روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 1 من 7 1234567 الأخيرةالأخيرة
النتائج 1 إلى 15 من 101

الموضوع: الكتم لشعر أسود جذاب

  1. #1
    عروس متألقة
    تاريخ التسجيل
    15/06/2002
    الدولة
    خليجنا واحد
    المشاركات
    232

    الكتم لشعر أسود جذاب



    السلام عليكم ورحمه الله بركاته

    خواتي مين منكم ماسمعت عن الصبفه لسوداء اللى تشبه الحنا اللى تصبغ الشعر باللون الاسود
    لون حلو يعني مو على زراق وبعد الشي الحلو فيها انها مو حرام لان الرسول صلى الله عليه وسلم قال بما معنا غيرو السواد بالحنا والكتم...



    انا بعد ماسمعت من كذا وحده استخدمته تحمست استخدمه لاني ابغى لون شعري اسووووود:shy:

    بس خايفه لأثر على شعري لاني من فتره حطيت حنا وانتو عارفين الحنا يثبت في الشعر...


    سؤالي للى يستخدمون الكتم

    1.. عادي استخدم الكتم بعد الحنا ولا استنى كم شهر؟

    2..هل الكتم يجفف الشعر او يكسره وهل هو ينعمه ....ولا السالفه بس لون(w)



    بلــــــــيز اللى تعرفه ترد على
    (f) (f) (f) (f) (f)

  2. #2
    عروس متألقة
    تاريخ التسجيل
    09/09/2006
    الدولة
    في عيونــــها
    المشاركات
    214
    مرحبا اختي مها الامروه انا صراحه امي دايم تستخدمه وانا للامانه استخدمته مرة وحده بس لاني مااحط دايم حنا...

    صراحه الكتم يجنن لشعر ومثل ماقلتي يخلي الشعر اسود لان الشعر بعد الحنا يفتح اللون اشوي ويصبغ في فروة الراس احيانا"...

    طريقه استخدامه::
    بعد ماتحطين الحنا وتتسبحين لاتغسلين شعرك بالشامبو بعد الحنا .... ثم اخذي اشويه كتم مع اشوية زبادي (يعني ملعقتين تقريبا") واشوية ماي دافي وتخلطينه اشوي وتتركين خمس دقايق وبعدين حطيه في شعرك ووزعيه بطريقه عدله في الشعر واتركيه لمده ساعه تقريبا" وبعد ذلك اغسلي شعرك بالشامبو ،، هو بيكون اشوي ثقيل وجامد بس افركي عدل وبالعدال... بس صراحه يجنن ويخلي الشعر اسود...
    بس اذا تبين يكون اسود خليه تقريبا" ساعه بس اذا نفس لون شعرك تقريبا" يعني مو غامك كثير خليه نص ساعه...


    حبيبت الكتم لون وينعم الشعر... واهم شي اللون... لان الحنا يفتح اللون ومايكون لونه حلو احيانا" في الكتم يغمقه ويرجع لون الشعر ويغمك الى الاسود..


    اي سؤال الغــــرور موجوده,,,, <<<<< وامي بعد في الخدمه


    تحياتي

  3. #3
    عروس جديدة
    تاريخ التسجيل
    14/03/2006
    الدولة
    السعوديه
    المشاركات
    8
    أنا أول مره اشارك وبصراحه الموضوع شدني ودي اغير لون شعري والموضه هالسنه
    طالع الالوان الغامقه وخصوصا اللون الاسود الطبيعي المايل للزراق بس ودي اسال وشو هو الكتم وهل هو ينفع للشعر المصبوغ؟ وانا ليه اسبوعين صابغه شعري ودي اغيره ابي نصيحتكم......

  4. #4
    عروس رائعة
    تاريخ التسجيل
    06/06/2004
    الدولة
    sauid
    المشاركات
    1,025
    حبيت اسالكم الكتم مو هو نفسه الحنا الاسود واذا كان نفسه انا سمعت من كثير انه يسوي ساقط للشعر كثير قالوا لي ابعدي عنه بالرغم انه نفسي فيه

  5. #5
    تاجرة الصورة الرمزية قريش
    تاريخ التسجيل
    08/12/2004
    الدولة
    الحجاز
    المشاركات
    559
    الكتم يختلف عن الحناء ..

    الكتم لما تخلطينه بالماء يصير لونه أزرق على بنفسجي .. غير عن الحناء

    وصحيح الرسول صلى الله عليه وسلم ذكر الكتم في بعض أحاديثه ..

    عن النبي صلى الله عليه وسلم أنه قال : " إن أحسن ما غيرتم به الشيب الحناء والكتم "

    الكتم نبت ينبت بالسهول ، ورقه قريب من ورق الزيتون ،
    يعلو فوق القامة ، وله ثمر قدر حب الفلفل ، في داخله نوى
    إذا رضخ اسود ، وإذا استخرجت عصارة ورقه وشرب منها قدر أوقية ، قيأ قيئاً شديداً ،
    وينفع عن عضة الكلب ، وأصله إذا طبخ بالماء كان منه مداد يكتب به (أي: حبر).



    بنـــات تلاقونه عند العطّارين ..

    وسمعت إن أحسن نوع من الكتم ( المديني ) يعني المزروع في المدينة .. والله أعلم

    أنا خالتي عمرها مقارب الـ 55 وتعرفون ما تعرف للصبغات والخرابيط هذي

    فتستخدم الكتم على طوووول وشعرها لووووونه أسود ما شاء الله ..

  6. #6
    عروس متألقة
    تاريخ التسجيل
    09/09/2006
    الدولة
    في عيونــــها
    المشاركات
    214
    مرحبا حبيباتي...

    رسيل الشوق الكتم ينفع للشعر المصبوغ لان هو بطبيعته يغمق الشعر الفاتح... ويمكن احسن من الصبغات....

    واذا تسألين عن الكتم هو موجود بالسعوديه.. والاخت قريش وفت وكفت بهالموضوع...



    فجر الخيول الكتم غير عن الحنا السوده... وهو مفيد وانا امي تستخدمه من زماااااااااااااااااان لان احسن من الصبغات...
    بالمختصر امي بعد ماتحني شعرها اتحط الكتم لان بعد الشعر الابيض ياخذ لون الحنا اللي مايل للبرتقالي او الاحمر ،، واذا استخدمتي الكتم يرد لون الشيب الى تقريبا" لون الشعر الاصلي بس يغمقه وكل ماتبينه اغمق كل ماتطولين بالمده...


    وتحياتي

  7. #7
    عروس متألقة
    تاريخ التسجيل
    15/06/2002
    الدولة
    خليجنا واحد
    المشاركات
    232



    الغـــــرور(f)

    الله يسلمكِ حبيبتي انتِ وامك ماقصرتي كفيتي ووفيتي الله يجزاكِ الجنه.


    رسيل الشوق(f)

    شكرا على الرد والكتم مثل ماقالت أختي قريش بالضبط..وبالنسبه لشعرك انتبهي اذا كان مصبوغ صبغه كيميائيه ماأدري يمكن يحرق الشعر مثل الصبغه بعدين حنا يعدم الشعر.


    فجر الخيول(f)

    لاا حبيبتي انتِ شكلك تقصدين العلب الجاهزه اللى مكتوب عليها الحنا السوداء صح؟؟
    هذي يقولون خطره وتسبب الخبيث اعوذ بالله منه لانها مكونه من مواد قويه جدا
    انا قصدت بالصبغه السواء الكتم.

    قريش(f)

    تسلمين حبيبتي على المعلومات افدتينا الله يجزاكِ خير.


    الغــــرور(f)

    مره ثانيه الله يجزاكِ خير و يعطيكِ العافيه.

  8. #8
    عروس متألقة
    تاريخ التسجيل
    09/09/2006
    الدولة
    في عيونــــها
    المشاركات
    214
    مهــــــا الامورة....

    العــــــــفو ياعيوني... ولو احنا خوات واي استفسار الغـــرور موجوده فديتك.........


    ويجزاك الجنه معاي ان شاء الله.....


    بس ان شاء الله انك استفدتي وخواتي استفادوا.....

    تحياتي

  9. #9
    عروس نشيطة
    تاريخ التسجيل
    08/06/2006
    الدولة
    السعــودية
    المشاركات
    163
    بنات لو سمحتوا..
    ابغى اعرف كيف طريقة استخدامة

    واذا تأثر عالشعر ولا لأ..
    لأني أخاااااف تسبب تساقط لشعر
    او تخشنة


    مشكورين مقدماً

  10. #10
    عروس متألقة
    تاريخ التسجيل
    09/09/2006
    الدولة
    في عيونــــها
    المشاركات
    214
    هلا حبيبتي الطريقة سهلــــــة...

    والطريقة هي:
    بعد ماتحطين الحنااا وتغسليــــــنه بالماااااي بس.... بعدين تاخذين اشوية كتـــــم مع ملعقتين روب واشوية ماي دافي...وتحطينه بشعرك تقريبا" ساعة تقريبا" او على حسب اللون اذا تبينه غامق تتركينه اكثر.... وبعدين تغسلين شعرك بالشامبو............... وبس...


    واذا تسألين عن تساقط الشعر.......؟؟؟ لا هو بالعكس مفيد للشعر وانتي بتشوفين النتيجه.......


    وسلامتك


    تحياتي

  11. #11
    عروس متألقة
    تاريخ التسجيل
    15/06/2002
    الدولة
    خليجنا واحد
    المشاركات
    232
    وداعتك قلبي(f)

    مشكوره على تواصلك اتمنى انك استفدتي من الموضوع..



    (f) الغــــــــرور(f)

    :clap: ماأقول إلا ماشاء الله عليكِ والله يكثر من امثالك من اللى يحبون ينفعون غيرهم..


    دمتي بود

  12. #12
    عروس متألقة
    تاريخ التسجيل
    09/09/2006
    الدولة
    في عيونــــها
    المشاركات
    214
    هلا اختي مهــا الامورة...... هذا مواجبنا.......... احنا خووات بهالمنتدى....


    وانتي الله يكثر من امثالك بطيبة قلبك..... .....

  13. #13
    visitor
    زائر
    السلام عليكم خواتي
    انا اليوم حطيت الكتم بشعري بصراحة عجبني وايد لان شعري فيه شيب ومااستخدم غير الحنة مع انه نشف الشعر شوى بس ناوية باجر أحط حمام زيت ..

  14. #14
    عروس جديدة الصورة الرمزية RaSeL
    تاريخ التسجيل
    18/06/2006
    الدولة
    السعودية
    المشاركات
    0
    بنات أنا شعري فيه صبغة وعلى آخرها ولونها أشقر يصلح احط كتم والا ما يطلع اللون كويس
    ومشكوره اختي على موضوعك

  15. #15
    عروس متألقة
    تاريخ التسجيل
    09/09/2006
    الدولة
    في عيونــــها
    المشاركات
    214
    مرحبا حبيبتي السائله.....

    بصراحه ماعندي خبر وان شاء الله الخوات يسعدونك....


    بس اللي اعرفة ومتاكده منه... هو ان امي تستخدمه بعد الحنا على طول علشان يغمقه...


    السموحه فديتك........


    تحياتي

صفحة 1 من 7 1234567 الأخيرةالأخيرة

المواضيع المتشابهه

  1. الى صدى الام.......لشعر جذاب هذي التفاصيل
    بواسطة أم موفق في المنتدى ركن العناية بالشعر
    مشاركات: 3
    آخر مشاركة: 03/03/2011, 01:12 PM
  2. 25 سؤال لشعر صحي جذاب
    بواسطة قاهرتهم انا في المنتدى ركن العناية بالشعر
    مشاركات: 13
    آخر مشاركة: 27/03/2010, 09:42 PM
  3. @ الملطفات{{{البلسم}}} لشعر جذاب @
    بواسطة *جميلة الجميلات* في المنتدى ركن العناية بالشعر
    مشاركات: 33
    آخر مشاركة: 24/12/2008, 02:49 PM
  4. لشعر جذاب بلا عذاب
    بواسطة nicolramii في المنتدى ركن العناية بالشعر
    مشاركات: 12
    آخر مشاركة: 15/08/2008, 04:56 PM
  5. خلاطات لشعر جذاب وصحى ولامع
    بواسطة mesmesha في المنتدى ركن العناية بالشعر
    مشاركات: 6
    آخر مشاركة: 04/07/2005, 04:57 AM