روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 1 من 2 12 الأخيرةالأخيرة
النتائج 1 إلى 15 من 17

الموضوع: مشكلتي هي أختي !!!

  1. #1
    عروس جديدة
    تاريخ التسجيل
    02/04/2006
    الدولة
    بلدي الحبيب
    المشاركات
    45

    مشكلتي هي أختي !!!

    السلام عليكم ورحمة الله وبركاته

    هذي أول مشاركة لي في هالمنتدى الرائع لكن كنت أتردد عليه بشكل مستمر , ولما لقيته فيكن أخواتي من حب للمساعدة فكرت في عرض مشكلتي الا هي اكبر مصدر ازعاج في حياتي ومعكرة علي صفو تفكيري ودايما اكون مضايقة منها ...واتمنى القى عندكم المساعدة والنصيحة

    حنا 7 أخوات و3 أخوة ماشاء الله , خمس من أخواتي متزوجات وانا واختي اللي اكبر عني بسنتين غير متزوجات , اخوتي ثلاثتهم متزوجين وعلاقتي معاهم اوكي وماتذكر مرة صار لي خلاف معاهم والحمدلله , امي طيبة وحنونة وفي حالها واحبها مووت وعلاقتي مع بقية أخواتي الكبار المتزوجات والاخت العزباء الي معاي بالبيت بعد اوكيه صج تصير خلافات بسيطة وبعد لحظاات ولا كأن صاير شي ....
    عطيتكم تعريف بسيط عني والحين ببدأ بمشكلتي :cry:,
    مثل ماقلت لكم عن علاقتي بافراد عايلتي لكن وين مشكلتي بالضبط ؟ مشكلتي هي اختي اللي ترتيبها بالوسط وهي متزوجة صار لها 3 سنوات تقريبا , اكبر عني ب10 سنوات تقريبا لكن شقولكم اكثر خلافاتي معاها ...لأنها ببساطة هي الا تفتعل المشاكل معاي انا مسالمة ومااحب اتهاوش ودايما افضل اعيش بأجواء هادئة والا يحترمني احترمه سواء كان اصغر عني او اكبر عني , اهيا عصبية اذا كلفتني بمهمة واعتذرت اسويها لأن عندي مشاغل ثانيه تجلس تسبني وماتخلي كلمة وسخة الا ترميها , ومااعتقد احد بيغلطون عليه وبيسكت وهو مظلوم !!!!

    الشيء الثاني اهيا قلبها طيب بس شنو الا مخرب عليها ؟؟ مثلا تسوي لي شغله بعدين تجلس تتمنن علي وتقول لو ما انا كان انتي جذي وجذي وكل هذا بفضلي ومثل ماتعرفون المنّة تذهب المعروف من جذي اوقات اتحاشى اكلفها تسوي لي شي ....رغم انها اذا صارت لها مشاكل تيي تقابلني وتفضفض وتقول كل الا عندها واذا تبكي ابكي معاها وتكسر خاطري واكون صاغية لفضفضتها
    لكن وين كل ماسوينا لها شي ينقلب ضدي افعل خير تلقى شر !!!
    الشيء الثالث عادي عندها تغلط علي جدام زوجها وتسبني اذا ماسويت شي لها وتهاوشني وتفشلني !!!:sad:

    الله وكيلكم حتى كانت تتهمني بأشيه انا بريئة منها من لما كنت بابتدائي :cry:اتذكر كانت راقدة معانا بالغرفة بنت عمتي واهيا بمثل عمري , في الليل البنت احتاجت تروح الحمام كرم الله السامع وفي الظلام خافت قالت لي اروح معاها , رحت معاها حتى ماتخاف وقفت لها يم الحمام حتى تقضي حاجتها ونرجع نرقد , وحنا راجعين للغرفة شفنا هذي اختي اللي قلت لكم عنها طالعة من الغرفة يازعم احتاجت تروح الحمام بس اهي في نيتها الشينة تراقبنا شنسوي !!؟ وانا ذاك الوقت ابدا ماحطيت في بالي ان تفكيرها جذي , اوكي يوم ثاني الصبح بعد مامشت البنت بيتهم وانا اتذكر كنت جالسة اشاهد التلفزيون نادتني اختي ورحت لها الغرفة وقفلتها ومسكتني تحقيق شنو كنتين تسوين البارحة مع بنت عمتج في الحمام :eek2:شهالسؤال ؟؟؟ انا انصعقت قلت لها ماسويت شي بس طلبت مني اوقف لها يم الحمام وبس !! وجلست تحقق وتشك فيني اني سويت شي غلط معاها ماتحملت جلست ابكي بحرقة وقهر:cry: لأن هذي التصرفات مستحيل اسويها :cry:

    وهالسنين حتى لو تهاوشنا ترجع يوم ثاني ولا كأنها مسويه شي وتتكلم معاي عادي انا اقول يمكن فكرت في غلطها وندمت لكن للأسف ترجع لتصرفاتها

    مع كل هذا انا قلت ببدأ معاها صفحة جديدة مهما كان هي اكبر عني ,ماافااااد , هل كل مرة بتحمل ؟ كل مرة بتغلط علي واسكت عنها ؟ وهل واجب علي اني اكلمها والله اتحاشاها وابتعد عنها خير شر افضل لي ؟ ارجوكم انصحوني انا في حيرة وضايقة نفسي والله اكتب ودموعي على خدي حاسة ماالي احد بهالدنيا :cry::cry:

  2. #2
    عروس برونزية
    تاريخ التسجيل
    10/05/2005
    الدولة
    دار بو مشعل
    المشاركات
    1,590
    اظاهر اختج من النوع العصبي جدا جدا

    انا اقول خليها فتره ولا تقربين صوبها
    سلمت ردي السلام ماسلمت كيفها

    خليها فتره

    وبعدين بتحس بغلطتها

    بس مب تقاطعينا طول العمر

    تعرفين هذي اختج وعمره الظفر مايطلع من اللحم

  3. #3
    عروس نشيطة
    تاريخ التسجيل
    04/02/2005
    الدولة
    UAE
    المشاركات
    136
    اختي الغاليه

    انتي اللي عليج تسوينه .. وتسامحينها

    والمسامح كريم

    وانتي محترمتنها

    وانتي تنسين انها تغلط عليج وترجعين وتكلمينها

    وانتي ..

    وانتي ..

    اللي عليج سويتيه ... الباقي عليها اهي .. تعدل من تصرفاتها

    قولي الحمدلله واذكري الله دووم

    لا تحسسين عمرج بانج مظلومه .... وتقعدين تحزنين على نفسج

    ترا اللي سويتيه كله له اجر... وكبير بعــــد

    من تحسين انها بتظايقج ... اتذكري انه الله وياج .. وان الحق معاج انتي

    ونصيحه لا تسكتين لمن تسمعينها تسبج ولا تقولج شي

    انا ما اقولج سبيها انتي بعد وعصبي ... لا ..

    ابيج تكلمينها عن هالموضوع وتحسسينها انج تزعلين من الكلام اللي تقوله ..

    عل وعسى تحس وتغير من اسلوبها معاج


    ارجع واقولج :

    انه الله معاااج ... وابيج تكونين دوووم فرحانه وقويه لانه الله معاااج والحق معاج


    وعسى الله يهديها

  4. #4
    عروس جديدة
    تاريخ التسجيل
    13/03/2006
    الدولة
    kuwait
    المشاركات
    20
    عزيزتى كويتية يتبين من كلامج انج انتى السنعة

    سمعى حبيبتى يصير بين الخوات زعل وهواش بس ان صار بينج وبين اختج هالشى

    1 بينيلها انه هذا غلط وانج ماتتحملينه

    2 حسسيها انج متضايقة من هالفعلة وانج ماعدتى الطفلة اللى مالها كلمة ولا راى

    3 اذا مافهمت ممكن تستغنين عن خدماتها وتعتمدين على نفسج وتبينين لها انج مو بحاجة

    4 تجنى الاحتكاك معاها لفترة يعنى خليها تفقدج وتوله عليج لفترة

    5 ادعى بصلاتج بقيام الليل ان الله يهديها لانج تحبينها وهى اختج لا مفر

    6 اخر شى ادعيلج من كل قلبى ان الله يهديها لج وترتاحون مع بعض وترد حياتكم طبيعية

    والله الموفق

  5. #5
    مشرفة سابقة الصورة الرمزية ღ رآقيهـ ღ‏
    تاريخ التسجيل
    07/05/2003
    الدولة
    باحلى وطن
    المشاركات
    5,903
    [grade="00008B FF6347 008000 4B0082"]السلام عليكم ورحمة الله وبركاته

    أقولك شي تجاهليها تمااااااااااااااااما وحسسيها انها ما تهمك وان وجودها زي عدمه يعني لا تسويلها سالفة وكلميها عادي

    صدقيني بتراجع نفسها وبتفكر بتصرفاتها وبتتعدل [/grade]

  6. #6
    عروس جديدة
    تاريخ التسجيل
    02/04/2006
    الدولة
    بلدي الحبيب
    المشاركات
    45
    دلوعتها
    لولا_لولا
    tafy
    malaak

    شكراً عزيزاتي على الردود والنصايح , تسلمون والله يخليكم يارب:cry:

    بتصرف وبشوف شنو نهايتها معاي واتشرف بقراءة المزيد من الردود !!!

  7. #7
    عروس نشيطة
    تاريخ التسجيل
    18/03/2006
    الدولة
    أحلى سعوديه....؟؟.؟.؟.
    المشاركات
    195
    حبيبتي تجاهليها وحسسيها أنك مو محتاجه لها

  8. #8
    عروس رائعة الصورة الرمزية sadlove
    تاريخ التسجيل
    24/05/2003
    الدولة
    الامارات
    المشاركات
    1,328

    [align=right]
    السلام عليكم

    أختي مثل ما قالوا البنات.. هي بتم اختش.. وإذا لا قدر الله صار لوحده منكم مكروه وقتها بتشوفين كيف بتخافون على بعض وبتنسون للحظات كل الزعل..
    ورغم هذا إلا ان الأخوة لا تعني انه أسمح لاختي انها تسبني بألفاظك قذرة لمجرد انها اختي.. فهذا عيب وغلط..وحبيت أسأل وين الوالد والوالده عنها..بعدين هي الكبيرة يعني لازم تكون قدوة.. موب تشتم وتقول كلام جارح...
    عموما انا مريت ولا ازال بتجربتك.. بس العكس اني الكبيرة بين خواتي.. وعلاجي كان التجاهل.. صرت اتجاهل هالاخت.. ولما تكلمني ولا كاني سمعت شئ وألف ويهي الناحيه الثانيه.. والصراحه سويت هالحركة لما نكون في لمة مع بعض مما سبب لها الإحراج..وعرفتها انه ممكن أعاملها بنفس اسلوبها وإني قادرة أرد عليها ..فصارت هي اللي تجي تكلمني لوحدها..

    أسلوبي يمكن ما يعجب البعض.. لكن انا أشوف بدلا من انه الواحد يعصب ويشتم.. فالتجاهل والبرود أفضل .. ويجيب نتيجة..0(والحكران يقطع المصران)......
    والله يحنن قلبها عليش.

    تحياتي........

  9. #9
    عروس جديدة
    تاريخ التسجيل
    02/04/2006
    الدولة
    بلدي الحبيب
    المشاركات
    45
    هلااا حبيباتي

    شكراً على الرد تسلمووون وجزاكم الله خير

    مثل ماقلت لكم لما شافتني أمس ولا كأنها مسوية شي كالعادة :pain:

    sad love ... ابوي الله يرحمه متوفي قبل 4 سنوات ونص تقريبا
    وامي ماتدخل نفسها بينا خاصة بعد ماتوفى ابوي صارت هاديه اكثر

  10. #10
    عروس ماسية الصورة الرمزية الغـــلا كله
    تاريخ التسجيل
    07/10/2002
    الدولة
    فهالدنيــــــاااا
    المشاركات
    3,617
    [grade="00008B FF6347 008000 4B0082"]حبيبتي تجاهليها فتره من الوقت عسب تحس بغلطتها ... بس لاا تقطعينها مول لانه حرام ... [/grade]

  11. #11
    عروس مشرقة
    تاريخ التسجيل
    15/07/2005
    الدولة
    qatar
    المشاركات
    470
    وحدة من رفيجاتي نفس حالتج حتى حطيت مشكلتها هنيه في المنتدى بس اهي المسكينة مو اختها بس الا كلهم عليها الله يعين
    اقولج حل انتي ابتدي هاوشيه بدون سبب وخليها تتنرفز على الاخر وقلوليها شفتي شلونانتي عصبتي ترا انا جية احساسي يوم تسويين فيني جيه واذا ما اعتدلت يا اختي الكبيرة صدقيني بغسل شراعج :qaq: مو انا الي تهاوشيني فهمت وصارخي فيها قوليلها ok ولا no واذ بتسبين قدام ريلج ترى والله ثم والله لاطلع فضايحج عنده :angry:
    اخر زمن حتى الاخوات صاروا جيه الشرهة مو عليج الشره على الي حاشمج:mad2:
    قولي احق اختج جية صدقيني بتعتدل ولا تعطينها ويه بعدين يله بشرينا بالنتايج:dd:

  12. #12
    عروس مشرقة الصورة الرمزية خادمه الفردوس
    تاريخ التسجيل
    06/07/2005
    الدولة
    مصر
    المشاركات
    314
    كبرى دماغك

  13. #13
    عروس متألقة الصورة الرمزية ليدي فله
    تاريخ التسجيل
    26/02/2005
    الدولة
    الامارات
    المشاركات
    227
    افرضي شخصيتج ناقشيها لا تسكتين؟؟؟؟
    مبين عليج طيبه واختج بعد تهاوششششششششش وتنسا ويمكن مرات تكون خايفه عليج بس تعبر عن خوفها بمشاكل
    خلي اخواتج يتكلموووووووووون معاها وينصحووونها....
    لا تخلينها تفشلج مع اي حد لان صدقيني بالايام بياثر على شخصيتج؟؟؟؟
    لا تلاسنينها ؟؟؟ كوني هاديه معاها كووووووووووووووووووووووول

  14. #14
    عروس جديدة
    تاريخ التسجيل
    02/04/2006
    الدولة
    بلدي الحبيب
    المشاركات
    45
    moon light
    noora-qatar
    خادمة الفردوس
    ليدي فلة

    شكراااااااا حبيباتي على الردود تسلمووون وهذا الي توقعته من عروسات المنتدى
    والحمدلله هالايام الحال انصلح والله يستر من الايام اليايه
    يعطيكم العافيه

  15. #15
    عروس رائعة
    تاريخ التسجيل
    11/06/2005
    الدولة
    دبـــ ـــ ـــي
    المشاركات
    1,402
    الله يعينج على اختج

    بس انتي سوي اللي عليج وخلي الباقي على الله

    لا تبديين بالغلط عشان ماتمسك عليج شي
    واذا هي غلطت عليج طنشيها او سامحيها وحجة الله عليها

    وترى بالاخير انتو خوات ومردكم لبعض

    ذكري الله وخلي عقلج اكبر من جذيه




    تحياتيـ

    شــوقـ قـلـبـيـ

صفحة 1 من 2 12 الأخيرةالأخيرة

المواضيع المتشابهه

  1. مشكلتي اااااااه يا مشكلتي ...
    بواسطة شمعة محبة في المنتدى قضايا وحلول
    مشاركات: 81
    آخر مشاركة: 15/05/2011, 04:13 AM
  2. مشكلتي هالمره غير!!! مع أختي الكبيره والوحيده!!??
    بواسطة مقهوره في المنتدى قضايا وحلول
    مشاركات: 15
    آخر مشاركة: 02/07/2003, 07:06 PM