السلام عليكم و رحمة الله و بركاته
هلا بكم أخواتي الغاليات...
من أسبوع والدة زوجي ( الله يحفظها ) جابت لي زوجين حمام...و أول ما جات إجازة نهاية الأسبوع قرّرت أعملهم...حمام محشي رز بالخلطه
حاولت أصوّر لكم الخطوات على قد ما أقدر..و الطريقه طبعا...
تابعوا معايا...
بسم الله الرحمن الرحيم...
المقادير :
زوجين حمام ( يكفي شخصين )
كوب أرز مغسول و منقوع لمدة نصف ساعه تقريبا...
الكبد و القوانص التي تأتي مع الحمام
ملح و فلفل و بهارات
الطريقه:
نغسل الحمام كويس و ننظفه من الداخل ( نفس طريقة تنظيف الدجاج )ثم نتبله بالملح و الفلفل و البهارات...و نضعه جانبا حتى ننتهي من تحضير الأرز...كما في الصوره:
الآن لتحضير أرز الحشوه...
أول شيء جيبي كاسة أرز و نظفيها جيدا ثم إنقعيها في الماء...تقريبا نصف ساعه..
نجيب القدر و نحمّر فيه بصله مثل الصوره
مع الحمام في العاده ييجي الكبد الخاصه به...قطعيها صغير و نظفيها كويس...ثم أضيفيها للبصل ( أعذروني ما صورت هذه النقطه )
الآن أضيفي الأرز المنقوع و قلّبي...و أضيفي الملح و الفلفل و البهارات...مثل الصوره
أتركيها 5 دقائق تقريبا مع التقليب....و أغلقي النار...الآن الرز ( نصف إستواء و جاهز )
نيجي لحمام..أعذروني كان صعب أصوّر طريقه الحشو لأنه كنت أحشي بإيدي و ما في حد يصوّر...
المهم نجيب الحمام و نحشيه بالأرز من الداخل...و نحتاج بعدها نغلق الحمامه...في ناس تستعمل الخيط...بس أنا أفضل أعواد الأسنان...مثل الصوره بالضبط
هذا بعد الحشو
هنا صوره أقرب كيف تقفلي الحمامه
و في ناس تحشي الرقبه كمان و تغلقها بأعواد الأسنان
ملاحظة هامة...ما تحشي الحمامه بالأرز على الآخر...ما تنسي إنه بينفش لما يستوي...لذلك إحشي بس ثلثين الحمامه و خلي في فراغ بالداخل
الآن جيبي قدر كبير...و ضعي به ماء و خليه يغلي
بعد ما يغلي الماء...و تذكري إنه لازم يغلي ...ضيفي الحمام واحدة وراء الثانيه...مثل الصوره
راح تلاقيه نفش منك....و طبعا مع قفل الحمامه بشكل جيد ما ينزل أرز كتير في المرق
ليش قلت لك لازم الماء يغلي...علشان لو الماء كان بارد الحمام راح يفك و الحشوه توقع...
المهم بعد 5 دقايق شيلي الزفر من عليه...و تبلي الشوربه بالملح و الفلفل و البهارات...و بصله مقسومة نصفين و هيل و قرنفل...و تتبيلتك المعهوده...
و أغلقي القدر و خليه على نار هاديه تقريبا ساعه أو ساعه و ربع
بعدها بيكون الحمام إستوى...طلعيه و حمريه في زبده...بيطلع مثل الصوره
صوره أقرب
أعذروني حرقته شويه...مريم و ساره الله يسامحهم لهوني و خلوني أنساه دقيقه :o
المهم...الشوربه اللي طلعت لك بيكون طعمها لذيذ جدا جدا...هي لوحدها غداء...
و هذا الشكل النهائي...للحمام و الشوربه...قولوا ما شاء الله لا قوة إلا بالله
طبعا ما لحقت أصوّر السفره كلها...الكل منتظر يتغدى...بس تضيفي معاهم الأرز المتبقي من حشو الحمام..يعني تطبخيه...و سلطة خضراء...
و ألف هنا و عافيه على قلوبكم (f)
أي سؤال أنا حاضره...و ما أحب موضوع النقل بدون ما تعطي مجهودي حقه في ذكر إسمي عليه
رد مع اقتباس
