قبل قبلين وقبل كل شيء ،، اللي بتفتح هالصفحة تقرا سطورتها لأني ما كتبت هالأسطر الا لأني فعلاً اعاني ،،، وابي احد يرشدني ،، وما تتصورن اشكثر متضايقة ،، ومخليه هالضيق في نفسي ،،
قبل فترة كنت محتارة مابين أحمل أو لا
ومتخوفة ،،
وما حملت ،،
وشرفت سميرة ،،
وخلصت أمس الليل ،، واغتسلت ،،
صح أني محتارة ما بين أحمل أو لا
وصح اني اشتغل دوام لساعة 2:30 الظهر وبعدين جامعة لساعة 6 المغرب
بس يبقى اني ابي يكون عندي ياهل ،،
انا باقي لي لما اتخرج سنتين
زوجي يقول بنأجل فكرة الانجاب لبعد سنة ،،
على اساس ان بيكون تعب عليّ شغل ودراسة وما ارجع الا الليل البيت وثاني شيء ان اوضاعنا مو مستقرة وثالث شي ان يبيني اعتني بالياهل عناية تامة مو اخليه وما اشوفه الا الليل ،، وخاصة ان زوجي نفس الشيء احسه يعاني من كوني ما يشوفني الا الليل ميتة من التعب وإذا بعد مو مشغولة الليل .
انا فعلاً مقتنعة بكلام زوجي واعرف فعلاً ان بالاقي صعوبة بس يبقى ان خاطري ان يكون عندي ياهل وخاصة اني متزوجة توني من شهر ،، وما ابي بعد الناس تنرفزني بسؤالها حملتي اولا ؟؟ وشنو اقولهم زوجي ما يبي ياهل ،، شنو بيقولون اكيد ما يبيها عشان جذي ما يبي عيال منها
وما ابي اتأخر في الحمل لأن ما ادري ممكن لو أخرت لسنة وبعدين لما نقرر الانجاب يصير من الله تأخير سنة ثانية وثالثة ،، الله لا يقوله بس خوف استغفر الله
انا اقول رغم قناعتي بكلام زوجي خلها على الله ،، ناخذ راحتنا مع بعض حملت كان بها ،، صح باتعب اكثر بس ان شاء الله قدها وقدود ،، واذا ما حملت الحمدلله وكل تأخيره وفيها خيره،،
الحين انتوا اشرايكم هل الانجاب بداية الزواج مشكلة ويبيله تخطيط او ان الللي فيه الخير والصلاح الله بيكتبه ،، هل نحاسب حساب والله ناخذ راحتنا وعلى الله ،، هل اعسر أو أيسر ؟؟
انا قصدتكم واتمنى من الله ثم منكم ان ترشدوني ..
رد مع اقتباس
