روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 1 من 7 1234567 الأخيرةالأخيرة
النتائج 1 إلى 15 من 98

الموضوع: تجربتي الرائعه مع زيت اللوز الحلو

  1. #1
    عروس فضية الصورة الرمزية سحايب دبي
    تاريخ التسجيل
    28/08/2005
    الدولة
    دبي
    المشاركات
    2,266

    تجربتي الرائعه مع زيت اللوز الحلو

    [grade="000000 FF4500 000000 FF4500 000000"]السلام عليكم و رحمة الله و بركاته


    شحالكم يا بنات

    حبيت انقل لكم تجربتي الرائعه و اللي أقدر أقول انها أكثر من رائعه مع استخدام زيت اللوز


    قريت في احد المواضيع لوحده من الاخوات عن استخدام زيت اللوز و صدفه مريت جنب محل الأعشاب و خذت زيت اللوز و زيت الورد ( فيه ريحه )

    و رحت البيت بعد ما رقدت بنتي حطيت زيت اللوز في كفي و صرت ادلك فيه وجهي و الله يمكن عشر دقايق
    و بعدين شغلت جهاز البخار و حطيته عليه و رجعت مره ثانيه ادلكه ... و الله ما بتصدقون شو طلع بايدي ... تعرفون هالرؤوس السودا ... استغربت لما شفتها تطلع على اصابعي و انا ادلك ويهي على الخفيف ... مع انه وجهي يبين صافي بس و الله طلعت منه شوية بلاوي .... المهم بعدين خذت قطرتين من زيت الورد و فركتهم على ويهي حسيت انه بدا يحرقني و في وخز و حرقان ... قلت لااااااا راح ويهي و رحت و غسلته ... و حسيت بويهي شاب نار بس بدون احمرار احس بانتعاش بس خايفه من احساس زيت الورد


    قلت لا خلاص بحرم استخدمه

    و ثاني يوم رجعت بس لزيت اللوز و استمريت عليه ايام

    و قبل يومين لما رجع زوجي من السفر الا يقولي صايره روسيه من وين هالبياض كله اعترفي شو مسويه بعمرج انا نسيييييييييت موضوع الزيت
    و قلت له و الله ما سويت شي

    و استغرب و صار له هاليومين باليوم يسالني عشر مرات شو مسويه بويهي

    و بالفعل يوم تفكرت في عمري شفت انه بشرتي وااااااااايد فتحت و صارت و الله صافيه
    خصوصا خدودي و الله احسهن منورات

    و الحين عاد قلت ما بتركه كل يوم بسوي مساج لو خمس دقايق علشان يظل ودهي منور على طول



    اسمحولي على الإطاله بس حبيت انقل لكم تجربتي الناجحه

    للعلم .. بشرتي نوعا ما جافه و كانت حنطيه

    و افكر و الله استخدمه لجسمي بعد الولاده ان شاء الله



    سلام ِ
    [/grade]

  2. #2
    عروس مشاركة الصورة الرمزية فدك1980
    تاريخ التسجيل
    04/10/2005
    الدولة
    الكويت
    المشاركات
    85
    وااااااااااااي ياسحايب لو انا استخدمه مو بس رؤوس سوده بلاااااااااااااااااااوي:dd: لا لا أتغشمر رؤوس سوده وشوية بلاوي مو وايد:dd::smile::dd::dd:

  3. #3
    عروس نشيطة الصورة الرمزية مجرد صوت
    تاريخ التسجيل
    08/01/2006
    الدولة
    السلطنة
    المشاركات
    172
    هلا حبيبتي سحايب دبي......

    وانا بعد صارلي مدة أسوي هالطريقة وفعلا ويهي صار منور أكثر وشكله صحي ونااااااعم مرررررة ومنتعش:flower:

    وتصدجي بعد أنا ما اسويله ببخار بس أسوي مزاج بالزيت وتطلع النتائج فعالة لكن ان شاء الله بجرب هالطريقة

    يسلموا حبيبتي .......وأن شاء الله يكون ويهك دووووووم منور وحلوووو يا حلووووو
    :shy:

  4. #4
    عروس جديدة
    تاريخ التسجيل
    13/12/2005
    الدولة
    فديـ الإمارات ــت
    المشاركات
    47
    اختي تقصدين اللوز الحلو واللا المر لان في نوعين

  5. #5
    عروس فضية الصورة الرمزية سحايب دبي
    تاريخ التسجيل
    28/08/2005
    الدولة
    دبي
    المشاركات
    2,266
    عنوان الموضوع (( تجربتي الرائعه مع زيت اللوز الحلو ))


    الحلو يا حلوه

  6. #6
    عروس فضية الصورة الرمزية سحايب دبي
    تاريخ التسجيل
    28/08/2005
    الدولة
    دبي
    المشاركات
    2,266
    فدك

    لا ترفعين ضغطي

    على الأقل انا طلع لي رؤوس سودا

    بعضا الناااااااااااااااااااس كائنات حيه سودا راح تطلع عندهم .. علشان جذي ما يجربون هههههههههههههههههه

    لا تتحرشين فيني ترى بهجم عليج


    اتمنى من العرايس الحلوات يجربون و الله زيت طبيعي و ما يضر و سعره واااايد رخيص بالجمعيه تلاقونه بدرهمين و نص و عند العطار يصير بخمس دراهم

    بالانجليزي مكتوب عليه Almond Oil

  7. #7
    عروس رائعة الصورة الرمزية طلوع الفجر
    تاريخ التسجيل
    16/05/2005
    الدولة
    دار زايـــد
    المشاركات
    1,420
    مشكورة اختي وان شاء الله بجربه وبقولج إذا فادني ولا لأ بس اريد أسألج ينفع أحطه قبل لا أنام يعني أخليه لين الصبح وبعدين اغسله؟؟؟؟؟؟؟؟؟ مشكورة

  8. #8
    عروس نشيطة
    تاريخ التسجيل
    19/01/2003
    الدولة
    ارض الله الواسعه
    المشاركات
    162
    مادري اخاف استخدمه و يطلع شعر في ويهي

  9. #9
    نائبة المشرفة العامة الصورة الرمزية مرموم
    تاريخ التسجيل
    16/02/2003
    الدولة
    وطني الذي لم أراه
    المشاركات
    15,096

    السلام عليكم و رحمة الله و بركاته

    هلا بيكي أختي سحايب دبي...

    أشكرك و أشكر لك تعاونك...بس عندي إستفسارين...

    1. لو قلت إني راح أستعمل هذه الطريقة كل يوم قبل ما أنام...هل ممكن أظل نايمة و الزيت على وجهي...واللا أحسن أغسله ؟

    2. سمعت إنهم يستعملوا زيت اللوز للشعر...ما حسيتي إنه زود الشعر في وجهك أو شيء أختي ؟

    و إن شاء الله ربي ينور وجهك دايما بفضائل الأعمال

  10. #10
    صاحبة اكثر الوصفات المجربة تميزا
    عضو شرف منتديات عروس

    الصورة الرمزية بنت عذاري
    تاريخ التسجيل
    10/06/2004
    الدولة
    قلبي البحرين
    المشاركات
    8,151
    [align=right]تسلمين على الموضوع والتجربه .....والحمدلله انج لقيتى نتيجه حلوة...

    واعتقد انى سبق وقلت للكل سبب تميز زيت اللوز للبشرة والجسم على السواء...وحتى الشعر... ومايزود الشعر فى الوجه بالعكس يبيض والاهم انه مغذى ممتاز لبشرة الوجه..ومرطب قوى وذكرت فى موضوعى انه من افضل المرطبات بعد اى عمليه صنفرة..او تقشير بيتى...وتدليك البشرة به قبل النوم كل يوم مع الاستمرار بتشوفون انكم لما تصحون الصباح الوجه قمر منور...وبصراحه الزيت الى عند العطارين.. يلوع الجبد شكله وانا متعوده استخدم اللى فى الصيدليه والسوبر ماركت...وهو مخصوص للاستخدامات التجميليه ونظيف وريحته نظيفه وقوامه مناسب لاى بشرة ماتحسون بثقل كنه طين على البشرة يعنى بالعكس كنه بيبى اويل من قوامه المعتدل....ومافى خوف من زيت اللوز......يا بنات عصارات الفواكه او الخضار او زيوتها عمرها ماتضر البشرة....يعنى اللى يدش معدتج عمره مايؤذى بشرتج !!! والا انتو اشرايكم!! :cool2::cool2:

    وآسفه مداخلتى طويله حبيبتى بس حبيت اوضح للاخوات..واشكرج جزيل الشكر على كتابة رايج مما يؤكد موضوعى عن زيت اللوز ودوره فى تبييض وتغذيه البشرة وترطيبها....

    ووممكن الرجوع لموضوعى لمعرفة تجربتى مع زيت اللوز..للبشرة والجسم بعد اى مقشر او ماسك..(r)
    http://www.3roos.com/forums/showthre...�_ظˆط¬ط¹

    ووووووووووووووووووووووووو وووووووووتحياتى :flower:

  11. #11
    عروس برونزية الصورة الرمزية غلادبي
    تاريخ التسجيل
    13/12/2005
    الدولة
    دبي دار الحي
    المشاركات
    1,651
    تسلمييييييين

  12. #12
    عروس فضية الصورة الرمزية سحايب دبي
    تاريخ التسجيل
    28/08/2005
    الدولة
    دبي
    المشاركات
    2,266
    بنت عذاري ما شاء الله عليها جاوبت على اسئلتكم قبلي

    مشكوره الغاليه على التوضيح

    و الله انا جربته من فتره ليست بالطويله بس ما اعتقد انه يطلع شعر بالوجه لانه ليس من الزيوت المنشطه

    و ما فيها اي اشكاليه لو نمتوا فيه

    لانه زيت طبيعي المواد الكيماويه هي اللي تخوف لو نمتي فيها لانها تسوي مضاعفات غير مرغوب فيها
    بس الطبيعي مهما ظل على البشرة و الجسم ما يضر


    اللي تحب تجرب تخبرنا بنتايجها

    و حبيت اشكر كل اللي شرفوني و دخلوا على الموضوع و اشكر اللي اكرموني بردودهم اللي تثلج الصدر

  13. #13
    عروس رائعة الصورة الرمزية بدرالبدور
    تاريخ التسجيل
    04/06/2003
    الدولة
    الرياض
    المشاركات
    1,116
    هلا اختي الف شكر ان شالله بجربها واخبرك النتيجه كيف طلعت..

    بس انا اخاف من البخار اخاف يفتح مسامات الوجه وانا مااحب منظر المسامات؟؟؟؟

  14. #14
    عروس فضية الصورة الرمزية { هََِِدوء
    تاريخ التسجيل
    30/06/2003
    الدولة
    سبحآن الله والحمدلله والله أكبر ..
    المشاركات
    2,177
    مشكورهـ يالغلا ..
    ذكرتيني مره كنت أستخدمه .. .

    وحلووو للبشره ..

  15. #15
    عروس ذهبية الصورة الرمزية business_girl
    تاريخ التسجيل
    15/07/2004
    الدولة
    دبـــــي
    المشاركات
    2,588
    تسلمين عزيزتي سحايب
    وان شاءالله دوم ويهج منور


    بنت عذاري ممكن الغالية صورة الزيت؟؟
    انا شريت غرشة من الصالون بس غالي ب20 درهم وقالت لي الحرمه احسن لج خذي من الجمعية وايد ارخص بس مالاقيته

صفحة 1 من 7 1234567 الأخيرةالأخيرة

المواضيع المتشابهه

  1. سؤال عن زيت اللوز الحلو و زيت اللوز المر
    بواسطة rafika_moslima في المنتدى استفسارات العناية بالبشرة والجسم
    مشاركات: 7
    آخر مشاركة: 01/02/2009, 08:08 AM
  2. زيت اللوز الحلو وزيت اللوز المر !!
    بواسطة قلبـــهـ في المنتدى استفسارات العناية بالبشرة والجسم
    مشاركات: 17
    آخر مشاركة: 01/09/2007, 10:37 PM
  3. زيت اللوز الحلو
    بواسطة كلولي في المنتدى ركن العناية بالبشرة والجسم
    مشاركات: 15
    آخر مشاركة: 17/03/2007, 03:55 AM
  4. شو الفرق بين زين اللوز وزيت اللوز الحلو .. وما هو البيكنج صودا
    بواسطة بنـــــــوته في المنتدى ركن العناية بالبشرة والجسم
    مشاركات: 5
    آخر مشاركة: 15/09/2006, 02:40 PM