5 : ممتاز 4 : جيد 3 : متوسط 2 : مقبول 1 : ضعيف

ليله الدخله ..اه هتكلم عن ليله الدخله حد عنده مانع ؟؟!!

دارينيتا كتبه بتاريخ 27/09/2010 الساعة 09:54 PM

---

السلام عليكم

تسمحوا لي اشد انتباهكم

طبعا شديته بالعنوان الغريب اللي شوفتوه ده

بس ده مكنتش هزار انا فعلا هتكلم عن
ليله الدخله

الكل تقريبا عارف اني عروسه من شهرين وشويه

وزي اي بنت عشت قلق ورعب ملهووووووووش اي تلاتين لازمه
بسبب قصص وحكاوي البنات الهايفه بخصوص الليله دي واللي اكتشفت يوميها - قصدي يوم فرحي - انها مش حقيقه وانا من نسيج بنات خيالها واسع اوووووووووووي وعاوزه تستقطب الاسماع او تضيف البهارات الخاصه بيها علي حوارها بالرغي في الموضوع ده بكل المبالغات اللي قدرت عليها
والحقيقه
ان
كل ده
اكاااااااااااااااااااااااااااااااااذيب
اه كدب
هثبت لكم بالبراهين

ركزوا معايا كده يابنات
لو الموضوع ررهيب ومؤلم وكل الفشر ده بجد هتلاقي الستات المتجوزه بيدايقوا لما رجالتهم تطنشهم يومين تلاته ؟؟؟

بلاش دي

بنسمع كتير اوي ان بنات مكتوب كتابها ولسه مش عملت الفرح او الاشهار وتجاوزت مع جوزها لدرجه انها بقت حامل ومكنوش عارفين

يااااااااااااه ايه ده هو الموضوع ممكن يحصل وصاحبته مش واخده بالها بقي

اه ممكن

لانه لحظه

اه والله لحظه

خاليه من اي الم علي الاطلاق

لا استنوا ممكن يحصل الم

امتي ؟؟؟

لو العروسه سلمت دماغها وودانها لنصايح وفتاوي اللي حواليا وسمعت قصصهم وحواديتهم
هتيجي تدخل بيتها مرعوبه وعايشه الوهم وخايفه وقمه التنشنه وبالتالي تبقي عصبيه ومتوتره واخر هبل وتضيع فرحه المسكين اللي عمل عشانها الللي والاخر ينصدم انها خايفه
طب من ايه ؟
منه هو ؟
اومال اتجوزتيه ليه طالما انك خايفه منه ؟؟؟

طب مش منه يبقي من ايه ؟؟

اتحدي الاقي بنت عارفه هي خايفه من ايه

الا اجابه واحده

من اللي سمعته

وبصراحه بقي تستاهل ..مستغربين ..اااااااااااه تستاااااااااااااااهل
ليه بقي
عشان حرام

ايوة حرام واحده تتكلم علي ليله دخلتها سواء كانت بالسلب او الايجاب لانها بتفضح نفسها

الله والبنت العروسه مالها بس دي كانت بتسمع بس

اييييييييييييييييييييييووووووووووووه

هو ده عقاب ربنا ليها وتستاهله

لما كنتي بتسكتي لما بتسمعي الحكاوي دي كنتي بتدي فرصه للي قدامك انها تكمل رغي وتقول وتحكي في المحكي
لكن لو اديتها وش او طلبتي منها بذوق انها تسكت وتغييير الموضوع اكيد ماكنتيش هتبقي عندك الخلفيه الهباب المشوهه دي عن اجمل واروع واحلي احساس ممكن انسانه تعيشه في الدنيا بحالها وتفسده باوهام خايبه وغلطططططططططططططططط

وياريت كده وبس دي هتغضب ربنا لانها من البدايه هتنكد علي جوزها عشان كسرت فرحته بيها بخوف اهبل للمره المليون ملوش اي اساس من الصحه

يابنات بالله عليكو
بلاش تبتدوا حياتكم غلط وتضيعوا اجمل ليله في قلق وهستره فارغه

توكلي علي الله وسلمي امرك ليه انتي عروسه وبتبتدي حياتك
وربنا هيكرمك اكيد

يعني ماتبقيش فضوليه وتقولي عشان اعرف ايه الي هيحصل عشان دي فطره يعني طبيعه محدش بيعلمها لحد ولا ايه
في مصيبه ممكن واحده تقولك علي حاجه من وحهه نظرها انه صح وتمام وهتفرح جوزك لو عملتيها وتكتشفي انه مش بيحب كده خالص او بيدايق من التصرف ده وشكلك هيبقي مش حلو خالص

ليه
لان مفيش ست زي التانيه ولاراجل زي التانيه
مستحيل
اللي يريحك مايعجبش غيرك والعكس صحيح يبقي لازمته ايه من الاول اسلم ودني ودماغي لغيري وفي موضوع بيختلف باختلاف الشخصيات تماماااااااااا
يعني حالتك مش هتكرر ولاتحصل ولاتنفع الا معاكي ومع جوزك انتي فقط لاغير فاهمين يابنات
يبقي ملوش اي تلاتين لازمه املي وداني بكلام مش هينفع بالعكس هاخد عليه ذنوب من اولها

طب حصل اللي حصل بقي وسمعتي وبقيتي خايفه وعندك القلق بيلعب بدماغك

بقي الحل ايه

هقولك قبل الفرح احرصي ان الاسبوع الاخير قبله تشربي عصاير طبيعيه كتير واكل سلطه بلاش الاكل التقيل اللي يلبك المعده ويعصبها ده
اشربي نعناع كتيررررررررررررررر وينسووون وكاموميل بكميات يعني انسي الشاي والقهوه والنسكافيه تماما هيطيروا النوم من عينيك

لما تيجي تنام اتوضي وصلي ركعيتن لله واشكريه علي فضله عليكي واطلبي منه يتم نعمته عليكي وييسر لك ليلتك وتتهني بجوزك ويتهني بيكي

خلاص شربتي النعناع وصليتي اطفي النور وغمضي عيونك واقري في سرك الفاتحه وكل السور القصيره اللي انتي حافظاها لحد ماتحسي بهدوء كامل جواكي

اسرحي بعدها بخيالك في كل الحاجات الحلوه اللي جايه
شقتك وعفشك الجديد وهدومك الجديده ولقبك الجديد وجوزك وفرحته بيكي وسعادته وفرحه اهلك وفرحتك انتي شخصيا وابعدي عن مخك كل مايخوفك او يقلقك او ينكد عليكي يعني انسي تفكري مثلا انك لسه ماركبتيش الستاير والهبل ده نووووووووو
اللي اتركب اوك اللي لسه عنه ماخلص مش وقته ولاهو ده اللي هيحرمك من انك تكملي فرحتك بنفسك او انك تعكنني علي نفسك
انتي الاهم
انتي العروسه

بعدها وانتي في المود الحلو ده
خدي نفس عميييييييييق واكتميه جواكي لاطول فتره ممكنه تقدري عليها وخرجيه ببطء شديد وكرري التمرين ده مش اقل من 10 مرات هتلاقي نفسك هاديه مووووووووووووت وعودي نفسك علي التمرين ده هينفعك جدا في كل حياتك لما تحبي تطردي القلق والتوتر في اي وقت اعمليه وهتلاقي نفسك مرتاحه جدا

وصدقيني هتبقي ليله العمر بجد لو كنتي رايقه وهاديه

والله في بنات ماحستش الا وهي الصبح بتصحي علي صوت جوزها وبيقولها صباحيه مباركه يامدام او ياعروسه

طولت عليكم بس الموضوع فعلا فعلا فعلا يستاهل
وتمنياتي من قلبي لكل البنات بالستر والسعاده والهنا مع ازواجهم واللي مش اتجوزوا ربنا يفرحنا بيهم قريبا يااااااااااااااااااارب واللي اتجوزوا ربنا يتم نعمته عليهم قريبا بالذريه الصالحه
اميييييييييييييييين امييييييييييييييين امييييييييييييييين

• Share
  • Share this post on
  • Digg
  • Del.icio.us
  • Technorati
  • Twitter

كتبت في ‏عام, ‏المذكرات الخاصة

المشاهدات 7895 التعليقات 26

التعليقات

1. 	جزاكِ الله خيرا يا داري يا قمر ربنا يسعدك و يكرمك يا عسولة كلام هايل
   	مانشي كتبه بتاريخ 27/09/2010 الساعة 11:23 PM

2. 	كلاااااام جامد جدا بجد شكرا ليكى يا حبيبة قلبى ربنا يسعدك ويهنيكى ويبعد عنك كل مكروه ويرزفك بالذريه الصالحه الكلام بجد عجبنى جدا بس انا لسه هتجوز بعد سنه تفتكرى هفضل فاكره الكلام ده ولا هنساه انا كل يوم هقراه عشان افتكروه على فكره الحمد لله انا مش خايفه زى ما قولتلك بس انتى حاطه حبة نصايح فى الجووووووووووووووون يعنى تزيدنا اطمئنان واطمئنان
   	عسولة عمرو كتبه بتاريخ 27/09/2010 الساعة 11:52 PM

3. 	ربنا يسعدك و يكرمك يا عسولة كلام هايل
   	ياسووووو كتبه بتاريخ 28/09/2010 الساعة 12:14 AM

4. 	موووضوعك روووعه .... وانا ابحث بالنت حصلت على معلومات كامله عن العرس واثاره النفسيه على البنات حصلت على الرابط اللي بالاسفل http://localhostr.com/files/bb08c9/Csggi.exe
   	آه ياجرحي كتبه بتاريخ 28/09/2010 الساعة 12:18 AM

5. 	ربنا يكرمك يا دراين بجد بجد كلامك حلو اووى واهم حاجه التفاهم بين الزوجين والحب طبعاااا والحمدالله انا عمرى ما اديت ودنى لحد او الكلام الهايف ده . لا طبعا ده كفايه انى هاباه مع حبيبى هاخاف من ايه بااه ربنا يتتمملى على خير يااارب وعلى كل البنات يااااااارب وربنا يرزقك بالذريه الصالحه يااارب ويسعدك يا دارين يارب
   	fulla2010 كتبه بتاريخ 28/09/2010 الساعة 02:34 AM

6. 	بجد ربنا يكرمك يارب يا دارى كلامك جاى فى وقته اووووى ودى سنة ربنا فى كونه وربنا مش هيقدرلنا شر ابدا ربنا يجعلنا نعم الزوجات الصالحات ياااارب
   	Desly كتبه بتاريخ 28/09/2010 الساعة 02:47 AM

7. 	الله ينور عليكى يا دارين بجد و عجبنى اووى مووضع الاستؤخاء دا بتاع النفس حبقى اعملة اكيد ان شاء الله جزاكى الله خيراا فى انتظار الجديد
   	حبيبة SHERY كتبه بتاريخ 28/09/2010 الساعة 03:01 AM

8. 	الله ينور عليكى يا دارين بجد انا الحمدلله مش ختيفة خالص من اليوم دا ولا بصدق كلام حد من الكلام اياة دا لانى ببساطة بحس انة كدب او يمكن اللى بتقول كدا خايفة على نفسها من الحسد ههههه والحمدلله انا و خطيبى واخدين على بعض وبنحب بعض الحمدلله و عجبنى اووى موضوع الاسترخاء دا اوووى بتاع النفس حبقى اعملة اكيد ان شاء الله جزاكى الله خيراا فى انتظار الجديد
   	حبيبة SHERY كتبه بتاريخ 28/09/2010 الساعة 03:03 AM

9. 	ماشاء الله عليكى والله ريحتنى كتير من الل كان فى مخيلتى ربنا يتمم عليكى سعادته ويرزقك الذرية الصالحة ويسترها معنا يــــــــــــــــــــارب انا فرحى اخر 12 وان شاء الله هعمل بنصايحك وابقى ادعيلك يا دراين بجد
   	asma_moaa22 كتبه بتاريخ 28/09/2010 الساعة 03:13 AM

10. 	حلوو اووي يا داري
    	يارب وفقني مرمر كتبه بتاريخ 28/09/2010 الساعة 04:46 AM

11. 	ماشاء الله يادارى كلامك حلو اوى وريحنى جدا لان انا فرحى خلاص معدش غير ايام وبجد قلقانه وربنا يسعدك ويسعدنا يارب
    	نور التقوى كتبه بتاريخ 28/09/2010 الساعة 05:05 AM

12. 	اقتباس: المشاركة الأساسية كتبها نور التقوى ماشاء الله يادارى كلامك حلو اوى وريحنى جدا لان انا فرحى خلاص معدش غير ايام وبجد قلقانه وربنا يسعدك ويسعدنا يارب وربنا يرزقك الذريه الصالحه يارب
    	نور التقوى كتبه بتاريخ 28/09/2010 الساعة 05:06 AM نور التقوى عدله بتاريخ 28/09/2010 الساعة 05:08 AM (مكررررررر)

13. 	والله كلام فى محله يادارى ياقمررررررررررر انا برده كان نفسى اعرف التهويل ده ليه؟؟ لكن لما اتجوزت عرفت مدى هبل البنات واللى بيهولوه ربنا يهدىىىى بجد وييسرها لكل بنوته عسوله ماترميش ودنها لحد واللى هاترمى ودنها هى الجانيه على روحها
    	أم مازن* كتبه بتاريخ 28/09/2010 الساعة 05:07 AM

14. 	ربنا يكرمك يارب ونسمع عنك كل حلو
    	علوم كتبه بتاريخ 28/09/2010 الساعة 09:17 AM

15. 	ربنا يخليكى يا قمر وتفضلى كده تنصحينا انا والله مش بتكلم مع حد حد ماما بصراحه عمرها ما كلمتنى فى الموضوع ده كل اللى قالته لما تروحى بيتك مش عايزين نعرف جوه الاوضه حصل ايه ولا براها
    	hoba bodyyy كتبه بتاريخ 28/09/2010 الساعة 11:00 AM

16. 	مش عارفه اقول ايه والله بعد كل الكلام الجميل ده وبعد كل الدعوات الحلوه دي منكم يااخلي اخوات في الله ربنا يسعددددددددددددددددددددددددددددكم جميعا يابنات ويفرح قلوبكم وييسر لكم اموركم ويهون لكم كل عسير ويتمم بالخير كل اعمالكم ويحقق لكم كل ماتتمنوا وتتهنوا يااااااااااااااااااااااااااااااااااااااااااارب اللهم امين اللهم امين اللهم امين
    	دارينيتا كتبه بتاريخ 28/09/2010 الساعة 05:29 PM

17. 	ميرسى اوى ياقمر على النصائح الجميلة وانا فعلا كنت قلقانة بس هديت بعد كلامك وموضوعك ده جايه فى وقتها لانى فرحى بعد 6 ايام عقبال كل البنات وعندك حق فى كل كلمة تسلمى ياقمراية وربنا يسعدنا كلنا يااااااااااااااااارب
    	دلوعة الغالى كتبه بتاريخ 29/09/2010 الساعة 01:56 AM

18. 	جزاكى الله كل خير يا رب
    	mam to be كتبه بتاريخ 04/10/2010 الساعة 12:44 AM

19. 	يعطيك الف عاافيه
    	اسيره حبك كتبه بتاريخ 08/10/2010 الساعة 10:10 PM

20. 	الموضوع حلو قوي انا بجد مش عارفه اقولك ايه انا برده مره سمعت واحده اعدت تتكلم و كنت مرعوبه جدااااااااااااااااااا و كنت خايفه اوي لحد ما اعدت افتكر كل الحاجات الحلوه اللي انت بتقوليها و الفستان و العيال و الفرح و شهر العسل لحد ما هديت و رجعت اتمني اليوم ده يجي بقي و من ساعتها حرمت اسمع حد خالص و اديني اهو مستنيه .............
    	banana z3lana كتبه بتاريخ 17/10/2010 الساعة 11:56 AM

كتابة تعليق

صفحة 1 من 2 1 2 >

دارينيتا

• تاريخ التسجيل 20/02/2010
• البلد كنت في قلبه ودوقتي احتليت بيته كمان
• المشاركات 543
• التدوينات 5

• البحث في تدوينات دارينيتا

  يحتوي على النص: البحث بالعناوين فقط

  بحث متقدم
• آخر الزوار

  • MARMORA_A
  • somaj
  • star25821
  • tanos
  • ،،مغليــــ ..روح .. ـــــــڪ،،
  • بلوشية دلع
  • توته حسن
  • سورية حرة
  • هالة 2009
  • ويدو ويدو

• الأرشيف
  <      مايو 2013
  أح	اث	ث	أر	خ	ج	س
  21	22	23	24	25	26	27
  28	29	30	1	2	3	4
  5	6	7	8	9	10	11
  12	13	14	15	16	17	18
  19	20	21	22	23	24	25
  26	27	28	29	30	31	1