روابط قد تهمك :
فساتين العروس | تسريحات | تنظيم الاعراس | زخرفة | عالم حواء


النتائج 1 إلى 13 من 13

الموضوع: منو ضبط وياها ايام تحديد الأباضة؟؟ شاركونا بتجاربكم

  1. #1
    مشرفة سابقة الصورة الرمزية عيون بوظبي
    تاريخ التسجيل
    14/06/2004
    الدولة
    في حفظ الله ورعايته
    المشاركات
    3,655

    منو ضبط وياها ايام تحديد الأباضة؟؟ شاركونا بتجاربكم

    السلام عليكم ورحمة الله وبركاته

    شحالكم يا حريم .. وحشتوني والله ..

    وهالقسم صار له كم يوم على بالي .. حاسه اني ابا اكتب لكم وخلاص .. اي شي ..:cool2:

    المهم ..

    اليوم انا كنت اقرا في المجله عن تحديد جنس الجنين .. وياما قريت عندكم في المنتدى بعد .. >>افكر بمستقبلي وايد هههههه

    وقريت انه ..

    الي تبا انثى بأذن الله .. يكون الجماع بعد الدورة على طول ومن اليوم 13-14 من الدورة ..

    يعني قبل نزول البويضه..(هذا الي ودي اعرفه.. يقصدون قبل نزول البويضه يعني قبل ايام التبويض ؟؟ ) واللا وقت الدورة ؟؟ تراني هبله ماعرف :bigsmile:

    المهم سؤال اليوم ..

    منو منكم جربت هالسوالف سواء في البنت او الولد وضبطت ؟؟

    طبعاً كل شي بيد الله سبحانه .. بس تدرون العلم المتطور ونحن نجرب (r)

    فياريت الي مجربه هالشي تخبرنا وتفيدنا ناويه اسويها في المستقبل ان شالله .. تذكروا نحن ما نتكلم عن الجدول الصيني .. كلامنا عن ايام التبويض ..

    كله يدعون علي ما اييب بنات تخيلوا .. :angry: ريلي يدعي انه ما اييب بنات لأنه يشوف شكثر اخسر على البنات اليهال الي في العايله ..

    وامه تدعي ما ايييب بنات عشان ريلي من رايه اي بنت ممكن تغلط بأي شي يذبحها على طول :angry:

    ادعوا انتوا عاد وقولوا ان شالله اييب بنوته قمر بعد سنتين هههههه

  2. #2
    عروس مبدعة الصورة الرمزية **أم عبدالرحمن**
    تاريخ التسجيل
    01/10/2005
    الدولة
    uae
    المشاركات
    659
    أنا عن نفسي ما عمري ضبطت معاي صار لي سنه وانا احاول بهذي الطريقه ولافي فايده

    وبخاطري يصير شي لو بالغلط على قولت بعض الحريم حملن بالغلط ماكو فايد لا بالغلط ولا بالتوقيت ولا اب اي شي ما قول غير الحمد لله على كل حال اصبر نفسي
    والله يهني إلي صابت لهم هاي الطريقه وأكون وحده منهم ولكل وحده بخاطرها تحمل يارب

  3. #3
    نائبة المشرفة العامة الصورة الرمزية مرموم
    تاريخ التسجيل
    16/02/2003
    الدولة
    وطني الذي لم أراه
    المشاركات
    15,096

    السلام عليكم ورحمة الله وبركاته

    الله يرزق الجميع من فضله العظيم يا رب...

    شوفي يا عيون...بقول لك تفسير الموضوع...

    الحيوانات المنوية اللي فيها الصفات الأنثوية بيكون توزيع الكروموسومات على هيئة XX

    و الحيوانات المنوية اللي تحمل صفة الذكورة بتكون XY

    المعروف إنه الحيوانات XX بتكون بطيئة...و تعيش أطول

    و الحيوانات XY بتكون سريعة و تعيش فترة أقل


    اللي بيحصل إنه لما يصير لقاء قبل أيام التبويض...الحيوينات المنوية اللي فيها صفات الذكر...تسبح بسرعة للبويضة...لكن البويضة لسه ما ظهرت....لذلك...بتموت سريعا...

    في حين الحيوانات المنوية اللي فيها صفات الأنثى بتسبح بهدوء و بطء...و ممكن توصل للبويضة بعد يومين..يكون التبويض حصل فعلا...و يحدث تلقيح...


    لذلك...بيقول لك إنه الجماع قبل أيؤام التبويض يجيب بنت


    لكن لو صار الجماع يوم التبويض بالضبط...أو يعني خلال ال 24 ساعة الي في يوم التبويض...تلاقي الحوينات اللي فيها صفات الذكورة تسبح بسرعة على البويضة ( أسرع من الحيونات اللي فيها صفات الأنوثة ) و تلقحها...و بالتالي يصير حمل بولد...



    و كله نعمة و فضل من الله تعالى...ولد أو بنت...هذا رزق و مكتوب...

  4. #4
    عروس ماسية الصورة الرمزية Qtr Girl
    تاريخ التسجيل
    05/08/2006
    الدولة
    فديت ترابج ياقطر
    المشاركات
    3,188
    الصراحه انا ماجربت بس كل اهلي ماشين على الجدول الصيني وامي وايد يضبط معاها وكل بنات العايله ضابط معاهم الجدول الصيني ... والله اعلم

  5. #5
    مشرفة سابقة الصورة الرمزية عيون بوظبي
    تاريخ التسجيل
    14/06/2004
    الدولة
    في حفظ الله ورعايته
    المشاركات
    3,655
    مشكورين وايد خواتي على مروركم الرائع ..

    ومشكورة مرموم على التفسير .. انا قريت وايد عن الي كتبتيه ..

    بس ودي اعرف في حد تجنب ايام التبويض عشان تبقى الحيونات المنوية الانثوية او لا ..

    كله بيد الله سبحانه والرزق حلو لو شو ماكان ..

    وننتظر تجارب باقي الخوات

  6. #6
    مشرفة سابقة الصورة الرمزية مناهل78
    تاريخ التسجيل
    07/04/2003
    الدولة
    بين احبابي
    المشاركات
    7,886
    الحمدلله عن نفسي، كان ايام التبويض وجبت ولد والله أعلم..
    وسمعت عن الدش المهبلي وغيره بس مااستخدمته.
    بخصوص الجدول الصيني مثل ماقالت الأخت (مانأمن به) بس لما شفته طلع صح، على وعلى أمي وصديقاتي وبنات الشغل بس الواحد مايأمن به ويتوكل على الله (وعلم الإنسان مالم يعلم)..

  7. #7
    مشرفة سابقة الصورة الرمزية العهد
    تاريخ التسجيل
    22/02/2004
    الدولة
    الامارات
    المشاركات
    1,873
    كلهم حلوين ..


    ومااحب اتبع هاالشي او حتى اقرا عنه لانه الله الرازق..ومالنا دخل ف قدره لنا من ناحية جنس المولود..

    المهم الحمدالله انه الله رزقنا بالذريه الصالحه..

    تسلمين فديتج..

  8. #8
    عروس مشاركة
    تاريخ التسجيل
    11/07/2006
    الدولة
    بلادى
    المشاركات
    89
    اقتباس المشاركة الأصلية كتبت بواسطة العهد
    كلهم حلوين ..


    ومااحب اتبع هاالشي او حتى اقرا عنه لانه الله الرازق..ومالنا دخل ف قدره لنا من ناحية جنس المولود..

    المهم الحمدالله انه الله رزقنا بالذريه الصالحه..

    تسلمين فديتج..


    وانا بعد راى من رايك تسلمين

  9. #9
    مشرفة سابقة الصورة الرمزية عيون بوظبي
    تاريخ التسجيل
    14/06/2004
    الدولة
    في حفظ الله ورعايته
    المشاركات
    3,655
    اشكركم خواتي على آرائكم ..

    ممكن يكون صح انه الواحد ما يصدق هالأشياء بس انه شي علمي مجرب

    وسبحان الله .. الله يرزق من يشاء ..

    وانا اعرف ناس وايد يحسبون لأيام التبويض ..

    المهم في الأخير طفل سليم معافى

  10. #10
    عروس جديدة
    تاريخ التسجيل
    28/08/2006
    الدولة
    oman
    المشاركات
    5
    اعذروني انا ما اعرف شيء بس ايش يعني الجدول الصيني

  11. #11
    مشرفة سابقة الصورة الرمزية angel eyes
    تاريخ التسجيل
    29/12/2004
    الدولة
    دبـــي
    المشاركات
    3,291
    مرحبا عيون
    جوفي الصراحه انا يوم حملت كنت استخدم جهاز كشف التبويض..فاول ما بدت ايام التبويض كان الجماع يوميا..والحمدلله يبت ولد..يعني يمكن يكون هالكلام صحيح لان الجماع بدا مع التبويض ..بس الله اعلم

    المره اليايه (عقب سنتين او ثلاث) بجرب قبل التبويض عشان خاطري في بنوته بس الله كريم

  12. #12
    عروس رائعة الصورة الرمزية aboura
    تاريخ التسجيل
    11/02/2004
    الدولة
    uae
    المشاركات
    1,415
    أنا اللي أعرفه انه يوم التبويض يكون ولد واذا قبل التبويض بكام يوم يكون بنت ، على حسب الناس اللي اعرفهم ، 90 % ضبطت معاهم ، ولكني ما عم تضبط معاي ، يعني لا في أيام التبويض ولا قبله ولا بعده ، الله كريم ،،

  13. #13
    مشرفة سابقة الصورة الرمزية عيون بوظبي
    تاريخ التسجيل
    14/06/2004
    الدولة
    في حفظ الله ورعايته
    المشاركات
    3,655
    الله يوفقكم ان شالله يارب

    كشخة فكره الجهاز والله

    اختي عبوره الله يرزقج ان شالله انتي وباقي البنات

المواضيع المتشابهه

  1. تعليم الطفل دخول الحمام / شاركونا بتجاربكم
    بواسطة Love M في المنتدى التربية والطفل
    مشاركات: 4
    آخر مشاركة: 01/04/2009, 03:04 PM
  2. احلى كريم للعين شاركونا بتجاربكم
    بواسطة sovy في المنتدى استفسارات العناية بالبشرة والجسم
    مشاركات: 5
    آخر مشاركة: 15/03/2008, 08:08 PM