روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 1 من 2 12 الأخيرةالأخيرة
النتائج 1 إلى 15 من 17

الموضوع: شلون تتصرفون في هالموقف اللي يحرق القلب,, منقهره حيل واذا ما شاركتوني انقهر أكثر

  1. #1
    عروس متألقة
    تاريخ التسجيل
    04/12/2003
    المشاركات
    215

    شلون تتصرفون في هالموقف اللي يحرق القلب,, منقهره حيل واذا ما شاركتوني انقهر أكثر

    هلا خواتي

    بنات شو شعوركم اذا أزواجكم نسوا عيد ميلادكم او عيد زواجكم؟؟:think:
    كيف تتصرفون او كيف تذكرونه انه الموعد جاي بدون ما تكونين ملقوفه ويحس انك تبين هديه طبعا, الرياييل تفكيرهم غير عنا نحنا من باب الحب والتغيير نسويلهم اللي ما يتسوا وهم يتعذرون انه عندهم شغل.

    لما كان عيد ميلاده ما قصرت معاه وهو تخيلوا نسى عيد ميلادي وجا متأخر البيت وانا تيلفوني ما وقف من التهاني وهو ولا على باله:cry::mad2: انا ما زعلت عشان الهدية, الحق ينقال هو ما يقصر معاي كل شي موفرلي اياه بس كان ودي انه يكون اول شخص يهنيني في هالمناسبه.

    الحين قررت انه ما احتفل بعيد ميلاده خلاااااااااااااااص بس بحتفل بعيد زواجنا لانه بتكون اول سنه لنا مع بعض.

    هاااااااه لا تنسون تشاركوني في هالشي عشان استفيد منكم المره اليايه.................

  2. #2
    عروس ماسية الصورة الرمزية maryoom
    تاريخ التسجيل
    06/03/2003
    الدولة
    بديرتي البحريــن
    المشاركات
    3,458
    ههههههههههههههههههههههههه هه الله يعينج حبيبتي

    عزيزتي يمكن الريال نسى والمفروض بدورج بعد تذكرينه وتقولين له جم كلمة حلوة وتدلعين عليه وتسألينه وين هديتي في هذه الحالة بتخلينه في موقف حرج وراح يتذكر كل مرة...

    والله يوفقج عزيزتي

  3. #3
    عروس نشيطة
    تاريخ التسجيل
    09/05/2005
    الدولة
    الكويت
    المشاركات
    147
    ايه والله ههههههههه
    صج صج موقف يحر الواحد بس صدقيني الريال مخه لاهي أكثر من المره وعنده أكثر من الف شي يفكر فيه
    اذا نسى عيد ميلادج مو معناه انه مو مهتم فيج
    بس المفروض انج تلمحيله انه بعد جم يوم يصادف عيد ميلادج أو عيد زواجكم يعني وكأنج تكلمين نفسج وتبتسمين وطبعا المقصد ( اسمع يا جار ) يعني لازم تييبينها بطريقه ذكيه بحيث مايفهم انج تبين هديه
    على فكره اذا طنشتي عيد ميلاده راح تعمين السالفه أكثر بالعكس انتي بهالموقف لازم تييبيله هديه تدرين ليش لانه ساعتها راح يتذكر انه ماذكر ميلادج ولا يابلج هديه وساعتها راح ينحرج ويلوم نفسه ويقول صج ما استحي على ويهي المره يايبتلي هديه ومقدرتني وانا ماسويت اللي سوته لي واهنيه راح يحبج أكثر وأكثر
    خلييييج شاااطره وفكري عدل
    وبالنسبه لميلادج اللي طاف انا راح أقولج كل عام وانتي بخير ولو انها متأخره
    واذا للحين محتره أقولج انشالله تكبرين وتنسين ههههه
    أختج ليلى

  4. #4
    عروس مبدعة الصورة الرمزية لين وديم
    تاريخ التسجيل
    08/05/2003
    الدولة
    كنــدا
    المشاركات
    527
    بصراحة انا ماافكر بعيد الميلاد ..لانه بدعه..فماله داعي ادور الذنب لنفسي...
    اتمنى انك تتقبلين كلامي بصدر رحب...اختج//لين وديم

  5. #5
    عروس نشيطة الصورة الرمزية وروود الاحلام
    تاريخ التسجيل
    13/08/2004
    الدولة
    الاحلام
    المشاركات
    102
    بقولج طريقتي

    اخذي موبيله و سجلي تاريخ ميلادج بالرزنامة

    و لما يحين يوم ميلادج راح تلقين موبايل زوجج يكتبله رساله تذكره بالمناسبة

    (( سجلي رسالة قبل يوم ميلادج باسبوع عشان يشتري هدية..... و سجلي وحدة ثانية بنفس اليوم
    ))

  6. #6
    عروس متألقة
    تاريخ التسجيل
    04/12/2003
    المشاركات
    215
    سلااااااااااااام على كل اللي ردوا وبردوا قلبي

    اختي maryoom
    خلاص بدلع وبشوف شو يصير معاه.

    اختي ليلى

    مشكوووووووووورة يا بعد عمري وكلامك صحيح وراح اطبقه ان شاء الله.

    اختي لين وديم

    شكرا على ردك انا طرحت الموضوع للي يريد يرد وكان بامكانك تطنشين موضوعي دام انه ما عجبك ومثل ما يقولون كل واحد ذنبه على جنبه وشكرا على المرور والنصيحة.

    اختي ورود الأحلام

    تعرفين نحنا عندنا قاعدة انا وزوجي انه كل واحد ما يمس شيئين من اغراض الثاني اللي هم الموبايل والمحفظة, بس تدرين فكرج عجبتي بس اظن اذا سويتها بيخنقني.

  7. #7
    أخصائية اجتماعية الصورة الرمزية SHREEFA
    تاريخ التسجيل
    06/06/2003
    الدولة
    الكويت الغالية
    المشاركات
    4,921
    صارت فيني

    بس ما راح اسوي اللي سواه فيني

    راح اصير احسن منه

  8. #8
    عروس مبدعة الصورة الرمزية المسالمه
    تاريخ التسجيل
    15/02/2004
    الدولة
    (( شقه مفروشه ))
    المشاركات
    909
    عيد الميلاد مو مهم انه يتذكره


    اهم شي ذكرى زواااجكم

  9. #9
    مشرفة سابقة
    تاريخ التسجيل
    28/02/2005
    الدولة
    sweden
    المشاركات
    1,215
    ظروف الحياة والعمل وكثرة التفكير يخلون الواحد ينسى اسمه مو عاد ينسى تاريخ ميلاد
    واحسن طريقه للتذكير هي انه تسوين كارت ابيض وحلو وتكتبين فيه اسمك وتاريخ ميلادك باللون الوردي واسم زوجك وتاريخ ميلاده باللون الازرق بس بخط كبير شويه , وتلصقي الكارت على باب الثلاجه طول السنه , واكيد مره ومرتين وثلاثه راح يشوف الكارت والتاريخ وان شاء الله يتذكر
    واذا سألك ليش حاطه هذا الكارت قولي له مجرد فكره وديكور صغير

  10. #10
    عروس ماسية الصورة الرمزية om 3moory
    تاريخ التسجيل
    08/11/2004
    الدولة
    السويد
    المشاركات
    3,958
    وروود الاحلام
    فكرتك رهيييييييييييبه
    بسويها مع زوجي لانه دايما ينسى او يتناسى
    :think:

  11. #11
    عروس متألقة
    تاريخ التسجيل
    04/12/2003
    المشاركات
    215
    حبيبتي ناردين عجبتني فكرتج راح اسويها وبوافيكي بالتقرير لاحقاً.

  12. #12
    عروس مشاركة
    تاريخ التسجيل
    31/05/2005
    الدولة
    السعوديه
    المشاركات
    60
    حلوووووووووين المشم
    والله احسن لك تدريييييييييين ليش:eek2:
    لان كل سنه بيحسب عمرك خليكي كذا تضيعينه وممكن تصغرين بعد عمرررررك هههههههههههههههه 2

  13. #13
    عروس مشاركة
    تاريخ التسجيل
    18/03/2004
    الدولة
    ارض الله
    المشاركات
    82
    الصراحه شي يقهر<<<<<<مرت بنفس التجربه

    تصدقين أنا يوم عيد الحب ما جاب لي هديه ولا ورده حمراء ولاحتى طرش لي مسج مع إنه كنا تونا متزوجين ما خذينا أربع شهور

    وانا تمت في خاطري أسبوع كامل ويوم قلت له قال لي والله كان عرس واحد من ربعي ولازم اوقف معاه مثل ما وقف معاي,,,,,,شيخص العرس بعيد الحب ما أدري وقلت بيني وبين نفسي ما راح أسوي له شي أبدا


    وخليها على الله

  14. #14
    عروس جديدة
    تاريخ التسجيل
    25/04/2005
    الدولة
    الشرقيه
    المشاركات
    22
    عيوني والله ربي يعينك...
    أنا عيد ميلادي الاربعاء الجاي...
    ذكرت خطيبي فيه قبل اسبووووووووووع تقريبا..
    وكان آخر اختبار عندي يومها في الثانويه العامه...وراح نشوووووووف...
    لو تذكر راح أكووووون مبسوطه...ولو ماتذكر راح أنقهر واذكره فيها ثاني
    يوووووووووم علشان ماتكون له حجه...!!!!

    تحياتي..
    الحنوووووون

  15. #15
    عروس مبدعة الصورة الرمزية لين وديم
    تاريخ التسجيل
    08/05/2003
    الدولة
    كنــدا
    المشاركات
    527

    نصيحه لااكثر ولا اقل

    .

    اختي لين وديم

    شكرا على ردك انا طرحت الموضوع للي يريد يرد وكان بامكانك تطنشين موضوعي دام انه ما عجبك ومثل ما يقولون كل واحد ذنبه على جنبه وشكرا على المرور والنصيحة.

    .......
    لاشكر على واجب حببيتي الذنب بيلحقنى انا بعد اذا طنشت موضوعك...وخوفي من الله رديت عليك..وانتى وضميرك..
    بس ياليت ردك كان احسن من كذا!!

صفحة 1 من 2 12 الأخيرةالأخيرة

المواضيع المتشابهه

  1. منقهره ومصدومه ..
    بواسطة ورود3 في المنتدى قضايا وحلول
    مشاركات: 8
    آخر مشاركة: 17/08/2008, 06:27 PM
  2. لما زاد عدد البطون .. قوي القلب أكثر !!
    بواسطة أم خلافي في المنتدى النساء و الحمل و الولادة
    مشاركات: 4
    آخر مشاركة: 15/02/2007, 11:46 PM
  3. :: إجعلي عالمك أكثر لطفاً :: مع القلب الحنــون ..
    بواسطة القلــღ الحنون ღ ــب في المنتدى مجلس بنات عروس الثقافي
    مشاركات: 37
    آخر مشاركة: 31/03/2006, 10:03 PM
  4. مشاركات: 13
    آخر مشاركة: 17/10/2004, 12:00 AM