حيّرتـوني و الله في الكريـم اللي قبل كريـم الأسـاس...بيـس واللا كريـم إضـاءة ؟؟

[مرموم]

السلام عليكم و رحمة الله و بركاته

هلا بأخواتي الخبريات الغاليات...

أول شيء أنا فعلا أشكركم على مجهودكم معايا في كل مواضيعي...الحمد لله الآن صرت أضبط المكياج...يمكن لسه عندي مشكلة إني لما أشوف اللون على يدي يطلع مختلف لما يكون على وجهي...بس عموما قدرت أحدد ( أخيرا ) الألوان المناسبة لي و للون بشرتي...

و الحمد لله أنا متابعة دايمة للقسم...بس في موضوع حيّرني و بشدة...:think:

و هو موضوع الكريم اللي قبل كريم الأساس...

مرة ألاقيكم تقولوا Base ( بيس )...و تقولوا البيس يثبت المكياج...طيب شو فايدة كريم الأساس وقتها ؟

و مرة ألاقيكم تقولوا كريم إضاءة...هذا يعطي إضاءة للوجه...بس بعدين تقولوا كريم الإضاءة هذا تضعيه على أطراف الوجنتين...و الأنف ليضيئهما...

طبعا ما شاء الله إنتوا خبيرات...و ما عليكم كلام...الله يبارك لكم إن شاء الله...(r)

لكن اللي مثلي...خبرتهم في المكياج متوسطة...ما بيقدروا يعرفوا الفرق بسهولة...:no:

و أنا ما أحب أروح لمحل المكياج و أسأل البائعة...لأنها راح تبيعني اللي هي عايزاه أكيد...أحب أكون داخلة و عارفة إيش أجيب...(r)



اللي طالباه كريم...يضيء الوجه فعلا و يعطيه لمعة حلوة و إشراق...و ممكن يغنيني عن كريم الأساس...:shy:



و أشكركم على تعاونكم معايا مقدما :flower:

[السهر]

حبيبتي والله

لا تحتارين ولا شي .. شوفي حبوبه

البيس هو الكريم إلي تحطينه قبل الميك آب وله عدة فوائد مثلا البيس من ميك آب فور إيفر يكون بعدة ألوان (أخضر، بنفسجي، بيج ...) وطبعا تحتارين إلي يناسب بشرتج إذا كانت باهته ومرهقهه تاخذين الأخضر .. وإلخ
وطبعا يرطب البشره ، ويحميها من المكياج (يعزل الضرر بين البشره والمكياج) ، يثبت المكياج
وتقدرين تكتفين بكريم الترطيب
(بس ترى بعض كريمات البيس تكون بنفس الوقت كريمات إضاءه)

وبالنسبه لكريمات الإضاءه بعضها تنحط على كامل الوجه وبعضها تنحط على المناطق إلي تحبينها تبرزينها بالإضاءه

وأنا عن نفسي قاعده أدور كريم إضاءه يديد أبي شي يديد إذا لقيت بخبرج

عندج ديور، وسشيدو كريم الإضاءه عندهم يهبــــــل


وأي سؤال يالغاليه ... أنا حااااااااااااااااااااظره

سهووووووووره :shy:

[مرموم]

السلام عليكم و رحمة الله و بركاته

يا هلا و غلا بالسهر....ما تقصري و الله

خلاص فهمت...بس حسيت إنه كريم الإضاءة أحلى...صح ؟

و إستغربت إني آخذ بيس أخضر...يعني أصير خضرا ؟

معلش...أختك تبدأ أولى خطواتها في عالم المكياج :o

[حبر وورق]

مرموم جزاك الله خيرا عالسؤال
السهر جزاك الله خيرا عالاجابه

استفدت منكن:bigsmile:

[مرموم]

السلام عليكم و رحمة الله و بركاته

يا هلا أختي حبر و ورق...

يعني على الأقل في حد مثلي محتار

[RoOoOmy]

صباح الخير مراقبتنا الحلوة

ال Base حلو قبل الأساس خاصة قبل السهرات يهئ البشرة للمكياج انا استعمله من شيسدو بس الحمدلله بشرتي حلوة مو محتاجة اني استعمله كل مرة يعني الأساس يكفي

وفيه كريمات الاضاءة مثل ال Strobe Cream من ماك بصراحة ما عجبني ولا حسيت منه اي فائدة

فيه كريمات مرطبة وملونة حلوة على حسب لون بشرتك حلوة للنهار ما تبان كأنها مكياج ثقيل خالصة للموظفات

وفيه محضرات للبشرة قبل المكياج عشان تعطيها ملمس مخملي مثل هذا من Sephora روعة جربته على بشرتي يخليها بالضبط مثل الحرير وبعدين كريم الاساس بسرعة يتطبق عليها خاصة ان بشرتي جافة واتعب كثير في ترطيبها

اسمه Skin Smoothing Make Up Base



فيه ثاني اسمه Professionnel Perfection Makeup Base
هذا اثقل وينفع للبشرة اللي فيها نمش او بقع شمس اكثر بس ماحبيته

عندها هذا من Smash box بس احسه للمحترفين اكثر وينفع للصور



اللون الأخضر لتغطية احمرار البشرة
اللي في الوسط لبقع الشمس وحول العين
والبنفسجي للبشرة اللي لونها مصفر

احسه اكثر مثل الكونسيلر او عشان يوازن لون البشرة بس مايعجبني

فيه من نفس النوعية هذا لتهيئة البشرة للأساس وتمليس الخطوط والتجاعيد الخفيفة ليسهل مد الاساس عليها

[السهر]

السلام عليكم و رحمة الله و بركاته

يا هلا و غلا بالسهر....ما تقصري و الله

خلاص فهمت...بس حسيت إنه كريم الإضاءة أحلى...صح ؟

و إستغربت إني آخذ بيس أخضر...يعني أصير خضرا ؟

معلش...أختك تبدأ أولى خطواتها في عالم المكياج :o

حبيبتي الإثنين حلوين
بس طبعا إذا إخترتي شي ناسبج وطلع حلويعني البيس قبل المكياج هذا شي أكيد (أنا عندي البيس من ميك آب فورإيفر الأخضر بس ماأحطه دايما) بس غالبا أحط كريم الترطيب قبل المكياج

(يعني البيس فوايده أكثر كريم الإضاءه أهم فايده فيه هي الفايده الجماليه)

لكن كريم الإضاءه عندج أكثر من طريقه تقدرين تحطينه قبل المكياج أو تخلطينه مع الأساس أو تحطينه بعد الأساس (جربت كل الطرق طلعت حلوه وأنا عندي كريم الإضاءه من رد إيرث الأبيض) وااااااااايد حلو وطبيعي


خاطري في كريم الإضاءه من ديور وايد مدحته لي منوره بس مالقيته كل مره مخلص

[أم خالد]

عزيزتي مرمــــــوم،

ولا تحتارين ولا شي .. .. نحنا هنية اخوات نعين ونعاون>> وخاصة المكياج :smile:

بقولج عن تجربتي .. .. .. انا من فتره استخدم كريم من ماركة كلارنس
اسمه Beaty Flash .. .. حلو وخفيف احطه على الويه كلة وبعده احط كريم الأساس
يعطي اضاءه ولمعه للوية اتجنن.


جربية اذا حبيتي وخبريني شو رايج.. .. .. :shy:

[السهر]

RoOoOmy_M حبيبتي

هالكريم بس للبشره الجافه ؟؟ وإنتي تستخدمينه كل مره قبل الميك آب وإلا بس في المناسبات ..؟؟

أبي أغير من إلي عندي

[مرموم]

السلام عليكم و رحمة الله و بركاته

ما تقصروا و الله أخواتي....بارك الله فيكم يا رب (f)

غاليتي Ro0o0omy_M...

أقنعتيني بهذا المستحضر لأنه تقريبا الشيء اللي أطلبه...تحضير الوجه قبل المكياج...لأني أحس المكياج ما يقدر يخفي الوجه التعبان أو المرهق...إن شاء الله ألاقيه عندنا...تسلمي و تسلم معلوماتك الحلوة



غاليتي السهر...

ما تنسي إني مندوبة ريد إيرث في المنتدى :bigsmile:

كل مرة أمر ريد إيرث أقول راح أجيب كريم الإضاءة ...بعدين أرجع و أقول راح يظل عندي لأني مش راح أعرف كيف أستعمله...

لكن من كلامك بدأت أستوعب...تسلمي لي يا عسل...و إن شاء الله تلاقي كريم ديور




غاليتي أم خالد...

قصدك هذا الكريم

و لا يهمّك...إن شاء الله هذا أول شيء أروح و أجربه بإذن الله في المحل...تسلمي أختي على معاونتك

[مجـد]

وعليكم السلام ورحمة الله وبركاته ,

يا هلا مرموم

البنات يعطيهم العافية ما قصروا , كفوا ووفوا ,

[مرموم]

السلام عليكم و رحمة الله و بركاته

تسلمي أختي مجد على مرورك و تعليقك...

يعني إنتي تستعملي نفس هذه المستحضرات

[RoOoOmy]

انا كل مرة اقول بستخدم اللي من Red Earth بس ما ألاقيه بسرعة يخلص بعدين قلت خلاص ما بشتريه لاني احسه يشبه ال Strobe Cream اللي شريته ولا عجبني بصراحة ما حسيت فيه شي فرق ... كأنه يعطي لمعة لؤلؤية للوجه وهالشي مايناسب اي بشرة

اللي من Sephora روعة ويملس الوجه بدون مبالغة كأنك تلمسين حرير وبعد الأساس من اي نوع النتيجة روعة ... انا بشرتي جافة ودائما يبان جفافها اذا احطيت كريم اساس خفيف بس مع هالمستحضر احس انها تصير ناعمة والمكياج حلو عليها ... بس ترى مايعطي اضاءة بس ينعم البشرة ويخلي مد الأساس اسهل

[منتهى الأناقة]

حبيبتي مرموم...

سهووروة و روومي ما قصروا...

في كريمات إضاءة دائمة يعني تعذي البشرة وتخليها صحية ومشرقة مثل maximum radiance cream من chanel وايد حلو...

وفي بودرة إضاءة من givenchy اسمها prism again وايد مخملية ...

[السهر]

رومي مشكوره شكلي أنا بعد بجرب الكريم --------------<<<<<<<<<<<<<<<<< غرت منج ياأم مريومه

بس بخصوص مستحضر رد إيرث ترى هو وايد حلو وخفيف ... مو مثل الستروب مال ماك (أنا عندي الستروب وبعد مثلج ماعجبني وايد)
وبالنسبه للون الأبيض والوردي فيهم لمعه لؤلؤيه بس تختلف (الأبيض أكثر لؤلؤي)
بس في عندهم اللون البرونزي (أدري إنج تحبين البرونزي :shy: ) وهو شوي قريب من مستحضر لانكوم أكيد بيعجبج

وإذا إنه مو متوفر عندكم من عيوني أطرشه لج كم رومي عندنا :cool2: