العاب تعليمية للطفل

[Dolh]

ألعاب تساعد على تنمية القدرات العقلية للطفل
بسم الله الرحمن الرحيم

اخواتي الغاليات ...

رغبة مني في تطوير قدرات أبني العقلية و الحركية و الكلامية .... حبيت اني اسأل الامهات الي عندهم خبرة في هالمجال ... أنا أم لأول مرة و عندي ولد عمره الحين سنة و 7 شهور و دااخل على ال8 شهور بس و أحس أنه متأخر في بعض الأشياء يوم أقرانه مع أولاد العايلة الي اكبر منه يشهرين اول اصغر منه شهرين احس انه ما يفهم مثل غيره و الله اني خايفة عليه موت ....و مرات احس ان هذي هواجس ..أنا بقولكم كم نقطة بالمختصر عن حبيبي الصغيرون وأنتو قيمو و عطوني رايكم و اذا عندكم اطفال نفس الشي طمنوني الله يطمنكم انشاء الله ..

1- بدأ بالجلوس و عمره 9 شهور و بد يمشي و عمره سنه و شهر
2 أسنانه بدت تطلع على 10 شهورو فوق
3- كان يقول بابا ماما و عمره 8 شهور و لين الحين كلامته محدودة مع اني أكلمه و أخليه يلعب مع الآطفال ساعتين ,,و من الكلمات الي ينطقه حالياُ بابا أمي و تاتا ,و الخدامة أداه و تعالي و خرابيط و طلاسم و ييوم يكون مستانس يقول أتي ته ..
4- من متابعي سبيس ستون ... ة هذا المحيرني يعني مشاء الله عليه يطلاع الرسوم و يندمج و مرات أحس يوم اكلمه ما يركز او ما ادري و الله ...و الله اني مضايقة و ايد من هالسالفة
5- الحمدالله رقاده منتظم و صحته ما عليها كلام و وزنه مشاء الله اوكه

و الحين المطلوب يا الغاليات ,,,

ابدا منكم اشياء تساعده على تطوير قدراته العقلية و اللغوية مثل ألعاب (يوم أسير مركز التعليم المبكر أحتار يوم أبا أشتريله لعبه أحس أنه اللعبة حق سنه ما راح يفهم عليها )

اذا في اشرطة فديو دلوني عليها ... الله يجازيكم
(فكرت ادخله حضانة بس مترددة )

و الله يا بنات صرت اوسوس و ايد في هالسالفة لانه عندي اخوان فيهم تاخر عقلي و اخاف لالالالالالالالالا ما ابا الله لا يقول

الله يخليكم لا طنشوني

[بنت الرمس]

[grade="00008B FF6347 008000 4B0082"]مرحبا حبيبتي ولدك طبيعي 100% لا متأخر ولا شيء والدكتور دايما يقول عدم المقارنه بين طفل وطفل لأن الهرمونات النمو تختلف في منهم يمشون وعمرهم سنه ونص بس ما يسمونه تأخر وفي منهم ما تطلع لهم أسنان ألا إذا تمكنوا من المشي

وأنت أبنك ما شأء الله سنن وهو 10 شهور ومشى وعمره سنه وشهر لا تخافين ولدك طبيعي تصدقين بنت أختي بنتها الحين بتكمل سنه وهي بعدها ما تمشي و ما طلعلها أسنان وأنا عندي طفل الآن عمره 6شهور وبعده ما نكب على بطنه

ليش مستعجله أتركي الولد ينمو لطبيعته ولا تقارنين لأنك بتعبين صدقيني [/grade]

[SHREEFA]

شكرا لكم على الموضوع ولكن شدني العنوان
العاب تعليمية للطفل

[Dolh]

بنت الرمس
مشكورة حبيبتي على الرد اليرد على قلبي و لو شوي فديتج و اتريا باقي الأمهات ... بليز الي تحب عيالها لا تقصر معاي في الرد بشي مفيد

[Dolh]

بنت الرمس
مشكورة حبيبتي على الرد اليرد على قلبي و لو شوي فديتج و اتريا باقي الأمهات ... بليز الي تحب عيالها لا تقصر معاي في الرد بشي مفيد

و ارد اكرر الطلب

ابدا منكم اشياء تساعده على تطوير قدراته العقلية و اللغوية مثل ألعاب (يوم أسير مركز التعليم المبكر أحتار يوم أبا أشتريله لعبه أحس أنه اللعبة حق سنه ما راح يفهم عليها ):no:

اذا في اشرطة فديو دلوني عليها ... الله يجازيكم
(فكرت ادخله حضانة بس مترددة:think:

:cry

[إلين]

الحضانه نصيحه لا لا لا بس اذا عندكم جيران عندهم اطفال الاحسن انه يلعب وياهم

[اللمبي]

السلام عليكم
عزيزتي هناك كتاب اسمه ( 150 طريقة لتنمية ذكاء الطفل) للمؤلف آن باكوس و اصدار دار الفراشة لبنان
وهناك اشرطة dvd لمؤسسة (baby einstein) وهذا هو السايت للمؤسسة (www.babyeinstein.com)
لكن لا اعرف اين تباع في الخليج.

و هناك نصيحة لا تتهاوني بذكاء طفلك واشتري له الالعاب التي تناسب عمره و لا تفكري بهذه الطريقة
<يوم أسير مركز التعليم المبكر أحتار يوم أبا أشتريله لعبه أحس أنه اللعبة حق سنه ما راح يفهم عليها >

انا كنت افكر مثلك مع ابنتي وفي يوم كنت اسير مع اخت زوجي ونصحتني ان اشتري لها لعبة تركيب الصور فرفضت
وقلت لها كما قلت انت, لكنها قامت بشراء اللعبة وتحدتني بان ابنتي سوف تركب الصور,وهذا ما حدث بالفعل
ومن يومها لم اعد استهين بقدرات ابنتي.

[سكر مملح]

كلامج صحيح 100%

ياريت يا بنات تفيدوني شو احسن الالعاب التعليمية لعمر 3 و 4 سنين

و مشكورة اختي ع الموضوع المهم

[سكر مملح]

دخلت على الموقع و هذه الالعاب التعليمية لعمر فوق سنتين







بنات الي عندها العاب اخرى تفيدنا .....

[مناهل78]

مثل ماذكرت الأخت اللمبي، بخصوص Baby Inshtain فعلا رائع ويطور عقل الطفل بصورة ماتتصورينها، لما أعطتني صديقتي ال DVD وقلت مستحيل ولدي يفهم وهو بو 4 شهور بس النتيجة كانت رائعة والحين يعرف مقاطع سوف تظهر بعد هذه الصورة ويضحك وينظر إلينا يعني شوفوا الحين بتطلع الصورة ، هو الموقع من الأنترنت وصديقتي تطلبهم وأنا آخذهم عن طريقها...

أي لعبة لا تقولين ماتناسب سنهم بالعكس ماشاء الله عيال هالأيام وايد أذكياء، الله يحفظه لك...

[النوري]

[grade="FF4500 4B0082 0000FF 000000 F4A460"]ما شاء الله البنات ما قصروا

وعن الالعاب التعليميه متوفره بكثره بالمكتبات

انتي روحي وتحصلين اللي تبينه ان شاء الله[/grade]

[النوري]

[grade="FF4500 4B0082 0000FF 000000 F4A460"]زوري هالرابط وان شاء الله يفيدج[/grade]

العاب تعليميه للطفل

[سكر مملح]

شكرا اختي العزيزة meemo0o

و جزاك ربي كل خير

[مرموم]

السلام عليكم ورحمة الله وبركاته

تسلموا بنات....ما شاء الله أفدتوني بطريقة روعة

[أم أنوار]

عندي فكرة أختي ليش ما تعمل زيارة لأي رياض أطفال قريب من بيتك وتشوفي كيف المعلمات هناك يعلمن الأطفال وشو هي الوسائل الي يقومن بها بتعليم الأطفال.

وفي حل ثاني وسهل روحي لأي مكتبة تحسيها تهتم بالطفل وتسأليها عن الأشياء اللي ممكن تفيد الطفل بالعمر اللي انتي تبيه. أنا مرة صار عندنا معرض كتاب عالمي ورحت وأشتريت لأولادي مجموعه حلوه من عندهم. واللي تناسب من عمر 1-3 سنوات