روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 1 من 3 123 الأخيرةالأخيرة
النتائج 1 إلى 15 من 41

الموضوع: الي يوم ميلاد زوجها قريب تدخل!

  1. #1
    عروس جديدة
    تاريخ التسجيل
    07/04/2003
    الدولة
    الامارات
    المشاركات
    26

    الي يوم ميلاد زوجها قريب تدخل!

    بنااااااااات أول شي السلام عليكم ورحمة الله وبركاته
    بنات انا يوم ميلاد زوجي علشهر 8 ان شاء الله ومحتاره شو اشتريله؟ كنت باخذله موبايل بس هو راح واشتراله واختربت كل خطتي ومشروعي لهذا اليوم :down:

    وما ابا آخذ له عطر لاني خذتله قبل مليون غرشه وصعب اعرف ذوقه تعبت لين ما احصل شي تعيبه:eek2:
    أبا اشتريله شي يديد ابا فكر يديده :s2
    وخاصه زوجي من النوع الدفش يعني ما يحب الشغلات العاديه ومب اي شي يعجبه :s2 اذكر مره يبت له دبدوب صغير روعه قالي انا مب ياهل :s2 ومره يبت له غرش عطر ما له نصيب حسدو الريحه وجان تنكسر الغرش :s2
    الحين خبروني شو ايب له؟؟؟؟؟

    لا تقولولي محفظه باسمه لانه اهديتله وزين انه عيبته بس طلع 60 عيب فيه :s2 ولا تقولولي روب والا لبس والا والا قميص والا والا لانه دفش ما يحب هالشغلات :s2

    عطوني فكره حلووووووووه :confused:

    لو تعطوني خطه شو اسوي في هاليوم واباها تكون ليله رومانسيه افاجاءه به.. وانا اقص ايدي لو ما قال ما في داعي لهشغلات بس انا بعاند وبسوي لاني وحده رومانسيه وتحب هالشي :eek2:

    سمعو خطتي.........
    انا فكرة اني اسوي عمري تعبانه في هاليوم وطبعا بكون شاريه كيك ومعلقه الزين والبلونات باسمه 2 (بعامله شرات الياهل) وبجهز له المخبوزات لان في نفس اليوم بيصادف يوم ميلاده ويوم اول مه نلتقي فيه (يعني لازم يكون يوم مميز صح) :cool2: ويوم بيدخل الغرفه بيبطل الليت وبيشوف انها مرتبه ومعدله على حسب الخطه (مع انها يديمه شوي) :pain: وبتعدله وبلبسله شي يديد وبطلعله من وراه (خفاش مب آدميه) وطبعا بنيلس وبنسولف وكل شي وعقب بعطيه هديه (هنيه أبا همتكم شو في رايكم اعطيه وكيف اغلفه+ ولازم يكونون هديتين لمناسبتين في يوم واحد) ......... اتريا التكمله منكم! :shy:


    واذا عندكم افكار يديده مجربه او غير مجربه خبروني وانا بجربها وبرد لكم خبر ان شاء الله

    استناكم 2

  2. #2
    عروس برونزية الصورة الرمزية عبير الشوق
    تاريخ التسجيل
    29/04/2003
    الدولة
    Q8
    المشاركات
    1,640
    اختي العزيزة .. انا لي صديقة سوت شغله واايد حلوة ... يوم عيد ميلاد زوجها كان عنده مناوبة بالليل .. يعني ما يرد الا 9 او 10 بالليل ... هي غابت هاليوم عن دوامها الصبح وما قالتله .. تدرين شنو سوت .. حطت زينة وبالونات صفر بالشقة كلها .. وعليها رسومات قلوب و اسمه .. وسوت كيكة هم لونها اصفر و عليها صورة زوجها .. وشرت الزري الذهيب ونثرته بالشقة و على الفراش .. و حطت ورد اصفر على الفراش .. و لبست قميص نوم اصفر بذهبي ومكياج ذهبي .. وقالتله انها بتروح بيت امها وسوت نفسها ناسية انه اليوم عيد ميلاده .. و عشان الخطة لا تخترب .. خلت السايق ياخذ سيارتها و يوديها بيت امها لانها المفروض مو موجوده ولما دش الريال بغى يطيح من الكرتونة اللي ما شافها من الظلمة فتح الليت و شاف الزينة و الدنيا بس عروستنا منخشة .. فتح الكرتونة ولقى دبدوب كبييييير حاضن علبة موبايل يديد هني طلعت عروستنا .. وعطته الهدية الثانية اللي كانت خبر انها حامل :o هني فعلا ين الريال .. و عقب الكيك و العصير طلعو تعشو برا عكس الناس .. الحلو قبل الاكل شرايج ؟؟؟

  3. #3
    عروس نشيطة
    تاريخ التسجيل
    15/02/2003
    الدولة
    الولايات المتحدة الأمريكية
    المشاركات
    123
    masha2laaaaaaaaaaaaaaaaaaaa mara 7iloo.. a3milee 7arakat jadeda ma gad 3amltiha la2noo al rejal ye7boo al shy al jaded...wallah ma3akee

  4. #4
    عروس متألقة
    تاريخ التسجيل
    21/12/2002
    الدولة
    الإمارات العربية المتحدة
    المشاركات
    231
    و عن الهدية . انا بعد .. خطيبي . عيد ميلاده عشهر . ثماانيه.. وقررت اشتري علبه .. من العلب اللي تنبااع في المحامص ومحلات الحلوياات . عندهم علب حلوه وايد مال هدايا .. وبرد بغلفها على كيفي .. وبشتري ورد مجفف .. وبحطه في العلبه ... وبشتري الهدايا اللي هي عباره عنه عطرين (Dkny+ Gorgio aromin )و بوك وعلبة كاكاو من باتشي لانه يحبه وايييد .. وبغلف الهدايا بنفس تغليفة العلبه . وبزين الهدايا بالورود والشراط والعلبة نفس الشي . وان شاء الله تعيبج فكرتييه .. ولو انه واييد SIMPLE

  5. #5
    عروس جديدة
    تاريخ التسجيل
    07/04/2003
    الدولة
    الامارات
    المشاركات
    26
    مشكوررررررررررات والله ما قصرتو
    والافكار اتينن وان شاء الله بجربها

  6. #6
    عروس جديدة
    تاريخ التسجيل
    07/04/2003
    الدولة
    الامارات
    المشاركات
    26
    بس المشكله انا شو اسوي عشان ابينله اني نسيت وين انخش بيزخني!عطوني جذبه بيضه عشان ابين له اني نسيت :confused:

  7. #7
    مشرفة سابقة الصورة الرمزية ايما
    تاريخ التسجيل
    12/04/2003
    الدولة
    ksa
    المشاركات
    279

    اذا حبيتي تاخذي شي غير الموبايل خذي organizer مفكرة الكترونية يكتب عليها بقلم الكتروني وتتوصل بلإنترنت وممكن يعمل تنزيل برامج سعرها تقريبا نفس سعر الموبايل واذا كان يحب الإلكترونيات اكيد بتعجبه
    أنا شريتها لخطيبي لما تخرج ومررررررررررررة عجبته
    وهذا هو






    ايمــــــــــــــــــــــ ـــا

  8. #8
    مشرفة سابقة الصورة الرمزية عروس قديمه
    تاريخ التسجيل
    26/01/2002
    المشاركات
    2,851
    وسيله بوستر..وعلقي فيها شموع مع صوره مكبره له....وعبارات حلوه...

    طبعا بتقولين كيف اعبق الشموع..بقولج سوي ستاند عن طريق البلاستيك مالت علب الاشرطه...

    انا سويتها لريلي واااايد تأثر

  9. #9
    BINT_LIWA
    زائر
    افكاركم وايد حلوه ما شاء الله :clap::clap:

    انا عن نفسي بظيف فكرة للهدية اما الحركات فهيه احسها بتكون لا ايراديه انشاء الله تظبط معاج ................

    المهم بالنسبة للهديه ليش ما تفكرين تاخذيلة ميداليه للمفاتيح تكون ماركة وحلوه وبسعر مناسب وايد ........ ولا مسباح بتلاقينه في محلات الذهب ...... وبعد باسعار جدا معقوله ............ ممكن يستغل هذا المسباح يحطة في سيارته......... :smile:


    شوه رايج :cool2:

  10. #10
    عروس جديدة
    تاريخ التسجيل
    20/05/2003
    الدولة
    دار زايد
    المشاركات
    16
    ليش ما تاخذيله ســــــــــــــــــــــــ ـــــــــــــــــــــاعه
    انا ريلي خذتله ساعه(ترى الرياييل ما يكشخون الا بالساعاااات)وتكون ماركه
    وخذتلهعطووور نوعيله بين العطووور العربيه والفرنسيه
    وغلفيهااااااااابشي حلو واهم من هذا كله الابتسااااااااااااااااااا ااااامه الحلوه

  11. #11
    مشرفة سابقة الصورة الرمزية مرمر
    تاريخ التسجيل
    24/12/2001
    الدولة
    في الغربه
    المشاركات
    2,223
    حتى انا محتاره شو ممكن اهدي زوجي مع انه باقي وايد على يوم ميلادة ..من يوم ميلاده الى طاف و انا افكر شو ممكن اعطيه ..

    استغليت معضم الهدايا في خلال سنه في مناسبات مختلفه

    اول هديه كانت برواز صورتي و صورته يوم ملكتنا

    و بعدها ساعه
    و بعدها محفظه
    و بعد اعطيته بزمه (من ماركت اغنر لان شعار الماركه حرف A و اسمه يبدا بالحرف نفسه)

    و اخر هديه كانت قلم ...

    و يوم سافر جبت صندوق و حطيت له فوطه و سجادة و طقم عطر و وردة

    اختي البحر الأزرق ممكن مثل ماقالوا الخوات تشترين له ميداليه مفاتيح او ممكن بزمه او قلم و اختاري ماركه معينه ..مثل ما سويت ..يعني اذا يبدا اسمه بحرف A عندج اغنر ... و اذا يبدا بحرف K عندج كارلوف ... و اذا يبدا بحرف F عندج فيندي ..و بعد ماركات ثانيه ... لان كل هذي الماركات شعارهم يبدا بهذي الاحرف ...يعني بيستانس شايل قلم او بزمه او ميداليه بحرفه و بنفس الوقت ماركه عالميه يكشخ فيها



  12. #12
    عروس متألقة الصورة الرمزية اليكه
    تاريخ التسجيل
    01/02/2003
    الدولة
    الإمارات
    المشاركات
    257
    انزين فلنفرض انه وحدة هدت زوجها كل هالهدايا السابقة و حابة تهديه شي يديد شو تقترحون؟

    أنا زوجي هديته طقم ساعه روعه من جيفنشي مع بوك و قلم و نظارة و بزم ...و هديته عطور بس ما حبهن لأن ذوقه صعب في العطور
    هديته مجموعة عطور دهن العود
    و آخر هدية هديته إياها كانت نعال سيزار باشوتي
    و لا تقولون لي إهديه ميداليه لأن سويج سيارته قنبله ما يستحمل أزيده كعكعكعكعكع
    سويج رمود كونترول
    لا تقولون لي موبايل لأنه عنده أحسن 3 أنواع و مب محتاج زيادة
    لا تقولون لي فوط أو روب حمام أو بيجامات لأنه ما يلبسهن
    لا تقولون لي براويز أو تحف لأنه ما يحب هالسوالف!!
    لا تقولون لي دباديب تراه زوجي عمره 34 بس مكبر عمره و يغار مني يوم يشوفني أيمع الدباديب و ياخذهن و يفرفرهن و يقولي متى بتكبرين عن هالسوالف :cry:
    مكبر عمره
    أبا شي راقي وايد و غالي بس مب وايد وايد يعني من 3000 إلى 10000 درهم بس
    يالله همتكم معانا :smile:

  13. #13
    عروس متألقة
    تاريخ التسجيل
    17/04/2003
    الدولة
    فرنسا-باريس
    المشاركات
    219
    عزميه في فندق وناموا ليله فيه واجلسوا احلى ليله رومنسيه فيه

  14. #14
    عروس مشاركة
    تاريخ التسجيل
    17/03/2003
    الدولة
    ارض الله
    المشاركات
    62

    فزعتكم !!!!!!!!!!

    عيد ميلاد خطيبي لسبوع الجاي
    وياريت تعطوني من افكاركم
    وحركاتكم شيء حلو ورومانسي
    واخليها ذكرى ماينساها طول عمرة


    :smile:

  15. #15
    عروس جديدة
    تاريخ التسجيل
    18/05/2003
    الدولة
    الجزيرة العربية
    المشاركات
    39
    أن في فكرة الهدايا ، أشتري الهدية اللي أحس أنها تنقصه وبعدين ما أغلفها بجلاد ، بس أربطها بشرائط متناسقة الألوان وهذي الفكرة عجبت صاحب المحل ، وقرر أنه يعرضها على الزبائن عشان تكون فكرة محمسة ، أتمنى أنها فكرة جديدة وعجبتكم بعد;)

    يعني العطر مثلا إذا ما حطتيه في كرتونه فمجرد تربطيه من العنق بشريطة بحيث أنها شوي مموجة ونازلة ، كثير حلوة

صفحة 1 من 3 123 الأخيرةالأخيرة

المواضيع المتشابهه

  1. عيد ميلاد زوجي قريب
    بواسطة wjdan*um ZoZ* في المنتدى استفسارات أفكار و خبرات
    مشاركات: 11
    آخر مشاركة: 16/06/2009, 06:33 PM
  2. عيد ميلاد زوجي قريب
    بواسطة امولة في المنتدى ركن العطور
    مشاركات: 13
    آخر مشاركة: 24/04/2008, 11:39 PM
  3. عيد ميلاد زوجـــي قريب
    بواسطة تيا111 في المنتدى استفسارات أفكار و خبرات
    مشاركات: 4
    آخر مشاركة: 10/01/2008, 03:24 PM
  4. عيد ميلاد زوجي قريب
    بواسطة أم قيصر في المنتدى أفكار و خبرات
    مشاركات: 4
    آخر مشاركة: 13/05/2005, 04:09 PM