استخدام الصلب ..؟؟

[bj3a]

مساء الخير ..والطيبه

ادري حشرتكم ..بس شو اسوي الخبرة ما شاء الله عندكم ...

انا عندي مشكله ويا حمود..

وهي اني احاول اعلمه يشرب العصير بالصلب لكن ما يعرف احاول معاه من يوم هو 9 شهور .. بس للاسف الين الحين ما يعرف ..

بلييييز قولولي كيف اعلمه ابا يشرب الماي والعصير بكوب الصلب بس الحليب بالمرضعه ... ومب عارفة كيف اعلمه ..

والشي الثاني الاكل اذا ما كان شوي مهروس ((مثل الشروبه )) ما يعرف يبلع حتى العيش ما يبلعه اذا ما كان شوي مهروس ((مثل العرسيه)) مع اني يوم اعطيه دجاج النقتس ياكله عادي ((طبعا انا اقطعله قطع ما تكون كبيرة وايد واعطيه ))

شو الحل برايكم .. وكيف اتصرف معاه ..

بس مليت من الهرس ...

[منال الكويت]

لأنج حبيبتي وااااااااايد متأخرة اللي في سن حمود ياكل الحديد وانتي بعدج ما علمتيه ياكل سمك وحليب .........


عموماً في رضعات حق عمر حمود فيها 3 أو 4 خرمات أي فتحات ابتدي معاه من الحين عشان يتعود على ترك


الرضعة لأنها طولت معاه وراح تتأثر ضروسه بعدين ...........وبالنسبة للأكل حاولي تعطينه قطع صغيرة جداً جداً


للأكل وخففي عنه الحليب ما غير الصبح وبالليل بس طول اليوم عطيه ياكل وإذا عاند خليه يوعان عشان ياكل


لا تخافين عليه ما راح يصير فيه شي ....................

[الياه]

هلا اختي.....

عاااادي الغاليه .. انا ولدي تقريبا بعمر ولدج ...

وبديت اعطيه يشرب في الكوب من كان عمره تقريبا 7 شهور..

والحين عصير .. واحول اخليه يشرب شوية حليب بعد ..

وبعد اوقات اعطيه يشرب بالمصاصه مالت العصير ...

هو يباله فتره عشان يتعود ... وانتي لازم تصبرين عليه شويه

وبعدين عشان الاكل ... ابدي غلظي له الاكل شويه شويه ..

يعني مب كل مره اتسوينه شرات الشوربه... قللي الماي شوي..

وهالخطوة كنتي لازم تسوينها من زمان

واتمنى اني اكون افدتج

[bj3a]

ان شاء الله بحاول من اليوم .. اعطيه العيش العادي الي نحن ناكله ...


واليوم سويتله سمك وان شاء الله يتقبله ...

[مناهل78]

عزيزتي خلاص الحين لازم تعطينه من الأكل العادي الي تاكلونه،، دام انك بتبتدي بالسمك عطيه كمية قليلة يكون يتقبله

بخصوص الكوب، مثل ماقالوا الأخوات عطيه الكوب الي فيه فتحات من فوق ، للماء والعصير،، المشكلة الرضاعة ماتقدرين تقطعينها لازم بالتدريج، جربي الكوب وقولي لنا شو صار معاه...

[bj3a]

حاولت امس معاه الكوب المصاص من بيبي شوب ... من حطيت الصلب في حلجه شوي ويرجه ...


ياربي شو اسوي في هالولد ... تخيلي يوم يمسك ورده الفل يلوع جبده ..

[عيون بوظبي]

هلا بجعه ..

فديتج انا ما ابا الومج بس خليني اقولج شي ..

انتي واااايد اتأخرتي في اشياء عاديه المفروض كنتي تسوينها لحمود .. وهالشي مالومج فيه طبيعي لأنه اول مولود لج .. عاد صححي كل اخطائج في المولود الثاني ان شالله << قاعدتي ويا المولود الثاني ان شالله هههه ..

انا لما كنت اييب لي عصير واحط المصاصه فيه (الصلب) كنت اعطييه .. مرة ورا مرة ماكان يعرف . كان يشفط شوي ويوصل لين النص .. عقب يرد ينزل العصير ..

ويمكن على كل هالمرات شفط مرتين بس .. فلا تستعيلين علي.. كل يوم عطيه عصير وحطي له الصلب .. وبيحاول كم مرة فالموضوع عادي ان شالله ويا التعود ..

والي الاحظه ولدج ماشالله عليه يستغرب الاشياء وشوي حساس .. وهالشي يمكن راجع لأنه في وايد اشياء اتأخر عنها .. فاتوكلي على الله واي شي تبين اتأكلينه اياه اكليه .. حتى لو ذواقه .. مافيها شي ..

وخليه يمسك ويتحسس الأشياء .. عادي هالسن الياهل يكون فكره عن كل شي حوله ويتعرف على الاشياء .. << دارسينه ههههههههههه

[مرموم]

السلام عليكم ورحمة الله وبركاته

رأيي من رأي البنات...

إنتي فعلا يا بجعة تأخرتي كتير...اللي في عمر حمود ياخذوا الساندويتش ياكلوه لحالهم...و ياخذوا الكوب العادي...

بس حاولي تتلافي هذه الأخطاء في البيبي الثاني إن شاء الله...

يعني من عمر 10 شهور مفروض يقعد معاكم على السفرة ياكل من أكلكم عادي جدا...

[bj3a]

:confused:

شو اسوي الناس كانوا يقولولي وينصحوني .. وانا اسمع كلامهم بحجت انهم امهات من اكثر من 5 سنوات ..

حليله حمودي ... بس تدرون امس عطيته سمك وعيبه .. الحمدلله

والصلب ... اففففف مثل ما قالت اختي مرمووم يوصل الين النص ويوقف :sad:

[عيون بوظبي]

هلا بجعه انا قلت انه يوصل للنص هههههههه ماعليه كلنا خوات

زين هذي ترا بدايه طيبه .. انه قدر يشفط للنص ..

ومرة ورا مرة بيكمل لين فوق صدقيني .. بس اهم شي لا تخلين العصير شوي في الكوب .. يعني على الاقل متروس شوي .. عشان يطلع له بسرعه وعقب بيعرف يشفط اقوى لما يبدا يخلص العصير

[مرموم]

السلام عليكم ورحمة الله وبركاته

شويه شويه يا بجعة...

ما تنسي إنك تبدأي معاه من الحين أفضل من إنك تبدأي معاه بعدين...صح ؟

صدقيني على آخر الصضيف راح تلاقيه صار روعة...بس شوية شوية عليه...ما تغصبيه...و هو لوحده راح يتعود