زوجي يشك فيني

بنات المنتدى تدرون ان زوجي يشك فيني وما يشتهي حتى يطالع في ويهي تدرون ليش؟؟

هو عنده ربيع وهذا عينه وااايد طويلة من يشوفنا انا وريلي في مكان عام يقعد يطالع وانا نبهت ريلي بس ما قلت له ان ربيعه عيونه طويلة ...

تدرون ريلي في ايام ما يكون في البيت وريع زوجي يعرف بالهشيء.. في مرة من المرات كان صبح.. وانا بروحي في البيت واللعين كان يدري ان بروحي وكان يتصل فيني تخيلو شو كان يقول .. ؟؟ كان يقولي انا عاوزك وجوزك مش حيعرف باي حاجة انا خفت منه وقلت له عيب عليك انا مثل اختك وزوجة ربيعك قالي بلاش الكلام ده ويوم ما ييت معاه تدرون شو كان يسوي كان يتص عالبيت وإذا انا رديت يتكلم وإذا ريلي رد يسكت لحد ما خلا ريلي يشك لا وبعد يدخل في مخ ريلي اشياء والمشكلة ان ريلي يثق فيه مع انه مب غبي .. بس يثق فيه ثقة عمياء تدرون انه حاول يدخل بيتي في الصبح وانا بروحي ترون هذي محاولة اغتصاب

الله لا يوفقه دخل الشك في راس زوجي زوجي مب مشتهي يطالع في ويهي ولا حتى يلمسني مر اسبوعين وزوجي ما لمسني انا مقهورة ومظلومة .. قولي لي يا بنات شسوي مع ريلي ابي وحدة تعطيني خطة عشان اثبت برائتي عند زوجي .. واثبت ان ربيعة نذل بنات طلبتكم