شهر العسل وييين ؟؟( الكل يدخل)+شهر العسل لعروس قديمة(دمج)

**عروس قديمه** · 06/03/2002, 02:44 PM

هممم...اكيد من ضمن التخطيطات ...قضاء شهر العسل وين بيكون؟؟

كل وحده تكتب البلاد اللي زارتها او سمعت عنها...وتنصح خواتها العرايس...يقضونها هناك....

شو رايكم بالفكرة؟؟؟

طيف عابر · 06/03/2002, 04:25 PM

السلام عليكم ..
هذه أول مشاركة لي وحبيت أطلعكم على البلد اللي أحبه..

ميونخ (في ألمانيا )..مدينة هادئه ورومانسية ..والجلسة على البحيرات تجنن..قضيت فيها أيام حلوة ..وناسها متفهمين يعني بتحسون فيها بالأمان.
وفيها أعلى قمة لجبال الألب توصلون لها بالتلفريك وماأقد ٌدر أوصف لكم روعة المناظر من فوق..وعلى فكرة في ثلج في القمة بعد موجود صيف وشتاء..
وأشجار الصنوبر والغابات والورود .زسبحان الله جنة الدنيا..
وأتمنى تعجبكم.;)

(l)

**اديب** · 06/03/2002, 05:09 PM

اخواتي

اسف انا دخلت بالخطاء

المعذرة

اديب

مجد2002 · 06/03/2002, 08:59 PM

فعلا ياخت طيف عابر.................;) حلو اسمك
قمة جبال الالب جدا رائعة ومنظر ما يتفوت مع اني كنت باموت
من الارتفاع
كمان باريس وسويسرا جدا رائعة
وحتلاقي فيها عرب
باااااي

**عروس قديمه** · 06/03/2002, 09:38 PM

مشكورين يا خواتي على مشاركاتكم..اللي بتفيد اخواتنا العرايس...انشالله ...لقضاء فترة شهر العسل....

بالنسبة لألمانيا..انا رحتها..وزرت ميونخ...بس انا برأيي...ان ماليزيا احلا...ليش....

لانها دوله اسلامية...
ناسها طيبين..ومتعاونين...
المناظر اللي فيها فعلا خلابه..وفوق الوصف....
فيها الجزر..والجبال...تجنن...فيها احلى خمس جزر في العالم...جزيرة لانجاوي...هذي فعلا جنه.....

التسوق فيها ممتع..ورخيص...
الفنادق اللي فيها...مستواها راقي..والخدمه ممتازه...
الأكل اللي عندهم..حسب ذوقي...يهبل...

بالنسبة لباريس...
انا في رايي...جوها رهيب...
لكن من ناحية التسوق...جيد...
لكن اللي مو حلو فيها...ان ناسها مو متعاونين...وما اعتقد بترتاحون فيها..باختصار...ما تنفع لشهر عسل...(حسب رأيي)...

بالنسبة لسويسرا..

انا ما زرتها...بس ليش لا...فكرة حلوه لي...ولخواتنا العرايس...

**جود111** · 15/03/2002, 03:25 AM

سلام يا صديقات المستقبل...

هذي أول مشاركة لي في هذا المنتدى الرائع.

بالنسبة لشهر العسل نصيحتي جزر المالديف وخاصة جزيرة باروز.

أنا عروس جديدة ورحت شهر العسل هناك، صراحة شي خيالي كأن الوحدة في حلم، رومانسية لآخر درجة حتى إن الغرفة ما فيها تلفزيون بس راديو وموسيقى هادية وكل واحد في حاله.

صراحة أنا ما قعدت شهر كامل بس 10 أيام وكانت من أجمل أيام حياتي لأنها مو زي أي مكان زرته، مافي أسواق وملاهي وصجة ودنيا بس بحر يجنن ورمل أبيض وشجر في كل مكان ومطاعم رايقة على البحر و كوفي شوب يفتح لآخر الليل ورحلات للجزر الثانية إذا حبيتوا.

شكلي تحمست بزيادة بس فعلاً مكان جميل جداً ما ينفع إلا لشهر العسل وأتمنى لكم السعادة الدائمة وحكوني إذا رحتوا ;)

**عروس قديمه** · 15/03/2002, 03:18 PM

مشكورة و الله يعطيج العافية على هالمعلومه الحلوة....
والله ذكرتيني بأيام شهر العسل...وحمستيني اروح اسافر مرة ثانية....؟؟؟؟

وانشالله بقول لزوجي هالمرة نروح جزر المالديف....

بس تدرين ذكرتيني بجزيرة لانجاوي في ماليزيا نفس المواصفات....تقريبا....وجميله جدا....سكنا احنا في شاليه عالبحر...رهيب...بحيث تكون الغرفة فوق البحيرة...منظر رهيب كثير....
وعلى فكرة ترى لانجاوي من اجمل 5 جزر في العالم....
سبحان الله تقولين جنه؟؟؟

**العروس** · 22/03/2002, 04:07 PM

طبعا طبعا طبعا ... وبدون اي تردد .. قرية العشاق ...
زلمـــــسي

هي قرية في النمسا .. تطل على بحيرة خلالالالالالالالالالابة .. وحويلها جبال الالب .. المنظر راااااااااائع .. و القرية هاااااااادية ..
فعلا قرية العشاق..
انا زرتها ... وودي لو ازروها مره ثانيه اذا الله كتب لي وتزوجت .

**عروس قديمه** · 23/03/2002, 01:23 AM

مشكورين يا بنات على هالردود الحلوه.....

وين البلدان العربية؟؟؟؟

شو رايكم بالمغرب؟؟؟مكناس حلوه...وكسله....مراكش...فاس....ك ازابلانكا....فيها مناظر طبيعية خلابه.....

**liylas** · 02/04/2002, 04:47 PM

يا بنات انا راح اتزوج عن قريب وكنا مفكرين انا وخطيبي انه نروح على اسبانيا شهر العسل بس بعد ما سمعت كلام جود عن جزر المالديف غير رايي لانه مشوق جدا" .

**عروس قديمه** · 02/04/2002, 10:32 PM

جزر المالديف...رهيييبه...

لكن غالية كثييير...

تشبه جزيرة لانجاوي في ماليزيا....

بس في جزيرة المالديف التحرر فيها اكثر...

والقرار ليكي....اهم شي...دام انك مع زوجك..كل مكان بتروحيه بيكون حلو...

والله يسعدكم

**liylas** · 03/04/2002, 01:32 PM

عن جد غالية .. طيب وين في أماكن حلوة تانية غير المالديف ممكن نروحها شهر عسل .. كمان انا يا بنات بفضل منطقة باوروبا .
وشكرا"

**عروس قديمه** · 04/04/2002, 09:11 PM

مارسيليا في فرنسا.....
تطل عالبحر..التسوق فيها رخيص..الناس اللي فيها تعاملهم احسن من اللي في داخل فرنسا.....
فيها شارع يشبه الشانزلزيه..
تبعد عن فرنسا نص ساعه بالقطار....

اليونان.....
تحسن انها بلد عربي...ستايلها شوي شرقي..تقدرين تتنقلين من جزيرة لجزيرة باليخت...
مناظر طبيعية حلوة كثير...خاصة اللي في الجزر...

اكلهم حلو خاصة الاكل البحري....

ممكن تستأجرين يخت..تسكنين فيه اسبوع..في اليونان....

استراليا حلوه...خاصة لشهر العسل....

**قوارير** · 07/04/2002, 03:17 PM

يا بنات

ممكن تحطون لنا كم كلفكم شهر العسل في البلدان الي ذكرتوها

ساعونا شوي نختار

;)

**عروس قديمه** · 07/04/2002, 04:05 PM

هلا ارادوس...

انا اللي اعرفة عن البلاد اللي يذكرونها الاخوات ...خاصة باللي يخص الاسعار..والمعاملة و الاكل..والتسوق....

بالنسبة لجزر المالديف....
حلوه كثير....بس اسعارهم كثييير..غاليه....
بالنسبة لي...

كان شهر العسل اسبوعين بس...
في ماليزيا...كان التذاكر و التنقلات الداخلية..والجزر و الهوتيل..والمواصلات كلها عليهم..وكلها درجه اولى.... والفنادق كلها 5 نجوم كلفنا 20 الف...

كان كل شي منظم..كم يوم بنقعد في الجزيرة الفلانية...وبعدين تجينا سيارة خاصة تنقلنا لمنطقه ثانية...تكون حجوزات الهوتيل جاهزة فيها...وهكذا...

الموضوع: شهر العسل وييين ؟؟( الكل يدخل)+شهر العسل لعروس قديمة(دمج)

أدوات الموضوع

بحث في الموضوع

ِشهر العسل...وين ناويين تقضونه؟؟؟؟؟

المالديف وبس

المواضيع المتشابهه

بشرتك مع العسل أحلى من العسل

بشرتك مع العسل.. أحلى من العسل!!

العسل..شفاء ودواء ..العسل اصلي 100%من منحله

بشرتك مع العسل.. أحلى من العسل!!

سقانى العسل بالكاس اثاري العسل مسموم