حل حق زفورة الربيان؟؟؟؟؟؟؟؟؟؟؟؟؟؟

[نودو]

السلام عليكم ورحمة الله وبركاته،،،،،،،

مرحبا بكم يا بنات كيف حالكم لو سمحتو شنو تسووووون حق الربيان علشان الزفورة تروح مثلاً السمك انا اخلي عليه بهارات السمك والملح واتركه ساعة وبعدين اغسله صحيح اللي اسويه انزين والربيان من عندها خبرة شنو اعمل بالربيان علشان لين اطبخه ما يصير فيه ريحة زفورة مثلاص مجبوس او اي شي ثانى دلونى بليز على طريقة تتبيلة الربيان والسمك للزفورة...........


سئوال هل اقدر اعمل صالونه تمر هندى وجلجلان وطماط وبصل وليمون مع الربيان وعيش ابيض او ما يصير ........

[nodoo]

محد جاوبنى ابي اطبخ انتظر الرد منكم ( قبل ما تغسلون الربيان بشنو تخلونه علشان الزفورة تروح) . ارجوكم ردوا علي . ولا بنتم من غير فطور اليوم...........

[مرموم]

السلام عليكم ورحمة الله وبركاته

هلا بك نودو...إنقعيه شويه في ماء مضاف له خل...

و اضيفي كام نقطة خل أو ليمون له خلال الطبخ...

بتروح ريحة الزفارة منه

[nodoo]

اشكرك اختى مرموم جزيل الشكر انقذتينى انشاالله بإذن الله راح اروح البيت بعد ساعة وراح انقع الربيان بالماء والخل ، وثم اغسله وبعدين افوحه مع خل وليمون وانا شاكرة لك جزيل الشكر والله يعطيك العافية نفس الشي اقدر اعمله للسمك.....

[الجوهرة]

أنا احط شوية طحين وملح وليمون وأخليه ساعتين وأغسله وبعدين أطبخه وماتكون له ريحة زفرة وايد:clap:

[nodoo]

راح اسوى نفس ما قلتوا انتى والأخت مرموم انزين طحين تقصدين اي طحين عندى .....:qaq:

[حلوه وكشيخه]

مرحبا الغاليه .. انا بعد اتبع نفس الطريقة
علشان ريحة الزفر تروح من الربيان قبل الطبخ اغسله واضيف له 3 ملاعق طحين + ملعقة خل + ليمون ورشة ملح واخليه لمدة ساعة .. بعدها اغسله وابدى الطبخ ..

[nodoo]

مشكورة بعد على الرد انزين نفس الشي تسووووووونه حق السمك ، وريحة السمك من المطبخ شت تسوون فيه تبخرون المطبخ ببخور عادى او شنو ...... مسامحة اسئلتى زادت......

[الجوهرة]

طحين عادي الغاليه

بالنسبه للريحه سكري باب المطبح وافتحي الباب اللي يودي على الحوش والدريشه وشغلي

الشفاط ،

وان كان عندك مطبخ خارجي اطبخي السمك فيه

وحطي مستكه وعلوك البان وبخور وحبة سودا عشان تروح الريحه

بس التهويه مهمه بعد ، وفي العافيه (f)

[مناهل78]

نودو أنت شنو قصة عضويتك،، مرة الأسم بالعربي (عضو نشط) ومرة بالإنجليزي (العضوية الذهبية)،، شوفي لك حل مع الإدارة يكون يثبتون عضويتك...

المهم الروبيان بعد ماتنظفينه غسليه وحطي به طحين وشوي خل ونقعيه مدة، وبعدين غسليه مرة ثانية وخليه بقدر يطبخ وأضيفي معاه حبتين هيل ومسمار وبس لبن شفتيه طبخ سكري عنه وحطيه مع الطبخة...

[eeman_b]

أنا أسوي نفس اللي قالوه الأمورات..


بس لا تكثرين خل..لأنه يفتته...




وبالنسبة للريحه..


حطي بقدر ما تبينه..


مويه+دارسين+شرايح برتقال وليمون....وخليهم يغلون لحد ما تطلع ريحتهم...

ورشي شوووووويييييييي فليت..بف باف..

يعني بخه وحده صغيره مو تخنقين المكان..


وبعد كذا بخريه عادي...





في أمان الله...

[nodoo]

كثير وانا سويت اللي قلتوا لي وطلع الربيان لذيذ الحمد لله وطبختى طلعت لذيدة ولا زفورة ولا شي الحمد الله بس حتى السمك احط فيه طحين وخل (ما اعتقد):shy: ، اختى رانيا البحرينة الله يسلمك ويعافيك شنو اسوى يا ريت المشرفات يساعدونى ويغيرون لي لأنى حاولت كذا مرة انى اسجل بالمنزل نفس الشي (الرقم السري) وما كان يصير ........

[خالة سارة]

ماء وخل يشيل الزفرة

[الجوهرة]

السمك والدياي واللحم كله نفس الطريقه ،

بس أنا ماأحط خل إلا قليل جدا للدياي