مراحب بنات حبيت استفسر عن ابرة الظهر اذا فيه احد اخذها او سمع عنها ارجو الافادة
مراحب بنات حبيت استفسر عن ابرة الظهر اذا فيه احد اخذها او سمع عنها ارجو الافادة
حبيبتي انا خذتها
عباره عن ابره مثل ابره المغذي تقريبا.صغييييره...و متصله بمغذي اللي فيه الماده المخدره اللي تدخل الجسم...
طبيب التخدير يحط الابره في ظهرج و بعدين تبدين تحسين بالتخدير في المنطقه السفليه في خلال 10 دقايق
طبعا ما تحسين بالم الطلق ابدا...و اثناء الولاده يوم خلاص الرحم مفتوح 10 سانتي يخففوف تأثيره عشان تحسين و تقدرين تدفعين البيبي
يقولون اثاره الجانبيه ممكن تكون صداع او الام في الظهر...بس الحمدلله انا ما ياني اي شي من هالاعراض
حبيبتي انصحج اسألي الدكتوره بتشرح لج احسن
ما قصرت اختي انجل ايز......... في الشرح....
انا عن نفسي ان شاء الله باخذها بس بقول لهم يخففون جرعة المخدر عشان احس بالبيبي
واقدر اشكثر يحتاج مني عشان ادفع......
وماشاء الله 5 من هلي ماخذينها وماصار لهم شي
كل شي بيد الله سبحانه......
صلي صلاة استخاره.... والله يسهل عليج وعلينا
السلام عليكم .... اول ماقريت العنوان رجعلي شريط ذكريات سئ انا جربتها وليتني ما جربتها صح الطلق ما تحسين في الا مثل التقلصات البسيطه بس فترة الولاده تطوووول انا حطوها لي الساعه سبع صباحا وولدت العصر الساعه ثلاث وربع تخيلي كل هالوقت على كرسي الولاده
وبعدين احتمال حدوث شلل ويعني وحده بعدي حطولها ابره الظهر وانشلت (في مستشفى العسكري) و اذ1ا كنت بكر زيي صعبه لانه ماتعرفين كيف الدفع و خصوصا انه المنطقه مخدره وجوا الممرضات يساعدوني وخلعوا لي وركي .. واما الاثار الجانبيه انا جاني الم بالظهر الى يومك هذا اذا طولت جالسه او راكعه احس ظهري بينكسر ....والله يشهد على كلامي.. اختصار القول انصحك ما تستخدمينها .. الا اذا كان هذا يعتمد على المستشفى . .... والله يقومك بالسلامه
انزين انا ماخذت الابرة والطلق تم عندي من الساعة 3 الفجر لين ثاني يوم الساعة 4 العصر .. عادي
الطلق يطول في اول ولادة.. والابرة اعرف ناس وايد خذوها ومن بينهن اختي وماصارلها شي..
اكيد كان فيه اسباب للي صارلها شلل والله يعلم .. انا اختي قالتلي انه عيبها الوحيد انج ماتعرفين متى تدفعين البيبي
.. وبعد الولادة تصير الام بسيطة في الظهر وتروح عقب
هلا بنات
بخصوص الدفع...الدكتوره تخفف تأثير الابره يوم خلاص تتوسعين 10 سانتي عشان تحسين و تعرفين تدفعين البيبي...وانا طلبت اوقفها تماما عشان احس عدل لاني ما كنت عارفه ادفع ...والسبب كان ان البيبي كان معترض في الحوض...
ووايد قالولي مب من الابره ما عرفتي تدفعين لانهم ما خذوا الابره وبعد ما عرفوا طريقه الدفع..عشان جيه الوحده لازم تسير فصول ما قبل الولاده وتتعلم كل هالاشياء
رد مع اقتباس