كيف ترسمين الاي شدو بفرشاة الاي لاينر ..؟؟

[مسزز غموضة]

السلام عليكم
كيفكم حبوبات العرووووووووووس
حابة استفسر ويمكن راح افيد غيري

وخاصة الاخوات الخبيرات الي اتعلمنا منهن الكثير
سؤالي فرشاة الاي لاينر هي لرسم الكحل للعين بس انا لاحظت خبيرات التجميل يتسخدموها للرسم وما كنت متاكده ؟ ولما شفت الموضوع للاخت الي نزلت لتعرفينا على الفراشي وخذيت الصورة لاني استغربت وهي لرسم العين الاي شيدو بعد وهذه خطوة احسها مهمة واذا استهسلت عن اي فتاة بيكون من السهل تبدع بعيونها
الاستفسار كيف نتعلمها وكيف نرسم ؟
هل حد يقدر يفيدني



فرشاة الآي لاينر ..


انتظر شرحكم وارائكم واتمنى الكل يشارك حتى نستفيد

الله يوفقكم

[اسيرة قلبه]

كل فرشة ولها مهمتها يمكن انتي مانتبهتي زين

هذي تستخدم للآي لاينر

وفرش الشدو متعدده فيه للدمج وفيه لوضع طبقه على الجفن المتحرك وموجود فرشه اسفنجيه

وفيه اللي تجي مشطوفه من فوق تستخدم غالبا لوضع الشدو تحت العين

[مسزز غموضة]

اشكرك حبيبتي على ردك الجميل
واعرف تقريبا كل الفرش والله يخلي اسئلتي للبايعات والاستفادة من المنتدى

اذا رجعتي لموضوع في المواضيع المميزة بتحصلي ها الصورة ومعها انها ممكن ترسمي عينك بعد بفرشاة الاي لاينر وانا استخدم مكياجي الفرشاة مالهم حلوة

بس سؤالي محدد هل ممكن وكيف ؟؟

مشكورة على المرور

[اسيرة قلبه]

هذا المكتوب

بهذي الفرشاة الرائعة تقدرين ترسمين عينك سواء بالكحل السائل او الكريمي..
وتبدعين الرسم بأي شكل لرسمات العيون و إستخدامها سهل كأنك تمسكين القلم وترسمي عينك ويدك بتكون ثابتة من غير ماترجف بإذن الله ...


وانا قد شفت خبيرة تجميل بالتلفزيون حددت الشكل المطلوب لرسم الشدو بفرشة الآي لاينر وبالآي لاينر وعبت الشكل من الداخل بشدو اسود وقامت تدمج

غير كذا ماعتقد تستخدم !!

[بيانسيهq8]

اعتقد اختي يصير ترسمين الشدو فيها

بس شرط يكون الشدو كريمي

اعتقد بيطلع روعه حق تحديد ورسم العين

انا بجربها وبشوف

[نجمة الليل]

اهي انج تتحكمين في الكحل السائل قبل لاينشف وتوزعينه على المكان اللي تبينه بعود القطن

وتكون ايدج خفيفه وسريعه يعني ترسمين بسرعه الكحل قبل لاينشف هذي طريقتي انا ما ادري

اذا قصدج جذيه او لا

وفي طريقه بس احسها بتصير اوفر وااايد انج تملين الجفن المتحرك بالاي لاينر الاسود وعالجفن

الثابت تحطين لون الشدو الثاني اللي تبينه

واذا كان قصدج استخدام الشادو بدال الاي لاينر فماك عندهم فرش والبودي شوب تاخذين الفرشه

الدقيقه وتبليلنها اما بماي او في محلول سائل يثبت الشادو وبس ترسمين خط وتكررين عليه اكثر

من مره ثم تاخذين فرشه ثانيه تكون نوعا ما اعرض بحطين فيها الشادو بس بدون ماي تمررينها على الخط

اتمنى يكون هذا المطلوب

تحياتي

[نهى1]

السلام عليكم

اختي ممكن تستخدمين ها الفرشاة الي راسها دقيق في رسم خطوط خارج محيط الكحل مثل الرموش المرسومه او تعطين العين مثل تاثير الطاووس

ممكن ترسمين بها الخط الفاصل بين الجفن المتحرك و الثابت

استخداماتها متعددة و ممكن تستخدمين خيالك

طريقتي ان ها الفرشاة امد بها خطوط متقاربة للاعلى لتعطي احساس برموش او الطاووس مثل ما قلت و الخط الفاصل بجانب انها تحدد لي المنطقه الفاصلة بين الحدود الخارجية للشدو

لا تعتمدين على القواعد استخدمي خيالك

[مسزز غموضة]

مشكورات اخواتي على المرور والله فدتوني والحمدلله طلع كلامي صح

اما للاخت اسيرة انا كتبت مو من فراغ او اني ما عندي ادني فكرة عن اي موضوع اتكلم بالعكس في خبيرة تجيمل ترسم فيها
ودليل الي قلته الاخوات الي عقبن بعدي

والله يوفقكم