أوووف تعبت ابغي حل

[سيدة الثلج]

عندي مشكلة ,,, يمكن واااايد بنات يمرون فيها ... اتمنى من الي عندها
خبره ما تبخل علينا في الرد ;)

المشكله هي:

عندي خطيب مرات يكون ما في احد احسن عنه في التعامل,,,
يعني رومنسي رومنسي ,,,, حتى لدرجة انه اخجل من كلامه الحلو,,,

ومرات ,,, يا ويلي ,,,يزعل من اتفه الاسباب ,, يعني حساس جدا جداً...
اذا هو غلط ,, انتي لازم ما تزعلين لانه هوه اعترف بغلطه ,, بس تعالي
انتي وسولفي وياه مجرد سوالف ... يزعل ابسرعه ...

الحين هو زعلان مني وهو الغلطان لاني ما غلطت عليه ,, حاولت اراضية
لكن ما في فايدة ... المهم الحين انا مطنشة بس ما قادره...

ابغي حل؟؟ ابغي طريقة اتعامل فيها مع هاي النوعيه من الريايل بحيث ارضي نفسي وارضيه...؟؟:confused:

[DL3]

انا بعد نفس الشي :confused: :confused:

والله ما اعرف شو الحل

وعلى فكره هالرياييل من النوع اللي اونه ما يحب يذل عمره ويعتذر وما يعترف بالخطأ :eek: :eek: :eek:

[سيدة الثلج]

والله يا ختية ... قبل ما في أحسن عنه... يتمنى بس رضاي

بس اطمن اني احبه خلاص قام يدلع,,,

صدق يوم قالوا "" يتمسكنون لين ما يتمكنون"""

[ميمي اللطيفة]

انت ابعدي عنو يوم او يومين وهو راح يرجعلك ان شا لله بس هو مره حساس الله يكون في عونك انت قوليلو انت وايد حسااااااااس:mad: :mad: :mad:
ومشكورة

[سيدة الثلج]

تسلمين يا ميمي,,,

انا باعده عنه الحين ,,, بشوفه لين وين يوصل ,,,,

[s0s0]

انا سمعت انو ازا الوحدة زعلت من جوزها او من خطيبها ما تتركه لانو هوي بالاول بزعل وبضايق وبدو اياها ترجع ... بس بعدين بتعود وبتبطل تفرق معه وبصير ازا تركته يوم بتركها اسبوع ... لازم هوي يتعود انو ما بقدر يستغنى عنها حتى لو شو ما صار ... هادا الكلام قراته هون في السايت من وحدة من الاخوات الله يجزيها الخير واقتنعت فيه وعم بطبقه من خطيبي ... بس مشكلتي انو انا حساسة وبزعل بسرعة ... ساعات هوي بحكي شي بزعل منه ... بدو اول ما يحكيلي اسفة ارضى واصير اضحك ... طيب انا ما بقدر ... بكون قلبي مليان عليه ما بصفى بسرعة .... بعدين بزعل هوي ال لانو انا زعلت منه ( لازم ما ازعل ) بعدين اللي بصير انو براضيه وبراضي حالي ... وازا مثلا ما صالحته مع انو انا اللي زعلانة مو هوي ... بضل حزين للابد لووووووووووووووووووووووول ...

[DL3]

لا تقولين له انت حساس لانه بيرد يزعل:eek:

ولا تقولينله انت شرات اليهال بعد بيزعل
اسال مجرب ولا تسال طبيب

[DL3]

حاولي اتطرشينله مسجات

مثلا اذا اهو ما يرد عليج

اكتبيله بالمسج ( اتصل ضروري بسرعه)


اهو اول ما يشوف المسج بيتصل على طول


اول ما اتردين عليه طبعا بيسألج شو مستوي قوليله( ما شي بس اشتقتلك
وهالشي ما يستاهل )

بيسكر فويهج
طرشيله واحد ثاني واكتبي (بتم مشتاقتلك حتى ولو سكر فويهي عادي)




اذا ما نفع قوليلي


ملاحظه :

هالوصفه مجربه

[سيدة الثلج]

والله مرات ,,, اسوي عمري ناسية الموضوع ,,, واكلمه عااادي

لكن منوه قال,,, صدق يوم يدلعون الريايل بعد غير شكل,,,

تدرون انه هوه يكون مع الناس غير ,,, شخصية جذابة ,,, رزين وعاقل محد احسن عنه,,,, وياي انا شيء ثاني ,,,, دلع دلع

[مـــــــادلين]

عزيزتي سيده الثلج

أول شيء اقولك عليه انك لازم تتحملينه لانه باين عليه من النوع

الحساس جدا على اتفه الامور.

مدام انتي عارفه طبعه حاولي تتأقلمين معاه على الطريقه اللي

يحبها . شوفي الاشياء اللي يبيها واعطيه وابعدي عن الاشياء اللي

ما يبيها .وحتى لوو تعبتيمن الاسلوب هاده الله يعينك عليه

لانك انتي عارفه طبعه وعارفه انه حيكون كده بعد الزواج ومدام

انتي تحبينه كل شيء فدا له صح؟ لان الحب تضحيه

وصدقيني انتي بذكائك تقدري تخليه ما يتصرف كده

عموما اختي الله لا يجيب الزعل وان شاء الله ربي يوفقك معاه

ولا تخافين من اي شيء وادعي الله دايما انه يهديه لك

وربــــــــــــــي يخليكم لبعض حياتي.

ولك مني أجمل تحيه...........

أختك:

[مهتمة]

أنا أقول الله يعينك لأن الرجال دائما يعرفون إن المرأة حنونة و لايمكن إنها تزعل حبيبها لذلك عليك عدة خطوات:
1- محاولة فهمه جيدا لأن الرجل مايزعل إلا إذا حس بإهانه من المرأه و لكن دون شعور منها أو إنه كان عادي بالنسبه لها .
2- لا تعطيه فرصه إنه يزعل فحاولي إنك تلطفي الجو إذا حسيتي إنه بدأ يتلكك و يزعل
3- حاولي إنك تكوني معاه في كل كبيره و صغيره تسألي عنه تبادليه الهدايا تهتمي بالأمور إلي يشوفها مهمة حتى لوماتعنيلك حاجة .
4- إذا زعلتومن بعض حاولي تراضيه بشتى الطرق حتى لوحاول يطنشك مصيره يرجعلك يعني فين بروح ( مردك لي )
5- أتفقي معاه من البدايه إنه مهما زعلتو من بعض لازم نتصالح في نفس اليوم و الغلطان هو إلي يبدأ بالمصالحهو كده إنشاء الله ما راح تزعلو من بعض.
و الله يديم المحبه (l)(l)(l)

[دانيلا]

انا نفس الشي مثلك خطيبي حساس بالمره
ايش اسوي وياه
مره صار الى نفس موقفك وطنشته وطنشني اسبوع تدرين انه في هذا الاسبوع ولا فكرت اني ارفع السماعه اكلمه ولاشي
امي حست فيني وقالت الى مافيه كرامه مابين الزوج وزوجته انتين لازم الى تدللين زوجك ودلعينه حتى لو الغلط منه انتي الى تدللينه وتدلعينه الرجال مثل الطفل كل ما عودتينه على شي بياخده عليك فعوديه على الى انتي تبين مع الصبر وطولت البال خذي كلشي بالسياسه ولا تزعلين منه امسكي اعصابك وكبرياءك و استقبليه بابتسامه حلوه طالعه من القلب وانسي الزعل وانتى الى كلميه وان شاء الله بتتوفقين


ايش سويت اول شي رسلت اله مسج( تبغاني ادوب كلمني )

مارد على يتغلى وكلمته ما رد على تدرين ايش سويت رحت البيت عندهم واخدت ورده حمراء مع هديه ورساله كلها كلام غزل تدوب
وتركتهم على السرير ورجعت البيت لما جا ودخل الغرفه تفاجا تصدقين انه هوه الى كلمني واعتذر الي .

خدي الحياه ايزي وتحمليه نصيحه والله يهنيكم

[محمسة]

أختي سيده الثلج أول شي بسألك سؤال كيف تكونين سيدة وانتي ما تزوجتي المفروض انك آنسة الثلج ؟
مشكلتك واضحه وحلها بيدك إذا كنت تحبين خطيبك لازم تعرفين نفسيته وتعرفين أيش يحب وأيش يكره وأيش يرضيه وأيش يزعله إذا كان عندك استعداد انك تدارينه استمري معاه لأنه إنسان حساس ولو انه مايحبك ويموت فيك ماكان كذا يعني يدلع عليك بس شرط انك تعرفين تتعاملين معاه وهو محتاج لإهتمامك .
الله يوفقك وتستاهلين كل خير.