روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 1 من 2 12 الأخيرةالأخيرة
النتائج 1 إلى 15 من 17

الموضوع: شعري يقول النجــــــــــــــــده من القشره ... الى لها تجربه مع القشره تتفضل تفيدنا

  1. #1
    عروس مشرقة الصورة الرمزية ~~زورقـــ~~
    تاريخ التسجيل
    21/10/2004
    الدولة
    في قلب أمي
    المشاركات
    344

    شعري يقول النجــــــــــــــــده من القشره ... الى لها تجربه مع القشره تتفضل تفيدنا

    السلام عليكم ورحمة الله وبركاته


    شلونكم يابنات ياحلوات
    ان شاء الله كلكم بخير يارب

    انا بشكى لكم حالى وياريت تساعدونى :o

    انا من فتره اشتكى من شعرى
    يعنى كل مايطرى عليكم من مشاكل الشعر عانيت منها
    وكل الحلول الى ممكن تخطر على بالكم جربتها
    الى الثوم للحين اقااوم

    مشكلتى تكمن فى ان شعرى قبل كان يهبل لون وكثافه وطول
    وبدت السالفه قشره
    وبعدين تساقط
    وتســــاقط
    وتســــــاقط
    وتقصف
    وهم تســــــاقط
    :confused:

    لين صار خفيف جدااااااااااااً
    وتعيس جداااااااااااااااً
    ومن قدام شوى واصلع
    وجبهتى كل مالها وتكبر من تراجع الشعر للخلف :down:

    بس هذا كله صوب
    والقشره الى زادت فجاه صوب ثاانى
    انا اعرف القشره تهيج بالحر
    مو بالبراد !!!!

    فروت راسى كلها قشره وجروح من شنو ماادرى
    مع انى احاول كثر ماقدر ماحكها بالمره
    بس الوضع صار لا يطاق
    جربت الدكتور من فتره عطانى دواء قطعها على طول
    بس فتره معينه ورجعت
    لا ومن زود القراده الدواء بكبره انقطع من السوق :rolleyes:
    شفتو الحظ :confused:
    حتى القاااااز
    تخيلوا !!!
    قالت لى وحده مفيد
    واستخدمته
    ملعقه صغيره مع زيت الشعر
    اوكيه القشره خفت وااايد وتقريبا اختفت بس فتره و هم رجعت :pain:
    ومااستفدت الى ان شعرى فقد لونه الحلو وصار شديد السواد
    <<<تلاحظون القراده
    وانا فينى عيب كبير وطريقه باايخه مااقدرت اتركها
    وهو الماء الحار جدا عند الاستحمام
    ماقدرت اتخلص من هالطريقه :confused:


    الى عندها تجربه مع القشره وعانت منه مثلى تقوولى شو الحل وتساعدنى ومالها الى اجر ودعاااء منى

    فيه مراكز لعنايه بالشعر ناس تمدحها وناس تقول نهيبه وبس
    الى جربت شى منهم بعد خل تفيدنا


    والله يعطيكم العافيه ويوفقكم وحده وحده نفره نفره
    عسى ماطولت عليكم بس :shy:

    << ماتنعطى وجه :o

  2. #2
    عروس مشاركة
    تاريخ التسجيل
    06/05/2004
    الدولة
    الامارات
    المشاركات
    78
    الحل بسيييط يا اختي
    واسهل مما تتخيلين
    تعرفين المرميه
    فوريها في المااي شوي لين تصبغ
    وعقب صفيها
    و يوم بتغسلين شعرج و بتشطفينه
    صبي عليه المرميه المصفاايه
    و دلكي جذور الشعر لمدة دقيقه مش اكثر
    نفذي ها الشي مره بالاسبوع بس
    مثل سويتي السبت تسوين السبت اللي عقبه
    - لانه المرميه فيها مضاد حيوي -
    و بتفتكين من القشره باذن الله
    انا من اول غسله افتكييت من القشره


    و في شامبو بعد واايد زين اسمه نيزورال
    انا مره استعملت المرميه و نفعتني
    و مره الشامبوو


  3. #3
    مشرفة سابقة الصورة الرمزية لؤلؤة جدة
    تاريخ التسجيل
    28/01/2003
    الدولة
    جدة غير
    المشاركات
    943
    السلام عليكم ورحمة الله وبركاته

    عزيزتي

    الماء الحااار هو سبب القشرة فحاولي تغسلين شعرك بماء دافي افضل

    وفي شامبو ممتاز مرة للقشرة اسمه نيوزرال استخدميه وإن شاء الله يفيدك

    تحياتي ،،،

  4. #4
    مشرفة سابقة الصورة الرمزية الشيخة
    تاريخ التسجيل
    26/03/2003
    الدولة
    قلباً احبني جداً
    المشاركات
    6,114

    نصيحة الاخوات جداً ممتازة

    بالفعل الشامبو إلي قالوا عنه جداً ممتاز

    وأعرفي انة مشكلة القشرة وتفاقمها وحلها يكمن في كيفية غسل الشعر والاعتناء به.

    يعني ..
    اتخذي لك برنامج حددي مدتة لشهرين مثلاً ويكون كل شيئ بإنتظام.

    وهذه النصائح :cool2::
    ** استخدمي أفضل انواع الشامبوهات الي ضد القشرة .. ومنها على سبيل المثال الي ذكر.
    ** أغسلي شعرك 3 مرات بالاسبوع .. ولنقول السبت الاثنين الخميس
    ** بعد الحمام خذي كوب عصير ليمون واعملي مساج لفروة الرأس لمدة 5 دقايق.
    ** وكمان تجنبي الزيوت في هذه الفترة الي راح تعالجين فيها شعرك.. واستخدمي عوضاً عنها كريم خفيف مرطب للشعر ورطبيه على الشعر نفسة.. وليست فروة الرأس.
    ** أعملي قناع من كوب الليمون + كمية نعناع مغسول ومعصور + ملعقة كريم الشعر + ملعقة حمام زيت ودلكية 5 دقائق . وتركيه لمدة نصف ساعة بفروة الرأس. في الاسبوع مرة.

    تحياتي
    الشيخة

  5. #5
    عروس جديدة
    تاريخ التسجيل
    13/04/2003
    المشاركات
    29
    الله يساعدك اختي ويخلصك من مشكلتك

    وانا انصحك بالسدر جربته

  6. #6
    عروس جديدة
    تاريخ التسجيل
    21/08/2003
    الدولة
    الإمارات
    المشاركات
    28
    والله أختي أنا حاسه فيج....

    لأن محد كثري عانى من القشرة والحكة ألي سببتها ....

    ما خليت زيت ولا شامبو ولا كريم ما استخدمته تختفي فترة وترجع مرة ثانية ...

    لين ما استخدمت زيت جوز الهند ألي يسوونه الأندونيسيات والحمد الله من يومها ما رجعتلي القشرة ...

    وحتى سألت الخدامة وقالتلي أنه واااايد زين حق القشرة ... وله بعد فوائد ثانية ...

    وهاي تجربتي ويا القشرة ...

    أختكم
    MooLy

  7. #7
    عروس متألقة
    تاريخ التسجيل
    12/04/2003
    الدولة
    إمارات المحبه والسلام
    المشاركات
    246
    بسم الله الرحمن الرحيم


    السلام عليكم ورحمة الله وبركاته


    الله يأجرج اختي على صبرج


    انا كنت مثلج
    لكن ألين الحمد الله


    رحت عند طبيبة جلديه

    و وصفتلي شامبو نايتروجينا جل ب 40 درهم


    + لوشن للشعر احطه خمس مرات ..

    واسم اللوشن
    Locoid
    scalp lotion


    وانشاء الله اتروح عنج القشره خلال في اقل من اسبوع

    جربيه وادعيلي

  8. #8
    عروس مشاركة الصورة الرمزية *العصفوره*
    تاريخ التسجيل
    09/08/2004
    الدولة
    فوق هام السحاب
    المشاركات
    69
    السلام عليكم ورحمة الله وبركاته
    صابون الغار حلو بالمره للقشره وهو متوفر عند العطارين وفي
    كل مكان ورخيييييص كمان
    ومفعوله ميه بالميه على ضمانتي
    جربيه وادعيليييييييييي إن الله يرزقني الي في بالي :shy:

  9. #9
    مشرفة سابقة الصورة الرمزية أوراق الخريف
    تاريخ التسجيل
    20/10/2004
    الدولة
    ܓ✿ܓ✿الامارات العربــ✿دبي✿ـية المتحدهܓ✿ܓ✿
    المشاركات
    12,853
    السلام عليكم ورحمة الله وبركاته..

    تسلمون وبارك الله فيكم يا بنات.. وايد استفدت منكم..

    انا عاني من القشره واستخدمت شامبو السيباميد وما شفت منه فايده.. و الحين خفت القشره بعدما استخدمت الزيوت وبالفعل زيت جوز الهند الاندونيسي روعه الي لونه اخضر وعليه رسمت نارجيل وقمت اغسل شعري في الاسبوع مرتين وخففت من استخدام الاستشوار..

  10. #10
    عروس جديدة
    تاريخ التسجيل
    11/11/2004
    الدولة
    جدة
    المشاركات
    14
    سمعت عن الخل تتشطفي به بعد الحمام بس الله يعينك على رائحته :pain:
    المصغرات المرفقة المصغرات المرفقة بسه-ارنب-jpg  

  11. #11
    عروس نشيطة الصورة الرمزية ام_يزن
    تاريخ التسجيل
    31/05/2004
    الدولة
    ارض الله
    المشاركات
    120
    حبيبتي الله يعينج انا هم بعد اعاني من القشرة مثلج بس الحمد الحين اخف.

    وانا عن تجربتي استخدم الثوم مع الزيت( دابر املا)........ يوم الخميس من كل اسبوع طبعا وانا شفت هالخلطة من هالمنتدى طبعا
    صج ريحته تلوع الجبد بس هم زين ولاحظت انه فاد القشرة .. الحمد لله جربي 2 2 الثوم يمكن يفيدج :pain:

  12. #12
    عروس مشرقة الصورة الرمزية ~~زورقـــ~~
    تاريخ التسجيل
    21/10/2004
    الدولة
    في قلب أمي
    المشاركات
    344
    السلام عليكم ورحمة الله وبركاته



    مريووووومه


    مشكوره ياقلبي راح اجرب هذا الشامبو
    وهم المراميه لانى سمعه انها بعد ممتازه لريحه الشعر للى بيحط الثوم :pain:
    وانا والله العالم شكلى بجربه لانه يمدحونه للشعر كثيرررر

    تقبلى تحياتى وشكرى لاهتمامك ياقلبى



    لؤلؤة جده


    يااقلبى الماء الحار عله يصعب التخلص منها
    اذا تسبحت بماء بارد امووووت بعيد عنك :confused:
    اقعد طول الاسبوع مستبرده
    بس بحاااول لانه يهيج القشره
    مشكوره لمرورك واهتمامك


    ربي يوفكم انتوا الثنتين ياارب وادعوا لشعرى

  13. #13
    عروس مشرقة الصورة الرمزية ~~زورقـــ~~
    تاريخ التسجيل
    21/10/2004
    الدولة
    في قلب أمي
    المشاركات
    344


    الشيخه




    مشكوره على النصايح وعلى مجهودك واهتمامك
    بس بثقل عليك بكم سؤال استحملينى :o

    * بالنسبه للغسيل انا احرص على غسل شعرى والشامبوات الى استخدمها وانوعها واهتم بنضافت شعرى فوق ماتتصورين ومع هذا يقولون غلط لان شعرى عادى وخفيف وكثر الغسيل يفقده زيوته وتلفه واهو خلقه تلفان يعنى اخترت اغسل ولا اخليه ناس تقولى مره بالاسبوع تكفى بس ماراح اعرف احس صعبه وناس تقول مرتين اذا هالكلام عن خبره واو استشارة طبيه ياريت تساعدينى:pain:
    *كوب ليمون بعد الحمام ؟؟!!! شلون الليمون ينشف الشعر ويدبق !!!
    اخاف قصدك قبل الحمام
    *ممكن اعرف انواع الكريمات مالت الشعر شنو ؟؟


    والله ياشيخه بدعيلك
    واشكرك لك اجتهادك معاى واهتمامك
    ويااارب نخدمك عروووووووووووس ياحلوه

  14. #14
    عروس مشرقة الصورة الرمزية ~~زورقـــ~~
    تاريخ التسجيل
    21/10/2004
    الدولة
    في قلب أمي
    المشاركات
    344


    امووووره


    اشكر لك اهتمامك يااعمرى وبعد بجرب السدر وش ورانا 2
    الله يوفقك يارب




    MOOLY


    ماشاء الله راحت القشره تمام ؟؟!!
    بس شنو هذا الزين الاندنوسى ؟؟ اول مره اسمع فيه
    ووين القاه بالكويت ؟؟
    فيدينى الله يوفقك ان شاء الله ولك الاجر

    وشكرا لمروروك واهتمامك




    LOORA


    انا رحت لكذا دكتور ويعطونى ادويه وتروح وترجع لى عقب
    جننتنى هالقشره :confused:
    بس ماجربت نايتروجينا
    وهم هالكريم بشووفه
    وابشري من غير شى بديلك





    العصفوره

    صابون الغار كانه ينشف الشعر شوى :pain:
    شكراً لمرورك واهتمامك ياقلبى
    والله يرزقك الى فى بالك ويرزقنا وياك
    يارب كلنا ننول الى فى بالنا
    2

  15. #15
    عروس مشرقة الصورة الرمزية ~~زورقـــ~~
    تاريخ التسجيل
    21/10/2004
    الدولة
    في قلب أمي
    المشاركات
    344

    ام سعيده


    انا الى سعيده بانك استفدتى من الموضوع
    والله يعينا من هالقشره ويطيب شعوورنا:confused:
    اقول يطيب لان شعرى مريض
    مشكوره ياقلبى لمرورك ويااارب يصير شعرك وشعرى للقاع وماتمسكه شباصه

    انا اهم شى عندى الشباصات
    ههههههههههههههههههههههههه هه
    2




    روى الريم


    جربت الخل :pain:
    مايفيد وايد
    بس مع الحنه يخلى لون الشعر فاتح


    مشكوره لمرورك واهتمامك يااحلوه
    ربي يوفقك




    ام_يزن


    والله ياختى دابر امله الكل يمدحه
    بس يسود الشعر
    واناابى لون شعرى الاصلى يرجع مابى اسود :confused:
    بس الثوم مافيه ريال او مره مايمدحونه

    شكلى بغاامر بلا ريحه بلا هم
    اهم شى تاج جمالى

    حلوه تاج جمالى مادرى من وين مطلعتها :shy:
    بس الله يصبرنا على الريحه
    ويصبر الى حلولى بعد
    هههههههههههههههههههههه
    شكرا للمرورك واهتمامك

صفحة 1 من 2 12 الأخيرةالأخيرة

المواضيع المتشابهه

  1. مشاركات: 289
    آخر مشاركة: 10/03/2008, 10:05 AM
  2. حل القشره!!
    بواسطة حديث الروح في المنتدى التربية والطفل
    مشاركات: 8
    آخر مشاركة: 20/12/2007, 12:37 AM
  3. شي حق القشره
    بواسطة النووور في المنتدى ركن العناية بالشعر
    مشاركات: 3
    آخر مشاركة: 21/11/2004, 06:16 PM