روابط قد تهمك :
فساتين العروس | تسريحات | تنظيم الاعراس | زخرفة | عالم حواء


النتائج 1 إلى 6 من 6

الموضوع: الي راحت فرنسااااا تتفضل

  1. #1
    عروس نشيطة
    تاريخ التسجيل
    09/02/2004
    المشاركات
    154

    الي راحت فرنسااااا تتفضل

    السلام عليكم ورحمة الله وبركاته

    حبيباتي خواتي الي راحت فرنسا وتقدر تفيدني ياريت تتفضل بالرد علي

    انا ناويه اروح فرنسا هالصيف وكل الي ابيه اعرف اسامي مجمعات في فرنسا ، امكان سياحيه ترفيهيه اي حاجه

    وغير كذيه ابي الي راحت ديزني لاند تقولي شو اسعار الدخول ومتى انسب وقت ممكن نروح فيه

    واكون شاكره لكم

    اختكم فرس

  2. #2
    عروس جديدة الصورة الرمزية وحدة ف حالها
    تاريخ التسجيل
    13/03/2006
    الدولة
    في وحدتي
    المشاركات
    49
    هلا اختي فرس اشلونج؟؟

    اقدر اقول لج عن باريس يا ويلي عاصمه الرومانسيه بالنسبه لي حق عشاق هههههههه

    مجمعات في باريس ما رحنا اللهم رحنا برج ايفل و شارع الشانزيليزيه و متحف اللوفر
    بس اهم شي الجو يساعد لانه كذا مره الجو جدا حاااار مثل الخليج
    اما بالنسبه عن ديزني لاند يفضل لو تسكنون في فندق قريب مدينه الملاهي و بعض الفنادق اصلا توفر باصات نقل للحديقه
    الرسوم يا اختي ما اذكرها بالضبط بس تفرق اذا كبير او صغير و الطلبه بعد عندهم اسعار غير اذا تواجدت هويه الجامعه مثلا
    امممم اما وقت الدخول للحديقه هي مفتوحه من الصبح تقريبا 10 او 11 صباحا لين 10 او 11 المساء و تشوفين العروض الليله و الالعاب النريه و الألعاب في الحديقه

    واتمنى انج استفدتي من اللي قلت لج إياه والله يوفقكم في سفرتكم

    في اماكن حلوه بعد في فرنسا مثل " كان" منطقه على البحر اذا حابين هالشي :smile:

  3. #3
    عروس نشيطة
    تاريخ التسجيل
    09/02/2004
    المشاركات
    154
    مشكوره حبيبتي على ردج لي

    بس حبيت اعرف وين عيل ممكن اروح واتسوق بباريس

    في اماكن تعرفينها ؟؟

    وبالنسبة لديزني لاند يعني على كذيه هذي يبيلها يوم كامل باذن الله

  4. #4
    عروس جديدة الصورة الرمزية وحدة ف حالها
    تاريخ التسجيل
    13/03/2006
    الدولة
    في وحدتي
    المشاركات
    49
    شوفي اختي باريس مافيها مجمعات
    فيها شارع الشانزلزيه وشارع فابور معروفه بالمحلات الشركات العالميه الراقيه جدا
    و مطاعم و قهاوي وبعد تقدرين تروحين شي اسمه حي الرسامين عند الكنيسه

    شوفي اختي انتي وين بتقعدين اذا رحتي دزني لاند؟؟ هل بتقعدون في نفس المنطقه او في باريس و تنزلون كل يوم؟؟
    و اتصور دزني لاند يبغيلها يومين تقريبا وان شاء الله الجو يسااعفكم

    اتريا منج الرد والله يوفقكم ان شاء الله

  5. #5
    مشرفة سابقة الصورة الرمزية Marshmallows
    تاريخ التسجيل
    05/11/2003
    الدولة
    Qatar
    المشاركات
    5,410
    هلا حبيبتي

    اذا معاكم اطفال ،، ممكن تباتون ليله في ديزني لاند ..

    اما لو لحالكم ،، روحوا من الصبح ..

    في الشانز ،، في مكاتب سياحيه تعطيج package كامل حلو و مرتب لدزني لاند .. من تذاكر الميترو لتذاكر الدخول ..

    الشانزليزيه حلو تتمشين فيه ،، تقعدين في مطاعم و قهاوي ..

    روحي عند قوس النصر و هو ببداية الشانز ،، وبرج ايفيل والنهر في نهاية الشارع

    بس تسوق لا وايد غالي الشانز و الماركات نفسها تلقينها بالضواحي ارخص بوايد ..

    بس لازم تروحين محل sephora ،، بس فرع الشانز زحمه مالج محط ريل

    روحي فرع Saint Lazare وايد احلى و اهدى و تتشرين براحتج

    و Saint Lazare كلها محلات وفيها كم مجمع حلوين

    اسعارهم حلوه وايد ..

    لفي المنطقه كلها بتلقين محلات تعجبج

    خصوصاً للانجري والأحذيه .. ومحلات H&M

    لا تنسون تروحون متحف اللوفر ،، والمنطقه حواليه بعد حلوه ..

    والمنطقه عند ايفل والنهر بعد روعه حلوه للتمشي

    ان تذكرت شي برجع لج

  6. #6
    عروس ماسية الصورة الرمزية RoOoOmy
    تاريخ التسجيل
    15/03/2003
    الدولة
    أي مكــــــــــان
    المشاركات
    12,243
    [CENTER]البنات ما قصروا

    أحلى شي Sephora اللي في الشانزليزيه وفي فروع ثانية
    تلاقين مكياج وكريمات وشامبوات مو متوفرة عندنا في الخليج

    ولو تبين سوق حلوة وراقية روحي لافاييت تقدرين تاخذين المترو من الشانزليزيه وتروحين محطة Auber دقيقتين بالمترو
    عبارة عن Department house كل مجمع خاص بشي

    مجمع للوازم البيت ومجمع لملابس الرجال واكسسواراتهم وغيره
    ديزني بتلاقين اعلانات في كل مكان وتقدرين تروحينها بالباص او بالمترو

    ولا تنسي تروحين كل المعالم السياحية مثل ما قالت لك مشرفتنا
    برج ايفل روعة في الليل وقوس النصر على كل وقت
    ونهر السين فيه عبارات تسوي برامج بس فيها موسيقى ورقص وشراب ما يناسبنا كمسلمين

    فرنسا كلها روعة وان شاء الله تنبسطون فيها

المواضيع المتشابهه

  1. بنات اللي راحت المالديف ممكن تتفضل شوي
    بواسطة احب ريلي في المنتدى بوابة السفر إلى دول شرق أسيا والخليج العربي والشرق الأوسط
    مشاركات: 2
    آخر مشاركة: 08/11/2008, 06:55 PM
  2. الي راحت الاردن تتفضل هني
    بواسطة منال الخليج في المنتدى بوابة السفر إلى دول شرق أسيا والخليج العربي والشرق الأوسط
    مشاركات: 0
    آخر مشاركة: 07/08/2007, 04:50 AM
  3. اللي راحت تركيا تتفضل
    بواسطة اموت في زوجي في المنتدى بوابة السفر إلى أوروبا
    مشاركات: 6
    آخر مشاركة: 07/01/2006, 02:14 PM
  4. اللي راحت لندن تتفضل
    بواسطة &شهد& في المنتدى بوابة السفر إلى أوروبا
    مشاركات: 4
    آخر مشاركة: 05/07/2005, 11:16 PM
  5. اللي راحت ماليزيا تتفضل شوي
    بواسطة النـــدى في المنتدى بوابة السفر إلى دول شرق أسيا والخليج العربي والشرق الأوسط
    مشاركات: 7
    آخر مشاركة: 26/06/2004, 03:00 AM