كوكتيل الطبقات .. ممكن تفيدوني ؟

[إبنة اليراع]

هلا وغلا .. حيا الله عرايسنا الحلواااات ..

ممكن سؤال ..

كيف ممكن اسوي كوكتيل الطبقات ؟؟
الي نشوفه في المطاعم ؟؟

فيه لون أحمر وأخضر وأبيض وأصفر !!

أعتقد أنه الأحمر فراوله والخضر افوكادو والأصفر مانجو بس الأبيض شو !!
وكيف يخلونه طبقات ما تتجانس مع بعض ؟

الي جربته ياليت تفيدنا .. ولكم مني خالص التحيات ..

[إبنة اليراع]

محد رد علي ..

ويييييييييييييييييييييييي ييينكم .. حرام عليكم ..

خويتكم أنا

[ملك روحي]

اهلا حبيبتي
انشاء الله اقدرافيدك
.الابيض كمثري
الاخضر كيوي
تسوي كل عصير لحاله وتخليه تقيل وتصبي الاول بعدين الثاني وكده بس بهدوء

[راعية العين]

السلام عليكم
اختى الابيض موز مع حليب والاخضر افوكادو مثل ما قلتى واعتقد انهم يستخدمون الانبوب البلاستيك لما يعملون طبقات(البيب)

[إبنة اليراع]

ملك روحي ..

راعية العين ..

يعطيكن العافية ما قصرتن ..


بس اذا حد عنده اضافات ياليت يفيدنا أكثر ..

[alfajr]

السلام عليكم

المقادير

أختاري ثمار مختلفة الألوان
كيوي - فراوله - شمام - خوخ - موز - مانجو - افوكادو - اناناس
علبة دريم ويب تخلط مع علبة قشطه ونص كاس حليب


الطريقة

- أخلطي كل فاكهه على حده وأضيفي لها مقداراً من خليط الدريم ويب حتى تثخن
- حضري كأس طويل وصبي الفاكهه الواحده تلوى الأخرى ويفضل أن يضاف قطرات من عصير الليمون للموز أثناء خلطه حتى لا يسود وأن يكون في طبقه متوسطه وليس على الوجه قدميه بارداً جداً

طبعا الطريقه منقوله من احد المواقع ونا ما جربت للأمانه .. وإن شاء الله بجرب عن قريب

[weldi_7beebi]

عزيزتي ابنه اليراع .....
انا بعد كنت بموت واعرف شو السر ورا هاي الطبقات والحمدلله نجحت معاي وطلعت طبقات !!!!!!!!! وااااااااااي ما اصدق :cool2:2
المهم انتي اسوين العصاير اللي تحبيها كل واحد بروحه
انا سويت عصير فراوله + مانجو + موز + افوكادو طبعا الترتيب مب مهم ,,,,,,,,,,المهم يكون العصير ثقيل شوي

بس عاد يوم بتصبين العصير فوق بعض شو اتسوين ؟؟

امسكي جيك العصير بايد وملعقه بايدج الثانيه ... بعدين يوم بتصبين العصير صبي على الملعقه اللي انتي اتكونين ماسكتنها داخل الكاس ..(بس بشرط الملعقه تكون مايله شويه عشان يسهل نزول العصير) وهكذا طبقه بعد طبقه بس بحذر

ااااااااااه تعبت واحس اني مب عارفه اشرح عدل........ اتمنى اكون قدرت اوصل الصوره
وتسلمين