سويسرا .. النمسا .. فرنسا ... ايهم افضل تكفون بنات ..!!

[دفا الكون]

السلام عليكم ورحمة الله وبركاته

بنات محتااااااااااااره مره مره مره ...

تكفون بنات ..

وين اسافر ...

سويسرا .. النمسا .. فرنسا ..؟؟


ودي بدوله حلوه وتكون فيها احتفالات ومهرجانات ..

ودي دوله مسالمه ..

ودي بدوله امشي فيها واحس بالامان .. << اشك النقطه هذي بـ فرنسا :salam:

ودي يابنات بأسواق فله .. ووناسه .. اسواق عندها الغريب والعجيب بالنسبه لنا ..

ودي بدوله حلوه يابنات ..؟؟

وش ترشحون لي تكفون بنات ..

بنتظركم ..

[دفا الكون]

(n)

[ياارب أعرس]

[grade="00008B FF6347 008000 4B0082"]الغاليه انا رحت فرنسا وامي راحت سويسرا ومرت اخوي راحت النمسا ...

وعن تجربتهم ... بالنسبه للنمسا بلاد جميله وهاديه وشعبها مسالم ....
سويسرا ... أيضا امي تقول حلوه وطبيعتها حلوه ...
فرنسا ... عن تجربتي الشخصيه روووووووووووووووووووووووو عه لأني رحت قبلها لبلجيكا بس فرنسا غير ... الأسواق غير ... والمناطق السياحيه توجد بكثره والمطاعم الرائعه... ونهر السين تحجزين فيه رحله تشوفين معالم باريس ... وعندج والت ديزني اجمل المهرجانات والأسواق فيها متعه للكبار والصغار ....[/grade]

[دفا الكون]

ياقلبي انتي ..

جعلك تعرسين ياااارب وتتوفقين في حياتك يارب ..

ان كان محد عبرني غيرك ..

يااختي زوجي مره يبي فرنسا .. بس انا متخوفه من شعبها وخايفه الامان يكون معدوم .. بس خايفه من فرنسا ..

بس انتي كذا ريحتيني .. ياليت ياليت لو برساله خاصه لو باي شئ تشرحين عن فرنسا .. احسها صخب ودي بالصخب بس خايفه منهم .. <<< يالله مدري وين ابي اروح اللي يسمعني يقول بروح مدري وين .....!!!

اسفه حبيبتي وعيوني اثقلت عليك ... بس حمدلله اني لقيتك ابي وحده خبرتها واسعه عن باريس ..

[ياارب أعرس]

[grade="00008B FF6347 008000 4B0082"]الغاليه ... دفا الكون ...

جعلك تعرسين ياااارب وتتوفقين في حياتك يارب .. .. ( اللهم آمين )

الغاليه تطمني ابصراحه انا ماشفت فيها الي يخوف بالعكس كل واحد في حاله ...
ان شاء الله بتستمتعين فيها وايد ... حاولي انك تقضي مشاويرك الأسواق ورحلة نهر السين في النهار وخلي بالليل للمطاعم والتمشيه مع زوجك على الشانزليزيه لأن باريس في الليل حلم....

وفيها معالم جدا جميله وبعدين بتلقون عرب فلا تخافين ... انا كنت بعباتي وبحجابي بس ماحد تحرش او كلمني ...

وانا قعدت فيها 5 ايام في باريس و4 ايام في ديزني لاند وكانت احلى رحله ...

واي استفسار الغاليه انا حاضره ولا يهمك وماثقلتي عليه ...افااا عليكي بس ...[/grade]

[دفا الكون]

ماقصرتي والله ..

الله يجزاك الجنه ويحقق مناك عاجلاً غير آجل في الدنيا والآخره يارب ..

وحلو تخطيطك في النهار اسواق .. وبالليل تماشي .. بس نهر السين كثير يحذرون منه يقولون شرب ورقص .. ويااختي اخاف من هالسالفه .. << تهقين صحيح الكلام ..

ابلشتك يابعد عمري .. بس يعلم الله حاجتي للاسئله فوق ماتتصورين ماودي اروح مثل الدايخه ودي اكون على بينه ..

ولك من قلبي دعوه بظهر الغيب

[ياارب أعرس]

[grade="00008B FF6347 008000 4B0082"]ان شاء الله مااا أكون تأخرت عليكي ... لأني كنت مشغوله بظروف عائليه شوي ...

اسمحيلي...

الغاليه بالنسبه للرحلات الي في نهر السين على حسب القارب في منهن مطعم وصح هذا شرب واغاني ... وهذا نحن الي خذناه ماكنا نعرف ... بس كنا بعيد وحجزنا اول القارب وماحد كان جنبنا والحمدلله استمتعنا بالمناظر بس الأكل الله يقطعهم ضفادع وبط ... وفي قوارب بدون اكل وتحوطين على جميع آثار ومعالم باريس ...واعتقد انه اسعارها احسن بواايد ...

وبالتوفيق ان شاء الله ...[/grade]

[طيف الطيوبة]

كل واحدة احلى من الثانية الصراحة حيرة