحبينه خلج معاه ... وقولي له ان الانسان

كلما يكبر بالعمر يكون ناضج اكثر يعني هالاشياء اللي يسويها ماراح تفيده بشي

[يارا*]

مشكورات اخواتي على مساعدتكم لي
بس حبيت اوضح للاخت بنت الدوسري ان زوجي من عائلة محافظة جدا جدا
يعني ناس متدينين
واول متزوجته انصدمت به وماني عارفه من فين جاني الصبر
والله انه ماحسست اهلي او اهله بشي
واخذ كم سنه وهو ناسي هل امور بس من سنة تقريبا رجع تدريجيا
طبعا قلت اصبر زي اول ماصبرت وتعدل لكن الصبر بدا ينفذ
وقلت اقلكم مصيبتي قبل مانفجر وافضحه قدام الاهل
وشكرا لكم