ساعدوني ( خواتي اللي تعرف شي عن المراخ (المساد) ارجوووووكم )

[shery007]

السلام عليكم

خواتي انا من 3 سنوات ما حملت وامس رحت حق مراخة(مسادة) يقولون عنها وايد زينه حته اهنية سمعت عنها في المنتدى، وقالت لي فيك لوته ، وصح لما كانت تمسدني كنت احس ان جهة اليمين في الرحم كأن فية شي داخل.يابس اما اليسار مافي شي
المهم امسدتني وقالت اليوم بعد بتمسدني وبكرة
انا رايحة لها من قبل سنه ومسدتني وبعد حسيت نفس الأحساس بشي في بطني .. المهم قالت ان اللوته هي دم يتحقن داخل الرحم وقالت ان فيه عندها ادوه شعبي من الكويت يشربون ملعقة ونص كل يوم من اول يوم الدورة ... وقالت هذي الدوة يذوب الدم المتجمع في الرحم وقالت ان وايد خذوة ومشة معاهم وحملو.. سعرة 100 دينار بحريني

انا صراحة جربت كل شي الا اعشاب ما ادري ليش ارتحت لكلامها بس بقيت اسألكم اش رايكم اجربة والا لا
واذا تعرفون شنو معني اللوته وتجمع الدم في الرحم فيدوني والله يجزيكم الف خير

[shery007]

اشدعوة :sad: ليش مطنيني لهدرجة ... ليش ما تساعدوني
الله يسامحم:confused: :angry: :cry: :mad2: :no: :mad:

[Qtr Girl]

الصراحه انا خالتي تمت 5 سنوات ماحملت أول ماتمرخت وامسدوها على طول احملت وحريم وايد احملو عقب المسود وبالنسبه للأعشاب عمرها ماكانت مضره و وايد ادوية شعبيه استفادو منها وعلى فكره لازم تمسدين ثاني يوم من الدورة او ثالث يوم يعني لازم تكون فيج الدورة والله يرزقج ياحبيبتي ويرزق كل محروووووم

[صمتي كذا !!]

:عزيزتي انا مجربه التمريخ ثلاث مرات .. والحمدلله اول مرة بعد ولدي البكر جلست اربع سنين ما حملت ورحت تمرخت وحملت وبعد ولادتي رحت تمرخت علشان بعد الولاده واريح ظهري وعلى طول حملت والحين توني مخلصه الأربعين وتمرخت بس علشان اريح ظهري وارجع كل شئ بمكانه
وهاذي تجربتي وبصراحه انصحك تروحين وتتوكلين على الله ....

وبالنسبه لكلام الحرمه اللي قالته لك اعتقد انها تقصد عند انسداد في الأنابيب بسبب دم متجمد فيك وهذا الدم غالبا يكون من دم الدوره وما كنتي تنظفين منها زين وتبقى فيك ويجمد بس الدواء اللي بتاخذينه بينزل الدم اما على شكل قطع مع دم الدورة او دورة غزيره بس لا تخافين تغذي كويس واشربي شئ دافئ باستمرار لين تخلصين الدورة ..

وربي يرزقك بالذريه الصالحه

طبعا انا تكلمت حسب ما اعرف عندنا بالسعوديه ..

[وحي الفيروز]

انا قريت في احد المنتديات ان المفروض لما تشربين اعشاب توقفين اي دوى اوحبوب لأنه يمكن يصير تفاعل مع عناصر الدوى
والله اعلم

[ام سعودي22]

عزيزتي المسا د زييين بس كثرته يضر

اعرف وحده سبب لها اورااام في البطن

الله يرزقج الذريه الصالحه

[OM SAAODY]

يمكن زين ............لان دايم اسمع الي فيها دم متجمد ينزلونه بلاعشااب ..

[ام عــلاوووي]

نبغي نسمع تجارب اكثر؟؟

[$بسومه$]

اختي انا اعرف انه التمريخ مرره مفيد



زوجة اخوي تمت سنتين ماحملت وتمرخت وبفضل الله حملت



ومثلوا ماقاولا الاخوات الاعشاب وايد مفيده وماسمعت ان فيه اعشاب تضر



يااارب يرزقك اختي وجميع المسلمات يااارب وتقر عينك يااااارب

[ام عــلاوووي]

من يعرف مساده في البحرين؟؟

[shery007]

مشكورين يا خواتي والله يجزيكم اللللللللللف خير

[ام عــلاوووي]

انه سمعت عن مساده في جدحفص اسمها ام عبد الله واااايد مدحونها احد جربها..من الحررين