اول شي افتحي لج انتي وريلج حساب توفير وعلى طول يحولونهن من الراتب للحساب يعنب مب انتي تسيرين وتعطينهم كل شهر عشان ما تتعايزين وتقولين لا بوفر للشهر الياي مثلا ألف درهم يعني أنتي ألف وريلج ألف في حساب واحد او حسابين منفصلين المهم يكونن توفيييير..ثاني شي اطبعي لج جدول بالأولويات اللي محتاجتنهن طول الشهر وتحددين لهن سعر معين ماتتعدينه مثلاً : أغراض المطبخ (من أكل وأدوات طبخ) 500 أو 1000درهم/راتب الخدامه اذا عندج/مصروف العيال 1000أو 1500 مثل ما انتي حاليا تصرفين عليهم/بترول للسياره (والافضل انج تاخذين بطاقه الرحال من أدنوك وتحطين فيها من بداية الشهر 500 للشهر كامل انا اسوي جذيه ومرتاحه)/مصروف الاكل لج في الدوام 500 للشهر كامل/لبسج وكشخج 2000درهم(والتواضع وعدم المبالغه في الكشخه زينه يمدحونها) واذا عندج شي ثاني مثلا فواتير بعد خلي مبلغ معين ما تزيدين عليه شهرياً..ونصيحه اذا انتي وريلج تتقاسمون مصاريف هالجدول هو بتعتدل عنده ميزانته ولا تفكرين انه ريال وهو لازم يتحمل كل شي وانتي تفكرين بنفسج ولبسج وطلعاتج تراه بعد بييه يوم بيحتاج لمبلغ معين (سفر/عينية عرس /علاج الله لاقال وغيره) انا هذي طريقتي في تقسيم مصروفي والسموحه منج وان شاء الله تستفيدين منها..لج تحياتي
في عندي برنامج راااااااائع اتبعيه بس على شرط الفلوس اللي تكون توفير ما تخلينها في ايدج و لا في حساب اي واحد منكم حطوها في مكان ما تقدرون توصلون له لو شو ما صار
و الله يوفقكم
انا كنت اعاني من هالمشكله بس مشيت على هالبرنامج و توفيري اخفيه عند امي و الحمد لله ارتحت ماديا انا و زوجي و عيالي
تعرفين ليش البيزات مافيها بركه لانه ماتصدقون.........
شوفي اول شئ تسوينه من تستليمن المعاش اتصدقي لو بلي تقدرين عليه انتي وريلج وجربي شو النتيجه.........
وايد ناس يعانون من هالمشكله.....
وبعدين ثاني شئ اكتب كل شئ بورقه اللر راح تحتاجونه والباقي حظه بالبنك
وان شاء الله خير