قوة بنات أشلونكم والله اشتقت لكم وايد وايد بس الظروف اللى مرت فيها اهى اللى خلتني ما أدش النت ،، فى بعضكم كان يعرف اني كنت حامل لأول مرة وموعد ولادتي المفروض كان يصير بشهر نوفمبر بس ربي ما كتب لى واللهم لا أعتراض على اللى صار،،،،
سمعو انه طوال فترة حملى كان كل شى عندي طبيعى دخلت على الشهر السادس قام ينزل على افرازات نفس المخاض رحت المستشفى قالو لى عادى هذا التهاب وعطونى كريم استخدمه باليل قبل النوم وتحميلات المهم وبنفس الفترة وانتو بالكرامة صار عندى اسهال المهم نفس اليوم اللى كنت بروح فيه دكتورتى بجوف شنو السالفه شفت الأفرازات عندي تزيد وايد وايد المهم وانه بالطريج بروح حق المستشفى حسيت شى حار ينزل على بكثرة انه اهنى قعدت أصيح من الخوف الا واهو دم أحمر اول ما وصلت المستشفى الدكتورة قال لااااااااااااا انتى لازم ادشين على غرفه الولادة انه اهنى من زود ما انه خايفه على البيبى قعدت اصيح اقول لها اى ولادة انتى اشفيج انه بالشهر السادس المهم خذونى بسرعه على غرفه الولادة ياتنى الدكتورة المناوبه قالت لى انتى مفتوحه 3 سم وانتى على وشك ولادة المهم طقونى ابرة عشان يحفظ الرئه عند البيبى وعطونى طلق صناعى عاد اللى مجرب الطلق ييحس فينى حسيت روحى بتطلع من زود الألم المهم عقب 3 ساعات من دخولى المستشفى ولدت الحمدلله بس نفسيتى كانت حدها حدها تعبانه ما كنت متوقعه اللى صار لى المهم تمت بنتى بالمستشفى 18 يوم وتوفت :sad: كنت عندها واقفه يوم سكرت عيونها الله لا يبلى احد باللى صار لى والله للحين نفسيتى تعبانه وكل ما أذكر اللى صار اصيح ويعورنى قلبى بس الواحد ما يقول الا الحمد لله على كل حال ما صار هذا الشى الا فيه صلاح .
بس حبيت اخبركم ليش قطعتكم مره وحده .
وكل اللى اقدر اقوله اللحين اللهم لا تذرنى فردا وأنت خير الوارثين