روابط قد تهمك :
فساتين العروس | تسريحات | تنظيم الاعراس | زخرفة | عالم حواء


النتائج 1 إلى 14 من 14

الموضوع: أقـــدر اقنعه في كل المواضيع الا في سوالف الحريم "تعالوا انتناقش"

  1. #1
    مشرفة سابقة الصورة الرمزية ღرومانسيةღ
    تاريخ التسجيل
    06/02/2005
    الدولة
    بين ضلــ حبيبي ــوع
    المشاركات
    3,240

    أقـــدر اقنعه في كل المواضيع الا في سوالف الحريم "تعالوا انتناقش"

    بسم الله الرحمن الرحيم

    السلام عليكم ورحمة الله وبركاته

    شخباركم عرايس ! وحشتوني


    عندي لكم سالفة اليــــــوم ،،، أنا لاحظت شي خطير
    خطيبي ممكن اقنعه يوم يكون رافض شي بس في سوالف الحريم مايقتنع لو شنو اسوي

    حاااولت وتعبت
    خلوني افهمكم اكثــــر من قبل كم شهر قلت له ابي اقظ خشمي "افتح للشغاب"
    قالي "لاااااا عيــــــــب وشلوووووون ومايصير" طبعاً انا انصدمت لان وايد بنات يسوونها

    وقالي عندنا بالحرين عيب
    قلنا معلش !!!
    وبعدين قلتله بتحنى ،، قالي وع ماستحمل الحنة

    وتلوع جبدي واكرها وحااااولت اسابيع معاه وهو رااافض ومستحيل يرضى
    قلت معلش مايتحمل الريحة
    واليوم قلت له بصبغ شعري ،، قالي مافي

    قلت له ليش قال بس احب لون شعرج قلتله معلش لون شعري بيرد
    قال لا صبغيه بعد الزواج قلتله توك الحيت تقول لون شعري حلو قالي اي بس ممكن تغيرينه

    عشاني !!!!!!!!!!!!!!!!!!!!! :ss:
    الصراحة مت مت وانا احاول اقنعه بس يقول انا اناني وماحب اتغيرين الا عشاني

    تعبت والله وحاولت بشتى الطرق انا مقهورة ابي اعيش شبابي :shy: بس مو عارفة شاسوي

    وهو مسكين مو من النوع الي يخنقني باوامره بس هالاشياء انا احبها ليش يرفضها


    صادكم نفس الموقف وقلتيله تبين تسوين شي حريمي او شي تحبينه ورفض؟؟؟؟؟

    وشسويتي وقتها؟ وهل حاولي مرات وايام عشان يقتنع؟؟

    شونو الاشياء الي تحبينها ورفضها ؟

    ولما تحسين انه ماعنده سبب وجيه للرفض شتسوين؟

  2. #2
    عروس فضية
    تاريخ التسجيل
    31/01/2006
    الدولة
    جده
    المشاركات
    2,232
    يا حبيبتى اغلب الرجاله كده انا جوزى قبل ما اتجوز خلانى اقص شعرى اما دلوقتى رافض رفض قاطع انى اقص حتى اطرافه وعموما اخويا كان حاطط شروط قبل ما يتجوز ولما اتجوز اتغير صلى صلاه استخارة ولو شوفتى خير اتكلى على الله واسمعى كلامه وعموما ان شاء الله بعد ما تخلفى مش هتعرفى حتى تغسلى شعرك بكرة تشوفى وتقولى توتى وشيكو قالتلى

  3. #3
    عروس ماسية الصورة الرمزية نوووسهUAE
    تاريخ التسجيل
    03/11/2003
    الدولة
    الساحل الشرقي ..ثم الشمالي
    المشاركات
    4,983
    اممممممم والله مااعرف

    بس
    حتى بالشعر يتحكمون والله قهر

    انزين اصبغي واتحني بس لا تخبرينه خليها مفاجئه

    بس يمكن اللحين ماينفع تسوينها لانج مخبرتنه عن الموضوع هو قالج لا لا

    واخاف تفاجئينه يزعل ويعصب

  4. #4
    عروس مشرقة الصورة الرمزية زوجة راشد
    تاريخ التسجيل
    25/12/2005
    الدولة
    الامارات
    المشاركات
    426
    امممممممممممممممم انا احس هالشي عادي ما احسه تحكم
    تعالي انشوفها وحده وحده ... ما يباج تصبغينه لانه اهو ايحب لونه الطبيعي ... يعنى السالفه مب سالفه تحكم السالفه انه شايف هاللون عليج احلالالالالا
    ما يباج تتحنين لانه ما يحب ريحته .....زين انتى فكري فيها مب انتى تتحنين على اساس انها زينه وتجمل .. طيب وانتى تتجملين لمنووو .؟؟ مب لزوجج ... خلاص دام هالشي ما راح ايجملج ابعينه وراح ايكرهه فى ريحة ايدج اشحقه تتحنين....

    عاد قظ الخشم على قولتج ما اقدر اقول فيها شي ... تدرين ليش لانا احنا ما انقظ اخشمونا ...... يمكن الاخوات اللى ايسوونها يقدروون ايفيدونج اكثر

    حبيبتى ... لا تزعلين ولا تتضايجين لما ايقولج لاه
    وخذيها منى انااااا ... لما ايقولج لاه قولي انشالله ... وقوليها بوناسه .. مب مال قهر .. انقهري من داخل ....وبعد فتره افتحي السالفه وعلى اشويه دلع ...بيصير الشي اوكي سوى اللى اتحبينه خخخخخخخخخخخخخ
    بس ابد ابد لا اتناقشين لما ايقولج لاه ترا يركب راسه وما ينسى السالفه وبيتم على كلمه لاه ...

    اختج زوجة راشــــــــد

  5. #5
    مطرودة الصورة الرمزية عذب القوافي
    تاريخ التسجيل
    30/11/2004
    الدولة
    قلب حبيبي
    المشاركات
    4,484
    هلا وغلا بــــ رومانسية

    نورتي الركن......

    الوحدة منا مالها الا شور رجلها ....في امور كثيرة الرجل ما يحبها .. وانتي اصلا ودك تتكشخين وتتعدلين له صح؟؟

    طيب دامة ما يحب ريحة الحنة ولا يحبك انك تصبغي ووو اذا خلاص

    ايش فايدة الحنة بإيدك لمدة اسبوع وزوجك مو مشتهي الريحة؟؟؟؟؟؟

    اذا انتي في هالأسبوع ظلمتي نفسك..........

    بعدين اسمعي هالنصيحة (( اوشوشك بأذونك )) الرجال ما يعلومنة بكل صغيرة وكبيرة ولا تصيرين من غير شخصية ... استأذنية بأنك بتروحي الصالون فقط وشرط لك بترجعين البيت وانتي صابغة شعرك وهو ولا ملاحظ....!!!!!!!

  6. #6
    عروس مبدعة الصورة الرمزية mewo
    تاريخ التسجيل
    30/10/2005
    الدولة
    الامارات
    المشاركات
    657
    انا اشوف ان الريال مرات ايسوي عمره فاهم وكل شيء مناكي هو بس ايحب شوي ايطلع عضلاته عشان ايحس انه له كلمة وانه ريال عادي خذيها بروح رياضية لانها دايما تحصل هاي السوالف مع الحريم مرات الريال يرفض شيء تلقينه عادي بس هو ما يبغيه سبحان الله وفي خلقه شؤون
    والصراحة سالفة الخشم هاي الصراحة احسها ما صخه لانها ما اتناسب مجتمعنا ولا عاداتنا ولا تقاليدنا اشوف اني لو بغيت احط شيء على خشمي اكتفي باني الصق عليه فص عشان يطلعي شكلي كاني هندية اما اني اسير اخرب خشمي لا
    بس في امور مثل الصبغة او الحنا انا ما اناقش مثل هاي الاشياء وياه اروح الصالون واسوي كل شيء
    وافاجاه حتى لو هو ما ايحب الحنا انا اتحنى ليش عشان ادلع نفسي والصراحة الوحدة اييدها اتكون حلوه بالحنا بس مب كل اسبوع اتحنا بين فترة وفترة تغيير يعني مب دايما اوكي ترى التغير حلو في الحياة بشكل عام صح

  7. #7
    عروس مبدعة
    تاريخ التسجيل
    25/09/2005
    الدولة
    Kuwait
    المشاركات
    903
    تسلمين حبيبتي رمانسيه على الموضوع بس انا بعدي ما انخطبت بس جذي دشيت فضول ههههههههههههههه

    بس استغربت من كلمه قلتيها بس ما فهمتهااااااااااااااااااا ابيج اتفهمنيها اكثر وهي ((اقظ خشمي "افتح للشغاب" )) مدري بس انا فهمتها خزامه اذا ماني غلطانه صح ولا لا يا قمر والله يوفقج يا رب مع خطيبج واشوفج تقولينها زوجي يا رب وبعدين على فكره انا معاج ميه ميه ولو كنت في مكانج والله بسوي مثلج بالظبط بس انا احس انج تحبينه واااااااااااااايد واااااااااااااايد حتى بعناده تحبينه والله يخليه لج ويخليج له قولي امين ويوفقكم وحبيت اسالج سؤال انتي كم عمرج يا قلبي ؟؟؟؟؟؟؟؟وانشاءالله ما اكون ضايقتج في اسالتي يا قمر

  8. #8
    عروس مبدعة
    تاريخ التسجيل
    17/07/2003
    الدولة
    البحرين
    المشاركات
    939
    السلام عليكم..

    اللي تبي تتكشخ المفروض ما تقول لزوجها ..

    يعني شوفي قولي له مثلاً بكره بتزورني صديقتي..

    يعني ما راح اشوفك..

    انتي جهزي نفسك وخذي موعد مع الصالون وروحي سوي الا تبين تسوينه من زينه( حنه، حمام مغربي، حف، قص شعر، صبغ شعر، شراء ملابس) ولمن تجهزين كامل وتردين البيت اتصلي له ..

    وعلى طول صلي على النبي.. لو كان عصبي زوجك ما راح يعصب بإذن الله..

    ولمن يشوفك راح ينخبل ويغير رايه ويقول انا ليش ما اخليها على كيفها..

    بس ها المفروض انك تجسي النبض عن شعرك شلون يحبه هل طويل والا قصير..

    مو لمن تحشين شعرك تصحين وما كان قصدي..

    وبالتوفيق يا اختي..

    عيشي شبابك.. ودلعي خطيبك.. و عيشوا عصافير ..

  9. #9
    عروس ماسية الصورة الرمزية RoOoOmy
    تاريخ التسجيل
    15/03/2003
    الدولة
    أي مكــــــــــان
    المشاركات
    12,243
    الله يخليكم لبعض اختي وتتهنون ان شاء الله

    شوفي تبين الصراحة ؟؟ انا ما اواطن وحدة تقول لي ودي اقص شعري بس زوجي رافض
    او ودي اصبغ بس هو رافض عشان انه الرجال ولازم يتحكم

    ودي اسوي ودي اروح ودي ما ادري ايش وهو ما يرضى وانا ودي بس ارضيه !!

    هذي سلبية ومعناها ان الوحدة مالها رأي حتى في شكلها الخارجي بس انتي موقفك غير

    بس انتي مثل ماقالوا لك البنات هو عنده اسبابه ... يعني لون شعرك الاصلي عاجبه .. خير وبركة احسن لك من واحد يقول لزوجته كل يوم روحي غيري الصبغة مثل هالمطربة اومثل هالفنانة .. والحنا انا معاه لاني ما احبه وزوجي الحمدلله مايحبه .. حتى في زواجي ماتحنيت

    بس انا مع عذب القوافي اذا ودك في شي تقدرين تسويه على الاقل تجربين وتشوفين ردة فعله ... في رجال يرفضون التغيير عن تحكم وفي رجال بس يخاف يتغير شكل زوجاتهم بطريقة هم مايحبوها
    بس لو صبغتي مثلا وطلع حلو عليك راح ينبسط .. واكيد راح يطلع حلو لانك ما بتسوين شي يخرب شكلك صح ؟

    جربي التغيير يكون بالتدريج وهو كل ما حب شغلة جديدة فيك راح ينبسط اكثر .. زوجي دائما يقول لي لون شعرك يهبل حرام تصبغيه او تسوين هايلايت ... انا احيانا أقول ودي اغير بس كلامه صحيح انا ما احب الصبغ لان شعري لونه حلو ... ودامه مقتنع وش لي بعوار الراس

    قص الشعر قال لي احبه طويل فيك ... طفشت مليت واتعب كل يوم غسيل
    رحت الصالون على اساس بس بقصر شوي ... حشيته .. رجعت البيت بسم الله عليه زين ما صار فيه شي لان القصة كانت قصيرة وشكلها جديد .. استانس مرة وقال لي شكلك صاير غير

    التغيير صعب في كل شي بس تقبله سهل خاصة لو كان للأفضل

    الله يتمم لك بخير يا أحلى عروس

  10. #10
    عروس مشرقة
    تاريخ التسجيل
    17/09/2005
    الدولة
    في روح زوجي
    المشاركات
    307
    تدرون أول ما انخطبت كان شعري طوييييييييييييل مره يعني لدرجة إني أحطه في جيب البنطلون وكنت أنا مستانسه عليه وريلي بعد مستانس عليه لأنه يحب الشعر الطويل...

    وما تناقشت معاه أبدا إني راح أسوي شيء بس كذا طقت في راسي...

    ورحت الصالون وقصيت شعري إلى نهاية ظهري وصبغته..

    ولما رجعت البيت كلمته وقلت له تعال يالله عشان كنت المفروض إني أسافر يوم ثاني فقلت ما يصير أسافر وهو مو شايف شعري...

    دخل مجلس بيتنا أحسه صابته صدمه كهربائيه على قصة الشعر كيف إني قصيته وااااااااااجد...

    بس صبغة الشعر إستانس عليها مره لأنها غيرتني...

    بس ما تدرون كيف ندمت بعدين إني قصيته لأن توه شهري راجع طوله يعني بعد سنتين تقريبا من القصه...

    فما أدري المفروض ما يتدخل في هذي الأمور وإنتي ماله داعي كل شيء بتسويه في نفسك تروحي تعطيه خبر....

  11. #11
    مشرفة سابقة الصورة الرمزية سفيرة فوق العاده
    تاريخ التسجيل
    16/08/2005
    الدولة
    قطر الخير
    المشاركات
    3,867
    اقتباس المشاركة الأصلية كتبت بواسطة زوجة راشد
    امممممممممممممممم انا احس هالشي عادي ما احسه تحكم
    تعالي انشوفها وحده وحده ... ما يباج تصبغينه لانه اهو ايحب لونه الطبيعي ... يعنى السالفه مب سالفه تحكم السالفه انه شايف هاللون عليج احلالالالالا
    ما يباج تتحنين لانه ما يحب ريحته .....زين انتى فكري فيها مب انتى تتحنين على اساس انها زينه وتجمل .. طيب وانتى تتجملين لمنووو .؟؟ مب لزوجج ... خلاص دام هالشي ما راح ايجملج ابعينه وراح ايكرهه فى ريحة ايدج اشحقه تتحنين....

    عاد قظ الخشم على قولتج ما اقدر اقول فيها شي ... تدرين ليش لانا احنا ما انقظ اخشمونا ...... يمكن الاخوات اللى ايسوونها يقدروون ايفيدونج اكثر

    حبيبتى ... لا تزعلين ولا تتضايجين لما ايقولج لاه
    وخذيها منى انااااا ... لما ايقولج لاه قولي انشالله ... وقوليها بوناسه .. مب مال قهر .. انقهري من داخل ....وبعد فتره افتحي السالفه وعلى اشويه دلع ...بيصير الشي اوكي سوى اللى اتحبينه خخخخخخخخخخخخخ
    بس ابد ابد لا اتناقشين لما ايقولج لاه ترا يركب راسه وما ينسى السالفه وبيتم على كلمه لاه ...

    اختج زوجة راشــــــــد

    بارك الله فيها غاليتنا زوجة راشد كفت ووفت والله

  12. #12
    نائبة المشرفة العامة الصورة الرمزية مرموم
    تاريخ التسجيل
    16/02/2003
    الدولة
    وطني الذي لم أراه
    المشاركات
    15,096
    اقتباس المشاركة الأصلية كتبت بواسطة عذب القوافي

    بعدين اسمعي هالنصيحة (( اوشوشك بأذونك )) الرجال ما يعلومنة بكل صغيرة وكبيرة ولا تصيرين من غير شخصية ... استأذنية بأنك بتروحي الصالون فقط وشرط لك بترجعين البيت وانتي صابغة شعرك وهو ولا ملاحظ....!!!!!!!

    السلام عليكم و رحمة الله و بركاته

    هذه النصيحة الي كنت راح أقول لك عليها

    بس عن نفسي...أحب أعمل مثل ما زوجي يحب...أنا أتعدل إلا له هو ؟!

    بس أقول له رايحة الصالون أعمل لك مفاجأة...و أقوم أصبغ شعري...هو أكيد بينبسط...

    و لو ما انبسط...ما بيتخانق يعني...

    لأنه فعلا التغيير حلو

  13. #13
    عروس مبدعة الصورة الرمزية dema ana
    تاريخ التسجيل
    24/12/2005
    الدولة
    في بيتنا على الجبل...
    المشاركات
    649
    انا استشير خطيبي في مثل هذه الامور..
    عادة هو يرفض ويقول انو انت عاجبتيني كيف ما انت..
    وحبيتك مثل ما انت.. ليه تغيرين في حالك؟؟

    انا ارد انو بدافع التغيير والتجدد الدائم..
    وبعدين خلينا نجرب: يعني اذا قصيت شعري وما عجبك فهو في الااخير
    رح يرجع يطول وكأن شيئا لم يكن..
    وهيك استطعت ان اقص شعري 3 مرات.. مع انه يفضل الشعر الطويل
    على فكرة قصيته قصير جدا.. وكان حلووووو.. بس طلب اني ما اعيدها..

    انا ما احب اصبغ شعري لانه لونه عاجبني جدا >>>>>> شو مغرورة!!..
    واذا حبيت اغير في لونه فاقوم بتلوينه يعني باستعمال صبغة تزول مع غسيل الشعر..
    دون استشارة خطيبي اذا كان الهدف مفاجأته .. اما اذا كانت هنالك مناسبة معينة
    وحبيت اخذ رايه فاساله يرفض في البداية لكنه يقتنع في النهاية..

    يعني نصيحتي: حاولي تتفاهمي معاه من منطلق انو يمكن يعجبك ويكون حلو
    وما في تحكم على شي دون ما تجربه في الاول.. وهذه التغييرات بسيطة وتتعوض مع الوقت
    يعني ما في خسارة ابدا... واخبريه بدلع انو القالب غالب... ولا كيف؟

    وموفقة اختي..

  14. #14
    مشرفة سابقة الصورة الرمزية مجنونة قطر
    تاريخ التسجيل
    13/04/2005
    الدولة
    قطر-معيذر
    المشاركات
    1,982
    كلامي كم كلام زوجة راشد..عجبني ردها بارك الله فيها وفي كل الموجودات

المواضيع المتشابهه

  1. """كيش جبنات """بيتزا"""فطاير هشة جدا"""من مطبخي واكيد بالصور"""
    بواسطة poosy cat في المنتدى المقبلات والمعجنات
    مشاركات: 195
    آخر مشاركة: 13/05/2013, 12:43 AM
  2. تعالوا شوفوا سفرتي الرومنسيه بسرعه بس """""""
    بواسطة عصمت الدين في المنتدى أفكار و خبرات
    مشاركات: 172
    آخر مشاركة: 27/05/2010, 09:07 AM
  3. "الهيئة" لا تمانع في إدارة النساء لمحلات "ملابس الحريم"
    بواسطة ايميلا في المنتدى مجلس بنات عروس الثقافي
    مشاركات: 7
    آخر مشاركة: 11/01/2009, 06:19 AM
  4. ~"~"~"تعالوا نبارك لأخواتنا المتميزات لهذا الشهر ~"~"~"
    بواسطة الحضن الحنووون في المنتدى ركن العناية بالبشرة والجسم
    مشاركات: 48
    آخر مشاركة: 09/07/2003, 11:31 AM