مادام ولي الأمر موافق توكلي على الله ووافقي ..
بس غريبه .. أمك و أختك ليش رافضين زواجك ؟؟ اسأليهم عن السبب . .
مادام ولي الأمر موافق توكلي على الله ووافقي ..
بس غريبه .. أمك و أختك ليش رافضين زواجك ؟؟ اسأليهم عن السبب . .
اختي ...
وافقي .. فأهم شي هو موافقه والدك ... وان شاء الله امك راخ رتضخ للامر الواقع .. ,قد لا ترضخ وقد تشن حرب عليك.. ,لكن اكسبيها بخلقك الطيب وخلق ( زوج المستقبل) وافقي ولا تضيعي الفرصه عليك..
ام جنى
اسفه على التاخر بالرد
ان شاءالله اليوم بيجون الرجال وبتوكل على الله امي كلش مامنها فايده مب راضيه تقتنع بسبب خالتي واختي واقفين في طريقي حسبى الله عليهم وهي تسمع لهم
من بعد ما كلم الولد والوالد خبر الولد ان بيخلص امرنا بس الرجال يجون البيت لكن في اليوم الثاني الوالد اتصل على الولد وقاله قول للنساء يجون معاكم خلاص خبرت امها واقتنعت وافقت على الزواج لكن بنات للأسف في اليوم اللي بعد ماراحت بيت خالتي ؤجعت البيت وهي معصبه ومب راضيه على الموضوع اليوم يوم الزياره امي طلعت مع اختي راحت بيت خالتي مو مفتكره بالموضوع وكانو يطرشون اولاد اختي يخبروني اشتري كل مستلزمات الضيافه وكأن البيت مافي شي من كاسات وصحون والاكل والفواكه والله يابنات من الصبح توني مخلصه اموري حتى صالون مارحت مافي وقت وخبرت الولد اهله النساء مايجون والله اني خايفه امي تفشلني لانها راحت حق اختها والولد راح يجيب فقط الرجال
فرحتي ناقصهمادري ليش كل هالرزاله
ماعليه حبيبتي انتي انتظري بس لما تكوني حلاله وبعدها بتشوفين الامور تتغير ان شاء الله ,,, ربي يوفقكم ويتمم لكم على خير ويسعدكم يااارب ...
احنا خواتك هني وفرحاانين لكـ كثر الدنيا وندعي لك فأفرحي وربي يسهل امورك ياارب ,,,
يابنات ماتتوقعون شنو اللي صار البارحه جاو الاهل عماتي و اعمامي طبعا محد يدري ان النسوان ما بيجون جاو الرجال وقعدو مع الوالد واخوانه وزوج اختي حسبى الله عليه وتكلمو في امور المهر وغيره واعمامي انبسطو من الولد واهله وتفقو على الملكه وعماتي ماقصرو كلمو امي عن سالفه الزواج وقالولها خلاص خليها نشوف حالها وامي ساكته امي شنو كانت مسويه لبست دراعة مطبخ وقعدت واختي لبست عبايه وحجاب علشان يفشلوني جدام اهل الولد لكن اهم من تفشل لان محد جاهم المهم بنات عدى اليوم على خير والرجال من الصوبين طلعو مبسوطين زوج اختي اخذها وطلع معاها وكان يخبرها بكل ماصار وطبعا مايخلى من الكلام الكذب امي طلعت بعد مع ابوي وراحو مشوار صغير علشان كانت تبي تاخذ راحتها بالكلام هل خلصت موضوع البنت او كلشي تمام ابوي رد عليها خلاص خلصنا الامور والخميس الجاي الملكه امي رجعت البيت وتمت تصارخ بشكل هستيري ليش وليش تخلص معاهم كان جيت تشاورني وابوي الحمدالله رد عليها بشكل عدل لزم اخلص امور البنت تمت امي تغلط عليه وتقوله انت من رجال وانت ماعرفت تربيها وهذلين ناس وصخين وكلام قذر كانت تقطه علي وعلى الناس بعدها اختي كملت عليها وقالت لها تراها راحت معاه تسوي فحص قبل الزواج وجت عندي الغرفه امي وتمت اتمد يدها كذا مره علي وتقولي انتي ... ز وانتي ...... كلام شوارع ووصخ ماعرفت شنو اسوي بهالحاله ارد عليها او اسكت مسكت يدها والله يا بنات وطردتها من غرفتي وقلت لها انتي 5 سنين ماتكلميني والحين يوم صار الصج وشفتيني ببتعد عنج جيتي لعند غرفتي وقالت لي الخميس الجاي مافي ملكه محد يطب البيت وسمعت من بنت خالتي ان امي العصر كانت عند خالتي تبكي عندها مادري ليش تسوي جذي تعبت منها يابنات والله على كل اللي سوته امس امي كلش مانزلت دمعه مني على تصرفاتها ومادري هل بنملك الخميس او لا
ملاحظه امس من دعواتها علي تقولي ان شاءالله ياخذج ويقطج مطلقه :thumbs_down:
اممممم ,,, من وجهه نظري ان امك خايفه تروحين عنها !! مادري هل تعتبرك كبنتها او كشيء او ديكور من البيت صعب عليها تتخلى عنه !! بعض الناس فيهم هالحالة ...
لاحول ولاقوة الا بالله ,,, الله يهديها ويحنن قلبها ياارب .. ولا تخافين دام الوالد بصفك وعماتك وعمومك حتى تقدرون تسوون الملكة ببيت واحد منهم اذا والدتك مو راضيه ! بالنهاية راح تواجهه الامر الواقع بانك تزوجتي وخلاص ...
امين يارب مشكوره اختي جزاج الله خيرالمشاركة الأصلية كتبت بواسطة التفاحة الجناوية
الحل باختصار هو الاسراع بعملية الزواج
أمك مع احترامي لإلها يا أما غيرانه من العريس و منك
يا أما بدها ياكي لابن خالتك أو لحدا من طرفها يعني كل هالرفض للعرسان مو محبة فيكي ابدأ
اتزوجي يا عروس و ارمي كلشي وراكي و الزمن رح ياخد حقك حتى من امك و من أختك كمان
اتمنى انك .. تأكدين على ابوك ان ما يتأثر من كلام والدتك ..
وياليت تخبرينه ان الخميس يتمم الامور ويمشي الملكه .. .
اهم شي كتب الكتاب .. بعدها مافي قوه بالارض تقدر تخلي احد يبعدك عن زوجك..
ياليت اختي ما يكون في فتره خطوبه .. ويكون زواج على طول .....
ان شاءالله بكره الملكه ودعواتكم بنات الله يعدي اليوم على خير وامي واختي مب حاضرين الملكه وبيطلعون من البيت بس عماتي واهل الولد بستحمل اليوم من غير امي لان خلاص مافي حل معاها
اسأل الله ان يتمم فرحتك وان يسهل امور زواجك على الف خير
وان تكوني قمرابعين زوجك
وان يهدي النفوس
انبسطي وافرحي ولاتفكري بأي شيء يعكر عليك هذه الفرحةوبأذن الله سيأتي يوم وتتصافى النفوس
سلامي لكي
اختك لارسا بغداد
ربي يتمم لكي على خير يا رب و تكوني من نصيب حبيبك و حبيبك يكون من نصيبك
و ربي يحنن قلب أمك عليك يا رب
مبرووووك حبيبتي وربي يتمم لك على خير ياااااااااارب وماعليه مردها بترضى انتي بنتها مهما يكووون ,,, افرحي ولا تزعلي نفسكـ والبسي احلى ما عندك وروحي صوري مع المعرس بعد عقد قرانكم واستانسي بالخطبة وصدقيني امك بالنهاية بتشوفينها زعلانه لبعدك عنها فقط لا غير وبتفرح لك حتى لو مابينت هالشي وربي يسعدكم مع بعض ويبعد عنكم كل سوء ياااااااااارب ...
السلام عليكم
عدت الملكه على خير امي واهل امي كلهم ماحضرو فقط اهل ابوي الحمدالله ماقصرو ووقفو معاي بهاليوم اهل الوالد كانو يسألون عن امي نحرجت كنت بصيح بس يودت نفسي قد ماقدر واقول مابي اخرب هاليوم علشان انسانه تسمع كلام اختي وخالتي حسبى الله عليهم ثنتينهم الله يجعل كيدهم في نحرهم كل المعازيم طلعو بس بقو عماتي انا ماقدرت اطلع معاه قبل مانظف البيت علشان امي ماتجي وتشوف البيت موصخ وانا اطيح بالسالفه وكل اهل ابوي عرفو شلون امي تعاملني وكلهم قامو ينظفون معاي البيت بعدها طلعت معاه وقت متاخر بس تعشينا ورجعني البيت الا امي عناد قافله عني البيبان وابوي مثل ماتعرفون حالته مستحيل انه بيسمع الجرس او الباب ينضرب وامي كانت صاحيه على حسب كلامها حق اختها تقولها طول الليل مانمت وانا اضطريت اروح مع الولد بيتهم وكنت حاطه في خاطري واحاول قد ماقدر ابين له اني سعيده ومافيني شي ثاني يوم الوالد يه حق امي وسلم عليها وامي تمت تقط علي كلام جدام الولد اهي ..... اهي ...... كلام يخلي الولد يفكر هل البنت صج جذي بس يا اخواتي الولد سحبني لها وقالي حبي راسها ويدها وسويت مثل ماطلب وكانت اختي محد مب في البيت وحس امي رضت لكن بعدها اختي يات وخربت مخها والله العظيم وتمت تقط على لصبي حجي وانا اسمعها بس ساكته
الله يجعل كيدهم في نحرهم اختي وخالتي وكل اهل امي وحسبى الله عليهم ونعم الوكيل
شكرا بنات ماقصرتو على دعائكم لي والله يبلغكم في عيالكم واللي مو متزوجه الله يرزقها بالزوج الصالح واللي ماعندها عيال الله يرزقها بالذريه الصالحه
ربي يتمم عليك فرحتك و يبعد شر خلقه عنك و عن زوجك
ربي يهدي أمك و و يفتح بصيرتها للحق
زوجك إنسان صالح تقربي منه و خليه نظر عيونك و خلي مشاكل العيله بعيد عنه قد ماتقدري إكذبي عليه لا تقولي اهلي و اهلي و امي و خالتي و أختي
إنتي الحين حافضي على نفسك و إستغفري ليل نهار حتى ربي يتمم زواجك و توصلي لبيت عريسك بخير و سلامه
و اختك ربي ياخد حقك منها يا رب اللهم لا تبتلينا بما إبتليت به غيرنا
إنتي بس قوي علاقتك بزوجك جدا و توكلي على الله في كل شئ الإستغفار و التسبيح و الصلاة و القران لاتتركيه أبدا حتى ربي يكون معاك و طالمه الخالق معاك لا تخافي من الخلق
