ابى اسوى عجينة للفطاير

[*نونا *]

الله يعافيكم على هالطبخات الحلوه من ادخل هالقسم وانا حاسه باليوع ابى اسوى عجينة للفطاير ما تضبط معاى بعد ما ادخلها الفرن تطلع من داخل عجين ومضغوطه على بعضها :confused: مو مستويه مع انها تخمر اخليها اربع ساعات

امى قالت لى اذا شفتج داخله المطبخ ياويلج :s

[دموع الصابرين]

حبيبتي نونا اكيد انتي تعملين العجينة ثقيلة
عشان كذا تصير داخلها عجينة

حاولي تكون العجينة طرية وانت تعجينينها حركيها لاعلى عشان الهواء يدخل فيها وكرري الحركة عدة مرات الى ان تحسين انها صارت طرية معك..

اتمنى اكون افدتك..

[scream]

[scream]

ويفضلانكتستخدمينالدقيقالكويتي

واذاطلعتالعجينهتتلصقحطيدقيقعلىالطاوله

الليتفردينعليها

[كحيله]

حبيت اساعدج نونه بشي انا ممتازه فيه حسيت انه حرام ما اساعدج اذا عندي الخبره بالشي الي انتي سالتي عنه مع ان بالي مو رايق ومو فاضيه

بس تستاهلين حبيبتي ;)

انا عندي عجينه حلوه حيل للفطاير ومستحيل ماتضبط وياج بس ركزي

معاي بلييييييييييييييييييييز لانها حيل سهله واذكر سويتها من اول مره اضبطت بس لا تخافين انا من زمان متعلمه عليها واسويها

ماطول عليج اكتبي المقادير

1-كيس طحين المطاحن الكويتيه يكون كيس ورق ابيض مكتوب عليه طحين فاخر الكيس هذا فيه تقريبا خمس اكواب طحين بس لا تخافين مو وايد

2-كوب زيت ذره

3-اربع قفشات خميره يكون انتاجها جديد

4-كوب سكر

5-ملح قفشه وسط

6-اما العجن يكون بالحليب السائل وليس بالماء

وكمية الحليب تعتمد على طريقتج انتي بالعجن

ابسطها اكثر بعد ما تخلطين المقادير اعجنيهم بالحليب لين تحسين ان العجينه صارت متماسكه

اتركيها بعدين تتخمر لين تنتفخ شرط تكون لازم ارتفعت وانتفخت

تاخذ مده طويله بالشتا عشان جذي غطيها بفوطه مبلوله بماي مغلي بس نشفيها اول

اما بالصيف لا تتخمر بساعتن بس

وجربيها وراح تشكريني

وبالعافيه مقدما


على فكره اي سؤال انا حاضره

فمان الله

[*نونا *]

مشكورررررين وايد وايد وايد باجر بروح اجربها وان شالله تضبط وتفرح امى فى اول عمل يضبط معاى


الله لا يحرمنا من خدماتكم الطيبه