زوجي يشك فيني

كلام البنات سليم

وممكن يكون زوجك موصيه عشان يختبرك وعلى ماعتقد زوجك لبناني يعني يمكن عنده جرأه على هالامور اكثر من الخليجي الغيور

انا مابي اتهم زوجك بس انتي بكلا الحالتين خليك صامده يعني انتبهي تعطين مجال لربيعه يمكن يكون اختبار

وبنفس الوقت امسكي زوجك وقولي له نفس كلام البنات

والله يوفقك

طمنينا عليج حبيبتي

هلا فيك شمس أبوظبي

الغالية اي رجل ما بطول عيونه إلا على وحده متزينه و متعدله خارج
مستحيل يفكر و لا يرفع عيونه على وحد محتشمه و يتجرأ يكلمها بالبيت!
صحيح المعذره ....انا خرجت من الموضوع ..!

اشتري اجهزة التليفون اللي تسجل الصوت وسجلي كلامه
واذا كان على جوالك حطي برنامج يسجل المكالمات وسجلي وسمعي زوجك وحتى يعرف حقيقة صاحبه
ودام ماهو غبي اشلون يشك فيك وانت ماصدر منك خطأ

الله يهديه ويصلحه ويطول بالك ويصبرك

الله يهديه للك ويصلحه

بنات سويت مثل ما قلتو رحت استلفت من وحدة ربيعتي جهاز اللي يسجل مكالماته وسجلت كل شيء عقب حطيته في علبة وطرشتله دبدوب كبيييييييييييييييييييييييير مكتوب فيه sorry ومتب رسالة اني وقلت له اني مستحيل اشوف غيرة واتصلت بامه وقلت لها انها تقول لودها انه في طرد واصلنه في صندوق البريد منها .. وفعلا سوت مثل ما قلتها بس بعد ما خبرتها السالفة كلها..
عقب هو فتح الطرد هذا كان الصبح .. وفي الليل جاء البيت على فكرة هالفترة كان كله بالفندق وانا ما كنت اشوفه .. جاء يمكن الساعة 11 في الليل وكان ساكت بعدين سألته شو وصلتك الطرد قالي انا آسف بس كنت متضايق ان صديق عمري خاني ويبغي يغدر فيني وانه كان منضايق من نفسه وان عمره ماشك فيني بس كان محتاج يقعد مع روحه عقب تصالحنا والحمد لله .. وخواتي اللي انصحوني واللي عاتبوني مشكوورااات.. والله يحفظكم

الحمد الله ...ألف مبروك عدت على خير

والله يوفقج

يــــــــــــــــــــــــــــــارب ويسر أمورج

الحمدلله

وخلاص لازم مايسميه صديق ولازم يقطع علاقته به نهائيا

الله يهداج انتي عطيتيه المجال اساسا انتي كيف تردين عليه حتى ماكان لازم تيلسين تقنعين هالشخص وتقولين له انا مثل اخت وغيره من هالكلام
لان خلاص هوه ينتظر علامه قبول او استجابه سواء سلبيه او ايجابيه بس كان يبي رده فعل
وخلاص اذا اتصل الريال خلي على السبيكر وتكلمي وسمعي ريلج عشان يصدق

صدقيني مشكله اذا عطيتي ريلج المجال ان يشك فيج .. اذا دخل الشك والله مشكله

وحتى على قولتج اذا انتي تطلعين ويا ريلج وهوه يطالعج بطريقه مب شي خلاص حاولي تتغطين لاتخلين ويهج مكشوف او تتزينيين بزياده

خليج متغطيه من راسج لين ريلج


على اساس ماتعطين المجال حد يتجرا ويطالعج بنظره وانتي ويا ريااااال

لا حول ولا قوة الا بالله

خبري زوجك عنه

واذا ماصدر قوليله انج بتردين عليه وخلي زوجك يسمع الكلام اللي يقوله لج ( حطي التلفون عالسبيكر )
وقولي لزوجك انج مستحيل تنظرين لواحد غيره ( مادام معاي القمر مالي ومال النجوم )
خصوصا انه من جنسيه غير عن جنسيتج فيعني هالشي صعب يدخل العقل

وحطي كاشف للرقم

واذا استدعى الامر بلغي الشرطه
لان مثل هالناس مالازم تنترك حره
صدقيني اذا بلغتي الشرطه يومين وبيتسفر وتفتكين من الازعاج

الله يصلح مابينكم
خلي ايمانج بالله قوي
وان شاء الله ربي ينصرج ويبين الصح من الغلط

انا لااستطيع تبرئتك في هذا الموضوع

الرجل الوقح لايفعل ذلك الا اذا لم يجد من تصده عن مايريد

انتي تساهلتي كثيرا وهذا جعل الرجل يتحين اي فرصه لمحاولة دخول البيت

زوجك لديه الحق في الشك .. ولكن للاسف متأخرا جدا

مشكور اخوي مجدي بس انا اقولك .. اني ما تساهلت معاه بس هالريال عيونه قوية.. ويتحراني عشان تزوجت لبناني اني سهلة .. الريال ما عنده كنترول على نفسه .. المشكلة مب فيني .. وليه تبي ريلي يشك فيني..؟؟؟

هلا

دام انج انتي متزوجه لبناني ... المفروووض حتى ماتطلعين جدام ربعه لان اكيد ربعه يا لبناننييين او من جنسيات ثانيه يعني اذا حد طول عينه عليج مب عشان انج انتي حلوه ولا لا بيقولون هذي اماراتيه وعندها بيزات بس من تعطين الضوء الاخضر حق واحد منهم عادي عقب يهددج او يبتزج .. نفس هالسوالف حصلت وايد

وانا احس انج انتي تساهلتي وياه من دون ماتقصدين يمكن ... لان اصلا واحد مب من جنسيتج شتبين فيه تشرحين له وتفهمينه


خلاص دامج تزوجتي لبناني من الافضل تبتعدين عن ربعه وعن اماكن يلستهم واحسلج تكون متغطيه من راسج لين ريلج عشان تتفادين اي مشكله

[grade="00008B FF6347 008000 4B0082"]ما شاء الله البنات ما قصروا ....[/grade]

الحمدلله ان السالفه عدت على خير

الحمد لله على حل المشكلة ... والله يوفقج معااااااااه يا رب ... ويرضي أهلج عنج يا رب

الله يوفقج اختي معاه

ويوفكم ان شاء الله ومشكورات خواتي ..
المشكلة انحلت

لا حول ولاقوة الا بالله



لازم تواجهينه وتقولين له عن كل شي

والله يفرجها عليك