روابط قد تهمك :
فساتين العروس | تسريحات | تنظيم الاعراس | زخرفة | عالم حواء


النتائج 1 إلى 9 من 9

الموضوع: تخيلوا ان احنا في صالة انتظار الرحلات .. خلونا نسولف ونتبادل النصائح في السفر

  1. #1
    عروس جديدة الصورة الرمزية alzaman
    تاريخ التسجيل
    14/03/2006
    الدولة
    أنا من مملكة البحرين
    المشاركات
    40

    تخيلوا ان احنا في صالة انتظار الرحلات .. خلونا نسولف ونتبادل النصائح في السفر

    سم الله الرحمن الرحيم

    أعزائي الأعضاء .. عندي لكم فكرة أتمنى تعجبكم وتشاركوني فيها

    تخيلوا ان احنا في صالة انتظار المسافرين وكل واحد منا ينتظر الاعلان عن رحلته ..

    طبعا مو معقولة ان كلنا بنكون ساكتين في هالصالة

    وش رايكم كل واحد يعطينا نصيحة او مجموعة نصائح من خلال تجاربه الشخصية في السفر وينبه للأخطاء اللي وقع فيها عشان ما يوقع فيها غيره

    طبعا ما نبغى النصائح العامة في السفر لأن كلنا نعرفها وهالنصائح ممكن نحصل عليها من اي مكان

    لكن اللي نبغاه هي خلاصة تجاربكم في رحلاتكم

    وراح أبدأ بنفسي

    نصيحتى لكل شخص بيروح للعمرة هو أنه يرتاح وينام على الأقل ساعتين أول ما يوصل مكة وقبل ما يروح للحرم لآداء العمرة .. يعني إذا حطيت أغراضك في الفندق أو الشقة ارمي نفسك على السرير وخذ لك غفوة ساعتين .. ولما تصحى توضأ وضوء الصلاة وتوجه للحرم واعمل العمرة .. راح تلقى ان الارهاق اللي يصيبك بعد الانتهاء من العمرة بسييييييييييييييط جدا لا يكاد يذكر .. والسر في هذا هو انك تخلصت من ارهاق السفر بالراحة اللي خذتها لحظة وصولك مكة .. كنا ظالمين مناسك العمرة ونحسب التعب اللي يجينا بعدها بسبب الطواف والسعي .. أتاريه بسبب السفر نفسه


    جربوا وراح تدعون لي


    هذه انا مجربها بنفسي وحسيت بفرق كبييييييييير


    اذا عندكم نصيحة أو تحذير أو حتى موقف طريف ياليت ما تبخلون علينا به .. خلونا نمضي الوقت بفايدة بدل ماكل واحد ماسك له جريدة في الصالة وحاشر وجهه بين صفحاتها الى ان يعلنون عن قيام رحلته


    وخلونا نحتسب الأجر والثواب من الله في نصحنا لبعض

  2. #2
    عروس ماسية الصورة الرمزية RoOoOmy
    تاريخ التسجيل
    15/03/2003
    الدولة
    أي مكــــــــــان
    المشاركات
    12,243
    فكرة حلوة عزيزتي

    انا عن نفسي رحت عمرة السنة اللي فاتت وكانت اول مرة لي
    اول شي المدينة كم يوم وبعدين من المدينة الى جدة يادوب حطينا شنطنا في الفندق ورحنا لمكة على طول وظلينا تقريبا 4 ساعات بس الحمدلله كانت روعة وحسيت بشعور لايوصف ... التعب بان علينا بعدين مو من قلة النوم لان طبعي انا وزوجي نومنا قليل
    بس من الجوع !!
    فأنا انصح اي احد بيسافر لازم ياكل له وجبة خفيفة خاصة لو رايح عمرة او حج عشان لا يتعبه الجوع بعدين

    ونصيحة ثانية بناء على موقف صار لي من آخر سفرة
    كنت رايحة اوروبا في الشتا واخذت ملابس شتوية ثقيلة لي ولزوجي
    وشنطنا كانت ثقيلة

    على الطيران ( .......... ) ما بقول اي طيران بس كرهته ومستحيل اروح عليه مكان مرة ثانية المهم ... التنقل من مدينة لثانية ومع التسوق صارت الشنط اثقل واخذوا علينا وزن زايد 880 يورو !!!!!!!!

    فقررنا انا مرة ثانية ناخذ ملابس بسييييييييطة جدا ونشتري بقية ملابسنا من البلد اللي نزوره خاصة اننا بنتسوق اكيد فنروح بالشنط فاضية نرجعها مليانة ونتفادى مشكلة الوزن الزائد

  3. #3
    عروس مشرقة الصورة الرمزية حب الامارات
    تاريخ التسجيل
    06/06/2003
    الدولة
    الامارات
    المشاركات
    464
    مرحبا خواتي حبيت أشارك وياكم

    أنا رايي لما تسافرون شرق اسيا وخاصه تايلند تاخذون حق عيالكم صندل وكم شورت وتنوعين القمصان عليهم

    أولا لأن الجو حر وأرف ثانيا أرضيتهم وصخه وفي نفس الوقت وفرتي مكان في الشنطه علشان تشترين اغراض للبلاد

    ونصيحتي للي عندهم يهال صغار وقت صياحهم في الطياره تاخذين وياج لعبه يديدة وفيها اضاءه يستانس فيها في الطياره
    لأنج اذا خذتيله لعبه من قبل شافنها بيتم يصيح

    لا تنسين تاخذين ادول للطياره ( للي عندهم يهال )

    ودوا اللوعه متوفر للصغار والكبار

  4. #4
    مشرفة سابقة الصورة الرمزية ღ رآقيهـ ღ‏
    تاريخ التسجيل
    07/05/2003
    الدولة
    باحلى وطن
    المشاركات
    5,903
    روووووووووووووعة الموضوع

    وانا انصح الي ينتظرون موعد الطيارة او انتظار باي شي ياخذو الجاهز الصغير جدا الي يهر فيه كل القرآن انا بجوال زوجي منزل كل القرآن وبس أضغط على الصورة الي أبغيها وأقراء

    الوقت بسرعه وبإذن الله يمر الوقت كذا بسرعه ونتوفق برحلتنا وتتيسر لنا الامور

  5. #5
    عروس رائعة
    تاريخ التسجيل
    01/02/2004
    الدولة
    الله يرحم موتناا
    المشاركات
    1,000
    هلا
    فكره طيبه
    اناا ا عتقد السفر في ووقت مبكر من النهار احسن من الليل
    وكذلك تقسيم ساعات السفر
    يعني مو كل المسافه مره وحده
    اذكر اني سافر ت مرره
    12 ساع قياده
    واخرتهاا نوم
    المفروض النوم بعدين المواصله
    لا ن الاجازه طويله
    شكرا

  6. #6
    عروس رائعة الصورة الرمزية ترانيم قطر
    تاريخ التسجيل
    16/08/2003
    الدولة
    دار التميمي حمد
    المشاركات
    1,349
    موضوع جميل .. يعطيك الف عافيه عليه أخلص امتحاناتي واشاركم

  7. #7
    عروس رائعة
    تاريخ التسجيل
    30/05/2006
    الدولة
    جزيرة مايمرها بشر
    المشاركات
    1,148
    مرحبااااااااااا مليار أم عزووووووووووووزي وصلت :clap: :clap: :clap:

    أنا مع الإخت اللي قالت أهم شي تاكلين وجبة خفيفة قبل السفر وهذا عن تجربة لما سافرت أنا وزوجي لماليزيا أذكر إني إتغديت الساعة 6 المغرب في مطعم في أبوظبي وع الساعة 12 بالليل توجهنا لمطار دبي طيارتنا الساعة 2 وفي الدري أخذت نسكافيه لما طلعت الطيارة بساعة حسيت بالجوع :sad: وطبعا أكل طيران الإمارات مب شي على الأقل عندي الصراحة واااااايد عانيت ...بس في الردة وأنا في مطار كوالمبور شي مطاعم إهناك اتعشيت أنا وريلي في ماكدونالدز وعقب حليت بكاكاو ومن ثم رحنا الطيارة أبد ما حسيت بتعب أو جوع :shy:


    كمان نصيحة لا تاخذين أغراض وااااايد لأنج ماراح تحتاجينهم كلهم وعن تجربة :shy:

    تحياتي للجميع :salam:

  8. #8
    عروس جديدة
    تاريخ التسجيل
    19/03/2006
    الدولة
    دار الزين
    المشاركات
    16
    والله فكره ختيه نصيحه مني انج تاكلين وجبه خفيفه

  9. #9
    عروس مشرقة الصورة الرمزية شعاع القلوب
    تاريخ التسجيل
    27/06/2003
    الدولة
    قطر
    المشاركات
    340
    بنات الامارات اشرايكم بطيران الامارات لاني ناويه اسافر عليه الى تركيا فحبيت تفيدوني شلون خدمتهم

المواضيع المتشابهه

  1. إللي ساكنه في الجبيل خلونا نسولف عن الخيمه مين إللي راحت لها ؟؟؟
    بواسطة من ارض الوطن في المنتدى أفكار و خبرات
    مشاركات: 7
    آخر مشاركة: 21/06/2009, 03:44 AM
  2. كل وحدة تجي تقولنا قصة ولادتها .. خلونا نتعلم احنا سنة اولى حوامل...
    بواسطة * وريف * في المنتدى النساء و الحمل و الولادة
    مشاركات: 43
    آخر مشاركة: 01/05/2008, 01:51 PM
  3. خلونا نسولف
    بواسطة fatti في المنتدى المطبخ و المائدة
    مشاركات: 5
    آخر مشاركة: 07/09/2007, 11:42 PM
  4. دعوة لكل المربيات كيف كان شعورها ووضعها وقت الولادة صح انه شي محرج بس خلونا نسولف
    بواسطة أم راااااااشد في المنتدى النساء و الحمل و الولادة
    مشاركات: 10
    آخر مشاركة: 13/12/2006, 01:58 PM
  5. خلونا نسولف مع بعض
    بواسطة nofa في المنتدى مجلس بنات عروس الثقافي
    مشاركات: 48
    آخر مشاركة: 11/07/2006, 03:58 PM