صفحة 1 من 15 1234567891011 ... الأخيرةالأخيرة
النتائج 1 إلى 15 من 214

الموضوع: بنت عذارى..رجعت..مع حروووف,عود فى عود

  1. #1
    صاحبة اكثر الوصفات المجربة تميزا
    عضو شرف منتديات عروس

    الصورة الرمزية بنت عذاري
    تاريخ التسجيل
    10/06/2004
    الدولة
    قلبي البحرين
    المشاركات
    8,151

    بنت عذارى..رجعت..مع حروووف,عود فى عود

    السلام عليكم ورحمة الله وبركاته,..
    :flowerاحلى باقة ورود لأحلى منتدى..منتدى عروس..

    اولا اقول للجميع وحشتوووووووووووونى

    ثانيااااا أقول مبروك على اللوك الجديد للمنتدى..بصراحة تحفة ومتعوب عليه
    ويعطيكم العافية دائما عروسنا متميز..بالمشرفين والمشرفات عليه
    سامحونى على الغياب الاجبارى..لكن بعيد الشر عنكم بعد اصابة الوالد الغالى بالمرض الشين..عافان الله واياكم ..العايله كلها تعبت..والحمدلله على كل حال..اجر وعافيه إنشاءلله لنظر عينى والدى العزيز..اهو بخير وربى مايقصر..يقولون اللى الله يحبه يبتليه..ونعم بالله..دعواتكم لوالدى بالصحة والشفاء والله يحفظلكم والديكم..واهلكم ..اللهم آمين

    المهم يا حبيباتى اكيد بعد هالغيبة الطويله..اللى كانت مخطوبة تزوجت..والله يهنيها ويحفظ بيتها ويكرمها بالذرية الصالحه...واللى على وشك الارتبط..اقولها هانت شدى الحيل وركزى مع نصايح العروس واحلى العرايس فى عروس لجل تكونين مستعدة لحياة مليانة انوثة واهتمامات ومسؤوليات واهتمام خاص بنفسك وبشرتك والاهم ان مايشم زوجك منك الااا احلى الاطياب ووووالروائح الزكية اللى تخليه كلما تذكرك تذكر الوردة اللى موجودة فى بيته وطيبها معطر حياته..طيب الاخلاق ..والاحترام..والحب..وطيب الجسم

    سامحونى اتكلم وايد لكنى معذورة ولهت على العرايس

    انااااااااابعد الغيبه رجعت بحروووف

    حرووووف ..اكيد سمعتوا عنه واستخدمتوه..انا بصراحة مااستخدمته الا لمن حصلت عليه لعيد ميلادى وكان طقم حروف من ضمن الهدية...
    الطقم..بصراحة عود فى عود..
    ويتكون من العطر......وهو عجيب لانه حجم عائلى وزيت للشعر والجسم...ولوشن لليدين والجسم...وبودرة للجسم...وديودرنت(مزيل العرق)رولون.

    وللاسف كنت مطنشه كل الطقم..استخدمت بس العطر..
    وذاك اليوم..كنت حاسة انى هملت نفسى فترة..وماعدت اخترع سوالف مثل قبل
    ولا اجربها على نفسى واشوف الفرق..واشارككم فى تجاربى:

    وقلت يالله قومى ودلعى روحج وجسمج..واعتنى شوى لانه شكلى بصراحة حسيت انى واحدة طالعة من الكهف.
    المهم...قطيت روحى فى الحمام وانتوا بكرامة...
    على فكرة انا بقولكم كل اللى سويته من البدايه الى النهايه..وبعدها جربواا وبتقولون بنت عذارى صدقت...

    فى البداية انا كنت شارية من مدة سكراب رهيب مكون من ملح البحر وزيت الزيتون وزيت المكاديميا..اشتريته من لايف ستايل..والكميه اللى فيه كبيرة وريحته تهبل..
    SPA ORGANICS_SEA SALT SKIN SCRUB>>>>MADE IN AUSTRALIA
    فى البدايه مليت البانيو بماء دافىء ويقرص من حرارته لانى محتاجه للبخار..حتى يطرى بشرتى وضفتله فوم باث..قليل للرغوة..وجلست فى البانيو ربع ساعة..حتى تاكدت ان البشرة اصبحت طرية والمسام مفتوح وجاهز للتنظيف

    على فكرة حبيباتى البانيو مو مهم بس انا كنت ابغى ادلع روحى شوى.المهم الدور الحين على السكراب..والصراحه انى اول ماستخدمت السكراب لما اشتريته ضفت له زيت اللوز العجيب اللى عندى واللى لما تستخدمونه تحسون انه لوز معصور طازج ..وطحت عليه من فترة وهو غير الزيوت الثانيه..هو صناعة الشارقه من دولة الامارات...واسمه..DAILY FRESH ALMOND OIL>>
    يعنى اسم على مسمى بتلاقونه فى اى سوبرماركت ...وريحته رووووووعه ونوعيته اروع

    والسكراب دهنى يعنى باضافة زيت اللوز نزيد الفايدة ورطوبة البشره..والاحلى فى السكراب هذا انه مصنوع من ملح والملح معروف انه من احسن المطهرات الطبيعية..يعنى سكراب لازالة الجلد الميت وتنظيف المسامات من الدهون والاوساخ العالقه فيها..والملح لتطهير البشرة من الفطريات والبكتيريا وخصوصا فى ثنيات الجلد والاجزاء اللى تكون متغطية باللبس لفترات طويله كالمناطق الحساسة والصدر ..والزيوت العديدة فى السكراب لتغذيه الجلد وزيادة ترطيبه..ومنع الجفاف بعد التقشير..

    وطبعا ما استخدم اللوفه ولا المفراكة..اليد كفايه وعلى شكل حركات دائريه والنتيجه 100%..فى كل انحاء الجسم..

    بعد ما احس ان بشرتى خفيفه ونظيفه..الملمس يكون ناعم مثل الزبدة واللون حتى بتلاحظون ان هناك فرق قبل وبعد.
    الخطوة الثانيه......غسل الجسم كله بماء دافىء لازالة الملح والبلاوى اللى اطلعت من المسامات..
    وبعده على طول..ماء بارد جدااااعلى كل الجسم ليعمل على انقباض المسامات المفتوحة..طبعا ماننسى تجفيف الجسم بنعومة وخفة من غير فرك الفوطة لان البشرة رقيقه جدا..

    الحين عزيزااااتى انتهينا من الحمام وبتشوفون البشرة زبدة...
    الحين وقت تدليع الجسم وتطييبه...واتبعوا الخطوات حتى تقولون لى آراءكم..
    ناخذ زيت حروف اللى مكتوب عليه للشعر والجسم...وندهن فيه كل الجسم...ومافى منه خوف حبيباتى لانه الغالب فيه هو الزيت والجزء المخفف هو العود..ومصنوع للشعر والجسم يعنى مخفف جداا..وحتى بعد التقشير والله انى ما حسيت بلسعة على بشرتى من الزيت لانه فعلا مخفف جدااا..وريحته روعه وبعدين عزيزاتى كلنا بصراحة تعبنا من خلط المسك والعود مع بيبى اويل.....بتلاحظون انكم ماتحتاجون حتى انكم تتعطرون بشىء لقوة ريحة العود الرهيبة فى الزيت..
    بعدين اخذت اللبس المشابه للبس الصلاة اللى مايطلع منكم الا الوجه بس..واكون مبرزة الفحمة..
    وفيه عندى معمول اكتشفته وهو من الكويت..ريحته جنـــــــان تلصق حتى فى الطوف والشعر والجسم..والثياب وكل شىء وسعره رخيص وخيالى...اسمه..معمول الملكى..مكتوب عليه للغرف والحفلات..انتاج الكويت..وهو عبارة عن علبه بلاستيك مستطيله صغيرى..
    والله انا استخدمه لى ولجسمى وشعرى وثيابى والحين كل صديقاتى علمتهم يستخدمونه لكل شىء وريحته..وااااااااااااااااا ااااااااااااااااااااااااا و..
    المهم البس الغطاء وبدل ما اطلع ويهى منه اطلع بس عيونى وخشمى..واخلى خدودى داخل..
    وبقولكم ليش .. الجسم وهو رطب يمتص الريحه وتلصق عليه لفترة طويله..والخدود بالرقبه نفس الشىءوالاذون وكل قطعه فى الجسم بتصير ريحتها فظيعه وبينى وبينكم للاحتياط انا ما افتح ريولى لمن اتبخر..الوقايه خير من العلاج..يعنى خلوا المبخر جدامكم وصدقونى كل الجسم بتطبع فيه الريحه ..
    ولمن احس انى تشبعت من المعمول..والغرفه كلها معمول...وشعرى كله معمول...
    اشيل المعمول من على الفحمه..واحط عود من الزين واكرر العمليه....
    بعد ما اتشبع..اشيل الغطاء وارش كم رشه من عطرى المفضل فى الهواء وادخل وسطه وصدقونى الشعر بالجسم بيكون بريحة عطركم من غير الحاجه الى الرش المباشر على بشرتكم..لانه يضر ويبقع..ومافى مانع مسحة من المسك اللى تحبونه على مناطق النبض فى جسمكم..
    وانا حتى ملابسى الداخليه ابخرها بنفس الطريقة مع نفس المعمول والعود..واذا حبيت عطرى البارد ارش منه ..لكن من غير عطر والله النتيجه روووووووووووووووووووووووو وووعة وتظل فيكم لفترة طويله حتى لمن تتحركون فى البيت الكل بيشم ومو عارف شنو مستخدمين عود والا بخور والا عطور عربية...
    اتمنى انى افدتكم مع تجربتى المتواضعه..بس ياريت تجربونها وانا بانتظار آراءكم بالسلب او الايجاب قلبى واسع لاحلى عرايس باغلى عروووووووووووووووووووس


    مو عيب نجرب ولا عيب نفشل بس الاهم نستفيد..

    مع تحيـــــــــــــااتى ..

    بنت عذارى

  2. #2
    عروس رائعة الصورة الرمزية الجادل
    تاريخ التسجيل
    02/01/2003
    الدولة
    الكويت
    المشاركات
    1,416
    نعيــــــــــــــــــــــ ما

  3. #3
    صاحبة اكثر الوصفات المجربة تميزا
    عضو شرف منتديات عروس

    الصورة الرمزية بنت عذاري
    تاريخ التسجيل
    10/06/2004
    الدولة
    قلبي البحرين
    المشاركات
    8,151
    تسلمين وينعم بحالج..

  4. #4
    مشرفة سابقة الصورة الرمزية أشواق لا تنتهي
    تاريخ التسجيل
    10/08/2004
    الدولة
    قطر أرض الفخر
    المشاركات
    3,641
    هلا والله
    ونورتيييييييييييييييييي

    بس حروف متنسيه علييييييييييييييييييييييي ييه

  5. #5
    صاحبة اكثر الوصفات المجربة تميزا
    عضو شرف منتديات عروس

    الصورة الرمزية بنت عذاري
    تاريخ التسجيل
    10/06/2004
    الدولة
    قلبي البحرين
    المشاركات
    8,151
    ميمى بيبى...هلا فيج حياتى النور نورج...شكرا للمرور واكيد بدورلج شىء انتى مو متنسي عليه ولا فيه..

    ووووووووووووتحياااااااااا ااااااااااتى يالغاليه.

  6. #6
    مشرفة سابقة الصورة الرمزية ملاذ الحب
    تاريخ التسجيل
    03/06/2004
    الدولة
    دوحة الخير
    المشاركات
    4,320
    وااااااااااااااو
    اتوقع ريحتج اشلون
    واااااااااااااااااااو مممممممممممممم ريحه فواحه
    لاني اعرف حروق ريحته فضيييعه
    انا شميت اللي للعبايات واستخفيت عليه

    بس حبيبتي المعمول الملكي
    شكلي استخفيت عليه اكثر
    مادري اذا موجود في الدوحه
    واذا تشترينه من البحرين ممكن تقولين لي وين بالضبط والسعر
    لاني على اخر الشهر رايحه البحرين ان شاء الله يارب

  7. #7
    صاحبة اكثر الوصفات المجربة تميزا
    عضو شرف منتديات عروس

    الصورة الرمزية بنت عذاري
    تاريخ التسجيل
    10/06/2004
    الدولة
    قلبي البحرين
    المشاركات
    8,151
    هلا حبيبتى..ملاذ الحب..وحياج الله..فديتج المعمول الملكى فى نسوان يشتروووونه من الكويت ويبيعونه فى البحرين ..ومن اول مرة شريته صرت اخلى عمتى اللى فى الكويت او خالاتى لما يروحون يشترونلى منه كميات كبيرة...بس اظن تلقينه فى محلات البخور الكثيرة اللى فى البحرين ..على العموم انا بسالج من وين فى الكويت وبخبرج..بس يا حياتى جربى عندكم فى محلات حميد للعطور والبخور اكيد عنده واذا ما عنده قوليله يجيبلكم بالكميات وقوليله انه حلو وسوقه ماشى اكيد بيجيبلج منه انا متاكده انا زبونتهم...من المطار لحميد دايمااا..ههههههههههههههههه ههههههه..ومثل ماقلتى حروف فظيع ويخليج عود فى عود ...بس كملى الخطوات عشان تقولينلى رايج..وتسلمين على مرورج الكريم.....

    ووووووووووووووووووووووووو ووووتحياااااااااااااااااا اااااااااااااااتى..

  8. #8
    صاحبة اكثر الوصفات المجربة تميزا
    عضو شرف منتديات عروس

    الصورة الرمزية بنت عذاري
    تاريخ التسجيل
    10/06/2004
    الدولة
    قلبي البحرين
    المشاركات
    8,151
    على فكرة السعر دينارين هذا من النسوان اللى يبيعونه فى البحرين..لكن عمتى وخالاتى بصراحه ماقالولى سعره..يعنى مابيكون الا دينار او دينار ونص بس...مو اكثر....خيالى السعرررررررررررر صح؟؟

  9. #9
    مشرفة سابقة الصورة الرمزية ملاذ الحب
    تاريخ التسجيل
    03/06/2004
    الدولة
    دوحة الخير
    المشاركات
    4,320
    مشكوره حبيبتي بنت عذاري
    بس ماددري اذا محلات حميد عندنا ولا لاء
    وين مكانهم في البحرين انا باوصي خالاتي يجيبونه لي من الحين
    مافيني صبر لين اخر الشهر لما اروح البحرين

    واذا عندج وايد خلاص باشتري من عندج اثنين على 5دينار ايش رايج
    بس عطيني رقمج
    وانا اتصل لج في البحرين اخر الشهر
    لانه راح خاطري فيه
    ماقدر اقاوم

  10. #10
    صاحبة اكثر الوصفات المجربة تميزا
    عضو شرف منتديات عروس

    الصورة الرمزية بنت عذاري
    تاريخ التسجيل
    10/06/2004
    الدولة
    قلبي البحرين
    المشاركات
    8,151
    اختى ملاذ الحب ..حميد مو عندنا فى البحرين..محلات حميد للعطور فى الدوحة..وانا زبونة عندهم كل ما اروح قطر اخذ العطور والبخور من عندهم..واسعارهم ارخص من السوق بوايد وثقه...عموما حياتى...اذا ما قدرتى تلقينه عيونى لج ..بعطيج من عندى وبعدين اشدعوه تقولين لى 5 دينار...تره اهل الدوحة اهلى..واهل البحرين كرمهم مثلكم..ومافى داعى تنتظرين لين ماتوصلين البحرين بطرشه لج الدوحة...انا خالتى قطريه ...ويمكن هالايام تكون فى البحرين..وانا بكون انشاءلله فى الدوحة خلال اسبوع او 10 ايام..لاتديرين بال..ترى مايسوى تراب ريلج..وعلى عينى....

  11. #11
    مشرفة سابقة الصورة الرمزية ملاذ الحب
    تاريخ التسجيل
    03/06/2004
    الدولة
    دوحة الخير
    المشاركات
    4,320
    اشكرج حبيبتي على كلامج الحلو واللي اكثر من ورعه

    والحق حق حبيبتي ولو باعطيج فلوسه
    ولاتعبين خالتج لا شئ انا بايي ان شاء الله البحرين
    او اذا خالتي بتيي الدوحه
    باقول لج تعطينها ان شاء الله


    الف الف شكر لج حبيبتي
    كلج ذوق

  12. #12
    صاحبة اكثر الوصفات المجربة تميزا
    عضو شرف منتديات عروس

    الصورة الرمزية بنت عذاري
    تاريخ التسجيل
    10/06/2004
    الدولة
    قلبي البحرين
    المشاركات
    8,151
    ملاذ الحب.....مافيها تعب احنا خوات ..وكلنا لبعض..انا اطرش لج بخور انتى تطرشين لى فحم عادى..خخخخخخخخخخخخخخخخخخخخ خخخخخخخخخخ...الناس لبعض يا قلبى...اشدعوة ..مو طيارة اهو ولا صاروخ الا معمول وانا اقولج ان سعره خيالى ورخيص تقولينلى فلوس..افا عليج...لاتخلينا ناخذ فكره عن هل الدوحه اهل الكرم والذوق..
    قريب بيكون عندج انشاءلله..فالج طيب..طرشيلى على الخاص..تيلفونج او ايميلج..ووووتحياااتى

  13. #13
    مشرفة سابقة الصورة الرمزية ملاذ الحب
    تاريخ التسجيل
    03/06/2004
    الدولة
    دوحة الخير
    المشاركات
    4,320
    والله ماعرف ايش اقول لج

    الله يخليج حبيبتي ويرزقج الخير يارب
    تسلمين يالغاليه
    تليفوني وايميلي عندج


    الف الف شكر

  14. #14
    مشرفة سابقة الصورة الرمزية أشواق لا تنتهي
    تاريخ التسجيل
    10/08/2004
    الدولة
    قطر أرض الفخر
    المشاركات
    3,641
    انا بعد ابي

    صج بليته صح بس والله باشتريه لان اذا بتمين اطرشين بلاش عزة الله رحتى وطي وخلص بخورج خخخخخخخ

  15. #15
    صاحبة اكثر الوصفات المجربة تميزا
    عضو شرف منتديات عروس

    الصورة الرمزية بنت عذاري
    تاريخ التسجيل
    10/06/2004
    الدولة
    قلبي البحرين
    المشاركات
    8,151
    ميمى بيبى...حياتى انتى والله ...ترى كل شىء ولا اللى يتنسون عيوننا لهم...تامرينى يا الغاليه..والله انا ادرى ان كل العرايس بخير والله غانيهم..وما بتطلب واحدة منى شىء الا لانها مو لاقيته عندهم مو لاى سبب ثانى...يا ناس خليجنا واااااااااااااااااااااااا ااااااااااااااااااااااااا ااااااااااااااحد وشعبنا واحد...والناس لبعضها..والله اللى يطلبنى عيونى له لو آخذ اللى عندى كله..اللى ينباع فى السوق يتحصل لكن طيبة القلوب والمعرفة الطيبة ماتنلقى بسهولة..
    فالج طيب يا ميمى وعلى عينى..انا مافى الا لما اروح الدوحه اودى معاى كارتووووووووون...خخخخخخخخخ خخخخخخخخخخخ
    ميمى حياتى طرشيلى ايميلج على الخاص..وعلى عينى..

صفحة 1 من 15 1234567891011 ... الأخيرةالأخيرة

المواضيع المتشابهه

  1. بنت عذارى رجعت..لا للسواد ولا للخشونه..وعلى ضمانتى
    بواسطة shams el bahrain في المنتدى ركن العناية بالبشرة والجسم
    مشاركات: 52
    آخر مشاركة: 20/09/2011, 07:21 PM
  2. بنت عذارى رجعت..لا للسواد ولا للخشونه..وعلى ضمانتى
    بواسطة بنت عذاري في المنتدى ركن جمالك والطبيعه مع بنت عذارى
    مشاركات: 1677
    آخر مشاركة: 06/03/2009, 03:57 PM
  3. حروووف ومعانيها
    بواسطة عنادي في المنتدى مجلس بنات عروس الثقافي
    مشاركات: 2
    آخر مشاركة: 28/10/2003, 03:48 PM
  4. عدد حروووف أسمك تكشف شخصيتك*
    بواسطة asa في المنتدى مجلس بنات عروس الثقافي
    مشاركات: 17
    آخر مشاركة: 13/05/2003, 02:29 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •