حبيت أعرف إسم أحسن كريم تفتيح جربتوه يا بنات
يالاه لا تخدلوني أريد تفاعل أرجوكم (f)
حبيت أعرف إسم أحسن كريم تفتيح جربتوه يا بنات
يالاه لا تخدلوني أريد تفاعل أرجوكم (f)
[COLOR="Magenta"]انا عن نفسي و لا مرة استخدمت كريم تفتيح .. لانس احس هالكريماات لا منها و لا عليها يعني ما تسوي شي .. ان شاء الله للي يعرفوون يخبرووونج
أحسن كريم تفتيح تجاري هو كريم ماجيك اميرة الأصلي ويبيض من خلال خمس إلى 7 أيام ونتايجه مضمونة
فديتج اناعندي الحل انا فعمري ما استخدمت كريمات تفتيح ولازم اول شي تعرفين قصتي عشان تقتنعين
كنت اعاني من سمار ويهي ويديه لان جسمي ابيض كلمة متعقده شويه والمشكله محد من اهلي يعاني من نفس الموضوع واي حد يشوفني يسالني شو سبب هالسمار وريلي رايح راد ما عنده الا هالموضوع كله يسالني متى بيكون ويهج ويدينج نفس لون جسمج وكل ما يقولي اتعقد اكثر
وكنت استحي حد يشوف يديه لان ويهي احطله بودره وما يبين والله كاني لابسه قفاز اسود فايدي واعاني من هالمشكله صارلي ست سنوات وحتى خواتي وخواني يقولولي وكنت انحرج من اخواني بس جدامهم اضحك وقولهم هذا كله من اثر الحمل وكنت ادري انه من قبل
المهم قالتلي وحده عن دكتور معروف وايد وهيه معالجه عنده ومستويه قطنه ورحت عند نفس الدكتور ودفعت 1800درهم ولا نفع ويايه وتعقدت اكثر من اول وبعدين قالتلي وحده عن الخلطات الي يسونها الحريم وشتريت وربايعي يتغير لونهم بس انا مستحيل وبعدين قالولي عن عياده يسوون ليزر ويعالجون البشره ورحت وقالتلي انتي بشرتج حساسه ومحترقه من الشمس وأول دكتور قالي نفس الكلام وقالتلي يبالج جلسات عشان يرجع لونج الطبيعي وكل جلسه 400 درهم وانتي محتاجه خمس جلسات ووافقت وخلصت ولا شي تغير فيني
وستغربت تقول ان الحريم من ثاني جلسه يرد لونهم الطبيعي وكنت عارفه انه ماشي بيتغير فيني لاني متعقده
وبعدين شفت دكتوره فالتلفزيون وبعد اشارك فبرامج للبشره قلت خلاص وصلت للي انا اباه بس قلت بعد بسال عنها اكثر وسالت ومدحوها حوالي خمس من ربايعي وقالولي روحي وانتي مغمضه
المهم رحت وقلتلها اهم شي يديه اباهم نس لوني وقالتلي نفس الشي بشرتج حساسه وهذا سببه الشمس
وقلتلها انا احط واقي وقالتلي لا تخافين ان شاالله هذا كله بيروح بنسويلج تقشير وبنتابع حالتج
وسويت والريل يدفع والله ما اذكر كم خذت عني فلوس وتقشر ويهي وكل يوم نحط هالكريمات ولا شي تغير فيني وتعقدت اكثر وبدا ياثر فنفسيتي ليش كل هالامور تنفع مع الغير الا انا
وبعدين كلمت وحده وشكيتلها همي وقالتلي انا مثلج بس حصلت الحل دكتوره وايد ممتازه وبوديج ورحنا وعطتني نفس الي عطته ربيعتي قالت انتو بشرتكم نفس الشي وربيعتي صار لونها روعه وانا ما اتغير وانصدمت وعرفت ان بشرتي من المستحيلات وريلي رحمني وقالي خلاص لاتسوين شي بشرتج وايد تعبت من التقشير والكريمات وفقدت الامل
وفيوم اتصلت فيني اختي وقالتلي انا خذتلج هديه تعالي عندنا البيت الله هديه اكيد عطر لاني انا وايد احب العطور
المهم رحت وشفت الهديه شو الهديه صابونه وقالتلي بتنتهي عقدتج في وحده مجربه هالصابونه قلتلها انا قبل مجربه صابونة الكركم وغيرها الف صابونه قالتلي هذي غير
بكمل بعدين ريلي يا من الدوام :Zb_sor1::Zb_sor1::Zb_sor1::Zb_sor1::Zb_sor1::Zb_s or1::Zb_sor1:
مره وصيت على كريم من اوروبا ربيعتيه مجربتنه واستخدمته وستويت ورديه ويا فرحه ما تمت وقفت الكريم ورديت أخس عن قبل
لا ومره اربيعتيه خبرتني عن كريم للهالات من كينيبو سعره ما يقارب 500درهم وطيران انا وريل وخذته وبعد ما نفع وانا تعقد اكثر واكثر
وبعدين قالي ريلي اسالي خواتي ولا خواتج عن سر بياضهم قلتله هذي طبيعتهم ويوم قالي نفسيتي اكثر تعبت لاني حسيت .. :cry::cry::cry:
المهم خذت الصابونه عن أختي وما أستعملتها وريلي ما شجعني أستخدمها وقلت مثلها مثل غيرها وأختي سافرت هيه وريلها علاج
وبعد شهر أتصلت أطمأن عليها وسألتني بشري استخدمتي الصابونه وأنا أضحك طبعا لا وسبتني سب وحرجتني بكلامها
وذكرتني بعقدتي وبندت عنها وانا وايد زعلانه بس كنت اعرف ان هيه تبا مصلحتي
ويلست وايد افكر فكلامها وقمت أدور هالصابونه الي زعلت أختي مني وحصلتها لكن ما أعرف كيف استخدمها
وطرشتلها مسج أسألها لاني مستحيه منها أستخدمتها مدة أسبوع على ويهي ويديه وما كنت الاحظ شي ولاريلي لاحظ ولا كان بيطير من الفرحه
وأنا ما خبرت حد عن الصابونه و فنفس اليوم يتني ربيعتي ونحن يالسين وهيه كله اطالعني وانا أقول ان شالله تقولي شي عن ويهي ولا يديه
قالتلي انتي فيج شي متغير انتي محلوه بشرتج غير عن اول وبس ما كثرت وعرفت ان الصابونه لها دور
وكنت استخدمها الصبح وفي الليل قبل لا أنام وكانت تخلي ويهي جاف وما كنت اقربها من عيوني ولها طريقه فالاستخدام وما احط أي كريمات بس الصبح كريم مرطب بعد ما اغسل ويهي
المهم بعد عشر ايام من استخدمتها صارت تحرقني وايد وريلي قالي ودريها طبعا قتله لا لا لا لأن فاليوم العاشر أنا لاحظت ان لوني متغير وفرحت وايد ولو شو اوصفلكم فرحتي ما بتصدقون
يلست أصيح من الفرحه مع اني مش متغيره وايد بس قلت الحمد لله بدايتها خير والله لو مب أختي عصبت عليه لاني ما استخدمتها مستحيل كنت استخدمها المهم كملت أسبوعين من بداية أستخدامي للصابونه
قمت الفجر أ صلي وانا أتوضأ شفت وحده حلوه فالمرايه بيضه وخدودها ورديه والصراحه خفت والله يشهد عليه اني ما عرفت للوهله الاولى ان هذي أنا ورجعت اشوف منو هذي معقوله هذي أنا والله يشهد عليه شي ولا فالخيال أنا مش مصدقه نفسي
أطالع نفسي فالمرايه هذي انا ورحت عند ريلي وتفاجأ وفرحلي وايد وشفت الفرحه فعيونه لانه يعرف معاناتي وفنفس اليوم رحت السوق اشتريت منكير فخاطري من زمان بس ما اقدر احطه وايدي سمره يسمرني اكثر
وقررت أروح أزور اهل ريلي وحط المنكير ابا اشوف خواته حد منهم بينتبه لانهم وايد يحبوني الحمد لله ورحنا ومحد قالي شي كلهم عايبتنهم جلابيتي ويتكلمون عن جلابيتي ومحد انتبهلي وبديت اتوتر وقلتلهم ما في شي متغير فيني قالولي محلوه وبس انزين شي ثاني قالتلي وحده الصراحه ونحن نتعشا كله أشوف يدينج شو هالبياض وفرحت وايد .
لو ما قلت معاناتي محد بيستفيد ومحد بيتعلم من اخطأه يعني انا كم عانيت وما خليت شي ما سويته واخرتها هديه من اختي عباره عن صابونه حلت كل مشاكلي
واتمنى من الاخوات يخلوني اكمل وبعدين بقولهم عن الصابونه والاشياء الي سويتها بعد الصابونه اباكم تعيشون الفرحه ويايه ومعاناتي باقلها سطرين بس وبتعرفون السر
المهم رحت بيت اهلي وكان يوم تجمع عائلي وههنيه كانت المفاجأه تقول عروس داشه عليهم
الكل يطالعني ومحد يعرف سر بياضي الا اختي المسافره وما كانت موجوده وكنت بس حاطه بودره خفيفه واحمر خدود وطالعه غير
والكل يسألني ماشاالله شو هالبياض ويدينج بيض لالالا في شي مش طبيعي
وحده قالتلي انا شفت ناس يبيضون لكن ما يكون واضح عليهم هالكثر وانا وايد مستانسه هم ونزاح والحين بقوللكم سري الصابونه اسمها
placenta
وانا مستعده لاي استفسار واذا بغيتوني اكمل عن سر بياضي وكيف حافظت عليه ما عندي مانع
وسعر الصابونه رخيص اختي اشترتها 25درهم لانه من عند حرمه
وربايعي حصلنها 5دراهم ولي حصلها 9دراهم بس تقريبا الون اشوي يختلف
بس ربيعتيه جربت ام 9 ونفعت وياها وانا اشدد واقول بشره عن بشره تختلف ولون علبتها اخضر والصابونه لونها برتقالي ومكوناتها اعشاب
اتريا الردود وباركولي
اسم الصابونه placenta ؟؟؟؟ يعني مشيمة؟؟ لايكون مصنعينها من المشيمة x_x لاعت كبدي...
بس مشكوره على الأفادة.. يمكن فيه احد بيجرب
مشكوره اختي على المرور وما قصرتي
اهلين اختي
يارت اتقولين لنا شنو صناعتها؟ علشان ندورها وبعد وصفيها لنا شوي وصف دقيق
وياريت اتكملين لنا القصه
مشكوره
هذي هي ؟؟؟
http://go.3roos.com/vYfWCBNpjXg
فديت روحج هي ومشكوره على المرور ومصنوعه فالفلبين ومكتوب على العلبه من الخلف حلال واي استفسار من عيوني
اوكي بشوف اذا احصلها
انزين يعني السر بس الصابونه ولا في بعد اشياء وياهاا؟؟؟؟؟؟؟؟
لكل وحده تسأل عن بياض اليدين استخدمي الصابونه وانتي مغمضه وهي تجفف شوي بس عادي واول شي بيض يديه الصابونه وانصح الكل يستخدمون خلطة الكلونيا للاخت حور الجنان روعه روعه لليدين واكثر من روعه وتسوي ماسك الطحينيه وحليب بوقوس وزيت زيتون وليمون وشوية طحين وتسوي ماسك القرفه والعسل والي تعاني السواد الي انا كنت اعانيه بعد ما جرب بتدعيلي الله يشهد عليه ان يديه الحين ابيض عن جسمي واي استفسار من عيوني
فديتج اخت دخان انتي تتكلمين عن ويهي بس ولا شوه حدديلي
الغاليه همس الفجر انتي تقصدين الصابونه ولا الخلطه ولا الماسكات وسمحولي
الله يوفقك اختي
احييك على طيبة قلبك وان شاء الله اطبق اللي قلتي
بس عندي سؤال
هل الصابونه هي صابونة البابايا
اشكرك من كل قلبي