السلام عليكم و رحمة اللّه و بركاته
كيفكم بنات و إيش أخباركم
إن شاء اللّه الكل فرحان و مستانس
عندي لكم موضوع جديد
و بما إن الأغلبية يعرفون إن مدمنة مناكير (صبغ أظافر- نيل بوليش- حنة أظافر) فموضوعي أكيد له علاقة بالمناكير
موضوعي هو
Labeling Nail Polish
اسمحوا لي ما عرفت الترجمة بالعربي و عصرت هالمخ و ما طاعت تجيني هالترجمة :042:
بس الخلاصة هي فكرة من أفكاري لترتيب مكياجي و تسهيل الحياة عليّ
مدخل طويل للموضوع تحملوني شوّي (وحدة تحب تسولف و حصلت فرصة :055
و الفكرة إني أحط ملصق على غطاء المناكير و على الملصق أحط لون المناكير حتى لما أريد لون معين ما أجلس أحتار و أنا أدور عليه
و اللي خلاني أعمل كذا طبعاً أولاً إن مجموعتي شبه كبيرة (مبرر بس علشان أشتري زيادة ) فأضيع وقت و أنا أدور على لون معين ثانياً بما إن عندي شوية طشونة من OCPD (لا أحد يخربط تراه مش نفس الـOCD ) فأحب إني إذا رتبت شيء ما حد يخرب لي هذا الترتيب و شقيقاتي ما شاء اللّه 4 (ربي يخلينا لبعض ) إذا يستعملون أغراضي ما يرجعونها بنفس الترتيب فأضطر إني أنا أرتبهم من جديد فعلشان أسهل الموضوع عليّ و عليهم سويت هذي الفكرة مع وضع كل مجموعة لونية من نفس الماركة مع بعضها حتى شقيقاتي يعرفون وين يردون المناكير و ما تكون لهم حجة بعد اليوم
الأدوات اللي استخدمتها:
مناكير (صبغ أظافر- نيل بوليش- حنة أظافر)
ملصقات (تحصلونها في المكتبات و بمختلف الأشكال و الأحجام)
و بما إن العملية خذت وقت مني فلازم شيء يغذي و يقوي:
كأس من الحليب الخالي من اللاكتوز (مش شرط تلتزمون باقي الأنواع تنفع عادي و كمان باقي أنواع المشروبات)
مصاصة Lollipop (نسيت أصورها)
يتبع