بمناسبة اليوم الوطني

[نورات]

[poet font="Arabic Transparent,4,black,normal,normal" bkcolor="transparent" bkimage="backgrounds/16.gif" border="none,4,gray" type=0 line=200% align=center use=ex length=0 char="" num="0,black" filter=""]
سبحـان عالـم دقهـا وجلالـهـا
منشي من المنشى صـدوق خيالهـا
بديـت بسمـك ياعلـي وياعظيـم
يـا مقـدر ارزاق البشـر واجالهـا
بمناسبة يوم الوطـن قمـت وبنيـت
قصيـدةٍ ماقبلـي احــداً قالـهـا
مرحوم يا عبد العزيز اللـي صعـد
نحـو العـلا ليـن امنياتـه نالهـا
مانالهـا بالنـوم ومـدارا الخصـوم
ولا جت عطيه مـن يدينـاً سالهـا
جتله بحزم وعـزم وسنانـاً وريـع
ومشـوكٍ كـن الرعـد زلزالـهـا
المملكة قبل البطـل عبـد العزيـز
كــلٍ يحاولـهـا ولا يقـوالـهـا
جاها الزعيم وسل سيفه في اليميـن
سيفٍ طعامه مـن عـداه ابطالهـا
سيفٍ مضاريبه وسطواتـه تـروع
في كـف يمنـاً تنعـرف بافعالهـا
يمنى البطل عبد العزيز ابن سعـود
سلطـان نجـد وبدرهـا وهلالهـا
عبد العزيز اللي ليـا سـل الحسـام
مـن فعلـه الفرسـان زاد جفالهـا
عبد العزيز اللي ليا حمي الوطيـس
كم مهره اخلا السرج مـن خيالهـا
عبد العزيز اللي تصاحبـه العظـام
من خوفهـا بالحـرب لا يسعالهـا
عبد العزيز اللي على الشدة صبـور
وان عقـدت واستصعبـت حلالهـا
عبد العزيز اللي غسل كـل القلـوب
من حقدهـا مـن جهلهـا وهبالهـا
عبد العزيـز اللـي رسـم حدانهـا
غرب وجنـوب وشرقهـا وشمالهـا
عبد العزيز اللـي جعـل دستورهـا
شرعاً يحكم فـي جميـع اعمالهـا
وسعود ثم فيصل وخالـد مـن بعـد
عبد العزيـز اعلـوا لهـا منزالهـا
عسى لهم في الجنـة العليـا مكـان
يسقـون فيهـا مـن زلال زلالهـا
واليوم دولتنـا تحـت حكـم الفهـد
طير السعد فـوق الزهـر غنالهـا
فهد الجزيرة والعرب فهـد الفهـود
طابـت بحكمـه طيـب الله فالهـا
حامي حمى الدوله عما عين الحريب
تحلى له السلطه وهـو يحلـى لهـا
قولـو معـي ياسامعـيـن ورددوا
تحيـا الجزيـرة والفهـد يحيالهـا
يسعى على تطويرها لين اصبحـت
درة ثمينـه فـي كفـوف ارجالهـا
في الشرق الاوسط مالها ند وعديـل
ولا ظن فـي العالـم بـلاد امثالهـا
قـل للـي ينقـد علـى تفكيـرنـا
ويقـول بـدواً راحــلٍ رحالـهـا
ياتي وينظـر دولـة المجـد التليـد
وش لونها وش لونهـا وش حالهـا
فيها الصناعة نافست في كل سـوق
والصحه احـدث ماصنـع يشرالهـا
وفيها المبانـي ناطحـاتٍ للسحـاب
ومن البحـور المويـه اتحلـى لهـا
والارض نحرثهـا ونـزرع فوقهـا
حتـى كسينـا بالخضـار ارمالهـا
والطرق نعملها على احدث طـراز
ونشـق بالانفـاق رؤؤس جبالـهـا
ومعاهد التعليـم هـي والجامعـات
مفتوحـةٍ مجـان لـلـي جالـهـا
ذولا تخرجـهـم وذولا داخـلـيـن
يتعلمـون مـن العلـوم اشكالـهـا
حنـا بدينـا مـن نهايـة غيـرنـا
وطلنا صروحـاً غيرنـا ماطالهـا
حنـا سعوديـيـن نعـبـد ربـنـا
وارض السعوديـة لنـا وحنـا لهـا
مانرتظـي فيهـا ولا عنهـا بديـل
وارواحـنـا واموالـنـا تفدالـهـا
هذي بلادي دوحـة امنـاً للجميـع
دوحه تظـل اللـي يجـي بظلالهـا
تفخر بها من حسنهـا كـل العـرب
ويحسد اهلهـا كـل زايـر جالهـا
كلمة يرددها بو فيصـل كـل حيـن
نفخر بهـا فـي كـل مـرة قالهـا
كلمة صغيرة ميـر معناهـا كبيـر
كـل القلـوب الهـا تفـك اقفالهـا
لا فرق فينا بيـن حاكـم ومحكـوم
سـواء بـدق امورنـا وجلالـهـا
الحكم شـورى بيـن حكـام البـلاد
ومواطنيهـا فـي جميـع احوالهـا
دار السعوديـة لنـا الام الحـنـون
والشعـب والحكـام هـم عيالـهـا
عاشت سعودية على طول الزمـان
للمجـد والعليـا تشـد ارحالـهـا
حكامها ال سعود صافيـن القلـوب
نسل الا سـود الماسـره واشبالهـا
عاش الفهد ويعيش ساعـده اليميـن
اللي ليـا صعبـت يحـل إشكالهـا
وال العهد عبد الله الحـر الاصيـل
عز المصافـي والعـدى غربالهـا
غون الضعيف اللي شكا جور الزمان
تعطي يديه مـن العطايـا جزالهـا
سلح رياجيل الحرس باحدث سـلاح
لحمايـت ارض المملكـة واموالهـا
والنائب الثاني عما عيـن الحريـب
لاكبـرت القـالات قـال انـا لهـا
وزير جيشاً جاهزٍ فـي كـل حـال
دون الوطـن لمصادمـت عيالـهـا
يا الله تحفض بلادنا من كـل بـاس
وتعزهـا وتـذل مــن عادالـهـا
وتحفض فرسان البـلاد ال السعـود
فـي حلهـا دائـم وفـي ترحالهـا
وختامها صلو علـى خيـر الانـام
اللـي ظلومـات الجهالـه زالـهـا
نهنىء بهذه المناسبة العزيزة على قلوب الجميع :oبابا فهد(u)و(u)بابا عبدالله (u)و (u)بابا سلطان وكافة الشعب السعودي المكافح

[سعيد آل منصور]

وطن يسعد صباحك ياوطنا والعمار فداك
تباكرك الرعود ويثني لك غصن بارقها
وطن يسعد مساك الشمس ما غابت تبي فرقاك
تعدت للمغيب تعلمه عن طيب مشرقها




للشاعرمساعد الرشيدي

مناسبة غالية نجدد فيها الولاء والطاعة والحب الدائم الابدي...

[أبو أحمد]

أختي نورات

لا أرى أي كلام هنا ؟؟


أخوك أبو أحمد