بناااااااااات..اللي زوجها مدمن على النت شنو تسوي؟؟؟؟؟؟؟؟

[أم فرووحه]

عندي مشكلة و حابة آخذ رايكم و خبراتكم و أفكاركم...


زوجي الله يهديه مدمن على الإنترنت..من أول اليوم لي قبل النووم :sad:


حتى لم يكلمني او اكلمه تكون عينه على الشاشة..


حاولت بكذا طرييييييقة..كلمته بصراحة إن هالشي يزعجني .. يقولي شنو تبين أسوي طول الوقت أطالعج؟


حاولت آخذ أفكار من القسم..و أطبقها مثل الألعاب..يرد علي مشغول أو ماله نفس ..


اللي عندها حل أو أفكار يا ليت تساعدني فيها و ربي يوفقها..


و اللي زوجها مدمن على النت مثلي خلونا نتشارك بمشاكلنا و ندور لها حلول..

و الله يبعد ازواجكم عن ادمان النت اللهم آميين..

[أم فرووحه]

أكييد مافي إنسان خالي من العيوووب..

و كل وحدة ممكن يكون بزوجها أو خطيبها عيب يختلف عن الآخر..

و بالنسبة لي هذا عيب زوجي..

اللي تدخل يا ليت ما تطلع إلا لو تقدم نصيحة أو فكرة ممكن تفيد..


معقوووووووووله كل اللي دخلوا ولا وحدة عندها فكرة او نصيحة ممكن أطبقها او أستفيد منها ؟؟؟؟!!!!

[ليتك معي]

انا عن زوجي مدمن نت وكوره:angry:

ومادري شسوي؟؟؟

[a7laa 3roos]

انا ريلي مو لدرجه الادمااان
لما ايزودها اقوله وابينله اني زعلانه ومااسويله سالفه
او اغيب عنه فتره بعدين هو ايحس ويبنده ويجلس وياااي
بس شو عاد يانت يا يطالع قناه ديسكفري

[شواقي]

والله شو اقولكم حالت زوجي من حالة ازواجكم وزوجي يتابع سوق الاسهم وهذا الي يرفع ضغظي زياده وسرت اكره سوق الاسهم والمشاكله اي حد اي ايزورني يتم يجيك على سوق الاسهم فايرتفع الضغط زياده

[أم فرووحه]

ليتك معي..يعني الحال من بعضة:sad:

لازم نفكر و البنات يساعدونا بطريقة ان نخلصهم من هالادمان :angry:


منووووووووووو يساعدنا؟؟؟؟؟؟؟؟؟

[أم فرووحه]

احلى عروس..

المشكله لم اقوله اقعد معاي..يقولي شنو تبين نسوي يعني..ولم أعطيه أفكار يقول خليها بعدين ولا مالي نفس :angry:


ينرفززززززززززني..


يعني لم يقعد معاج يطالع التلفزيون ولا يكون وقته لج؟

[أم فرووحه]

هههههههههه شواقي بالضبط نفس الحالة..

إما جات ماسنجر ولا المنتديات اللي تتكلم عن الأسهم و البورصة و مواقع البورصة..


إحترت معااااااه..


طيب شلون تتصرفين؟؟

[Hypercool]

يالغالية.. ليش ما تحددين وقت للنت ..
يعني مثلا من هالساعة لهالساعة نت..
وبعدين خلاص
نفس ما نسوي لليهال حق التلفزيون والبلاي ستيشن.. خبرج من يودو هلابلاي ستيشن خلااااص..

[غصن الخريف]

ام فروح والل الدمان يبغالو وقت حتى يشفى ويتوازن
بس على ايه بضبط هو يشاهد
اجلسي معه وهو جالس يلعب
بعدين حاولي ماتقوليله ليه جلس على النت
حاولي تبيني اضراره بعفويه بدون ان ينتبه انك تكريهه في النت
حاولي تذكريه انه نسي شي مهم مثل
ان تقولي هذا ناقص هذا يبغى خدمه حتى يحس انه مقصر
ابكي اذا دعى الامر الى ذالك
حاولي تفجري قدراته شوفي اش يحب
وشوقيه اليه
ولاتنسي اختي الدعاء في منتصف الليل
فهو له تاثير السحر على صاحبه
وقولو الحمد الله انه مدمن نت ولا شي يخالف شرع الله
او مدمن خروج من البيت
انا زوجي ما يقعد في البيت دائما في شغل ليل نهار
وكل شي على راسي الابناء البيت
يجي الساعه2 ظهر يلبس او ينام شوي ويروح المزرعه
ويجي 12 ليلل تعبان ينام وهاكذا 19 سنه
وانا احاول نصيب كلا يرضى بنصيبه
الحياة خلقت للعباده هي ايام ثم نحاس ونموت
ياجنه يانار
تقبلو تحياتي
واسفه انا مقصره في دخولي

[أم فرووحه]

أهلا كوول..إقتراحج رووووووعه..و فعلا قبل فترة قتله خل من الساعه كذا الي كذا للنت..و أنا راضية بربع الوقت اللي تقعد فيه عالنت..

طبق اول الايام شويشوي و بعدها ما التزم

بس بحاول اذكره فيها..مشكورة يا الغالية

[أم فرووحه]

حبيبتي غصن الخريف..الحمدلله على كل حال..

و الله يعينج على المسؤولياات اللي عليج..

اهو لم يقعد عالنت اما منتديات-او بلوقزز- او البورصة و الاسهم- او ماسنجرر

كلهم مع بعض...

و فعلا صدقتي عزيزتي..بالدعاء كلشي ممكن يتغير..


تسلمين على مرورج

[حيــ الروح منوره ـاة]

هم انا زوجي ...مثلكم
يتابع سوق الاسهم وهذا الي يرفع ضغظي ..او يشاهد مباراه
بس وشو نسوي .......إحترت معااااااه..بس الله يعين يارب
تحيتي لج

[serenity]

اول شي حبيبتي شو ماكان, الريال مايحب حد يكرهه في شي
فــ لا تعاندينه او تحسسينه انج تبين تلزمينه يخفف من النت
حسسيه انج مطنشتنه و هو من نفسه بيتغير
جربي و بتشوفين
ربيعتي جربت في ريلها و نفع
و إن شاء الله ينفع ويا ريلج

[a7laa 3roos]

ام فروووووحه حبيبتي
انا لما كنت اطنش ريلي واختفي عنه
بعدين ايحس بغيابي ويسال عني ويقعد معاي
انتي لا تلحين:no:
مثل ماهو مشغول بالنت
انتي بعد دوري الي يشغلج ويسليج لفتره بعيد عنه(c)
بعدين صدقيني
بيحس وبيدورج ويجلس معاج
جربي وبشريني فديتج:flower: :flower: