بسم الله الرحمن الرحيم
السلام عليكم كيفكم يا عرايس اقصد يا أمهات او مقبلات على الأمومة
المهم بصراحة و انا جالسة اكتب الاستعدادات للولادة وما بعدها قلت يالله ياشيخة خليني اشقر على العرايس الحلوات الحوامل او الوالدات وحتى البنات حتى يكون عندهم فكرة يمكن تنفعهم في المستقبل
وقلت خليني اقسم الموضوع لجزئين
اول شي اللي ولدت طبيعي (والله يكتب لجميع الحوامل الفرج والولادة الطبيعية) في الولادة الثانية كان موعد الولادة مثل ما قالت لك الدكتورة او تقدمتي او تاخرتي لأن الولادة البكرية أحس انها تختلف تمام الاختلاف عن الولادة الثانية يعني نـــــــــــــــداااااااا ااااااااااااااااااااااااا اااء
الـــــــــــــــــــــــ ـــــــــــــــــــــــــ ــــــى اهل التجربة خبرينا عن ولادتك الثانية والفرق اللي بينها وبين الولادة الاولى
والــــــــــــــــــــــ ـــــــــــــــــــــــــ ـــــــجزء الـــــــــــــــــــــــ ــثــــــــــاني
ابغى أسأل عن الاستعدادات للولادة من ناحية التجهيزات للمولود ولك
لأني في ولادتي الأولى تورطت ورطات كثيرة لا تعد ولا تحصى وراح اذكر شيء من ورطاتي مو عشان تضحكون على هبالتي بس عشان تستفيدون وتفيدوني يعني نتبادل خبرات
أذكر أسوا موقف مر علي...:confused: ..........طلعت من غرفة الولادة حول ثمان ونص و من سوء حظي ما رضوا ان امي تكون مرافقة معي وانا مو ذاك الشي في الاطفال ويكفي اني اول مرة اذوق ويل الولادة وكان تعامل الممرضات من سوء حظي بعد زفت
المهم راحت الوالدة البيت وما بقى غير انا وبنتي في الغرفة ومعي وحدة والدة بس مو بكرية المهم ياحلوات البنت جاعت و اكلت يدينها من الجوع و انا ما بيدي حيلة عاد ناديت الممرضة وقلت لها شوفي البنت جيعانة وانا ما عارف شو
اسوي ادتني الرضاعة و راحت طيب انا وشلون اخذ البنت من السرير وانامااقدر اتحرك
ضغطت على نفسي وقمت وشلت البنت من السرير ورضعتها تدرون ايش حصل كــــــــــــــــــــارثة البنت ما رضت تاخذ الرضاعة يا ويلي ويلاه شو الحل عـــــــــــاد جاتني الشطارة وغصبتها على الرضاعة لحد ما رجعت اللي في بطنها يــــــــــــــــــــــار بــــــــــــــــــــــي كارثة ثانية كيف أبدلها ثيابها ضغطت على نفسي وقمت من السرير ورحت للدولاب وفتحت الشنطة وطلعت ملابسها وغيرت لها ولفيتها بس البنت صارت تبكي من الجوع يا ربي رباه ما العمل تذكرت اني انا امها وفيه رضاعة طبيعية بس ما اعرف عنها ولا شئ غشيمة
واكبر مصيبة سويتها وكانت بداية أخطائي اني رضعتها طبيعي بس من دون ما اعقم صدري
ومرت بسلام وسكتت البنية والساعة الحين حول الوحدة ونص ابي ارقد الا بنت الحلال ما عندها نيةنومة عاد ناديت الممرضات ولا حياة لمن تنادي
المهم استحملت وبعدها بنص ساعة الا الحلوة تذكرت تتبرز اكرمكم الله ياسلام هذا اللي كان ناقصني و الله موعارفة اتصرف ناديت الممرضات للمرة المليون على التوالي ولا حياة لمن تنادي وقلت يالله انا امها وشديت على نفسي واجد وقمت وجبت الماء الدافئ وغيرت لها ولفيتها وحطيتها على بطنها على صدري وتكرمون رجعت علي مرة ثانية وغيرت ملابسها وهنا حصلت مــــــــــــصيبة كبيرة انا ما حطيت في الشنطة الا اربع مدري خمس لبسات ما بقى معي غير ثوبين عـــــــاد جارتي اللي جنبي تخيلوا طلبتني ثوب لولدها وانا ما معي غير ثوبين عاد انا الكريمة عطيتها الثوب وعقب تورطت لأن بنتي ردت ووصخت ثوبها لالالالالالالالالالالالال الاخلصت ملابس البنت والحين الساعة صارت ست الفجر اتصلت على اهلي وزوجي وحكيتهمالمأساة اللي ذقتها وقلت لهم جيبوا ملابس للبنت والحمد لله اخذوها الممرضات لأن الدكتور قرب يجي ولازم يكون الطفل نظيف قبل لا يشوفه الدكتور ما لحقوا يروشونها الا ثيابها جات
وارتحت ونمت و الساعة تسع صحوني لأن الدكتورة جاية تمر ع المرضى عاد قلت أكيد يغيرون الفرش مال السرير لا والله ماغيروه ولا شئ بس رتبوني وغطوني زين والملاية محد عبرها
اخيرا جات الدكتورة وقالت لي هاه تبين تخرجين وهي تمزح قمت وصحت قلت لها ابي اخرج الحين عاد هي استغربت قالت لا اجلسي معانا لبكرة ما رضيت وكتبت لي خروج الساعة 12الظهر والله انها اطول17ساعة مرت علي وقلت بعدها توبة
لازم يكون في شنطة على الاقل 12لبسة و12لفة و4 بطانيات وغير كذا لازم اهرب مرافقة معي لو اوزيها تحت السرير ولا الحالة اللي ذقت مرارتها
هذي هي مأساتي في ولادتي الاولى بس الحين الحمد لله درس وتعلمته وياليت احد يقدر يستفيد من الهذرة اللي كتبتها ويفيدنا
ياليت تكتبون مواقف مريتوا فيها حتى نتبادل الخبرات والتجارب
على فكرة انا ولادتي بأمر الله 24 ديسمبر ومو معكم في الرابطة لاني مودايم ع النت ولنا لقاء