انتهاك حرمة شهرنا الفضيل ... إثم معلن على الملئ

[دمع الليل]

السلام عليكم ورحمة الله وبركاته

إخوة الدين ...

بصراحة انا سكت من اول شهر رمضان وانا اطالع بداية المسلسل ... بس وصلت لحلقة يوم الخميس وكنت اطالع جذي :eek2:

معقولة اللي اجوفه مسلسل عربي ؟؟.. وخليجي ؟؟؟....

تخيلت روحي اطالع ناس ما يمتون للاسلام بصلة .. ولا ايعرفون شيء عنه .. بس للاسف ممثلين ومخرجين ومنتجين ومعدين وكل الكوادر عربية مسلمة ..

اكيد كلكم عرفتوا اني اتكلم عن المسلسل الكويتي "دنيا القوي" واللي يعرض على اغلب الشاشات العربية ...

حلقاته بصراحة مب سخيفة الا ومستخفة برأي المشاهد العربي وكانهم ضاربين راينا عرض الطوف ويعلنون لنا التحدي ....

مشاهد الرقص الاماجنة بين الممثلين .. واولهم زينب العسكري و الهام الفضالة و شيماء علي وشجون الهاجري ..... والام التي اسمها سميرة في المسلسل ...

عرض للاجساد وتلاعب بالكلمات .. وتمايل وتميع ... ومب بس جذي الا حتى الحلقات الكلمات اللي تدور بين الابطال من تغزل وحركات سخيفة ..

وكلها على حساب المشاهد العربي .. ولو منعنا انفسنا عن مشاهدته ما نقدر نمنع الاطفال اللي شغلهم الشاغل التلفزيون فشهر رمضان ...


وما نقول الا الله المستعااااااااااااااااااا ااااان ...


""" يا أمة ضحكت من جهلها الأمم """


في أمان الله
(u)

[الــجـــوى]

عدل كلامج والله يا دمع الليل

[سحائب الخير]

حسبنا الله ونعم الوكيل
هدم الدين والأخلاق بواسطة ابناءه الذين ليس لهم هم إلا المردود المادي
ومع ذلك يزعمون أن الفن رسالة !!!!
رسالة نعم
ولكن لهدم صرح الفضيلة
والله المستعان
اللهم لا تؤاخذنا بما فعل السفهاء منا

[نبع الوفا]

الله يعينهم على أنفسهم ويهديهم

ربنا اهدي أمة محمد وأرشدهم إلى الصواب

ربنا لاتؤاخذنا بما فعل السفهاء منا

الله المستعان

ولاحول ولاقوة الا بالله

[صـــارع]

[نفاف]

كلامك عدل أختي دمع الليل...

اصلا المسلسل بدون هدف والله لو وضعوا ميزانية هذا المسلسل في عمل خيري كان لهم اجر وثواب ....

[الفرس]

كلامج عدل يالغالية دمع الليل

صراحة كلنا أستغربنا من الانحطاط اللي وصل له العرب والمسلم
هذا ما ذخروه للشهر الفضيل !!
وهذا اللي يبون الناس تشوفهم فيه !!

حسبنا الله ونعم الوكيل فيهم

:down::down::down:

وأنت يا خوي عاشق القطط

تبيهم يشيلون المكياج عشان يبان الجكر الحقيقي
هذول لو يشيلون المكياج يستقيلون على طول

222

[حبيبه]

بصراحه أنا شيلت التلفزيون في بيتنا و اشتركت في قناة المجد ويوم الخميس كنت عند خالتي ونسولف أنا وإياها وشوي البنات يقلبو القنوات وشفت لقطات من المسلسل هذا وبصراحه استئت كثير من اللي شفته ايش هذا كأني قاعده أتفرج على قناه اللي فيها ماهم عرب ولا مسلمين ولا واللي يقهر إنه في رمضان أفضل الشهور عند الله عز وجل لكن الكلام على اللي يضيع هذا الوقت الثمين في مشاهدة مثل هذه الأشياء