هلا فديتكم...
مشكورين حبيباتي ايمي ونور على مشاعركم الطيبة وإن شاء الله اسمع عنكم وعن باقي الأخوات العزيزات أخبار طيبة جريب...
نور: حق فحص وبصمات للحين ما اتصلو فيني قالو لي انتظري من اتصال.
ايمي: بالنسبة عن الأسئلة انا الصراحة كنت خايفة لأني ما عرف شي عن الداخلية والحمدلله الملازم اللي قابلني ما سئلني عن شي بس قال لي من عندج يشتغل في الداخلية, وتعرفين طبيعة عملنا انه قلت له لا كنت صريحة قام وشرح لي طبيعة عملهم وبس خلصت المقابلة بسرعة.
موفقين خواتي
:9_33:
وايد وايد زين .. يعني ما سألج اسأله عن الدوله .. او عن الداخليه الحمدلله ..,,
انشالله يا رب .. تنجحين في هالمقابله .. لان انا اعرف ناس .. ما نجحوا في المقابلات .. لان بالمختصر المفيد ما اعطوا اجابه وافيه حق الضابط ,, انا مابي احبطج بالعكس .,, احب البنت اللي واثقه من نفسها ومن ادائها .,,
بس حبذا لو تخلين عندج خلفيه ولو شوووي عن الداخليه ,, ما تدرين عنهم ,, في ناس ما يعجبهم العجب ,,
ومن المتعارف عليه .,, انج اذا بتقدمين في شغل .,, تكون عندج خلفيه بسيطه عنه .,, عشان تكون نسبة قبولج اكبر , واذا تبين تستفسرين عن اي شي .. ما يردج الا لسانج .. سألي واللي نعرفه بجاوبج عليه ,
في كل الاحوال ,, في ناس تحب الخير .. وتسهل على غيرها الطريج.,, وانتي وحده منهم ,, تسهل لج الطريج
أختي ايمي انه الضابط ما سألني عن شي عشان أعطيه اجابة وافية, وثاني شي يوم سألني عن طبيعة عملهم كان يبي يوضح لي ان عملهم في أقسام متعددة وكان يبي يقول لي في اي قسم انه باتوظف ومع مين باتعامل جذي وبالنسبة حق خلفية المعلومات انه توقعت يسألني عن معلومات عامة لأن معلوماتي العامة ممتازة خصوصاً ان بنت خالي سألوها عن أطول نهر في العالم وعن تاريخ الميثاق وغيره, وفي وحده اعرفها كانت مقابلتها عقبي بجم يوم بس قالو لها تعرفين كمبيوتر وانجليزي لكن انه ما سألني بس قال لي انتي جامعية واحنه نفتخر فيج واذا انتي تبين تنضمين لنه احنه نتشرف بقبولج.
مبروك فتح الرابط الجديد
الصراحه تحمسون الواحد للشغل الله يوفقكم يارب
حبيت اسال لو حبيت اقدم شلون اقدم وفي وين التقديم؟؟؟
الغاليه ..,,
التقديم يكون في الجلعه .,,
وسمعت بعد في الاحداث ..
وين صايرين بالضبط مادري ,..,
حاليا .. حسب الي سمعته ان التوظييف موووووووقف وبقوووه بعد ...
الا اذا راجعتيهم اربع خمس مرات يمكن يدخلونج .,,
وفي اوراق وايد عندهم لحد الان مو محركينها . والسبب قبوول اوراق عديده ,,
في كل الاحوال اذا من نصيب الشغل .. راح ياخذونج ..
والعكس صحيح .,,
بس حبيت احطج في الامر الواقع .,,
أختي ايمي انه الضابط ما سألني عن شي عشان أعطيه اجابة وافية, وثاني شي يوم سألني عن طبيعة عملهم كان يبي يوضح لي ان عملهم في أقسام متعددة وكان يبي يقول لي في اي قسم انه باتوظف ومع مين باتعامل جذي وبالنسبة حق خلفية المعلومات انه توقعت يسألني عن معلومات عامة لأن معلوماتي العامة ممتازة خصوصاً ان بنت خالي سألوها عن أطول نهر في العالم وعن تاريخ الميثاق وغيره, وفي وحده اعرفها كانت مقابلتها عقبي بجم يوم بس قالو لها تعرفين كمبيوتر وانجليزي لكن انه ما سألني بس قال لي انتي جامعية واحنه نفتخر فيج واذا انتي تبين تنضمين لنه احنه نتشرف بقبولج.
اختي نور انه ادري ان قبل الفحص والبصمات ما نقدر انأكد أي شي بس انه حبيت انقل لكم اللي صار لي في المقابلة حرفياً لأن كل مقابلة تختلف عن الثانية ناس دخلو عقبي وقالو لهم كلام غير عني وناس طلبو منهم صور ونسخ من الجواز وافادة البطاقة الذكية وناس ما طلبو منهم شي للحين مع العلم انهم دخلو المقابلة وانا عن نفسي للحين مو متأكدة من قبولي أو لا لكني متفائلة بالخير, ولين نادوكم حق المقابلة اذا انتو جامعيات بتشوفون الضباط اللي يقابلونكم اشلون يمدحونكم لأن المعروف عن الداخلية يحبون الكفاءات وايد ويقدمون لهم استثناءات خاصة, عموماً حبيت افيدكم ببعض المعلومات نفس ما تفيدونا انتي وباقي الخوات العزيزات واذا عندكم بعض الاستفسارات بخصوص المقابلة انه حاضرة باللي اعرفه ماراح ابخل عليكم غالياتي,,,
آخر عروض التاجرات النشطة
النمط المتتابع
