اول مرة واخر مرة احط موز في شعري

[عروس المحيط]

عزيزاتي اعضاء ا لمنتدى

شخباركم...حبيت اني افيدكم عن تجربتي.. اعصب تجربة للشعر في حياتي...انا قريت عن الموز في شى من المنتديات تاخذينه وتضربيه في الخلاط وتحطيه على شعرك 10 دقايق وتغسليه ويعتبر CONDITIONER ...وكان ذاك اليوم عندي موز خملان قلت بدال مارميه احط منه بشعري.:shy:....

واه ياحسرة تبهدلت بهدله...الموز علق بشعري وغسلته لما نكسر ظهري بلشامبو...وبعده ماسك لانه شعري طويل وصعب ينزل بسهولة...
المهم قلت لماينشف شوي امشطه و بيطلع ....واه ياعذابي... شعري مايتمشط ...واللانحس لما جف شعري كله صار شكله كنه ليفه وهو اصلا ناعم...ولا خواتي يسالوني شهذا شعرك وصخ على بالهم قشرة:pain:
..والله انكسر ظهري ...اليوم الثاني رحت ترسته زيت عشان تنفك الخصلات...وغسلته خصله خصله ....وبعد بقى شوي لكن الحمدلله قدرت امشطه شويه

المهم انا كتبت لكم تجربتي عشات تحطو بالكم على الاقل اذا بتحطو موز بعد ماتخلطوه مررروه على مشخل..ولا عني توبه ماعيدها...اخاف انه هذا عقاب لانه نلعب بالنعمه..


ثقلت عليكم سامحوني علاطالة...

[شوق بحرينية]

هههههههههههههههههههاي

مشكورة أخت عروس المحيط على التجربة

حتى مرة ثانية ما تجربي أي شيء

هذا اليش درس حتى لا تسوين شيء قبل ما يقولوا لج انه مجرب و مأكد

[ريماني86]

مرحبا اختي

الله يعينج يالغاليه،،، بس حبيبتي انتي شلون حطيتي الموز؟؟!!

انا اسخدمته مرتين لشعري والصراحه كان وايد اوكي صار شعري انعم شوي،، وطلع بسهوله
يمكن طريقتج غلط،،، انتي حطيتيه بالخلاط؟؟!!

انا حطيته بالخلاط مع مايونيز وعسل وشوية ماي وطلع سائل عادي

تحياتي

[اعيش لربي]

شكرا ليكي اختي الغاليه عروس المحيط لعرضك الموضوع علشان الكل يستفيد وده دليل علي حسن سريرتك

[كيفي حلوة]

ههههههههههههههههههههههههه ه


الله يكون في عونج حبيبتي المفروض ما تسوي شئ قبل ما تتاكيد منه


يعطيج الف عااااااااااافية

[ريم81]

انا مرة حطيت جريجير

بعد ما حطيته بالخلاط

و صادتني حكة ما بنساها أبد

تميت أحك راسي يويمين

توبة ما بعيدها بعد

[عذب القوافي]

ههههههههههههههههههههههههه ههه

فعلا في بعض التجارب تخليج تحرمين تجربين مرة ثانية اي تجربة

انه انصحوني بزيت السمسم والثوم <<<<< واااو خلي شعري كأنه فوقة طبقة من الشمع

انا وين وهالسوالف وووووين؟؟؟؟؟؟؟؟؟؟؟

[لولولولو]

خخخخخخخ والله حــــالة ...
بس زين نبهتي البنات عشان ما يسووون جذي:cool2:
بـــس بصــراحة انا جربت المـــوز ويا شوي دهن (زيت)
وحطيته بشعري كانه كريم حـــلووووو وبارد على الراس ويخلي الشعر يلمع يلمع ويلق

فلازم تحطون الموز ويا زيت او شي اضافي لانه بروحه يصير كانه صمغ لووووووول
والشخال بعد فكرة حلوة

مشكورة اختي على هلموضوع:clap:



لولو

[centrino]

أنا جربت الموز مع زيوت وما نشف شعري ولا حاجة
بس فعلا مايطلع من الشعر بسهولة

[rose_whisper]

بس يا حلوة لازم تخلطي الموز مع عسل و زيت وشوية ماسك(حمام زيت) بالخلاط على شان التجانس وبصير كتير ناعم وما بيعلق بالشعر ...... أنا جربت خلطة الموز والعسل والزيت مع 3 ملاعق حمام زيت (اللي بدك إياه) وحطيت ملعقة بن (قهوة) مطحونة...... واااااااااااو شعري طلع ناعم ولامع وراح التقصف ........... (هاي الخلطة من منتدى عروس)........... يمكن انتي صار معك هيك لأنك حطيتي الموز لحاله................ بالتوفيق للجميع

[روزة البحرين]

ضحكتيني اختي 2 عن تجربتج معالموز وذكرتيني بتجربتي مع الحنا انا شعري جاف ولا قط حطيت فيه حنا وحطيت فيه حنه مرة وانا اصغيرة بدون مانخله قمت اكفخ روحي في الحمام ابيه ينزل من شعري مو نازل، وحرمت منها احط حنا في شعري.
اما عن الموز خاطري اجربه بحاول اسويه مع الزيت وحمام الزيت.

[3a6lah]

كنت ناوية اجرب الموز بس بعد اللي صار معاك
خلاص غيرت رايي وما راح اجربه
انا ما احب الاشياء اللي تلزق بالشعر

[أميرة الابتسامه]

ههههههههههه مشكوووووووووره مابستخدم المووز بأي خلطه للشعر مشكووووووووووووووووووره

[لؤلؤة جدة]

السلام عليكم

تسلمين ياالغلا على النصييحه

علشاان كذا الوحده فيناا ماتستخدم اي شئ ينكتب وتصيرر حقل تجاارب

تحيااااتي ...

[عروس المحيط]

عزيزاتي
شوق بحرينيه
ريماني
memaya
كيفي حلوة
ريم
عذب القوافي
لولولولو
روزة البحرين3
centrino
rose_wisper
3a6lah
اميرة الابتسامة
لولوءة جدة...تسلمون لي يالغاليات.اشكركم على مشاركاتكم ومحاولتكم في حل مشكلة الموز
انا لما قريت عنه كان عن تجربه واكيدة...بس ماكل شي مجرب ينفع الكل يعني مثل ما بياض البيض للبشرة الدهنيه والصفار للجافة بعد الشعر يختلف ..ويمكن لاني ماظفت شي يمكن لو حطيتله ماى كان ماعلق لانه بلفعل ثقيل...ويمكن كان بيلمع شعري لو حطيتله مايونيز او زيت او حمام زيت ...
انا خايفة اعيد التجربه...ويمكن شعري لانه كثير خفيف ماستحمل الموز ...عموما اللي بتجربه تكون على علم الحين انه لازم يخلط ويخفف بالماي والزيوت