صفحة 1 من 3 123 الأخيرةالأخيرة
النتائج 1 إلى 15 من 44

الموضوع: لكل عروس..سهلت عليج الموضوع..وكتبت لج قائمة باذن الله كامله عن المكياج اللي تحتاجينه.

  1. #1
    عروس مشرقة
    تاريخ التسجيل
    06/10/2005
    الدولة
    فقلب حبيبي...زوجي حمودي....
    المشاركات
    457

    لكل عروس..سهلت عليج الموضوع..وكتبت لج قائمة باذن الله كامله عن المكياج اللي تحتاجينه.

    هلا الغاليات
    لاني عروس :shy: ويالسه اشوف شو ياللي محتاجتنه من مكياج.....سويت قائمه:clap: .....لاني شفت وايد من البنات العرايس محتاسات ومش عارفات شو ياخذن:sad: ..... اتمنى انها تفيدكم.......وتكون شامله:qaq:
    و اتمنى اني ما اكون ناسيه شي فيها.....بس اذا في شي ناقص....ياتليت تكملونلي اياه......
    وهذي القائمه اللي سجلتها وبطبق عليها باذن الله وان شاء الله تفيدكم:shy:
    رح اكتبها اول شي ولكم حرية اختيار الماركات وايضا بكتبها مره ثانيه بس بالماركات اللي انا اخترتهم:shy:
    نبدا




    .....................................
    ((((((((((بالنسبه للوجه)))))))))))

    البيس
    الكونسيلر
    كريم اساس للسهرات ويفضل يكون ذو تغطيه فعاله
    كريم اساس للبيت والصباح
    كومباكت باودر يعني (باودر مظغوطه)في حال استغنيتي عن كريم الاساس ورح تستخدمينها بالماي.... او مع الاساس بس بدون ماي.....
    باودر شفافه في حال استخدمتي كريم الاساس....
    لوس باودر (باودر سائبه)
    الاضائه.. تعطي للوجه لمعه حلوه....وفي انواع منها الملون اللي تكون ورديه او لؤلؤيه او ذهبيه
    ومنها اللي تكون ملونه بس فيها كلين يعني جلتر

    ....................................
    (((((((((العيون والحواجب)))))))))

    قلم الحواجب .... او تاتو من فور ايفر...او علبة الحواجب من بودي شوب....
    البيس المثبت الخاص بالايشدو ((يمدحون ماك ......انا استخدم الفازلين ارخص ونتيجته حلوه وايد ))
    الايشدوهات (((انواعه المات يعني المطفي _ذو لمعه لؤلؤيه_وفي انواع فيها جليتر)))
    جليتر لحاله معاه الصمغ مثل اللي في بن ناي
    الالاينرات ((سيد الالوان الاسود_وممكن تاخذين الالوان الاساسيه بني وازرق))
    اقلام العين
    الماسكرا

    .................................
    ((((((((((الخدود))))))))))
    البلاشرات

    ..................................
    (((((((الشفايف)))))))))
    اقلام الشفاه
    القلوسات نوعين بجليتر او بدون جليتر
    الارواج
    مثبت الارواج اللي بنفس الوقت يعطي لمعه او بدون لمعه

    ...................................
    (((((((مقتطفات)))))))
    مثبت المكياج
    والفرش
    المستورايز((مرطب ما قبل المكياج))
    وبودرة الجسم لا تنسونها.....
    لا تنسون جلترات الجسم...اللي تيجي على شكل معصار.....كنتوا من النوع اللي يحبها



    .................................................. ............

    وبالنسبه لقائمة المكياج اللي ناويه اشتريها وهي بالماركات........................هي كالاتي:shy:

    :qaq: بس نسيت اقولكم شي...ترى انا بيضه ويهي مافيه عيوب بس عندي هالات عالخفيف ....بشرتي دهنيه...وفيها شبه اثار للحبوب بس خفيفه وايد......
    احب كريم الاساس يكون شكله طبيعي عالوجه...وفنفس الوقت يخلي البشره صافيه مخمليه.....واحب المظهر ايكون مات او ببريق بعد الاضائه طبعا........

    ببدا....

    الاساس....اريد خاص للسهرات والمناسبات....اريده يعطي تغطيه وملمس ناعم ومخملي ؟؟؟
    نفس الشي للبودر....؟؟
    و البيس ...شو رايكم من فور ايفر..؟؟...وبودرة الاضاءه أي ماركه تنصحوني فيها....؟؟؟

    واريد بعد اساس خفيف للبيت والصباح افكر اخذه من نيفيا ((المات)) لانه حلو علي... او رح اكتفي بالبيس عشان يحمي الوجه ويرطبه.....وبستخدم فوقه بودر؟؟؟؟؟؟؟؟
    الكونسيلر؟؟؟أي نوع اخذ.......؟؟انا يعجبني كونسيلر BN بس ما اعرف وين يتوفر حاليا....اذا تعرفون وين قولولي انا من الامارات من العين.....او اذا فيه بديل مشابه له..........
    ................................................
    البلاشر والايشدو والاقلام والباجي افضل انها تكون ماركات رخيصه وانا بقول شو اللي جربته وعاجبني وانتو اشيروا علي اذا كان فيه افضل.....اوكيه:salam:
    الايشدوهات رح اخذ من برجواز....برستيج....وماكس تاتش.....
    الالاينرات باخذ من نيفيا وبرستيج
    اقلام العين ماعندي فكره؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟اريد زيتوني وتركوازي واسود......
    الماسكره من GMDM
    البلاشرات من GMDM
    اللب لاينر((اقلام الشفاه)) من ريميل و....................ماادري اذا فيه احسن....
    الارواج من ايسادورا
    والقلوسات .....بجليتر>>>من ايسادورا.......مكياجي..... ….GMDM.
    ....بدون قليترمن ...نوبا....
    .................................................. ........
    مثبت المكياج ما اعرف شو اخذ..اي ماركه.....افضل انه يكون سبراي ينرش بعد المكياج....
    باخذ تاتو الحواجب من عند فورايفر للسهرات وباخذ مال البدي شوب للطلعات العاديه......
    باخذ كربون من عند ماك....اريد مثبت للروج.....شفت في فور ايفر بس ما اعرف كيف يستخدمونه.....
    الفرش ما ادري شو اخذ محتاره فيما بين ماك...ومكياجي....بوبي براون.....ابغا الارخص

    ........................................
    انا حاطه الميزانيه من 2500_3000 شو رايكم زينه؟؟؟
    :shy: :shy: :shy:
    لا تنسون اريد ارائكم وان شاء الله الموضوع ينال اعجبكم............:salam:
    الموضوع من جهدي الخاص وياليت اللي رح تنقله تكون امينه وتقول انه منقول وتذكر المصدر ولا ياويلها من الله.....

  2. #2
    عروس رائعة الصورة الرمزية serenity
    تاريخ التسجيل
    21/07/2004
    الدولة
    ღأبـ ح ــيآ دنيتـي وأمـوت وأنـآ أردد إمـــآرآتيღ
    المشاركات
    1,322
    اول شي, مبروك يا عروسه و الله يتمملج على خير إن شاء الله

    ثاني شي, موضوعج روعه و مفيد.. الواحد مرات يخبص ياخذ اي شي و كل شي!

    اما بخصوص استفساراتج, بجاوبج باللي اعرفه

    -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+

    الأساس: اعتبريه كإٍستثمار يعني ركزي عليه لأنه هو اللي بيرتبلج شكل البشره
    عن نفسي جربت ماركات وايد و انواع وايد... الوحيد اللي استانست عليه قريباً كان ماك
    Studio Fix Fluid
    و هو سائل في غرشه.. احسن طريقه تستعملينه تحطينه على ايدج ياخذ كم حرارة الجسم
    و نفس الوقت انتي تحطين الكونسيلر لو محتاجه, انصحج بالpalet مالت ميك اب فورايفر اللي
    فيها 5 درجات ننفع لكل شي.

    و البودره بعطيج نصيحه توفر عليج من ناحية البودره الحره خبرتني عنها خبيرة تجميل
    خذي بودره من اللي فيها 4 الوان مثل الجيفينشي و هي مضغوطه.. فتقدرين تستعملينها
    بالإسفنجه على انها مضغوطه, و بالفرشاه على انها حره تقدرين تستعملينها يومياً

    اذا تبين بودرة إضاءه بروحها, جربي من ميك اب فورايفر

    اساس يومي خفيف, ماعرف عن النيفيا اللي قلتي عنه, بس جربت البورجوا اليديد, خفيف
    و هو نفسه نااااااعم لأنه الأساس نفسه هو الكريم و البودره مع بعض, يعني ينشف يعطيج
    الفنشنج كأنج حطيتي بودره و خلصتي ... و إذا مب حابه تحطين اساس في البيت
    جربي تستعملين بس كريم حمايه ضد الشمس (ترا يفيد حتى من اشعة التفلزيون و الكمبيوتر)
    و خذيه ملون (tinted)... و ماانصحج ببودره في البيت إلا اذا كان ريلج موجود, اما اذا محد
    انصحج بس حطي كريم مرطب و خلي البشره تتنفس

    الكونسيلر, انصحج بالميك اب فور ايفر, بس اذا تبين الBN شوفي اذا حد يوفره في القسم
    التجاري, بيساعدونج البنات.. و اذا عرفت وين ينباع عدنا, بخبرج

    ...............................................

    البلشرات اذا حابه شي رخيص, خذي من البورجوا و اللوريال (البورجوا نفس مصنع الشانيل, و اللوريال من مصنع لانكوم -- عشان جي بتلقين تشابه في الألوان و الجوده) ,,,
    انا عادةً انصح الألوان الأساسيه تاخذينها من ماركات انتي ظامنتها نسبياً

    الأيلنرات جربي شي يريحج و ما يسويلج حساسيه,,, نيفيا و برستيج اذا يناسبونج توكلي
    على الله انا مالي خبره فيهم لأني ماستخدمت غير نوع واحد من ماك الي اسمه fluidline و لونه
    اسود.. اما الباقين مادري لأنه عيوني حساسه

    الآيشادوهات, انصحج سيري لايفستايل و اختاري من هناك

    أقلام العين, جربي الماركات اللي تعرفينها, او سيري لايفستايل بعد.. البورجوا اقلامهم حلوه

    الماسكرا : ماعرف شو GMDM... بس اذا تبين شي روعه.. عندج اللانكوم فيتال اليديده
    و انا كاتبه عنها موضوع هني
    http://www.3roos.com/forums/showthread.php?t=181448

    و عندج بعد NARS حلوه مسكرتهم,,, و بعد يمدحون ماكس فاكتور XXL

    اللب لاينر, ريميل حلوين, و كذا ماركه من اللي موجودات في لايفستايل,
    بس ابعدي عن اللي يقولولج دائم و مادري شو, جربت اللي من برستيج و سيده الدكتور
    ههههه احترقن شفايفي من التحديد لا تجازفين بشي ماتعرفينه!!

    ايسادورا ارواجهم حلوه كنت استعملهم ايام الكليه, بس مادري اذا بعدهن اوكي
    جربي البورجوا, نفس درجات الشانيل

    القلوسات, اختاري اللي يريحج اختي, ما جربت الماركات اللي طريتيهن
    ما اجرب إلا ماك لأنهم خفاف .. بس ربيعتي وايد تمدح الإيسادورا

    .................................................. ........

    المثبت.. جربت ماك, ماعرف غيره
    تاتو الحواجب, اسمحيلي ماعندي فكره عنهم
    يوم قلتي كربون من ماك, قصدج الآيشادو؟
    ما جد استعملت مثبت للروج بشوفلج اللي في ميك اب فورايفر اليوم و بخبرج لأني سايره بإذن الله...
    الفرش انصحج مب شرط ماركه... انتي شوفي الأنواع اللي تبينها, بس اختاريهن عدل من ناحية النعومه
    لايفستايل عندهم كذا نوع من الفرش وايد زينات... لو شفتي شنطة الفرش مالتي بتستغربين
    خالطه بين ال ماك + بودي شوب + لايفستايل + ميك اب فورايفر + the tools + اليزابث آردن +
    و شي مب مكتوب عليهن المهم يسون الشغل



    اتمنى اكون فدتج بشي اختي...

  3. #3
    عروس ماسية الصورة الرمزية شما المحيربي
    تاريخ التسجيل
    28/03/2003
    الدولة
    الإمارات " أبوظبي دار الظبي"
    المشاركات
    2,988
    [grade="00008B FF6347 008000 4B0082 DC143C"]بسم الله الرحمن الرحيم
    السلام عليكم ورحمة الله وبركاته
    الحمدلله والصلاة والسلام على رسول الله وعلى آله وصحبه أجمعين
    :[/grade]

    [grade="00008B FF6347 008000 4B0082 DC143C"]:
    أختي الغالية
    جزاكي الله خيرا
    مشكورة الغالية وان شاء الله البنات يستفيدون من الموضوع وخاصة للعرايس
    :[/grade]
    :

    [grade="00008B FF6347 008000 4B0082 DC143C"]:
    ولكم مني أجمل التحيات
    المبتسمه دائما
    شمــا المحيــربي
    [/grade]


  4. #4
    عروس مبدعة الصورة الرمزية فراشة بوظبي
    تاريخ التسجيل
    15/09/2005
    الدولة
    دار الغلا .. دار الظبي .. قلب الوطن .. >> أبــوظــبــي <<
    المشاركات
    828
    ما حبيت امر بدون ما ارد عليج

    عندج اللانكوم فيتال اليديده
    و انا كاتبه عنها موضوع هني
    ,,, و بعد يمدحون ماكس فاكتور XXL
    للماسكرا شريت من لانكوم بس احتست يوم اشتريتها لان عندهم وايد انواع

    وماسكرا من ماكس فاكتور جربتها بس بعدني ماشريتها واحسن نوع اللي قيها صوبين ابيض واسود
    عسب تحطين الابيض اول يغلظ الرموش ويعدلهم وعقب تحطين الاسود

    والاي لاينر بعد خذته من لانكوم بس نصيحه عندهم نوعين لاتشترين اللي ريشته متينه اشتري اللي ريشته رفيعة لانه اسود اكثر ويتم فترة

    وباقي مكياجي خذته من ماركة كريولان مب من هنا

    وبعض الجلوسات والارواج خذتهم من ماكس فاكتور والمحددات خذت انواع عادية

    والفرش نصيحه لاتاخذين من ماك تراهم وايد غلاية وبروحهم يبيلهم ميزانية كل فرشة سعرها بكم

    عندج نزيه يبيع 20 فرشة ب 100 درهم تقريبا وجودتها حلوة ومن شعر الحصان بعد

    بس حسافة مادريت عنه الا عقب ماشريت من مكياجي 20 فرشة ب 400 درهم صج قهر

  5. #5
    عروس مشرقة
    تاريخ التسجيل
    06/10/2005
    الدولة
    فقلب حبيبي...زوجي حمودي....
    المشاركات
    457
    اقتباس المشاركة الأصلية كتبت بواسطة serenity
    اول شي, مبروك يا عروسه و الله يتمملج على خير إن شاء الله

    ثاني شي, موضوعج روعه و مفيد.. الواحد مرات يخبص ياخذ اي شي و كل شي!

    اما بخصوص استفساراتج, بجاوبج باللي اعرفه

    -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+ -+

    الأساس: اعتبريه كإٍستثمار يعني ركزي عليه لأنه هو اللي بيرتبلج شكل البشره
    عن نفسي جربت ماركات وايد و انواع وايد... الوحيد اللي استانست عليه قريباً كان ماك
    Studio Fix Fluid
    و هو سائل في غرشه.. احسن طريقه تستعملينه تحطينه على ايدج ياخذ كم حرارة الجسم
    و نفس الوقت انتي تحطين الكونسيلر لو محتاجه, انصحج بالpalet مالت ميك اب فورايفر اللي
    فيها 5 درجات ننفع لكل شي.

    و البودره بعطيج نصيحه توفر عليج من ناحية البودره الحره خبرتني عنها خبيرة تجميل
    خذي بودره من اللي فيها 4 الوان مثل الجيفينشي و هي مضغوطه.. فتقدرين تستعملينها
    بالإسفنجه على انها مضغوطه, و بالفرشاه على انها حره تقدرين تستعملينها يومياً

    اذا تبين بودرة إضاءه بروحها, جربي من ميك اب فورايفر

    اساس يومي خفيف, ماعرف عن النيفيا اللي قلتي عنه, بس جربت البورجوا اليديد, خفيف
    و هو نفسه نااااااعم لأنه الأساس نفسه هو الكريم و البودره مع بعض, يعني ينشف يعطيج
    الفنشنج كأنج حطيتي بودره و خلصتي ... و إذا مب حابه تحطين اساس في البيت
    جربي تستعملين بس كريم حمايه ضد الشمس (ترا يفيد حتى من اشعة التفلزيون و الكمبيوتر)
    و خذيه ملون (tinted)... و ماانصحج ببودره في البيت إلا اذا كان ريلج موجود, اما اذا محد
    انصحج بس حطي كريم مرطب و خلي البشره تتنفس

    الكونسيلر, انصحج بالميك اب فور ايفر, بس اذا تبين الBN شوفي اذا حد يوفره في القسم
    التجاري, بيساعدونج البنات.. و اذا عرفت وين ينباع عدنا, بخبرج

    ...............................................

    البلشرات اذا حابه شي رخيص, خذي من البورجوا و اللوريال (البورجوا نفس مصنع الشانيل, و اللوريال من مصنع لانكوم -- عشان جي بتلقين تشابه في الألوان و الجوده) ,,,
    انا عادةً انصح الألوان الأساسيه تاخذينها من ماركات انتي ظامنتها نسبياً

    الأيلنرات جربي شي يريحج و ما يسويلج حساسيه,,, نيفيا و برستيج اذا يناسبونج توكلي
    على الله انا مالي خبره فيهم لأني ماستخدمت غير نوع واحد من ماك الي اسمه fluidline و لونه
    اسود.. اما الباقين مادري لأنه عيوني حساسه

    الآيشادوهات, انصحج سيري لايفستايل و اختاري من هناك

    أقلام العين, جربي الماركات اللي تعرفينها, او سيري لايفستايل بعد.. البورجوا اقلامهم حلوه

    الماسكرا : ماعرف شو GMDM... بس اذا تبين شي روعه.. عندج اللانكوم فيتال اليديده
    و انا كاتبه عنها موضوع هني
    http://www.3roos.com/forums/showthread.php?t=181448

    و عندج بعد NARS حلوه مسكرتهم,,, و بعد يمدحون ماكس فاكتور XXL

    اللب لاينر, ريميل حلوين, و كذا ماركه من اللي موجودات في لايفستايل,
    بس ابعدي عن اللي يقولولج دائم و مادري شو, جربت اللي من برستيج و سيده الدكتور
    ههههه احترقن شفايفي من التحديد لا تجازفين بشي ماتعرفينه!!

    ايسادورا ارواجهم حلوه كنت استعملهم ايام الكليه, بس مادري اذا بعدهن اوكي
    جربي البورجوا, نفس درجات الشانيل

    القلوسات, اختاري اللي يريحج اختي, ما جربت الماركات اللي طريتيهن
    ما اجرب إلا ماك لأنهم خفاف .. بس ربيعتي وايد تمدح الإيسادورا

    .................................................. ........

    المثبت.. جربت ماك, ماعرف غيره
    تاتو الحواجب, اسمحيلي ماعندي فكره عنهم
    يوم قلتي كربون من ماك, قصدج الآيشادو؟
    ما جد استعملت مثبت للروج بشوفلج اللي في ميك اب فورايفر اليوم و بخبرج لأني سايره بإذن الله...
    الفرش انصحج مب شرط ماركه... انتي شوفي الأنواع اللي تبينها, بس اختاريهن عدل من ناحية النعومه
    لايفستايل عندهم كذا نوع من الفرش وايد زينات... لو شفتي شنطة الفرش مالتي بتستغربين
    خالطه بين ال ماك + بودي شوب + لايفستايل + ميك اب فورايفر + the tools + اليزابث آردن +
    و شي مب مكتوب عليهن المهم يسون الشغل



    اتمنى اكون فدتج بشي اختي...

    هلا والله الغاليه ....والله يباركلج ويبارك ف حياتج ويسعدج يا ربي...:shy:
    ومرورج غالي .....واسعدني جدا وحسيت بقيمة الشي اللي سويته:qaq: >>>>الاخت تعبر عن مشاعرها خخخخخخخ
    ....................................
    اما بالنسبه لاقتراحاتج....
    اوافقج الراي بان الاساس استثمار لانه فعلا مثل ما قلتي....يرتب شكل البشره واما الاساس اللي اقترحتيه ما قلتيلي شو نوع بشرتج عسب اعرف اذا يصلح لي ولا لا؟؟؟ بس اعرف شكله بس ما جربته؟؟؟؟؟؟:gum:
    وباليت فور ايفر فعلا حلو....وناويه اخذه اذا ما لقيت لي بن ناي....وباخذ النوع الثاني بعد اللي على شكل معصار لاني مجربته وكان نااااااااااايس...
    ............
    بالنسبه للباودر شفت جيفنشي اللي تطرينها حلوه وشكلها عجيب......ما قدرت اقاومها:sad: ((اذوب فالعلب السوده)))....... وخذيتها اهي عندي حاليا بس استعملتها خخخخخخخخخخ بمر على كذا ماركه ولو ما عجبني برجعلها........ ومجربه كانيبو حلوه بعد:clap: .........وناسبتني...
    .........انا موتي ولا اني احط واقي ما ادانيه جربت ماركات وطبي وعشبي بس ما عجبني الا مال الكلين اند كلير ........بس بعدني ما احب استخدمه....ما اعرف ليش.......
    واوفكورس حبيبتي ما بحط باودر وزوجي مش فالبيت ..........
    بالنسبه للباجي ترى هالماركات اللي ذكرتهن انا مجربتنهم:clap: ........ و تراهم كلهم في لايف استايل.....:shy:
    وبالنسبه لماسكرتج عجبتني وبجربها باذن الله.......
    ماركة NARS ما ادري ليش ما احبها:sad: ......
    .......................
    بالنسبه لكاربون هيه قصدي الايشدو من ماك؟؟؟؟؟؟؟
    واترياج عشان المثبت.....مال الروج..وتخبري جم سعره....

    ومشكوره مره ثانيه.......

    .................................................. ............................
    اقتباس المشاركة الأصلية كتبت بواسطة شما المحيربي
    [grade="00008B FF6347 008000 4B0082 DC143C"]بسم الله الرحمن الرحيم
    السلام عليكم ورحمة الله وبركاته
    الحمدلله والصلاة والسلام على رسول الله وعلى آله وصحبه أجمعين
    :[/grade]

    [grade="00008B FF6347 008000 4B0082 DC143C"]:
    أختي الغالية
    جزاكي الله خيرا
    مشكورة الغالية وان شاء الله البنات يستفيدون من الموضوع وخاصة للعرايس
    :[/grade]
    :

    [grade="00008B FF6347 008000 4B0082 DC143C"]:
    ولكم مني أجمل التحيات
    المبتسمه دائما
    شمــا المحيــربي
    [/grade]


    وعليج السلام ورحمته وبركاته.....
    تسلمين على المرور واسعدتني طلتج الحلوه على الموضوع:shy: .......

    .................................................. ...................................
    اقتباس المشاركة الأصلية كتبت بواسطة فراشة بوظبي
    ما حبيت امر بدون ما ارد عليج



    للماسكرا شريت من لانكوم بس احتست يوم اشتريتها لان عندهم وايد انواع

    وماسكرا من ماكس فاكتور جربتها بس بعدني ماشريتها واحسن نوع اللي قيها صوبين ابيض واسود
    عسب تحطين الابيض اول يغلظ الرموش ويعدلهم وعقب تحطين الاسود

    والاي لاينر بعد خذته من لانكوم بس نصيحه عندهم نوعين لاتشترين اللي ريشته متينه اشتري اللي ريشته رفيعة لانه اسود اكثر ويتم فترة

    وباقي مكياجي خذته من ماركة كريولان مب من هنا

    وبعض الجلوسات والارواج خذتهم من ماكس فاكتور والمحددات خذت انواع عادية

    والفرش نصيحه لاتاخذين من ماك تراهم وايد غلاية وبروحهم يبيلهم ميزانية كل فرشة سعرها بكم

    عندج نزيه يبيع 20 فرشة ب 100 درهم تقريبا وجودتها حلوة ومن شعر الحصان بعد

    بس حسافة مادريت عنه الا عقب ماشريت من مكياجي 20 فرشة ب 400 درهم صج قهر


    هلا والله الغاليه وتسلمين على المرور ويزاج الله الف خير يومج دليتيني على فرش نزيه اذن الله بروح بشوفهن ولو عييبني باخذهن........:clap:
    وتتهنين فمكياجج يارب...................:shy:

  6. #6
    عروس رائعة الصورة الرمزية serenity
    تاريخ التسجيل
    21/07/2004
    الدولة
    ღأبـ ح ــيآ دنيتـي وأمـوت وأنـآ أردد إمـــآرآتيღ
    المشاركات
    1,322
    اقتباس المشاركة الأصلية كتبت بواسطة (((ريم حمودي)))
    هلا والله الغاليه ....والله يباركلج ويبارك ف حياتج ويسعدج يا ربي...:shy:
    ومرورج غالي .....واسعدني جدا وحسيت بقيمة الشي اللي سويته:qaq: >>>>الاخت تعبر عن مشاعرها خخخخخخخ
    ....................................
    اما بالنسبه لاقتراحاتج....
    اوافقج الراي بان الاساس استثمار لانه فعلا مثل ما قلتي....يرتب شكل البشره واما الاساس اللي اقترحتيه ما قلتيلي شو نوع بشرتج عسب اعرف اذا يصلح لي ولا لا؟؟؟ بس اعرف شكله بس ما جربته؟؟؟؟؟؟:gum:
    وباليت فور ايفر فعلا حلو....وناويه اخذه اذا ما لقيت لي بن ناي....وباخذ النوع الثاني بعد اللي على شكل معصار لاني مجربته وكان نااااااااااايس...
    ............
    بالنسبه للباودر شفت جيفنشي اللي تطرينها حلوه وشكلها عجيب......ما قدرت اقاومها:sad: ((اذوب فالعلب السوده)))....... وخذيتها اهي عندي حاليا بس استعملتها خخخخخخخخخخ بمر على كذا ماركه ولو ما عجبني برجعلها........ ومجربه كانيبو حلوه بعد:clap: .........وناسبتني...
    .........انا موتي ولا اني احط واقي ما ادانيه جربت ماركات وطبي وعشبي بس ما عجبني الا مال الكلين اند كلير ........بس بعدني ما احب استخدمه....ما اعرف ليش.......
    واوفكورس حبيبتي ما بحط باودر وزوجي مش فالبيت ..........
    بالنسبه للباجي ترى هالماركات اللي ذكرتهن انا مجربتنهم:clap: ........ و تراهم كلهم في لايف استايل.....:shy:
    وبالنسبه لماسكرتج عجبتني وبجربها باذن الله.......
    ماركة NARS ما ادري ليش ما احبها:sad: ......
    .......................
    بالنسبه لكاربون هيه قصدي الايشدو من ماك؟؟؟؟؟؟؟
    واترياج عشان المثبت.....مال الروج..وتخبري جم سعره....

    ومشكوره مره ثانيه.......

    .................................................. ............................
    العفو حبيبتي
    انا بشرتي عاديه و مرات تصير جافه.. بس قبل المكياج اركز ع الترطيب
    استخدم مرطب دالتون اللي بالكافيار (عدل ويهي من ناحية الجفاف, حتى لم ما احطه, صار ويهي عادي .. طبعاً بس ينشف ايام الدوره او لما اكون عندي stress )
    و الشفايف قبل المكياج بربع ساعه او نص ساعه حطي عليهن فازلين و امسحيه قبل ما تشتغلين ع الشفايف, وايد يرطب و يخلي شكلهن احلى
    و بشرتي الحمدلله مافيها عيوب غير الهالات اللي مطلعتلي قرون فــ تغطية الفاونديشن وايد مناسبه... جربيه و شوفي قبل ما تختارين النوع اللي تبينه

    و المثبت برد عليج المسا اليوم ولا باجر لأني بسير المول عقب

  7. #7
    عروس مشرقة
    تاريخ التسجيل
    06/10/2005
    الدولة
    فقلب حبيبي...زوجي حمودي....
    المشاركات
    457
    حسافه عيل ما يناسبني الاساس اللي ذكرتيه.....لان بشرتي دهنيه.....
    واترياج ..........
    بنات بس ما قلتولي شو رايكم بالنسبه للميزانيه تصلح ولا لا؟؟؟؟

  8. #8
    عروس متألقة الصورة الرمزية زمـــــــــــردة
    تاريخ التسجيل
    07/06/2006
    الدولة
    في دار زايد الله يرحمه
    المشاركات
    239
    مشكوورة عالموضوع

  9. #9
    مشرفة سابقة الصورة الرمزية سفيرة فوق العاده
    تاريخ التسجيل
    16/08/2005
    الدولة
    قطر الخير
    المشاركات
    3,867
    تسلمين عزيزتي

    بارك الله فيك فعلاً موضوع شامل ومتكامل


    الله يسعدك وبالمبارك ان شاء الله

  10. #10
    عروس رائعة الصورة الرمزية serenity
    تاريخ التسجيل
    21/07/2004
    الدولة
    ღأبـ ح ــيآ دنيتـي وأمـوت وأنـآ أردد إمـــآرآتيღ
    المشاركات
    1,322
    اقتباس المشاركة الأصلية كتبت بواسطة (((ريم حمودي)))
    حسافه عيل ما يناسبني الاساس اللي ذكرتيه.....لان بشرتي دهنيه.....
    واترياج ..........
    بنات بس ما قلتولي شو رايكم بالنسبه للميزانيه تصلح ولا لا؟؟؟؟

    عندهم نوع للبشره الدهنيه... سيري عند ماك و اسئليهم اختي بشرتها دهنيه
    بس تستخدم الأساس المضغوط (مب بودره) هذا اسمه full coverage

    و الميزانيه مادري اذا بتكفي .. يمكن يبالها زياده

  11. #11
    عروس مبدعة الصورة الرمزية nice people
    تاريخ التسجيل
    27/05/2006
    الدولة
    دار زاااااااااااااايد
    المشاركات
    852
    مشكوووره

  12. #12
    مشرفة سابقة الصورة الرمزية الدانـــــه
    تاريخ التسجيل
    07/06/2003
    الدولة
    قـلـبه
    المشاركات
    8,873

    أختي (((ريم حمودي)))

    ألف مبروك

    والله يتمم لج على خير ويسعدج ويهنيج ان شاء الله

    مشكوره

    والله يعطيج العافيه ودمتي بخير

    أختج الصبوره


  13. #13
    مشرفة سابقة الصورة الرمزية نجمة الليل
    تاريخ التسجيل
    24/03/2004
    الدولة
    دار جـــابــر
    المشاركات
    4,460
    مشكووره

    وماقصرتي عزيزتي على الموضووع الجمييل والكاامل

    والله يعطيج العافيه لمساعدتك للبناات

    دمتي بود..

  14. #14
    عروس مشرقة
    تاريخ التسجيل
    06/10/2005
    الدولة
    فقلب حبيبي...زوجي حمودي....
    المشاركات
    457
    زمـــــــــــردة
    ,,
    سفيره فوق العاده
    ,,
    serenity
    ,,
    nice people
    ,,
    الصبوره
    ,,
    نجمة الليل
    ,,
    تسلمون جميعا ع المرور اللطيف,,,وان شاء الله نال الموضوع اعجابكم.....
    تحياتي,,,,
    :shy: :shy: :shy:

  15. #15
    عروس نشيطة
    تاريخ التسجيل
    01/07/2006
    الدولة
    الامارات
    المشاركات
    173
    الميزانيه حلوه اللي حددتيها للمكياج

    ولاتنسين انج مع الايام بتغيرين المكياج يعني مابتمين على طول تستخدمينه يعني اخذي الشي اللي تحتاجينه لانج اكيد بشهر العسل بتسيرين تتمشين مع ريلج وبتعيبج اشياء كثيره وبتاخذينها
    والله يوفقج يالغاليه

صفحة 1 من 3 123 الأخيرةالأخيرة

المواضيع المتشابهه

  1. باذن الله لن يفتر لسانك عن الاستغفاربعد هذا الموضوع
    بواسطة دموع بلا عيون في المنتدى قضايا دينية
    مشاركات: 76
    آخر مشاركة: 07/08/2009, 02:33 AM
  2. مسابقة الرابح الاكبر الكبري-اقوي مسابقة في عروس باذن الله-اللي تدخل تشترك فاهمين هههه
    بواسطة هنودة المسلمة في المنتدى إستفسارات و تجمعات السمنة و النحافة
    مشاركات: 285
    آخر مشاركة: 18/05/2009, 02:31 AM
  3. قائمة مشتريات العروس (كامله)
    بواسطة a7la_miss في المنتدى ركن العروس
    مشاركات: 105
    آخر مشاركة: 28/04/2007, 11:21 AM
  4. ساعدوني في قائمة المكياج اللي راح أشتريه ..
    بواسطة دوحانية في المنتدى ركن المكياج
    مشاركات: 18
    آخر مشاركة: 16/02/2006, 04:27 AM
  5. لو حصل هذا الموضوع حيكون نصرلرسول الله باذن الله
    بواسطة عروس مسلمة في المنتدى مجلس بنات عروس الثقافي
    مشاركات: 3
    آخر مشاركة: 08/02/2006, 04:19 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •