السلام عليكم
اخباركم صبايا؟
اليوم راح انزل لكم لوكاتي اللي حطيتها في العيد
وتقريبا هالعيد حطيت 7 لوكاات تخيلو!!
بس اليوم راح احط لكم لوك ثاني العيد الصبح
و وبكره باذن الله راح احط لوك ثالث العيد المسائي00
وان شاء الله متى مافظيت راح احط لكم لوكات اول العيد وثاني العيد(الليلي) ورابع العيد00
وهذا لوك ثاني العيد الصباحي00
هاللوك يجنن
وايد يحلي الويه
ونعووووم
وينفع تحطينه للمسا00
اول شي
- حطيت البيس من شيسيدو( هو بيس معاه كريم مرطب فيه حمايه من الشمس)
- وبعدها حطيت البخاخ الفكس+ من ماك
ونطرت شوي لين يجف وبعدها
- حطيت الكونسيلر من جيرلاين حوالي عيوني على الهالات وفوق الجفن علشان يثبت الشادو00
- وبعدها حددت خشمي بشكل خفيييييف باللون البيج الغامج من البودي شوب00
- وعقب حطيت الستديو تك من ماك( لونه افتح بشوي من الصوره)
حطيته بفرشاه ماك للكريم اساس00
وبعدها بديت بالشدو من بوبي براون
- حطيت رقم 1 البيج على كامل الجفن المتحرك00
- وبعدين من باليت لانكوم,
( حاولت اغطي الالوان الباقيه علشان ماتتخربطون)
اخذت اللون الابيض وحطيته تحت الحاجب00
- بعدها اللون الذهبي من باليت لانكوم
حطيته على نصف الجفن المتحرك بالشكل الطولي لين نهايه العين
- ومن باليت بوبي براون رقم 2 , سويته شكل قوس على بين الجفن المتحرك والثابت00
وشوي شتته ماخليته خط واااضح00
- وبعدها خذت شدو بوبي براون رقم 3 واستخدمته كـ آي لاينر فوق العين (بدون ماي)00
- بعدها اخذت بيجمنت ميلون رقم 5 ,
حطيته على اللون البيج اللي حطيته في البدايه
على النصف الداخلي من العين
بس حطيته بشكل خفيييف00
- اخذت البيجمنت رقم 4 وحطيته على الشدو البني اللي حددت فيه العين
من فوق ومن تحت حطيته منه شوي00
- واخر شي حطيت بالطبطبه اللمعه الذهبيه على كامل الجفن
وطلعت اللمعه ناااعمه مش صارخه00
( ترى بنات الالوان كلها خفييفه وناعمه يعني ماحطيتها بشكل كثييف )00
(وترى هذا اللوك مافيه كحل ولا آي لاينر, لانه للصبح فحبيته يكوون هادي وطلع لي واايد نعوم)
وبعدها "عقصت" رموشي وحطيت مسكرتي الحلوه00
وبعدها حطيت مثبت الروج من البودي شوب
وعقب حددت شفايفي وشوي من روج ماك وفوقه غلوس ديور00
وعقب تحت العين
( اول شي ماتنثر شدو وايد , واللي تنثر مسحته بشكل سريع بالفرشاه ومابقى له اثر)
حطيت البلاشر بشكل خفيف تحت عظمه الخد
ولمعه شيسيدو حطيتها بشكل خفيف فوق البلاش
وبعدها بالطبطبه حطيت لمعه البودي شوب الكور
وهذي الفراشي المستخدمه في هاللوك 00
وبجذي نكون انتهيينا
( بنات الشرح وايد طويل بس الخطوات واايد سهله!)
بنات سامحوني على ردااائه الصور , لان الفوتوشوب مادري شفيه مش راضي يشتغل معاي
واستخدمت البينت بداله!